خيمة قدامى مجاهدي و محاربي اللمة ( الاعضاء باللون الازرق خاصة )

مرحبا بيك
أكيد راح تكوني خفيفة علينا كي الريشة 😂😂
إن شاء الله نشوفو مشاركاتك هنا ومواضيع حصرسة لك وتنشطي لنا المنتدى لم لا؟ 😁
مىحبا بك مجددا و اهلا بمن هو جديد بيننا فإنه بمرتبة القدماء طبعا لا فرق بالنسبة لي إذا نحن صادفناه كل مرة ❤

الله يسلمك مرسي حنونة
 
و الله يا اختي الغالية ماسيتيلي الخيطان التاع المشاعر
البكية بسيف حكمتها و الله

ربي يجمعنا بكل احبابنا اللي صح حبيناهم
و عشنا معاهم ايام زينة
و امتزجت دموعنا و افراحنا و قصصنا و مشاعرنا
حتى اصبحنا عايلة واحدة

اللي راهم يجو يطلوا بالزيارات و الروحو بلاما يسجلوا
رجاء افهموا اننا اشتقنا لكم
 
ااسلام عليكم

يا حسراه وحد الأسماء كي قريتهم رجعتني لوحد ليام ... هاذو بالاك كاين منهم لي تزوج و كاين لي نسانا و كاين لي خدم ...
انا مانيش عضوية زرقا بصح نورمالمو كن داروني gris تالمو قديمة من ٢٠٠٨ و انا هنا فوت الطفولة و المراهقة والشباب و ضروك كثرت المسؤولية مع دار و زوج ذراري الله يبارك الوقت يجري و حنا نجرو موراه ربي يقدرنا بصح هاكاك و خطرة خطرة نضربو دورة ..
للعلم انا بكريييي كنت "نور*خ" و مبعد وليت "lovely smile " و ضروك راني هاك
 
حتى ومايكونش لون عضويتي ازرق نصحح وجهي ونجي زادمة 😂😂ريحة الشوا خبطتني حتى راحلي التركيز هههه
نهارك زين محمد ان شاء الله تكون بالف خير..
شوف سبحان الله من مفارقات الحياة وباه تعرف الدنيا كيفاه دارت فينا رأيها
محمد كان يظال عقابنا فالمواضيع "يغلق بسبب الدردشة " 🥸😎 النفس نقطعوها

واليوم جاي هو يابعد يفتح قيطون للشياخة 🫣🥸 ههه.
اكيد محمد الواحد كل مايكبر تكبر مسؤوليته
ويكثروا التزاماته ربي يعين كل مومن يارب
انا من شفيت وانا متضاربة مع الدنيا نهار تغلبني ونهار نتغلب ونسكت 😂😂😂😂
ربي يعين برك
صحيت موح
نجيب
سنيوة تاي ونقعد نكبر الجماعة 😄

 
وعليكم السلام خويا موح
وفكرتنا في ياسر ناس عزاز علينا نسينا اساميهم في اللمة عدينا معاهم ايام حلوة وغابو
ربي يسمعنا اخبارهم و ربي يسمعنا بيهم الخير
مانيش عارف اذا راك متفكرني وله لا بالصح نعرفك ونشفالك مليح ونشفالك مرة بعثتلي رسالة وقتلي المشرف الفلاني ظلمني وحڨرني هههه
ونشفالك ساعه ساعه تهبط تصاورك
اسمي كان قبل _دحمان_ ومدة اخرى كان الكناري ..هاذو للي شفيتلهم اذا ما خانتنيش الذاكرة
كبرنا او ولينا نودرو هههه
 

نتلاقاو ان شاء الله في عين ولمان و نسلك لخويا الشوى تستاهل ..

غير البارح و نا نشوف في الردود تاوعك بمامين و ميني فريد هههه

كان بكري عندي الوقت نكتب الشعر و الخواطر ... ذرك اذا لحقت نلبس قشي راني مليح

الله يعزك خويا فريد .. حتى انت نعم الرجال ربي يبارك في اخلاقك




جابتني ريحة الشواء صحيت صحيت خويا موح كثر منهم انا خوك

ياتل الجماعة هاذي الكل راهي حرقت لاوروبا بقينا فيها احنا برك

معلابالكمش بلي موح لوصاج يكتب الشعر بالفرنسوية

من بكري حساس وجونتي وسطايفي حر
 
انا خوك عيطلي لخونا المصمم Rochdi.dz قولو ارواح طل علينا دقيقة برك ماتجيب معاك والو توحشناك
هههه هاني جيت ا خويا عرضني موحا درت كلاكاتي في يديا و جيت نجري و زدت لقيتك والله صافي بليزير ♥️
والله ليكم وحشة و وحشة لليامات لي فوتناهم هنا
انا حسبت صايي اللمة واحد مااره يدور فيها!
واش راهم الجماعة الحاضرين؟
 
اهلا بلي جا و كشما جاب معاه :) :sneaky:

راكي لابسة لحمر تدخلي بلا مزية ههه

منعقلش عليك كيما يقولو تاع الغرب ..بصح كنتي تحطي مواضيع بزاف سيرتو في اقسام المتوسط و الابتدائي ...

و خيك يخي استاذ فرونسي كنت تبع شوي مواضيع نجي باساجي برك


تفكرت هاذ الموضوع مهوش بلغة موليير .. راهو بلغة شكسبير :) بدلي العنوان اذا حبيتي


اختبار في مادة اللغة الفرنسية 2022


يعطيك الصحة على مجهوداتك في اللمة تستاهلي نتي ثاني تكريم




جينا بلا عرضة ريحة الشوا 😄
 
نتلاقاو ان شاء الله في عين ولمان و نسلك لخويا الشوى تستاهل ..

غير البارح و نا نشوف في الردود تاوعك بمامين و ميني فريد هههه

كان بكري عندي الوقت نكتب الشعر و الخواطر ... ذرك اذا لحقت نلبس قشي راني مليح

الله يعزك خويا فريد .. حتى انت نعم الرجال ربي يبارك في اخلاقك
والله ااصباح هذي من زهري خليت ااثلج في سطيف و هبطت ميسيونص لعين ولمان وكي لحق وقت لغدا اضريت نروح لعين ازال لمهم نع داك البرد في بلاصة الشوا تاع عين ولمان دزيت الدوبارة لهيه 🤦😄
 
أهلا خيتي شوشو

سجلتي من ورايا بقطع شهر .. و مزال شافي اياماتك لولين في اللمة .. كانت امبيونص صح .. و زدتي خلعتيهم بشرطية اللمة هههه

الوقت هذاك كنت مداير Cyber-café .. كي كانت الانترنت عزيزة ههه . كان يجي الغاشي يكونيكتي .. و خرين يلعبو لي جو .. و مكناش نروحو حتان

للساعتين تاع الصباح .. و كان يحكمني الفيد ولازم نبقى حاكم la caisse .. من بعد سجلت في قداش من منتدى .. الشروق .. الجلفة .. اللمة 2 ..

المنتديات التعليمية ... مخليت حتى حاجة مسجلتش فيها .. من بعد مع الفايس بوك بدات تفرغ الحالة بالشوي ...

رانا هنا كيما قلتي بعد كثر من 13 سنة في نفس البلاصة .. نطلو على الاطلال ... بصح الحمد لله راكي هنا نتي و فريد وشوي جماعة خرين يعطيكم الصحة ...

كيما كنت مراقب عام كان يهمني الحظر تاع العباد لي مش متربيين لي داخلين يفسدو اكثر من المواضيع .. بصح سوايع سوايع كنتو تعميوها

بالدردشة .. متخليو موضوع تاع راديو ولا تاع اهداءات ... كل واحد يجي يشارك يتبعوه عشرة خرين يقصرو معاه هههه الوقت الزين

انا عندي ذرك ثلث ذراري ربي يكبرهم في طاعتو .. اكبرهم يقرى السنة الثانية ..

الوقت صعيب و المسؤولية زادت ... ربي يحفظهم ان شاء الله و يحفظلك وليداتك و العايلة الكريمة








صباح الخير ياجماعة الخير
وانا كالعادة يفوتوني الزرد 😅
ايا سمعت يااااو عليكم الڨالمة جيت
خويا محمد واش نقولك
خونا الكبير أستاذنا الشاعر أحد أعمدة اللمة لي منسيناهش
نشفالك كي كنت تبات سهران في اللمة
هذاك الوقت واش كنت تكتب مواضيع في المنتدى العام وواش راك تهدر
وقت كنت مراقب هههه كنا نهرسو المواضيع بالدردشة مباعد نخافو منك تحذفلنا مالغري كنت ناس ملاح 😎
😂😂😂زعم كنت عضوة مباعد مشرفة منتدى عالم المرأة هذاك الوقت.
ذرك الواحد كبر وكثرت مسؤولياتو
وعدت نقري بنتي تقرا سنة اولى
وطفل عمرو 3سنين
ربي يقدرنا ويحفظلنا وليداتنا
 
يا حصراه على اللمة تاع زمان نهار كان الفايسبوك يڨزيستي بصح حنا خاطيينو
نشفى مليح سجلت عضويتي لولة في 2008 عقبت وقيل 8 سنين هايلين سيرتو لعوام لولين هنا جامي ننساهم كان لواحد صغير و طايش هههه لمهم والله لواحد راه يحن ساعات لهدوك لوقات تاع المنتدة و الضحك و عفس عفس فالميضوعات و طيييط و منتدى النكت و التصميم و كل حاجة كانت مليحة في اللمة ♥️
لوكان تعاودو تلموهم شوي هنا ديرو مزية درك لواحد يروح للبلدية يبدل لادات نيسونس و يجي 😄
 
و عليكم السلام و رحمة الله

اهلا بيك ختي الصحافية .. اكيد تلاقيت بمواضيعك و ردودك .. كنتي تضلي تحكي مع ليليا و مريم على الخطبة و الزواج و الناس بجميع اصنافهم اكسيتيرا .. و كانو يعيطولك فطوم الطمطوم ...

راكي مزالك ناشطة بسلامتك .. يعطيك الصحة ..



يخي هاذي نتي ولا كذبت ؟


لا أحد يعرف عني شيئا ... لذا ليحكي منا لغدوة الصباح :cool: هاذي لخرة زدتها من عندي للضرورة الشعرية كه كهكه

15203323_172134356590361_255083359045785120_n (1).jpg


السلام عليكم و رحمة الله
مرحبا بخونا القدماء.. مالغري انا من اللي سجلو فالمنتظى هذا في 2017 لانه كنت بعضوية الصحافية الساخرة و دوك رجعت بعضوية جديدة اللي هي هذه "Tama aliche" علابلي واحد ما يعرفني 😂😂 لكن كاين بزاف عرغتهم هنا ما يهمش الى هوما عرفزني ولا حبوني ما يهمش مهم انا نعرفهم ونحبهم بزاف و فوت معاهم لحظات رااائعة تمنيت نلقاهم كما @لؤلؤة قسنطينة و @Skor m@k اللي يقولو سكر محروق 😂😂 و @ليليا مرام اللي نحبها بزااف ونتمنالها تبرى من مرضها ياااارب و @sanaya mery الكاتبة والغالية على قلبي الصابرة الي كافحت ومزال تكافح هذي اختي ونبغيها بزاااف وراهت غاايبة مدة معرف وينها انا رجعت وهي غاابت و كذلك @dahman kz و @فريد أبوفيصل اللي نحترمهم بزاااف و @الامين محمد اللي بحال خويا ونتمنى يفرج عليه ربي و يحفظله وليداته يااارب و يشفيه..

 
ان شاء الله يولو هاذو الاعضاء و كامل الاعضاء لي عرفناهم

انا خرجت تقريبا في 2016 ... دخلت للتعليم .. و عدت منلقاش الوقت الفارغ .. هاذا الوقت نتي سجلتي على بيها ماتكروازيناش ...

في 2017 توفات الوالدة ربي يرحمها .. و من هاذاك الوقت بدات تسماط الامور .. و حت الاعضاء لي عرفتهم كانو راحو .. مالا رحنا حنا ثاني

و البركة في للي مزالو هنا ...








بزاااف توحشتهم كيما Sallah habachi اللي درتو بطلرواسة المير و حماية الفضاء 😂😂😂 وين راك يا صلاح حبشي زمن الجتهلية و الحرق ق 😂😂 خسارة كي خرج هذا من اللمة إنسان بزاااف هايل مخرحتليش العضوية تاعو؟؟؟
@الأزرق الملكي و @حلم كبير اللي كنت نتلاقى بيهم فقسم منتدى بوح القلم وكانو يغيبو وكي يرجعو يطرطقوها بالحصري تاع اقلام تاعم ويا ترى على حلم كبير اللي كنت حاطاتها طفلة وهو راجل هههه فالغربة وكان عندو مشاكل ياا ترى عساااك بخير

وخلي هذيك مهبولة تاع @فيتامين سي و اختها @ام راس يابس الهبااال هذو 😂😂😂 فيتامين من اللي تزوجت مازاد بانت عساااك هانية وبخير ولا هبلوك الاولاد 😂
والله كون نجبدكم كامل ما نحصيكم تالمون حبيتكم كيما @Soumia hadj mohammed يا اختي ها ضربي طلة انتي نشتيييك بزاف
@يونس قاسم والبالون 😂😂😂 مع الحبشي صلاح حااالة 😂😂
و السي @البحر الهادي اه الاستاذ و البي كان جايبها ورايا يا ترى أين انت بلاك نسيت عليا ولا وينك ايييه وينك يا استاذ 😂
و هذيك @حروف منتهية وينها كانت هي وصلاح ورا بعض يمنكرو فيا وزد درتها البطلة تاع رواية معاه 😂😂😂 واقيلا الحروف تاعك خلاصو صح فينها بلاك بدلت عضوية؟

بزاااف منهم حبيتهم والعضوية ماتخرجليش تاعهم ممكن بدلو الأسماء ها انا نطالب الادارة بمنع تغيير الاسماء باش كي نغيبو ونرجعو نعرفو الزملاء تاعنا هااا مالكم كل خطرة اسم 😂😂😂
والله يا هذا الازرق الملكي كان يعرف يكتب بزاف حتى ما نفهمش عليه وين رااه وتفكرت واحد يسموه @العنقاء هذا وينو كان يكتب و يضرب معاني ايا انت وافهم 😂😂 الشيخ العنقاء ياااه

غير كون يرجعوا ونعاودو نتلايمو 😭😭😭
قمر الوادي اللي كانت تنتقذني اتتقاذ رااائع وتنصحني ما اروعك وينك و @خديجة ph راكي هنا بصح ماوليناش نتلاقاو فالمواضيع عساك بخير



وانت moh. انا لاول مرة نشوفك هنا من اللي دخلت اللمة جامي تصادفت بيك؟؟؟
 
هههه هاني جيت ا خويا عرضني موحا درت كلاكاتي في يديا و جيت نجري و زدت لقيتك والله صافي بليزير ♥️
والله ليكم وحشة و وحشة لليامات لي فوتناهم هنا
انا حسبت صايي اللمة واحد مااره يدور فيها!
واش راهم الجماعة الحاضرين؟
اهلا اهلا طل الزين طل
يشدلنا في الشواء نتاع موح جابكم
ياخويا عاش من شافك واشراك حوالك لاباس صحتك عايلتك ؟
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top