من قتل ملكة جمال الأطفال؟

[mohammed dfdf]

اللي في الصورة ديه ملكة جمال الأطفال "جون بينيه رامزي" واللي بسبب أن قضيتها التحقيق شغال فيها بقاله حوالي ٢٥ سنة ، اتعمل منها واحد من اقوي الافلام الوثائقية على نيتفلكس لأن النهاية مش متوقعة
حكايتنا بتدور سنة ١٩٩٦ في أمريكا وتحديدًا في كولورادو مع اسرة مكونة من ٤ افراد ، الأب جون رامزي والأم بيتسي رامزي و اخ عمره ٩ سنين وبطلة قصتنا جون بينيت
خلينا نتعرف على الأب اللي كان رجل اعمال ناجح وشغال في شركة مشهورة وفي يوم قابل بيتسي واتعرف عليها بعد ما خدت لقب ملكة جمال ويست فرجينيا ، اتعرفوا على بعض وكان فيه اعجاب متبادل وتم الزواج سنة ١٩٨٩
حياتهم الزوجية كانت مستقرة و خلفوا الولد الأكبر وبعدين البنت "جون بينيه" واللي اسمها متاخد من اسم باباها ، وتفضل الحياة بين الأسرة ماشية بطريقة طبيعية لحد ما نوصل سنة ١٩٩٦
في يوم ليلة الكريسماس الأسرة كانت معزومة على حفلة عشا عند اسرة تانية من اصدقاءهم وبعد ما انتهي العشا وروحوا لبيتهم بالعربية بتاعتهم وتحديداً الساعة ١٠ ،البنت جون بينيه كانت نايمة
وصلوا البيت شالها ابوها وهي نايمة ودخلها اوضتها ونيمها على سريرها، لكن في نفس اليوم الساعه ٥ الفجر تيجي مكالمة لرقم الطوارئ ٩١١ من الأم بيتسي وهي بتتكلم في حالة ذعر وبتقول للي رد عليها ان بنتها اتخطفت من سريرها ، الأم كانت بتتوسل ليهم ان الشرطة تيجي تلحقهم فوراً
الأم قالت في البلاغ أن هي لقت رسالة مرمية في البيت مكتوبة بخط اليد لطلب فدية بقيمة ١١٨ الف دولار علشان الخاطف يرجع البنت ، وبسبب حالة الأم وفي دقايق كانت وصلت الشرطة للبيت اللي اديتهم عنوانه
الغريب ان لما الشرطة وصلت لقوا ان الأسرة اتصلوا بكل صحابهم علشان يحضروا معاهم الموقف وناس كتير داخلة خارجة وديه حاجة المفروض ماكنتش تحصل في مسرح الجريمة ،
الشرطة طلبت من الأب انه يدور ويعمل محاولة اخيرة في البحث عن البنت قبل ما ياخدوا اي إجراءات لأن بيتهم كان كبير جدا وجايز هي راحت هنا او هنا وبالفعل الأب ينفذ الطلب ويبدأ البحث في البيت كله لحد ما نزل القبو
يدخل القبو علشان تبدأ حالة من الذعر والصريخ ويتحرك عنده كل المحققين ، وده لأنه لقي بنته ملفوفة في بطانية ومقـ،،تولة ، بيوصل المحققين للقبو ويشوفو الاب وهو حاضن بنته وعمال يصر خ ويعيط في الوقت اللي بيتسي اللي هي الأم حصلها حالة هستيرية وفقدت وعيها
وتبدأ فوراً التحريات والغريب ان البيت ماكنش فيه اثار اقتحام وخصوصاً كمان ان الوقت ده كان التلج في كل مكان حوالين البيت فا لو حد قرب من البيت هيكون ليه اثار اقدام ، لكن بردو ماكنش فيه اي اثار اقدام حوالين البيت
الأسرة كانت مقتنعة أن فيه حد اقتحم البيت وعمل كده في بنتهم ، وده لأنها كانت بتدخل دايما مسابقات ملكات جمال الأطفال وكانت بتكسبها واكيد حد من اللي بيحقدوا على الأسرة او غيرانين من البنت هو اللي عمل فيها كده
بس زي ما قولنا ان الشرطة اكدت على عدم وجود آثار اقتحام للبيت ومفيش اي دليل مادى على ادعاءات الأسرة ، وهنا ماكنش فيه اي حد تتوجه ليه التهمة غير الأب والام
الشرطة لما فحصت الرسالة بتاعت الفدية لقيتها مكونة من ٣ صفحات مكتوبين بخط اليد وكمان الورق المكتوب فيه الكلام كان مقطوع من دفتر موجود في البيت ، ومن الطبيعي ان لو شخص غريب هيعمل حاجة زي كده كان جهزها قبل ما يجي، مش يجيب ورق من البيت نفسه ويفضل يكتب ٣ صفحات كاملين
الرسالة مختصر الكلام اللي فيها ، ان علشان نرجعلك بنتك لازم تدفعلنا ١١٨ الف دولار ، والرقم ده بالظبط كان هو البونص اللي كسبه الأب من شركته في السنة ديه ، الغريب اصلا هو ليه يطلب الرقم ده تحديداً ، خصوصا كمان ان العيلة ديه كانت غنية جداً فا ليه اللي يطلب فدية يطلب رقم قليل زي ده
الرسالة كمان كان مكتوب فيها ، علشان بنتكم ترجع اوعوا تتصلوا بالشرطة ، لكن اللي حصل ان الأم اول لما شافت الرسالة اتصلت فورا وبلغت ، فا الموضوع بردو كان غريب ، ازاي تتصلي بالشرطة وانتي عارفة ان ده ممكن يعرض بنتك للخطر
الشرطة لما قرأت الرسالة شكت أن هي متفبركة خصوصاً ان مستخدم فيها كلام مقتبس من المشاهد بتاعت السنيما لما عصابة تخطف حد وتطلب فيه فدية، الشرطة بدأت تعرض الرسالة على خبراء الخطوط علشان يقارنوها بخط الاب والام

-- بقية القصة -- ⇔

لعرض هذا المحتوى، يتوجب عليك الموافقتك على تعيين ملفات تعريف الإرتباط (الكوكيز) للطرف الثالث. لمزيد من المعلومات، الرجاء زيارة صفحة ملفات تعريف الإرتباط.

قبول ملفات تعريف الإرتباط للطرف الثالث

 

[إلياس]

ربي يجيب الخير