أعضاء اللمة

[أبو خديجة]

للترفيه برك ماتزعفوش مني هههه​

عضو جديد دخل اللمة، كتب موضوع:
"أنا جديد هنا، هل من ترحيب؟"
جاءه الرد بعد 3 أيام:
"أهلا وسهلا بك، الموضوع مكرر وتم نقله للأرشيف "

مُراقب في اللمة شاف عضو كاتب كلمة "شكرا" بدون شرح، قاله:
"رجاءً دعّم ردك بمصدر أو سنُضطر لحذفه "

عضوة كتبت: "أنا مزروبة، ساعدوني في بحث حول الطاقة الشمسية "
عضو ردّ عليها:
"اختي عندي بحث كامل، بس لازم تدخلي للرد رقم 183 في صفحة 10 في قسم التعليم "

عضو حاب يبين ثقافتو كتب:
"كما قال الفيلسوف الألماني شوارزنڨر..."
دخل عضو آخر وكتبله:
"خويا هذا ممثل تايرميناتور مش فيلسوف "

واحد دار موضوع: "من هو العضو لي تتمنّى تقابله في الواقع؟"
الأعضاء كامل قالو: "العضو الغايب لي ما يدخلش كثير "

إداري لقى موضوع فيه عنوان "حصري وخطير جدا"
دخل لقى صورة قطة لابسة نضارات شمسية
كتبله:
"حصري عليك أنت برك "

يتبع... ​

 

[أبو خديجة]

واحد عضو جديد في منتدى اللمة، كتب أول موضوع وقال:
"السلام عليكم، جديد هنا وحاب نتعلم."
جاوبوه 30 عضو في أقل من ساعة، وكلهم قالوله نفس الشي:
"مرحبا بك خويا، الموضوع مكرر!"

عضو في اللمة كل مرة يكتب موضوع يقول: "مستعجل! ساعدوني!"
مرة سألوه:
"علاه دايمًا مستعجل؟"
قالهم:
"لأني نخاف يغلقوا (فريد أبو فيصل) قبل ما تقراوه

مراقب في منتدى اللمة قرر يرتاح يوم واحد، رجع بعد 24 ساعة لقى:

50 موضوع مكرر
10 مواضيع في القسم الغلط
و حاتم خليفة كاتب "أين أنتم يا مشرفين؟ راڨدين؟"

عضو كتب موضوع: "أريد زوجة محترمة من اللمة!"
جاءه الرد الأول:
"هذا القسم خاص بالحيوانات الأليفة، روح لقسم التعارف!"

واحد دار موضوع "نكتة اليوم"، جا عضو آخر رد عليه:
"مكررة من 2012، وبدون مصدر!"

عضو سهران في اللمة كتب:
"هل من ساهر هنا؟"
جاوبوه 10 أعضاء:
"نحن هنا، لكن نكتب ردود نجهزها للنوم!"

واحد دار موضوع طويل وفيه تحليل عميق، ما جاه حتى رد.
دار موضوع ثاني:
"هل تحب الكاشير ولا الجبن؟"
جاوه 100 رد خلال 10 دقائق

يتبع... ​

 

[أبو خديجة]

عضو دار موضوع في قعدة اللمة:
"هل تؤمن أن الحب الحقيقي موجود؟"
الردود كلها كانت:
"خويا، خلينا في الواقع… وين لقيت الزيت؟!"

مراقب المنتدى العام يدخل كل يوم يشوف المواضيع:
"قصة حب حزينة"
"هل الكاشير فيه لحم؟"
"هل أنا نحيف ولا سمين؟"
قال:
"والله هاذي مش قسم عام، هاذي جلسة تحليل نفسي جماعية!"

عضو كتب:
"هذا رأيي الشخصي حول الوضع السياسي…"
قبل ما يكمل الجملة، جا إداري قال:
"تم غلق الموضوع تفاديًا للنقاشات الحادة!"​

في قسم السياسة:
عضو كتب:
"أنا محايد."
جاوبوه:
"هنا يا تكون معانا يا تكون ضدنا!"

موضوع: "ما هو الحيوان الذي يشبهك؟"
واحد جاوب بكل ثقة:
"النمر."
قالوله:
"خويا، الصورة الرمزية تاعك فيها بطريق مش نمر!"

عضوة تكتب في كل الألعاب و المواضيع الترفيهية، جاء مشرف قالها:
"أختي، ما شاء الله نشيطة، لكن هبطي الضغط شوي!"

عضوة كتبت وصفة:
"شهيوة جدتي، سرّي وما نحبش نحكيه!"
واحدة جاوبتها:
"على بالك باللي كتبتي المقادير بالغلط؟"
قالتلها:
"أكيد، باش ما تنجحش عندكم "

كاتب شاب ينشر قصة بعنوان:
"دموع الذئب الحزين."
جا عضو قاله:
"يا خو، الذئب ما يبكيش، هذا وثائقي شفتو في ناشيونال جيوغرافيك!"

يتبع... ​

 

[أبو خديجة]

أتمنى أن يعجبكم موضوعي تعبت وأنا نكتب

السلسلة مزالت طويلة​

 

[أم إسراء]

هههه يعطيك الصحة عجبتني الفكرة ننتظر المزيد

 

[أبو خديجة]

هههه يعطيك الصحة عجبتني الفكرة ننتظر المزيد

العفو
النُكت مزالت طويلة رايح نمنشر كل أعضاء اللمة

 

[أبو خديجة]

يشاهد حاليًا هذا الموضوع:​

• Oktavio_hinda
• حاتم خليفة

المجموع: 3 (الأعضاء: 2, الزوار: 1)

 

[Oktavio_hinda]

نكت مضحكة شكرا لك حاتم
ننتظر بشوق النكت الجديدة
تحيتي لك​

 

[Oktavio_hinda]

يشاهد حاليًا هذا الموضوع:​

• Oktavio_hinda
• حاتم خليفة

المجموع: 3 (الأعضاء: 2, الزوار: 1)

كنت نقرا في النكت هههههه عجبتني تع حاتم يقول أين أنتم يا مشرفين​

 

[أبو خديجة]

كنت نقرا في النكت هههههه عجبتني تع حاتم يقول أين أنتم يا مشرفين​

على خاطر دايما نبلغ على المواضيع المخالفة لقوانين المنتدى وما نلقى حتى مشرف أو مراقب حاضر هههه

 

[إلياس]

ههههه ما شاء الله تهبل خويا حاتم

 

[أبو خديجة]

ههههه ما شاء الله تهبل خويا حاتم

شكرا خويا إلياس الله يحفظك

النُكت لي موجدهم عنك أنت ههه

 

[إلياس]

شكرا خويا إلياس الله يحفظك

النُكت لي موجدهم عنك أنت ههه

هههههه معليش راني نستنا

 

[أبو خديجة]

@إلياس و الإنترنت
إلياس دخل للمة وقال:
“يا جماعة، الإنترنت ثقيل بزاف، وش ندير؟”
قالولو:
“أخرج من منتدى السياسة، تلقاه خفّ!”

@إلياس ومواضيع النقاش
إلياس دار موضوع جديد بعنوان: "لماذا لا يرد أحد على مواضيعي؟"
أول رد كان:

(بلا رد كالعادة)

إلياس و المواضيع المكررة
@Fethi.dz قالوا: "إلياس، راك داير نفس الموضوع خمس مرات!"
قالو إلياس:
“حبيت نشوف وين يجيبولي أكثر إعجاب!”

إلياس و قسم التسلية
دخل إلياس لقسم التسلية وقال:
"وش راكم؟"
جاوبوه:
"رايحين نضحكو عليك كالعادة، تفضل!"

إلياس و الردود الفلسفية
إلياس كتب رد طويل فيه 3 صفحات فلسفة
رد عليه @dahman kz قالوا: (موضوعك طويل مقدرتش نكملوا )

 

[إلياس]

@إلياس و الإنترنت
إلياس دخل للمة وقال:
“يا جماعة، الإنترنت ثقيل بزاف، وش ندير؟”
قالولو:
“أخرج من منتدى السياسة، تلقاه خفّ!”

@إلياس ومواضيع النقاش
إلياس دار موضوع جديد بعنوان: "لماذا لا يرد أحد على مواضيعي؟"
أول رد كان:

(بلا رد كالعادة)

إلياس و المواضيع المكررة
@Fethi.dz قالوا: "إلياس، راك داير نفس الموضوع خمس مرات!"
قالو إلياس:
“حبيت نشوف وين يجيبولي أكثر إعجاب!”

إلياس و قسم التسلية
دخل إلياس لقسم التسلية وقال:
"وش راكم؟"
جاوبوه:
"رايحين نضحكو عليك كالعادة، تفضل!"

إلياس و الردود الفلسفية
إلياس كتب رد طويل فيه 3 صفحات فلسفة
رد عليه @dahman kz قالوا: (موضوعك طويل مقدرتش نكملوا )

حرام عليك تدير فيا هكا خويا حاتم بزاف عليا

 

[أبو خديجة]

حرام عليك تدير فيا هكا خويا حاتم بزاف عليا

اليوم نقصفكم كامل زكارة هههه

 

[أبو خديجة]

@الطيب الجزائري84 أرواح هنا وبلا زعاف هههه

@الطيب الجزائري84 و الردود الطويلة

الطيب كتب رد على موضوع:
"ما رأيكم في القهوة؟"
الرد كان أطول من المقال الأصلي، فيه 12 اقتباس، 3 مصادر، وخاتمة فيها حكمة من جبران خليل جبران.
الناس قالو:
"يا خوّ، سقصينا قهوة، ماشي أطروحة دكتوراه!"

الطيب الجزائري84 والمراقبين

الطيب دار نقاش ساخن في قسم السياسة، المراقب قالو:
"يا طيب، خفّ علينا شوي!"
رد الطيب:
"أنا هكذا إسمي فقط... أما النقاش، ما فيهش طيبة!"

الطيب الجزائري84 والمواضيع العجيبة

موضوعه الجديد:
"هل يمكن للإنسان أن يعيش بدون أن يأكل الكسكسي؟"
الأعضاء احتاروا، قال واحد:
"نقدر نستغنى على الإنترنت، بصح الكسكسي؟ مستحيل يا طيب!"

الطيب الجزائري84 و النقاشات

كلما يلقى موضوع هادئ، يدخل الطيب ويكتب:
"أنا أعارض الفكرة تمامًا، وإليكم الأسباب العشرة..."
من داك الوقت، المواضيع ولاو يتقفلوا قبل ما يدخل!

الطيب الجزائري84 والفهامة

عضو جديد قال:
"وش معناها LOL؟"
الطيب جاوبه:
"هي اختصار لجملة إنجليزية تُستعمل في سياق الضحك، لكن أصلها التاريخي يعود إلى بداية المنتديات سنة 2006"

العضو خرج من المنتدى وهو يقول:
"كنت غير نحوس على ضحكة "

 

[أبو خديجة]

@الامين محمد
هذي المرة القصف إختارك أنت ههههه

الأمين محمد كتب موضوع:
"ربحت مليار في المنام... هل أُزكي عليه؟"

المراقب "ماتنساش تخلصنا حق الخدمة

الأمين محمد يطلب نصيحة:

"إخواني، إنا عندي مليار، وقررت نتزوج بثلاثة، هل نلقى مشكل قانوني؟"

أجوبة:
وحدة من العضوات: "المشكل مش قانوني، المشكل فيك هههه!"

مشرف القسم الديني: "السؤال يُنقل إلى قسم الفقه"

عضو ثاني: "خو، ركز، زوجة وحدة تكفي، والباقي خليهم يحلمو بالمليار برك!"

الأمين محمد ومنتدى اللمة:

دخل الأمين محمد كل الأقسام وكتب نفس العنوان:
"كيفاش ندير نربح مليار؟"
المدير فتحي قاله:
"خو، إذا ما ربحتش طردة إلكترونية، راك محظوظ!"

نكتة قصيرة:

سؤال:
لماذا الأمين محمد يحب المليار؟
جواب:
لأن المنتدى بلا مواضيع "المليار" ما يحسش باللمة!

 

[أبو خديجة]

@Fethi.dz جاء دورك للقصف بعد الامين محمد ماتزعفش برك

ربي يستر رايح نغامر بعضويتي


فتحي والمشاركات:

فتحي كل صباح يدخل يشوف المشاركات:
"0 تنبيه، 1 تبليغ، 83 موضوع عن المليار!"

قال في نفسه:
"ماشي منتدى، هذي مؤسسة مالية بلا رخصة!"

فتحي والهاكر:

واحد هاكر دخل للمة، حب يخترق المنتدى،
لقى فتحي قالو:
"خو، إذا لقيت كود CSS من 2006 و تفهمو، المنتدى راه ليك!"

الهاكر خرج وهو يقول:
"ربي يعينك خو، ماشي هاك، هذا تنقيب في الآثار!"

فتحي وعضو جديد:

عضو جديد كتب:
"السلام عليكم، أنا جديد هنا، كيفاش نربح مليار؟"

فتحي رد عليه:
"يا ولدي، إذا بقيت عامين تكتب بلا ما تمل، تربح لقب عضو ماسي… والمليار روح شوفها في مواضيع الأمين محمد!"

فتحي والتحديث:

قال فتحي يومًا:
"هاذ العام رح ندير تحديث كبير للمنتدى!"

الأعضاء فرحوا، جا اليوم الموعود…
لقاو التحديث الوحيد هو:
لون الخلفية تبدل من أزرق سماوي لأزرق غامق

فتحي والمجتمع:

واحد قال لفتحي:
"علاه ما تغلقش المنتدى وتفتح صفحة فيسبوك؟"

قاله فتحي:
"و نضيّع 20 سنة مواضيع؟! عندنا نقاشات على الماكارونا من 2006!"

فتحي والحفاظ على النظام:

كل ما واحد يدير موضوع مكرر،
فتحي يخرج من الظل، يكتب بهدوء:
"تم الدمج… والمرجو استعمال خاصية البحث مستقبلاً"

العضو يقول:
"خو، المنتدى فيه 3 مليون موضوع… كيفاش نلقى موضوعي؟!"

 

[الامين محمد]

ههههههه قصف عشوائي لكن مدروس هههههه
المليار حبيبي حاتم المليار و الهدرة مليار هههه

لكن حبيبي حاتم ما قصفتش الاخووات راك خايم منهم و لا كيف ههههه