إحزر الطبق المفضل للعضو

[حاتم خليفة]

هذه صورتها من الانترنت

في بسكرة اسمها شخشوخة وموالفين نطيبوها

 

[dahman kz]

مرحبا استاذي عبد الرحمن
الخليع هو اللحم المجفف أو القديد لكن طريقتنا نحن لا تشبه باقي الطرق نحن الخليع اللحم نحطوه في كمية كبيرة تاع ملح ونخلوه يرقد حتى يطلق الماء تاعو ومن بعد كينشف من الماء نشيحوه ونخبوه ونهار نجو نطيبو بيه نحطوه في ماء سخون يطرا ويروحلو الملح .لأنه كاين الخليع يديروه بالتوابل والطماطم وزيت الزيتون نحن لا نحطو اللحم في كمية كبيرة تاع ملح فقط .

ايه هو القديد عندنا و نفس طريقتنا في التحضير
لكن الاجيال الحالية عندنا ما عادش ياكلوه
الي مازالو ياكلو القديد في منطقتنا هم البدو و الرحل الي عايشين البرى في الصحرا

المفرمسة هي نوع من الشخشوخة كاين يسميها الرقاق وكاين يسميها شخشوخة البرنوس وكاين يسميها النعمة الي تجي ورقة فوق ورق يعني حتى طيب كامل بعد نقطعوها ونديرو مرق باللحم او دجاج وحمص ونفوروها ونسقوها بالمرق
اكيد تعرفها فقط الاسم مبدل

نعم نفسها عندنا الكسرة الرقيقة نسموها رقاق وبعد مايقطعوها ويزيدولها المرقة نسموها شخشوخة
إختلاف مسميات فقط
شكرا على التوضيح

 

[dahman kz]

هذه صورتها من الانترنت

@الامين محمد

هاو الخير الي يحطم المشاعر

 

[حاتم خليفة]

لي بعدي يحب شخشوخة الظفر

​

 

[فاتن سيلين]

العفو استاذي عبد الرحمن
نحن الخليع ما يخطيناش كعولة نستهلكوه بزاف خاصة في الشتاء
.....
نبغيها

الي بعدي يبغي كسكسي الشعير بالخضار

 

[إلياس]

صراحة لست من عشاق الطبق كثيرا لكن يؤكل خاصة في فصل الشتاء
لي بعدي
تحب بوزلوف محمر

 

[مقهورة]

اكثر حاجة منحملهاااش
لي بعدي تحب الخشوخة

 

[الديباج الرقيق]

واش هي الخشوخة ؟

 

[الديباج الرقيق]

ولا قصدك الشخشوخة ؟

 

[إلياس]

ولا قصدك الشخشوخة ؟

اظن كما قصدت الشخشوخة

 

[فاتن سيلين]

الي بعدي
يبغي التريدة (هي نوع من الشخشوخة تجي مربعات وليست نفسها شخشوخة الظفر فرق بينهما)

 

[إلياس]

من عشاق التريدة كثيرا خاصة مع اللحم
لي بعدي تحب الشرشم

 

[مقهورة]

من عشاق التريدة كثيرا خاصة مع اللحم
لي بعدي تحب الشرشم

بزاااف
لي بعدي يحب طاجين الزيتون

 

[إلياس]

اجبه اكله كثيرا
لي بعدي تحب كسكس بالحليب أو اللبن

 

[الديباج الرقيق]

عمري ماكليتو نسمع بيه برك ...
لي بعدي تحب الفول ..مالقيتش واش نقول

 

[مقهورة]

عمري ماكليتو نسمع بيه برك ...
لي بعدي تحب الفول ..مالقيتش واش نقول

نو مناكلوش
لي بعدي يحب طاجين متوم

 

[إلياس]

من عشاق المثوم طبق لا يقاوم بورك فيك
لي بعدي تحب طبق اللحم مفور

 

[فاتن سيلين]

نبغيه

الي بعدي يبغي دشيشة المرمز

 

[إلياس]

نبغيه

الي بعدي يبغي دشيشة المرمز

نموت عليها خاصة لما تكون حارة
لي بعدي تبغي كسكس بالسمك

 

[الديباج الرقيق]

نموت عليها خاصة لما تكون حارة
لي بعدي تبغي كسكس بالسمك

لا احبه للاسف .عمري ماكليتو ...

لي بعدي طعام