ظاهرة التصوير

[لؤلؤة قسنطينة]

السلام عليكم ورحمة الله وبركاته
وأسعد الله أوقاتكم وملأها بركة
بدون لفّ أو دوران ندخل في الموضوع مباشرة
المعروف أنو الناس تحب تتصوّر وتحبّ تصوّر، بكري كنا نتصورو لتوثيق اللحظات يعني تحب بعد عام وعامين أو 10 تشوف نفسك كيفاه كنت
تشوف اصدقاءك وتتفكر اللحظات الجميلة والمناسبات، يعني تتصوّر في عيد ميلاد في عيد في عرس في رحلة أو سفر كل هذه اللحظات تحتاج أنا نتفكروها
لكن في الوقت الحالي ولا التصوير مرض وولات فيه مضرة للغير وعدم احترامهم مابقاتش حاجة تخصنا بولينا نصورو الناس، بلا مانحكيو على قصص الابتزاز
لي يروح عرس يصور ولي يروح بلاصة يصور ويهدد بيها الناس ويخرب بيها البيوت، معليش نتصورو ونفرحو ونوثقو اللحظات الجميلة
لكن دون إزعاج الغير وبدون تفكير شيطاني، مثلا رايح تتصور في عرس علاه تصور أمة محمد كاملة معاك وعلاه تصور في فلانة تشطح ولخرا تسربي في القاطو
واش دخلك فيهم صوّر روحك واشبع من نفسك وديري سيلفي مع وجهك الجميل الناس وحريتهم خط أحمر مهما كانت تصرفاتهم ومهما واش دارو
والحاجة لي حبيت نركزّ عليها اليوم بالذات ولي نوضتلي الخوخ في مخي هي بعدما خلصو علينا البلايص والمواقف والمناسبات تاع التصوير انتقلنا للجنائز
هادي لي مادخلتش راسي، الميت مخرجينو من دارو البكا طالع ومنظر تقشعر منه الأبدان والناس حاكمة التيليفونات ويصورو؟ راكم في عقولكم؟
يا ولدي واش تصوّر؟ عريس مدخلينو يحط الخاتم؟ ولا رئيس معدي في موكب؟ راهو ميت يا عباد ربي من المفروض راك تبكي تيليفونك وتنساه في اللحظة هاديك
ماشي وسط جنازة ونتا هاز التيليفون وتصور في الجنازة كيفاه خارجة، يعني واش رايح تشوف مثلا؟ الميت رايح يتصور معاك سيلفي؟
على الأقل احترم ظروف أهل الميت وحالتهم كي يشوفوك في اللحظة هاديك بدل ما تواسيهم حاكم التيليفون وتصور كي ما لحقكوش بالميت راك مليح
يعني الأعراس نقولو بالاك تصوّر وتنعت للناس لي ماحضرتش تشوف كيفاه فات العرس واش دارو قاطو بصح الجنائز يخي كامل كيف كيف
رايحين يلبسو الخواتم مثلا ولا يقطعو الطارطا؟ ولا يدخلو صينية بقلاوة؟ يخي ميت مخرجينو علاه العجب هادا مالا
والعادة الأخرى هي تصوير القبور، تلقى واحد مداير القبر مثلا تاع أهلو فون ديكرون تاع التيليفون، ولا يديرلو تعديلات على تطبيقات التصوير
وينشرو في مواقع التواصل الاجتماعي درك يصور القبر ولا ينشرو يدبرو راسو هادي حاجة تخصو ربي يسهل عليه
بصح هل الميت يحتاج لصورة قبرو على تيليفونك؟ هل يحتاج كي تجي تزورو تحكمو تشك تشك بالتصوار؟ راهو يحتاج الدعاء تما والصدقة
التصوير خلقوه الناس للاحتفاظ بالمواقف الجميلة وبجوه الأحباب ماش للابتزاز وللغباء في بعض المواقف، لأنو كاين أمور مالازمش نصورو فيها
واش رايكم في هاد الأمر؟ هل هو عادي؟ أم أنو خرج على حدو؟
إليكم الخط
في أمان الله وحفظه​

 

[الامين محمد]

الحقيق’ اختي مريم الأفضل و الأحوط منع التصوير في الحفلات أو في المحلات
لأنه النتائج في الغالب هي مشاكل أسرية و خراب بيوت
أما ظاهرة الهواتف عموما فاتت كل حدود العرف و العقل
و أصبحنا نعيش مع كائنات تعيش أفتراضا لا واقعا
أما السيلفي فعادة العرب إن مسكوا عادة اتخموا منها حتى حد الغثيان
فالسيلفي جعلنا كالقردة في الغابة حركات عشوائية فوضوية لا معنى لها و لا ذوق فيها
و جعلتنا هته التكنولوجيا عموما في غفلة و الساعة قاب قوسين و نحن لاهون
نسأل الله الهداية و السداد

 

[zohor kfz]

ربي يتبت علينا العقل و الدين .... اسم هاد التبهديل ؟؟؟ يا لطيف ... لعراس مراناش نمشولهم مسبت التصوار و دروك زادونا حتى العزاء ... و الله غير تنارفيت و معرفتش اسم نكتب ... الله يلطف بعبادو و يهدي ما خلق ... لكان الموت مهزتاش اسم هي الحاجة لي بيها يتاعض ؟؟؟
الناس تطور و تزيد للقدام و حنا عباد كيما هادو يجبدو فينا لتالي

 

[faith8]

سلام الله عليكم ورحمة الله وبركاته

واش رايكم في هاد الأمر؟ هل هو عادي؟ أم أنو خرج على حدو؟

رايي انو من قلة الاحترام واللباقة يصورو الناس بلا شور بلا دور وتع الجنازات قالتلهم ارقدو على الاقل يحترمو هيبة الميت رايحين يدفنوه ويتفكرو فالدنيا بلي فانية وما يدوم غير الصح ولا يا سيدي احتراما لمشاعر اهل الميت على الاقل سيبا نورمال
هو طبعا امر غير عادي بتاتا وصح خرج على حدو وبعد لهيه
يعطيك الصحة مريوم بردتيلي قلبي هدرتك قمة
تحياتي للجميع
دعواتكم

 

["viola"]

السلام عليكم
والله عندك الحق في كلش تحيري فالعباد سيرتو لي يكونو يديرو فالسالفي يدخلوك معاهم فالكادر -_- الله يسترنا لازم نبانو قاع باه تخرج الفوطو مليحة!
ولي تنارفيني كثر هاذوك لي يحكمو اي حاجة يصورها و يطلعوها فليقروب يضحكو فالغاشي واحد هاز صاكادو فالبحر يصوروه يقولو استاذ البحر -_- عايلات يروحو يدو فطورهم يصوروهم و يقولو جيعانين كي شغل مفهمتش انا الناس مش عايشة حياتها عايشة في حياة لخرين
و تاع الجنازة قاتلهم ارقدو نغطيكم
ربي يهدينا و صاي
صحيتي مريامة ​

 

[لؤلؤة قسنطينة]

الحقيق’ اختي مريم الأفضل و الأحوط منع التصوير في الحفلات أو في المحلات
لأنه النتائج في الغالب هي مشاكل أسرية و خراب بيوت
أما ظاهرة الهواتف عموما فاتت كل حدود العرف و العقل
و أصبحنا نعيش مع كائنات تعيش أفتراضا لا واقعا
أما السيلفي فعادة العرب إن مسكوا عادة اتخموا منها حتى حد الغثيان
فالسيلفي جعلنا كالقردة في الغابة حركات عشوائية فوضوية لا معنى لها و لا ذوق فيها
و جعلتنا هته التكنولوجيا عموما في غفلة و الساعة قاب قوسين و نحن لاهون
نسأل الله الهداية و السداد

صباح الخير أخي الامين واعتذر على التأخر في الرد
بصراحة كلامك صحيح أخي الأمين التصوير يخصنا نحن وفقط وماشي الامة كاملة
وكيما قلت التصوير داروه الناس لتوثيق اللحظات الجميلة ماش لاستغلال الناس وابتزازهم
حتى وين ولات الأعراس فرجة على مواقع التواصل الاجتماعي
وعجبتني السيلفي جعلنا كالقردة ههههه والله حالة المشكلة لما نتبعو حاجة نطوروها
ونردوها سلبية بلا مانحسو وبدل ماتكون وسيلة تواصل تولي فيها أذى للغير
أما الظاهرة لي صح تخليك بلا راس هي التصوير في الجنائز يعني ظاهرة جد سيئة
وفيها الكثير من قلة الاحترام، نسأل الله الهداية والثبات
شكرا أخي الامين على كرم مرورك بارك الله فيك ويوم موفق ان شاء الله
تحياتي​

 

[لؤلؤة قسنطينة]

ربي يتبت علينا العقل و الدين .... اسم هاد التبهديل ؟؟؟ يا لطيف ... لعراس مراناش نمشولهم مسبت التصوار و دروك زادونا حتى العزاء ... و الله غير تنارفيت و معرفتش اسم نكتب ... الله يلطف بعبادو و يهدي ما خلق ... لكان الموت مهزتاش اسم هي الحاجة لي بيها يتاعض ؟؟؟
الناس تطور و تزيد للقدام و حنا عباد كيما هادو يجبدو فينا لتالي

أهلا حبيبتي صباح النور ان شاء الله أحوالك بخير
شفتي كيفاه؟ الانسان مالقى ما يقول الأعراس ديجا وظاهرة التصوير فيها ولات مزعجة
ومؤذية للغير، وهكاك وتقولي بالاك العرس هو ارض خصبة للفضول يعني الناس تحب تصور
القاطو وتصور الديكور ووو ورغم أنو هاد الشي ماش من حقهم وتقولي بالاك غلب عليهم الفضول
بصح الجنازة بعدا؟ الميت مخرجينو وهوما بالتيليفونات يصورو يعني كارثة
وربما راهي ظاهرة غير منتشرة بزاف لكن صدقيني رايحة تولي عادة ورايحة تنتشر بسرعة
تعرفي شعبنا يتبع غير الشي الفاسد للأسف
ربي يهدينا ويهديهم ان شاء الله
شكرا حبيبتي على كرم مرورك بارك الله فيك ويوم موفق ان شاء الله
تحياتي​

 

[لؤلؤة قسنطينة]

سلام الله عليكم ورحمة الله وبركاته



رايي انو من قلة الاحترام واللباقة يصورو الناس بلا شور بلا دور وتع الجنازات قالتلهم ارقدو على الاقل يحترمو هيبة الميت رايحين يدفنوه ويتفكرو فالدنيا بلي فانية وما يدوم غير الصح ولا يا سيدي احتراما لمشاعر اهل الميت على الاقل سيبا نورمال
هو طبعا امر غير عادي بتاتا وصح خرج على حدو وبعد لهيه
يعطيك الصحة مريوم بردتيلي قلبي هدرتك قمة
تحياتي للجميع
دعواتكم

وعليكم السلام ورحمة الله وبركاته
صباح النور أمونة ويومك طيب عزيزتي
فعلا كلامك صحيح لأنو حقا من قلة الاحترام واللباقة التعدي على حدود الغير
وتصويرهم بدون إذن، تاع الجنازات صدقيني تخليك بلا راس لأنو حرمة المكان والجو هاداك
مايسمحلكش حتى ترفع تيليفونك وتصور وكن حتى كاينة حاجة تستدعي التصوير
يعني كيما قلتيها سيبا نورمال، لدرجة تتمناي تفتحي عقل الناس وتشوفي كيفاه يفكرو
ربي يهدينا ويهديهم ان شاء الله، شكرا حبيبتي إيمان على كرم مرورك
بارك الله فيك غاليتي ويوم موفق ان شاء الله
تحياتي
​

 

[لؤلؤة قسنطينة]

السلام عليكم
والله عندك الحق في كلش تحيري فالعباد سيرتو لي يكونو يديرو فالسالفي يدخلوك معاهم فالكادر -_- الله يسترنا لازم نبانو قاع باه تخرج الفوطو مليحة!
ولي تنارفيني كثر هاذوك لي يحكمو اي حاجة يصورها و يطلعوها فليقروب يضحكو فالغاشي واحد هاز صاكادو فالبحر يصوروه يقولو استاذ البحر -_- عايلات يروحو يدو فطورهم يصوروهم و يقولو جيعانين كي شغل مفهمتش انا الناس مش عايشة حياتها عايشة في حياة لخرين
و تاع الجنازة قاتلهم ارقدو نغطيكم
ربي يهدينا و صاي
صحيتي مريامة ​

وعليكم السلام ورحمة الله وبركاته
صباح النور أمونة ويوم طيب عزيزتي
والله غير كارثة، وعجبتني يدخلوك معاهم في الكادر هههه يتوحشوك يديوك معاهم للدار ههههه
والله حالة ولينا في الاعراس نعسو رواحنا تتوسوسي من كل وحدة هازة تيليفون خاطر الحالة ماتعجبش
أما حكاية أنك تصور الناس بظروفهم وحالاتهم وتنشرها للضحك هادي قلة أدب وتربية صراحة
واش دخلك انسان هاز صاكادو ولا فيل فوق ظهرو؟ وكتاه نتعلمو نحترمو الناس ونخليوهم في حالهم؟
ي الخارج يصبغو شعورهم بألوان غريبة ويلبسو ملابس غريبة لوكان حتى يعدي واحد قدامهم
معرف واش هاز مايشوفوش معاه كل واحد متلهي بروحو غير عندنا للأسف كلشي محل سخرية
وتاع الجنازة ماش غير قاتلهم ارقدو قاتلهم ديرو قيلولة هههه والله حالة ودرك عام عامين
تلقايها انتشرت بشكل كبير، ربي يهدينا ويهديهم ان شاء الله
شكرا أمونة على كرم مرورك يوم موفق عزيزتي
تحياتي​

 

[أبو عاتكة]

انتقلنا من تصوير حوادث الموت الى تصوير الجنازات والدفن واللحظات الاخيرة للاحتضار مصيبة عوض انو الانسان يحتفظ لنفسه بهذه اللحظات المهيبة ويعتبر منها نلقاوه يصور فاقدا الاحساس برهبة المكان ومشاعر الناس.
ضيعنا الاذكار وما يقال في كل حالة يصادفها الانسان وبدل التسبيح والاستغفار والاسترجاع نتفنن في ضبط اعدادات التصوير واختيار المكان المناسب للالتقاطة.

لو كان التصوير في جنازاتنا هو لسبب توثيق جرائم حرب او عمليات ارهابية لكان السبب مقنع لكن تصور جدّك يحتضر وتصور جنازتو ومكان دفنه ماذا توثق ومالنفع من كل هذا سوى أنه جياحة ماعندها حتى معنى. تصورو اليوم وغدوة متتفكرش باه تزورو في المقبرة للدعاء له.

تصوير الاعراس والقاعات والحرمات كارثة أخرى خاصة خاصة لما تكون صاحبة الهاتف بنت صغيرة او مراهقة انا متأكد ألف في المية ان كل ما تلتقطه من صور يمر لكل الاصدقاء الذكور بالاناث دون ان ننسى ما يمرر من صور عبر مواقع التواصل. والدليل الفضائح المنشورة في كل مكان عبر الانترنت.
والبعض يستغل الصور للتفريق بين الازواج وتصل حتى فبركة الصور والضحية ممكن تكون غافلة ومحصنة.

وفي كل شيء واجب الانتباه للستر والاحتشام خارج البيوت اذا كان عرس فهذا لا يعني انو حفلة تعري وربي يهدينا ويهدي هؤلاء الامر خرج عن حده واسُتغل لغير غايته وعوض توثيق لحظات خاصة مميزة اصبحنا نوثق لحياة الناس على كوكب الارض.

يعطيك الصحة.

 

[وۣۗهۣۗہۣۗم]

السلام عليكم موضوع جميل احسنتى طرحا
ماخراا خرجت ظاهرة عندنا انوو اللى تجى باه تصور فالعرس يقولولها موالين العرس انوو تصور غير العروسة ياخى جات على جالها ولا واش قال ???? مى كاين ناس والله الدخان يخرجوه من راسك ملى تدخل للعرس وهى سالفي ورا خوه هههههههه ومرات والله متنحي حيجابها تلقاها بدات ?????? هادوو فناجل صورتهم هادوو مغارف صورتهم حتى صبابط ومطلقتهمش حاشكم قيمتكم اعلى ?????? وحتى برى يعنى فالشارع ويعجبك فالكارتى تاعهم تلقهاهم كل صبح بصورة كل عشية بصورة علاه راح ينقرض هاد الكارتى ولا وحتى فالمدارس تدخل تلاقهم اكل بالسالفي مع صبورة مع البيروو مع طابلة هاديك تحسبهم يمووووووووتو عليها ?????? اخر كلمة ربي يثبت علينا العقل والدين??????

 

[لؤلؤة قسنطينة]

انتقلنا من تصوير حوادث الموت الى تصوير الجنازات والدفن واللحظات الاخيرة للاحتضار مصيبة عوض انو الانسان يحتفظ لنفسه بهذه اللحظات المهيبة ويعتبر منها نلقاوه يصور فاقدا الاحساس برهبة المكان ومشاعر الناس.
ضيعنا الاذكار وما يقال في كل حالة يصادفها الانسان وبدل التسبيح والاستغفار والاسترجاع نتفنن في ضبط اعدادات التصوير واختيار المكان المناسب للالتقاطة.

لو كان التصوير في جنازاتنا هو لسبب توثيق جرائم حرب او عمليات ارهابية لكان السبب مقنع لكن تصور جدّك يحتضر وتصور جنازتو ومكان دفنه ماذا توثق ومالنفع من كل هذا سوى أنه جياحة ماعندها حتى معنى. تصورو اليوم وغدوة متتفكرش باه تزورو في المقبرة للدعاء له.

تصوير الاعراس والقاعات والحرمات كارثة أخرى خاصة خاصة لما تكون صاحبة الهاتف بنت صغيرة او مراهقة انا متأكد ألف في المية ان كل ما تلتقطه من صور يمر لكل الاصدقاء الذكور بالاناث دون ان ننسى ما يمرر من صور عبر مواقع التواصل. والدليل الفضائح المنشورة في كل مكان عبر الانترنت.
والبعض يستغل الصور للتفريق بين الازواج وتصل حتى فبركة الصور والضحية ممكن تكون غافلة ومحصنة.

وفي كل شيء واجب الانتباه للستر والاحتشام خارج البيوت اذا كان عرس فهذا لا يعني انو حفلة تعري وربي يهدينا ويهدي هؤلاء الامر خرج عن حده واسُتغل لغير غايته وعوض توثيق لحظات خاصة مميزة اصبحنا نوثق لحياة الناس على كوكب الارض.

يعطيك الصحة.

أهلا بكَ سيّدي الكريم سعيدة بتواجدك في موضوعي
وحقا إنها لمصيبة أن ستهين بلحظات هامة ومؤثرة وعتبرها كحدث يستحق التصوير
والتفنن في اختيار زوايا الالتقاط المناسبة، يعني هل لهذه الدرجة ماتت قلوبنا؟
وبالمناسبة تذكرت الصورة الكاريكاتورية التي تعبر عن شخص يغرق في المحيط وبدل أن يسعاده
أحدهم وهو على الضفة فإنه يكتفي بتصوير المشهد وهذا حقا ما وصلنا إليه
فإن كان كما قلت هنالك سبب وجيه من التصوير فلا باس به لكن أن نصوّر بداعي المحبّة كما ذكرت
ونحن لا نتذكر موتانا لا بالدعاء ولا بزيارة قبورهم المهجورة
أما ظاهرة التصوير ككل بغض النظر عن الجنائز فهو كارثة فقد أصبح الكبير والصغير لا يخلو جيبه
أو حقيبة يده من هاتف نقال فيقوم بتوثيق كل ما يراه أمامه عرس أو رحلة أو حتى في الشوارع
لم يعد هنالك أدب واحترام لخصوصيات البشر واصبح همّنا الوحيد هو نشر الفضائح والتفريق بين الأحباب
وأنا مع آخر ملاحظة وضعتها في ردّكن ففيما يخص الأعراس حتى وإن كانت داخل بيت على المرأة
أن تحافظ على حجابها وسترتها، فالمشكلة هذه الأيام لم تعد تواجد الرجال بالقاعة أو بغرفة العرس
بل هنالك كاميرات تنقل للرجال كل ما يريدونه سواء كانوا حاضرين أم لا
ربي يهدينا ويهديهم ان شاء الله
بارك الله فيك على ردك ورمروك الطيب وكلامك القيّم
تحياتي​

 

[لؤلؤة قسنطينة]

السلام عليكم موضوع جميل احسنتى طرحا
ماخراا خرجت ظاهرة عندنا انوو اللى تجى باه تصور فالعرس يقولولها موالين العرس انوو تصور غير العروسة ياخى جات على جالها ولا واش قال ???? مى كاين ناس والله الدخان يخرجوه من راسك ملى تدخل للعرس وهى سالفي ورا خوه هههههههه ومرات والله متنحي حيجابها تلقاها بدات ?????? هادوو فناجل صورتهم هادوو مغارف صورتهم حتى صبابط ومطلقتهمش حاشكم قيمتكم اعلى ?????? وحتى برى يعنى فالشارع ويعجبك فالكارتى تاعهم تلقهاهم كل صبح بصورة كل عشية بصورة علاه راح ينقرض هاد الكارتى ولا وحتى فالمدارس تدخل تلاقهم اكل بالسالفي مع صبورة مع البيروو مع طابلة هاديك تحسبهم يمووووووووتو عليها ?????? اخر كلمة ربي يثبت علينا العقل والدين??????

وعليكم السلام ورحمة الله وبركاته
أهلا حبيبتي مساء النور ومرحبا بك في موضوعي
والله التصوير ولا مرض العصر وكارثة عظمى، التصوير يكون لتوثيق اللحظات الجميلة
ماش توثيق لحياتك اليومية بحيث تتصور كل ثانية، وهكاك إذا حاب تتصور لنفسك وترضي نفسك
ربي يسهل عليك لكن ما تأذيش الناس معاك راهم هوما تاني عندهم حقوق عليك
كيما جاي للعرس حاب تصوّر نفسك معليش بصح باه تصور نساء ولا العروسة ماش من حقك
لأنو فيهم زوجات وبنات وأخوات رجال، يعني عيب هاد التصرفات غير الحضارية
ربي يهدينا ويهديهم ويثبت علينا والعقل والدين كيما قلتي
شكرا حبيبتي على كرم مرورك ربي يحفظك
تحياتي​

 

[سكون الفجر]

تصوير العزاء والعرس وتصوير رايحين جايين
شيء يقلب المعدة والله

انتي كفيتي ووفيتي أصلاً وكل اللي بدي أضيفو هو الله يهدينا
ويكمل علينا العقل والدين

بارك الله فيك​

 

[حلم كبير]

السلام عليكم ورحمه الله وبركاته

وصفتي ظاهرة بكل تفاصيلها بارك الله فيك
...
أصبحت تصنف من ضمن الآفات الإجتماعية في نظري مثل التدخين والمخدرات وغيرها لأنها خراب مجتمع وخراب بيوت قائمة منذ الأزل فأتى الجوال وقضى على مقوماتها كليا ...
والله كوارث ما يحدث اليوم في الأعراس والمآتم ،ولا علاقة له بالأخلاق البشرية ناهيك عن أخلاق الإسلام فهي بعيدة كل البعد عنها ...
بارك الله فيك على الموضوع القيم
نسأل الله الستر في الدنيا والآخرة لنا ولجميع المؤمنين آمين
إحترامي وتقديري​

 

[السلطانة]

وعليكم السلام غير البارح قلبي وجعنس بزاف عانبوب الغاز لي انفجر والرجال لي تفحمو وهوما صوروهم صورة وفيديو والراجل مسكين لي تحرق وتحرقلو قشو وهو مصدوم وماشي بلاقش وهوما صوروه فيديو دون احترام ليه ولااهلو ...شعبنا كثر عوصاوه ولازم التصرف بالقانون هاذي انتهاك لحرية واعراض الناس ...صحيتي

 

[zagane]

السلام عليكم
حادث مرور السائق ينزف بالدم ورايح يموت والناس تصور ماكاش لي ساعدو