السلام عليكم انا طالب بكالوريا شعبة علوم تجريبية من مواليد 97 يعني هاذي المرة الاولى اللي نجوز الباك وجامي لا عاودت السنة ولا هكا بالعكس ديما متميز ونجيب معدلات ملاح نلحق حتى 15 وكي ما نقراش حلاص ندي 13 و12 بصح هاد العام فالليسي تاعنا مالفصل اللول بدا التزيار والضغط وكثرة الدروس والفروض فجائية( تارمينل ومازلهم الاساتذة بهاد العقلية معانا) والاختبارات اصعب ما يكون قريت بكل طاقتي وسهرت اليالي نحل التمارين ونحفظ آخرتها ديت 12 :-o والله تشوكيت جامي قريت وصراتلي هكا بصح الله غالب الديفو ماشي فيا كامل التلاميذ هبطو فالمعدل حتى اللي كانو يدو 18 هبطو ل 14 وكامل طاحلنا المورال وبسيف تداركنا شوية فالعطلة تع الشتا عاودنا حلينا هادوك الاختبارات و راجعنا باش ننحو الاشكال شوية شوية الحمد لله رانا يد وحدة
لحق الفصل الثاني بسم الله يا فتاح يا رزاق فرض فيزياء، وتع العلوم قالنا وجدو روحكم هاد السمانة راح يكون فجائي وختمتها تع المات بفرض تع 2سوايع ستيل باك حرنا واش نراجعو مالدروس اللي كانو ما طاحوش فالفصل الاول يعني ما راجعناهمش حتى فالعطلة خليناهم خاطر كانو ناقصين قلنا خلي نكملوهم مع الاساتذة فالليسي وليكور باش اوامبعد ربي يعمل التاويل
مالا هاديك السمانة جوزناها كوشمار الحاصول بلا ما نحكي كامل كنا نقراو مع بعضانا وبسيف باش دينا نقط معقولة انا عن نفسي ديت 10 رياضيات و 16 فالعلوم و الفزياء 12.5 والباقي كل واحد كيفاه كاين اللي ما داو والو على هادي حمدت ربي ليل ونهار مادام قدرت نسلك روحي فهادوك الفروض وباقي المواد كل واحد خدم على حساب فهامتو وحفاظتو والفروض الثانية درنا برك علوم فجائي كي العادة تقول هاداك الاستاذ يحبلنا الخسارة وتطياح المورال، لا علينا والفيزياء خدمت مليح
وامبعد كي شمو ريحة الاضراب ناضو الاساتذة كامل يجرو فالدروس راسنا ما رفدناهش كل يوم نقراو مال8 تع الصباح حتى ال5 تع العشية وخلينا مالجريات تع ليكور فالويكاند ودرك رانا فالاضراب فايتين شهر ما قرينا فيهم والو غير شوية مع الجماعة ساعات نتلاقاو فالليسي نحلو تمارين ولا نلخصو شي دروس تع الفلسفة وجماعتها.... ولا فالدار ماشي غير انا حتى زملائي شكاولي ما قدرناش نقعدو فالبيرو عيينا،وانا راني جايبها غير رقاد غير فالليل نحل الكراس كشما نقرا تجوز نص ساعة ننعس نرقد هادا كامل العيا تع قبل الاضراب ورانا نقراو ليكور و3اساتذة ماشي مضربين دارين دروس واحد ما يروح وزيد دارو اختبارات وحدهم انا حضرتهم وديت مليح وآخرتها ما يتحسبوش قالك "ماكاش فصل ثاني" والاضراب مازال مفتوح وحنا ضعنا وليوم الهايلة وزعولنا لي cd طليت عليه ما يصلحش ناقص بزاف ونهار الاحد (اللي لورمالمون عطلة) قالك يمدولنا كلمة السر باه نقراو فالانترنت
و كاين استاذ تع العلوم حبس الاضراب قالك على جال رانا متاخرين بزاف وغير دخل لولبارح دارنا فرض فجائي الله يسطرنا دخل معول عالمشاكل ... وبدا درس جديد وقالنا فالعطلة نديرو تمارين ومراجعة عامة
وشوية اساتذة تطوعو يديرولنا مراجعة بتخبية (لانهم مضربين) وعندنا ليكور فنفس الوقت حرنا وين نروحو هنا ولا لهيه
قولولي واش ندير راني نحس بالعجز وساعات نقول الباك ما نديهش مور ما كنت نحلم بمعدل 16 وماكاش العتبة غير على جال السيدي والمودباس يعني الوزيرة قالت قراو وحدكم والعتبة انساوها ! دوكا فهموني انا مع الاستاذ ويا ربي دوكا وحدي نروح نقرا نطمع نفهم وندي مليح صدقوني راني ضعت خلاص والتقلاق قتلني قريب نولي بالدواوات المهدئة راني نرعش وما قدرتش نحكم ستيلو نبدا ماللول نراجع حرت منين نبدا والباك قعدلو شهرين
اللي عندو الخبرة يقولي واش ندير راح نهبل وراني شايف الباك راح نعاودو وكل يوم كوشمار ومارانيش نرقد مليح ولا ناكل مليح اللي يقولكم التلاميذ ضاعو ماراهش يكذبو عليكم هادا كي راني الحمد الله لاباس بيا ندير ليكور وعندي كلش راني ضايع ومساكن اللي ما عنهدمش كيفاه؟؟
ربي يخليكم قولولي كيفاش ندير
اسمحولي طولت عليكم فرغت قلبي
شكرا لكم على هذه المساحة
وربي يحفظكم
لحق الفصل الثاني بسم الله يا فتاح يا رزاق فرض فيزياء، وتع العلوم قالنا وجدو روحكم هاد السمانة راح يكون فجائي وختمتها تع المات بفرض تع 2سوايع ستيل باك حرنا واش نراجعو مالدروس اللي كانو ما طاحوش فالفصل الاول يعني ما راجعناهمش حتى فالعطلة خليناهم خاطر كانو ناقصين قلنا خلي نكملوهم مع الاساتذة فالليسي وليكور باش اوامبعد ربي يعمل التاويل
مالا هاديك السمانة جوزناها كوشمار الحاصول بلا ما نحكي كامل كنا نقراو مع بعضانا وبسيف باش دينا نقط معقولة انا عن نفسي ديت 10 رياضيات و 16 فالعلوم و الفزياء 12.5 والباقي كل واحد كيفاه كاين اللي ما داو والو على هادي حمدت ربي ليل ونهار مادام قدرت نسلك روحي فهادوك الفروض وباقي المواد كل واحد خدم على حساب فهامتو وحفاظتو والفروض الثانية درنا برك علوم فجائي كي العادة تقول هاداك الاستاذ يحبلنا الخسارة وتطياح المورال، لا علينا والفيزياء خدمت مليح
وامبعد كي شمو ريحة الاضراب ناضو الاساتذة كامل يجرو فالدروس راسنا ما رفدناهش كل يوم نقراو مال8 تع الصباح حتى ال5 تع العشية وخلينا مالجريات تع ليكور فالويكاند ودرك رانا فالاضراب فايتين شهر ما قرينا فيهم والو غير شوية مع الجماعة ساعات نتلاقاو فالليسي نحلو تمارين ولا نلخصو شي دروس تع الفلسفة وجماعتها.... ولا فالدار ماشي غير انا حتى زملائي شكاولي ما قدرناش نقعدو فالبيرو عيينا،وانا راني جايبها غير رقاد غير فالليل نحل الكراس كشما نقرا تجوز نص ساعة ننعس نرقد هادا كامل العيا تع قبل الاضراب ورانا نقراو ليكور و3اساتذة ماشي مضربين دارين دروس واحد ما يروح وزيد دارو اختبارات وحدهم انا حضرتهم وديت مليح وآخرتها ما يتحسبوش قالك "ماكاش فصل ثاني" والاضراب مازال مفتوح وحنا ضعنا وليوم الهايلة وزعولنا لي cd طليت عليه ما يصلحش ناقص بزاف ونهار الاحد (اللي لورمالمون عطلة) قالك يمدولنا كلمة السر باه نقراو فالانترنت
و كاين استاذ تع العلوم حبس الاضراب قالك على جال رانا متاخرين بزاف وغير دخل لولبارح دارنا فرض فجائي الله يسطرنا دخل معول عالمشاكل ... وبدا درس جديد وقالنا فالعطلة نديرو تمارين ومراجعة عامة
وشوية اساتذة تطوعو يديرولنا مراجعة بتخبية (لانهم مضربين) وعندنا ليكور فنفس الوقت حرنا وين نروحو هنا ولا لهيه
قولولي واش ندير راني نحس بالعجز وساعات نقول الباك ما نديهش مور ما كنت نحلم بمعدل 16 وماكاش العتبة غير على جال السيدي والمودباس يعني الوزيرة قالت قراو وحدكم والعتبة انساوها !
دوكا فهموني انا مع الاستاذ ويا ربي دوكا وحدي نروح نقرا نطمع نفهم وندي مليح صدقوني راني ضعت خلاص والتقلاق قتلني قريب نولي بالدواوات المهدئة راني نرعش وما قدرتش نحكم ستيلو نبدا ماللول نراجع حرت منين نبدا والباك قعدلو شهرين اللي عندو الخبرة يقولي واش ندير راح نهبل وراني شايف الباك راح نعاودو
وكل يوم كوشمار ومارانيش نرقد مليح ولا ناكل مليح اللي يقولكم التلاميذ ضاعو ماراهش يكذبو عليكم هادا كي راني الحمد الله لاباس بيا ندير ليكور وعندي كلش راني ضايع ومساكن اللي ما عنهدمش كيفاه؟؟ربي يخليكم قولولي كيفاش ندير
اسمحولي طولت عليكم فرغت قلبي
شكرا لكم على هذه المساحة
وربي يحفظكم
