شريتو الأدوات؟

[السلطانة]

السلام عليكم ورحمة الله وبركاته

كل مايقرب الدخول المدرسي نتفكرو زماااان وقت كانت هاذي هي أدواتنا المدرسية

وهاذيك الريحة لي جامي نسيناها

 

[aljentel]

باقي الكراريس وسبتت الكتب

 

[ام أمينة]

يا حسراه على الأدوات تع بكري
حلاوتها في بساطتها
المدور الأسطوري لي جامي دار يعمر المقلمة برك
و نسيتي الغراء لي كنت ندير منه في كامل يدي و نقعد نقشر فيه كي ينشف ...
خرجت و شفت الأدوات هاد العام رحمة ربي على السنوات لي فاتو
ربي بنجح أبناءنا و يكونو دائما من المتميزين
....

 

[la lune rose]

مزال

 

[إلياس]

يا ريت يرجع ذلك الجيل تاعنا و الادوات تع بكري كانت فيها قيمة و روعة
نسيت كراس ألف و ممحاة تع ريحة و طبشور القاسي تع بكري كانت ايام بساطة و مميزة
ربي يوفق كل تلميذ في دراسته

 

[نجـود]

أحييت فينا ذكريات جميلة ....

 

[أم إسراء]

يا حسراه على البساطة في أدواتنا المدرسية زمان..

 

[أم إسراء]

 

[ذات الشيم]

غير قبيلا خرجتلي فيسبوك..
ايه على الوقت القديم شحال كان مليح وكانت النية ..

 

[Amine7N]

راك رجعتينا 30 سنة للخلف بالصور هاذو !
غمضة عين ، كنا نشرو الأدوات لينا ، رجعنا نشروهم لولادنا !

 

[فريد أبو فيصل]

في الرابعة ابتدائي لقيت مع صاحبي وحدة كيفها امام المدرسة وتحت الممسحة كانت مخبية 50دج يعني 5 الاف فراك تاع كاغط

الفايدة نهار كامل واحنا نشرو في الماكلة والمشروبات والحلويات منين كانت الربعة دورو والدورو بقيمتها

علامة الغناء والثراء الفاحش للطفل قديما

ومكملتش المهم تفحششنا فيها وبردنا قلوبنا

ايا فاق بينا صاحبنا من نفس القسم بيعنا للمعلم بعدما قامت مولات الممسحة بالتبليغ عن ضياع الممسحة للمعلم

عاقبنا ببالوقوف برجل وحدة مقابل الحائط وراء القسم طيلة الحصة مع التبهديل

المهم مسعودة اسمحيلنا لكن رؤية 5الاف في ذاك الوقت تفقدك الصواب كل انواع الحلويات والمشروبات اللي متوفرة جربناها ذاك النهار يكثر خيرك.
المعلم تكفل باعادة المبلغ من جيبوا.
وانت يافتحي البيوعي واش ربحت

 

[habib2]

ربي يقدر كل زوالي

 

[space-cowboy]

السلام عليكم ورحمة الله وبركاته

كل مايقرب الدخول المدرسي نتفكرو زماااان وقت كانت هاذي هي أدواتنا المدرسية

وهاذيك الريحة لي جامي نسيناها
مشاهدة المرفق 176147


مشاهدة المرفق 176148


مشاهدة المرفق 176149



مشاهدة المرفق 176150



مشاهدة المرفق 176151




مشاهدة المرفق 176152



مشاهدة المرفق 176153


مشاهدة المرفق 176154

مشاهدة المرفق 176155

مشاهدة المرفق 176157



مشاهدة المرفق 176158

سبحان الله، نفس الأدوات كانت موجودة عندنا في المغرب.


المعجونات الملونة - حسب ما أذكر - جميعُها تفقِدُ ألوانها مع الوقت وتتحول إلى لون رمادي. وكأنها رسالة مُشفّرة ومُحبِطة عن تطوّر الحياة مع الوقت هههه.

قلم "بيك" اللي كان يفيض في أيام الحرّ ويُحوّل المِقلمة إلى وحل من المِداد...ومن شدّة ما عانيت منه أصابني نوع من الوسواس القهري، وأصبحت أضعه في كيس بلاستيك في سفرياتي حتى لا يفيض داخل المحفظة.

ألعاب ستيلو بيك :

1) في موسم البرتقال الكبير (النافيل) كُنا نستعمل قشور البرتقال وضغط الهواء داخل الأنبوب لتحويل القلم إلى سِلاح... برتقالي هههه

2) تصنع من طرف قفله (لبوشون) "زاوية قائمة" وتديره حول اصبع السبّابة (في مُحاولة لطرد الملل في فصل مُملّ)

 

[هواري بومدين.]

يا حسرااه رجعتيني 22 سنة للوراء
يا ريت ديك ليام ترجع كانت البركة ​

 

[aljentel]

أيامها ما كنا نحب الدراسه
والحين نموت عليها شوقا
يا المفارقه ..!

 

[Hakan]

سبحان الله على هذه الصور ،تفكرت صغري كامل ،وكسبت كامل هذو الادوات ههههه ،يا حسراه وقيلا هذا العام نروح نشري الادوات وخلاص ،بصح البنة نتاع كي تروح كل يوم ليكول في الاسبوع الاول مع هذيك الورقة والستيلوا وتعمرهم وتجيبهم للأب ، وهو يديك للمكتبة ويشريلك منهم ودير لاشان مع الناس و كي ترجع لداركم تفرغهم في الارض ،من بعد دور الكتب تبدا تغلف فيهم ،والكراريس كل مادة ديرلها لون نتاع غلاف ،ياحسراه نهارات قيمتهم ما حسيناش بيها غير لما كبرنا ،العاقبة لاولادنا ان شاء الله .

 

[فاتن سيلين]

السلام عليكم ورحمة الله وبركاته
شكرا لك على هذا الموضوع اختي السلطانة
آمس اشتريت ما ينقصني فقط لانه عندي ادوات العام الماضي مازالت صالحة للاستعمال.
مازال فقط المئزر لاني اخيطه عند خياطة لازم نخيطو لانه تاع المحلات ما يناسبنيش مع الجلباب لازم يكون واسع .
والمحفظة عندي أيضا .ربما اشتري صاكودو صغير بش نجوز بيه ايام امتحان الباكالوريا اضع فيه الأقلام ان شاء الله.

 

[Oktavio_hinda]

يوم الخميس جابت السانديكة للعمال كراطب فيهم الأدوات وزعوهم على كل العمال
انا ديت واحد مديتو لابن اخي

الكارطاب راه مشنف من الدخول المدرسي كاره حياتو هههههههه

 

[إلياس]

يوم الخميس جابت السانديكة للعمال كراطب فيهم الأدوات وزعوهم على كل العمال
انا ديت واحد مديتو لابن اخي

مشاهدة المرفق 176604

الكارطاب راه مشنف من الدخول المدرسي كاره حياتو هههههههه


مشاهدة المرفق 176605

بصحتو

 

[أشرقت روحي]

هذا الاقلام كانت عندنا وكنت اشتري القلم الاحمر عشان اعطيه الاستاذة تصحح لنا به الدفاتر