منتدى اللمة الجزائرية يعود من جديد بالحلة الجديدة

[الامين محمد]

شكرا لكم على المجهودات
المنتدى اصبح غاية في الروعة
ما زلت هامل هههههههههههه
لازمني وقت باش نتاقلم

 

[AmiR@RoRo]

السلآم عليكم
فالاول ماعجبنيش الستايل وجاني مغموم ههه نحبو الالوان وهدا راه رمادي ههه
لكن بعد ما قريت الخصائص روعة وخفيف ظريف
عجبتني خاصية tag وحتى خاصية المسودة عيينا نكتبو جريدة بغلطه كلش يروح هه
بارك الله فيكم رانا نستناو فالباقي
وفقكم الله

 

[السلطانة]

وعليكم السلام ورحمة الله وبركاته
ماشاءالله الله يبارك
فيكم اصبح المنتدى اروع بكثير من قبل
مع الميزات الجديدة اكيد سنصبح اكثر تعامل معه
والتعود على الشكل قضية وقت مثل ماتعودنا على الايستايل الجديد
ألف مبارك لكِ يالمتنا في عيدك أحلى هدية

اعجبني اضافة الوان جديدة وبهذه الحلة

 

[لؤلؤة قسنطينة]

السلام عليكم
وصباحكم سعيد ولذيذ بعودة منتدانا الغالي
أول شي نشكر كل من راهو يتعب ليل نهار باه يجدد المنتدى ويدخل ليه تقنيات جديدة تسهل التعامل فيه
يعني بارك الله فيكم راكم تبذلو في جهد عظيم غير باه ترضيونا وتفرحونا
اما فيما يخص شكل المنتدى الجديد اكيد رايح يجينا غريب في البداية وهذا يعتمد على الاعتياد فقط
ولكن صراحة نحب الاستكشاف ههههه راهو عاجبني الحال
وحسب واش قريت في الموضوع هادا وحسب واش شفت شوي في هاد الستايل الجديد كاين بزاااف تقنيات راائعة جديدة اضيفت للمنتدى
كيما خاصية الاسم يعني توضع اسم عضو وهو يعرف انك تكلمت عليه ولا تحتاجو يعني جميل جدا
وايضا لما تختار عضو تابع كل جديدو كردود ومواضيع شيء جميل تاني الله يبارك
ايضا لما نضيفو رد ضفتولنا الوان مختلفة ورائعة صراحة الالوان السابقة كانت محدودة وكئيبة نوعا ما فقط لو يتم اضافة انواع خطوط جديدة
يعني هادا ماكان فقط لو يرجعو المدونات برك في اسرع وقت لأني مانقدرش نعيش بلا بيها هههه
ربي يوفقكم ولكم كل الشكر والتقدير وبالتوفيق لمنتدانا الغالي وعودة ميمونة ان شاء الله
تحياتي​

 

[فيتامين سي]

شكرا شكرا ...بصح درك 5 اشهر ادا والفت

 

[فيتامين سي]

@ام راس يابس

 

[فيتامين سي]

نظام السمعات ملقيييتهش .....

 

[لؤلؤة قسنطينة]

@Hiba habouba
نظن ماكانش سمعات مازالو مارجعوهاش للمنتدى

 

[sosobibicha]

السلام عليكم
شكرا لكم و بارك الله فيكم على المجهودات المبذولة
ربي يكون عونكم ان شاء الله
اما عن الشكل يبدو غريب نوعا ما لكنه رائع ما شاء الله
انا الان في مرحلة الاستكشاف هههه
الله يبارك
دمتم بخير
في امان الله ​

 

[الورد الأحمر]

السلام عليكم ورحمة الله وبركاته

صباحكم جميل ...

بالنسبة لاستفساراتكم حول النقائص وحول بعض النقاط:
- لون المنتدى في صفحة انشاء موضوع أو في صفحة الموضوع لم يتم العمل عليه بعد أي بعد اكمال العمل سترجع الألوان كما كانت في اللمة القديمة (تم العمل على ألوان الواجهة فقط لحد الآن) .
- إضافة أنواع خطوط أخرى سيتم العمل عليها لأنها أسهل ما قد يكون أمام ما مازال كأعمال لابد من الاسراع بها .
- السمعات أو التقييمات لم يتم العمل عليها بعد لأنها نظام بحد ذاته وأيضا الأوسمة .

أي مع الوقت ستتحسن الأمور وتصير كما كانت سابقا ومضاف عليها المميزات الجديدة .

فقط مسألة وقت وشوية صبر

 

[Skor m@k]

@لؤلؤة قسنطينة
عجبتني تاع الtag هذي هايلا ههههه
تقول رانا في تويتر هههههه
تانيت عجبتني تاع كي تكتب وتلقاها مسجلة اااووووو هايلا هذيك عيينا فالأول
ان شاء الله المنتدى يولي أحسن مما كان عليه
وان شاء الله نزيدو حنا الأعضاء نساهمو فيه ونطلعوه
شكرا لكم
​

 

["viola"]

السلاام عليكم جماعة الخييير ...يعني رحت رحت و كي رجعت لقيتكم بدلتو القيطون :'(

ضركا ما نجي نوالف حتان ...الولف كيف ساهل و الفراق ما قدرت عنو خخخ..

مهم شكرا لمجهوداتكم و ان شاء الله نوالفوه و خلاص

توحشتكم أوباشي ^^ ​

 

[لؤلؤة قسنطينة]

@"viola"
مع التقنية هادي نجيب الشعب كامل هنا هههه
اهلا بيك فيوليتا ليك وحشة حبيبتي مرحبا بيك
ورانا كامل كيف كيف اليوم وين تفتح المنتدى ورانا نستكشفو في الخبايا تاعو
عودة ميمونة عزيزتي

 

[secret de coeur]

وعليكم السلام ورحمة الله وبركاته
هاني كنت غير نسنى فيها تفتح ماحبيتش نعلق عليك لهيه ( الضفة الثانية تعنا) قلت زعما نبين روحي مانيش مقلقة نشوف الستيل جديد ، آ نوغ تقييمات طيرتوهملي ههههه تعبي وشقايا تاع شحال من عام فاللمة رمضان كامل وانا هنا خخخخ .. نضحك برك
اييي انا عجبتني العصرنة وسيرتو التاغ حاجة فور
مليحة سيرتو فالنقاشات باش الواحد مايتحجج ويقول ماشفتش المداخلة زمن الحجج ولى
مرسي @صآحبة القبعة الحمرآء نونوغتي الى الأمام
زيدولنا عفسة تاع بلوك وتكمل على خير تتهناو من شكاوي نتوما تاني

 

[Malika Tlm]

السلام عليكم
توحشناكم ياخي الحالة طوالت علينا ههههه
ربي يجازي كل الواقفين علي التجديد هدا صراحة مزالني جايني كلش غريب ههههولكن نتوالفوا مع الوقت ان شاء الله
ربي يديم جمعتنا يارب
تحياتي

 

[الزهرة الحمراء]

السلام عليكم احبتي
اولا مبروك علينا الفيلا الجديدة تع اللمة
مازالني هذا وين دخلت راني نستكشف فيها شبر شبر
راهي طايرتلي شوية بزاف عفايس مانيش عارفتهم مبصح ماتخافوش عليا قدها وقدود خخخخ
درك في ساعة نتحلب لكل شيء ونطيرهالكم
عالعموم وبلا تكثار الهدرة مبروك علينا الستيل الجديد وهكا مليح مرة على مرة نبدلوا شوية
تحياتي

 

[Mustapha Bita]

مساء الخير
مبروك
اصبح جميل جدا

 

[الفتى المغامر]

السلام عليكم اان شاء الله راكم ملاح
توحشناكم
أولا عيد سعيد للمة
وبارك الله فيكم استايل رائع ومع الوقت نفهموه أكثر
مشكووووورين
في أمان الله

 

[لؤلؤة قسنطينة]

@صآحبة القبعة الحمرآء
اختي نسقسيك مركز التحميل تاع اللمة ماكانش؟
واذا كاين كيفاه نقدرو ندخلولو

 

[الورد الأحمر]

وعليكم السلام ورحمة الله وبركاته
هاني كنت غير نسنى فيها تفتح ماحبيتش نعلق عليك لهيه ( الضفة الثانية تعنا) قلت زعما نبين روحي مانيش مقلقة نشوف الستيل جديد ، آ نوغ تقييمات طيرتوهملي ههههه تعبي وشقايا تاع شحال من عام فاللمة رمضان كامل وانا هنا خخخخ .. نضحك برك
اييي انا عجبتني العصرنة وسيرتو التاغ حاجة فور
مليحة سيرتو فالنقاشات باش الواحد مايتحجج ويقول ماشفتش المداخلة زمن الحجج ولى
مرسي @صآحبة القبعة الحمرآء نونوغتي الى الأمام
زيدولنا عفسة تاع بلوك وتكمل على خير تتهناو من شكاوي نتوما تاني

هههه مجنونة
التقييمات أي ترجع حبيبتي مسألة وقت برك .
ولبلوك راه كاين من أيام اللمة لقديمة اسمو هنا تجاهل . تقدري تبلوكي لي حبيتي باه ما تشوفيش خليقتو خخخخ .
هيا مرحبا بيك هنا حبيبتي .