نصيحة لكم يا طلبة!

[جليلوس]

عزيزي الطالب علابالك بلي القراية و الخوف جامي يتلاقاو !
من واش راك خايف ؟ ياك راك تقرا علاه تخاف!! شوية ثقة بالنفس شوية شخصية وشبيكم خايفين قاع هكا تقول الباك حا يقطع الريسان
او ساهل ساهل على الفصول و في متناول التلميذ المتوسط، مشي تروح تحل الصعيب التعجيزي كي متعرفش تحل تقول الباك صعيب
موش صعيب او واش قريت برك + ميدرولكش كلشيي
في ميزك نتا سوجي تاع سيونس في 4 ورقات يديرلك بروغرام تاع كلاسور كامل؟
متظلوش خايفين بسكو الخوف راه يخليك تقرا غير باش تقول قريت ، و المعلومات يجيب ربي ، يخليك تنسا و تتفرفرش
شوية شخصية و ثقة بالنفس و بعدو على السلبيين هذوك لي يظلو يخوفو فيكم
نهار كامل فلستوري يخوف فالناس ، و يطلق فالإشاعات ها مرة باك اختياري مرة باك 15 مدير بيه والو
الله يهديهم هذو لي دايرين مشاعر الطلبة لعبة باش يلمو غير ليجام و لي زابوني
ربي يوفقكم و اقراو بدون خوف و وكلو اموركم لربي ، انت قرا دير لي عليك و كلش بيد ربي ، علاش راك خايف؟ انت راجع و كلشي يبقى بيد ربي سبحانو و الدنيا قضاء و قدر.
تحت شعار
الباك_أسهل_بإذن_الله​

 

[وۣۗهۣۗہۣۗم]

ربي يوفقهم كامل
ونفرحوووا معاهم ان شاء الله

 

[جليلوس]

ربي يوفقهم كامل
ونفرحوووا معاهم ان شاء الله

اللهم لا تحرمهم من فرحة النجاح يارب

 

[جليلوس]

للتذكير فقط عزيزي الطالب
الأدوات المدرسية اللازمة لإمتحان شهادة البكالوريا وشهادة التعليم المتوسط
أولا و الأهم على الإطلاق
الاستدعاء + بطاقة التعريف (ممكن بطاقة مدرسية)

تشري une trousse كبيرة ، دير فيها :
آلة حاسبة (من الأفضل casio أو kajib)
الستيلويات (3 زرقاء او سوداء )،
الإيفاسور الاحسن الابتعاد عنه وعدم استعماله
ممحاة نوعية جيدة،
قلم رصاص ،
مبراة،
منقلة ( دائرة نسبية فالاجتماعيات)
مسطرة 20 سم ذات تدريجات واضحة
كوس ،
مدور
متوسطة الحجمgraveuseأهم عنصر
قارورة ماء صغيرة + حبات حلوى و شيكولا ،

بالنسبة لأصحاب التقني هندسة مدنية و ميكانيكية يزيدوا هاذو :
بورت مين
مسطرة الدوائر
مدور
لي مين تاع القلم
و ناكد على لڤراااافووز

يا مجاهدين
نستعمل السيالة الخضراء او تراسور لتاطير او تلوين الكلمات للمفتاحية في الموضوووع
لا نستعملهما في كتابة الإجابة.

تضعون الاستدعاء و بطاقة التعريف داخل المقلمة باه تضمن متنساهمش ، وباه متنحهمش و منبعد تنسى تردهم

#تنبيه احتفظ بنسخة من الاستدعاء pdf في هاتفك و نسخة مطبوعة في المنزل ( احتياط )

وجدهم من الآن ماشي حتى ليوم الإمتحان

 

[إلياس]

سلمت يداك على الطرح ، بالتوفيق للجميع إن شاء الله

 

[جليلوس]

دعاء لطلبة الباكالوريا

في هذا اليوم المبارك اللهم كن مع اصحاب الباكالوريا وقت النسيان فذكرهم، وكن معهم وقت السؤال فأجبهم.
اللهم اشرح صدورهم ،ويسر امورهم ،واحلل عقدة من ألسنتهم
اللهم ثبت أقدامهم
اللهم أنزل السكينة في قلوبهم
اللهم ذكرهم اذا نسوا ،اللهم علمهم اذا جهلوا
اللهم لاتحرم احدا منهم من فرحة الباكالوريا.
اللهم سهل لهم ويسر عليهم ولا تصعب عليهم مسألة ،
اللهم افتح على قلوبهم واربط على صدورهم بحفظك
اللهم افتح على عقولهم فتوح العارفين
اللهم انا نستودعك كل شيء درسوه وحفظوه وفهموه
فرده اليهم يا الله عند حاجتهم اليه ردا جميييييلا

اللهم ارزقهم التوفيق والنجاح وسهل امرهم واجعل
البسمة تغمر محياهم بعد الخروج من الامتحان
اللهم ألطف بهم في تيسير كل عسير فإن تيسير العسير عليك يسير يا الله
بالتوفيق والنجاح ان شاء الله للجميع

ربي يوفق طلبتنا الأعزاء ان شاء الله

 

[إلياس]

ربي يوفقك يارب العالمين اجمعين كل طلبة المقبلين على شهادة البكالوريا