راديو اللمة ألووو ألووو اهداءات

[الامين محمد]

عندنا تفضلو ضيافت مزيود جديد

ألوووووو ألووووووووووووو
نداء الى كل اهل اللمة الاعزاء
راها اختي ريحانة عاضتكم كااامل

ربي يبارك ليكم اخيتي ريحان
ربي يجعله صالحا صحيحا طيبا مباركا
بارا بوالديه

 

[خديجة ph]

الو الو صباط طالو ههههه توحشت نقولها ذكريات التيليفون وما لعبنا بيه
المهم اهدي تحياتي الى من حضر و غاب و ما ننساوش من تحت التراب ربي يجمعنا بكل الاحباب
اهديها لأخواتي البنات طاهرات المعدن النقيات
ولاخواني الاوفياء اصحاب الفطنة و الذكاء
و الكبار و الصغار راكم معانا اصحاب قرار
واللي عندهم دراسة و واجبات و سهر و تطلعات نقولهم ربي يرزقكم التوفيق الاجتهاد خير رفيق
و اللي غلبته المروضات ربي يعجل بالشفاء
واللي مقبلين على الزواج اتهلاو في الخطيبات كثروا الكادوات
واللي يستناو في الوليدات ربي يرزقم الصالحين منهم و الصالحات
واللي يلقط في الدريهمات ربي يبعث ما يلبي الاحتياجات
هههه نولي نكتب البوقالات

 

[Rochdi.dz]

يا مول الراديو قولنا راه يمشي ولا حابس!

 

[secret de coeur]

يا مول الراديو قولنا راه يمشي ولا حابس!

رحت حوست عليه فالأرشيف وجبتو

 

[السلطانة]

تحية حارة بالفلفل والهريسة لكل اللماويين

 

[Adem4dz]

يا مول الراديو قولنا راه يمشي ولا حابس!

يظهرلي جد الراديو هذا حابس ههههه

 

[secret de coeur]

صحا شوشو
مرسي على تحية وليك منا تحية فيها شوية مقروط معسل برك متكثريش
تحية لكل واحد يعرف سوكري دو كور ولا مزال متفكرها

 

[Rochdi.dz]

رحت حوست عليه فالأرشيف وجبتو

خاطر شفتك نتي تحوسي عليه

 

[Rochdi.dz]

يظهرلي جد الراديو هذا حابس ههههه

سيبون راهم ريغلوه و رجع السينيال تقدر تقدم تحياتك لي ماتوصلش

 

[Rochdi.dz]

الحصول تاست ميكرو
اندو ساز اندو اندو ساااز ساااز
صافا راه بيان
تحية كبيرة ليزونسيان تاع اللمة واحد واحد بيت بيت زنڨة زنڨة ان شاء الله كامل اموركم مليحة و هانيين

 

[إلياس]

لكل فرد و عضو من أعضاء اللمة لكم حب و ود في بيتنا الثاني

 

[Rochdi.dz]

تحية كبيرة للي مانساوناش

 

[Adem4dz]

تحية كبيرة للي مانساوناش

مام ألي نساونا نرسلولهم تحياتنا لعلى وعسى يتفكرونا ههههه

 

[ام عبد الله]

أحم أحم قالو كاين راديو
أهدي تحياتي بالي وامي واخي واختي وجماعت التيلي ههههه ماعلاباليش علاش تفكرت الجياحة ذي

 

[ام عبد الله]

سلامي لكل من عرفني بإسم حياة المحبة وكل من شاغب مع Nina Dz ولكل اصدقاء @أم عبد الله ديديكاس ل يعرفوني وناس اللمة سآك
اشتقت إليك ياانا

 

[Oktavio_hinda]

تحيتي لكل الحاضرين والغائبين
​

 

[Oktavio_hinda]

تحية خاصة لكل الأمهات والآباء الي راهم يتعبو مع ولادهم في فترة الإمتحانات، وكل أعضاء اللمة كل واحد بإسمه الحقيقي وإسمه المستعار

تحيتي لك اختي ربي يحفظك ويسعدك

لكِ مني بستان ورود لروحك الجميلة​

 

[Rochdi.dz]

ديديكاس كبيرة للي قرى هذ الجملة

 

[secret de coeur]

Happy Women's Day
ليا ولكامل نساء اللمة والجزائر
Stay Strong

 

[dahman kz]

الوووو الوووو
مساء النوررر سكان كوكب اللمة