ظاهرة الجنازة

[سعد نايلي]

الجنازة..ربي يرحم كل موتى المسلمين.. لكن.... هل لاحظتم ان اهل الميت لم يصبحوا يظهرون ذلك الحزن العميق على الشخص الميت..وكانه ذاهب مشوار وراجع..
انا لا اقصد الحزن يعني الصراخ واللطم والعويل..فهذا مكروه وحرام وانا اكره هذه المظاهر ...
وانما لو حظر الانسان جنازة فانه سيلاحظ نوعا من البرود على اقاربه وحظورهم وكانما واجب او الزام..
تلقاهم دايرين جماعات ..الضحك والقصرة والقهاوي وكانهم في عرس
ينتظروا الغداء او العشاء بفارغ الصبر
وهناك من يذهب حتى الى التنويع في الاطباق المقدمة والماكولات....
ومرة احد الاقرباء مات في راس السنة قاموا بتوزيع الحلوة والمكسرات على الناس والاطفال...
مارايك في هذه المظاهر؟؟؟؟

 

[أم إسراء]

الميت كي يروح يروح على أهل بيته، أما الباقين لقاو مكان ياكلو و يستقهواو ببلاش، و ضحك و حكايات و تبديل الملابس كأنه عرس.
صراحة في وفاة الوالد أو أمي ربي يرحمهم لقيت و شفت و فهمت علاش أمي تحب أهل أبي أكثر من أهلها، كي عمومي في وفاة بابا ربي يرحمو و وفاة أمي كيف محضنينا و يبكيو بيهم بزوجاتهم.
عماتي في جنازة أمي كيف كانوا لدرجة أنه البعض من الجيران كانو يحسبو عماتي أخوات أمي كي شافوهم حازنين بعكس اخواتها لي كل ساعتين يبدلوا قندورة جديدة
فتحت باب مؤلم في ذاكرتي بلا الحكايات تاع يستناو في الاكل و الحلويات و الشاي و غيره ربي يجيب الخير و يرحم موتانا

 

[ام أمينة]

في جنازات اليوم ولينا نشوفو ناس حاضرة بجسدها و غايبة بروحها
ما بقاش الحزن باين في الوجوه و كأن الفقدان مجرد مناسبة تمر
الموت موش عرضة أو تجمع هو لحظة تحبس النفس وتذكرنا أننا كلنا لله و كلنا راحلون لا مفر
و الرحمة الحقيقية تكون في نظرة صامتة و في دعاء من القلب ماشي في الأكل أو ضحكة متناسين أنهم في عزاء

مشكور على الموضوع

 

[إلياس]

شيء مؤسف يقع في الجنازات هذا الايام بين ضحك و لعب حتى من اقرب الناس الى المتوفي والله رايتها بعيني عند وفاة أبي رحمه الله تعالى رأيت بعض أفراد العائلة جاءوا في اليوم الأول من وفاة أبي كشما عشاء رانا جوعنا قلنا لهم عدنا حزن غضبوا منا كثيرا و انتشر الخبر في الحي نسكن فيه و اخذوا يتكلمون في انا و اخوتي و امي لحق بهم الأمر حتى السب و الشتم فينا والله المستعان و امي لما سمعت و انا و اخوتي و سمعنا منهم هذا الكلام و الله لم نجد ما نفعل نحزن على أبي و أو نحدثهم في الأمر
اعطوني رايكم اخوتي فيما حدث
بورك فيك على طرحك القيم و المميز

 

[أم إسراء]

شيء مؤسف يقع في الجنازات هذا الايام بين ضحك و لعب حتى من اقرب الناس الى المتوفي والله رايتها بعيني عند وفاة أبي رحمه الله تعالى رأيت بعض أفراد العائلة جاءوا في اليوم الأول من وفاة أبي كشما عشاء رانا جوعنا قلنا لهم عدنا حزن غضبوا منا كثيرا و انتشر الخبر في الحي نسكن فيه و اخذوا يتكلمون في انا و اخوتي و امي لحق بهم الأمر حتى السب و الشتم فينا والله المستعان و امي لما سمعت و انا و اخوتي و سمعنا منهم هذا الكلام و الله لم نجد ما نفعل نحزن على أبي و أو نحدثهم في الأمر
اعطوني رايكم اخوتي فيما حدث
بورك فيك على طرحك القيم و المميز

في وفاة أبي درنا العادات البالية تاع لغذا و لعشاء 3ايام ، و السهرة ووو لكن الشيء لي شفناه في جنازة الوالد تاع جيب طرف لحم لفلان، جيب صحن سلطة جيب التاي جيب الحلوة.. في جنازة أمي ربي يرحمهم جميعا تصادف وفاتها مع الحجر تاع كورونا. مادرنا ولا شيء أصلا قلناهم نعذروكم حتى لو ماتحيوش لأنه انا و اخواتي و اخي كنا تقريبا طيلة فترة تواجدها في المشفى معها garde malade. و هكيك كيما قلت بقاو تاع ماطيبتيوش و مادرتيوش لكن عادي خويا الناس تديرلهم تهدر ماتديرلهمش تهدر هذا المجتمع لي رانا عايشين فيه للاسف. و انتم مادرتوش شيء غالط.