اتمنى تساعدوني **الشلفية

[prencess**1991]

صباح الخير ومسا الفل عالجميع اتمنى تكونو بخير وصحة وعافية
اول شي بصراحة هاد اول منتدى جزائري يعجبني واحس فيه اني مرتاحة وحبيت افضفض شوي ويا ريت تساعدوني بارائكم لاني محتاجة كتيييييييييييير للنصائح ومشكورين عالمرور
مشكلتي هي اني احب واحد سوري وهو يحبني تعرفنا على النت وعشنا قصة حب جميلة بكل معنى الكلمة لكن في الاونة الاخيرة طلب مني انو يجي ليخطبني من اهلي واهلو عارفين بعلاقتنا ابوه وامه واخوه يعني مو مخبي عليهم لكن انا خايفة من اهلي يرفضومو لانو ما يعملش او مش قد المسؤولية بالعكس هو بيشتغل وراتبو جيد جدا ومافي منو بس لاني خايفة اقول لاهلي اني تعرفت عليه بالنت وهاد سبب كافي يخليهم يرفضون الخطبة واهلي من الناس الملتزمين بالزواج المعروف عندنا اي خطبة من ام الولد او من الولد اذا شافها وقصة انو ولد يخطب بنت لانو تعرف عليها بالنت ما تمشي معاهم ارجووووووووووووووووكم ساعدوني وقولولي ايش اسوي بليييييييز عنجد محتاجة لنصايحكموالصراحة مو قادرة اخطو اي خطوة لانو الخوف مسيطر عليا واتمنى من كل قلبي الاقي جزائريين جنبي يساعدوني برايهم والف مليون شكر للكل للي رد واللي ما رد​

 

[prencess**1991]

مرسيييييييي كتير اخ حمزة وانا نقدر صراحتك ورايك مري مرة تانية وتالتة​

 

[الأقحوانة]

بصراحة الموضوع راهو حساس ولازم تفكري مليح لانو هم اهلك وانت الي تعرفيهم مليح وانا راح نتجرأ ومدلك راي بصراحة وانشاء الله يكون الحل.




انا في رأي انو تقولي لأمك وحاولي تشرح لها الوضع وتقنيعيها وتأكدي انها راح تساعدك

 

[prencess**1991]

ثاااااااااااانكس اخت اقحوانة على رايك والله ريحتيني والله يسعدك ويوفقك ويجعلك من اهل الجنة والله بشكرك مليووووووووووون شكر ​

 

[نادية ندوشي]

اسمحيلي يا أختي بصح أنا نقلك حاجة إنو الحب الحقيقي في وقتنا ما كانش مانيش نقلك إنو ما حبكش بصح انتي حاولي تهدري مع ماماك وتشرحيلها الوضع وهي انشاء الله تتفهم أما إذا رفضت رفضا قاطعا فما تعانديهاش و ما تخسريش والديك على جال راجل الراجل يتعوض والوالدين ما يتعوضوش نصيحة مني لأنو تجربتك هذه مرت عليا من قبل .وربي معاك و الأحسن من كل هذا هو صلاة الاستخارة وربي يقدم إلي فيه الخير ليك .شكرا عزيزتي

 

[nanin85]

راني فاهمتك مليح و صعيب الحال وفي رايي أنا شوفي الي قريب ليك كامل فالدار والي يفهمك مليح صارحيه والي فيها الخير يجيبها ربي وكيما نقولو الي مكتوبة فالجبين مايمحوها اليدين ... وصراحة انا كلما نكون في مشكل حايرة فيه الحاجة الأولى الي نديرها هي نصلي صلاة الاستخارة ومكاش كيما تطلبي المساعدة من ربي سبحانو...نتمنالك الخير اختي ربي معاك​

 

[larissa]

سلام لكل من قرا هدا التدخل
اولا انا اعتدر مسبقا عن راي ووالله راي لما كان لو لم اكن قد دخلت تجربة مشابهة لتجربتك اختي
اول شي اختي انت ارتكبت خطا في اخفاء الامر عن اهلك
تاني شئ اختي سؤالي ليك هل انت متؤكد جيدا من هده العلاقه لانو احيانا صحيح تضنين انو انت واقعه في الحب لكن بعد اللقاء يكون فيه امور اخرى
وحتى وعفوا لتدخلي في شخصياتك اظن وحسب ما قرات في ملفك الشخصي انك طالبه تانويه لدلك انت في مرحله حساسه من العمر ........

ومعدره مره اخره ان كان تدخلي في غير محله

 

[عاشقة مجهول]

ربي يوفقك اختي ................وانا تاني نقولك تاكدي من مشاعرك اول شئ ومبعد قولي لاهلك ................على جال كيما قالوالك راكي في مرحلة حرجة من العمر ..............يعني مازال ماتفهميش روحك واش راكي حابة ................
نقولك ماتتسرعيش وخممي مليح قبل ماتحطي روحك في مواجهة مع العايلة تاعك على جال هي الحياة تاع البنت ............حافضي عليها .............
وكان على الحب رايح يتعاود ويتلقى في اي بلاصة مكتبهالك ربي............. اوكي حنونة ...................ربي يسهل



وكان لقيتي روحك تحبيه صح صح صح ........وقدرتي تفهمي عايلتك وتقبلوا الفكرة .............ربي يسهل ومبروك مقدما



تقبلي مروري

 

[الستار سوسو]

اختي العزيزة
انا نحب نقولك رايي بكل صراحة اولا الحب عبر النت انا مانامنش بيه
ثانيا وفعلا الشيئ الي هو مشكل كيفاش تخبري اهلك أحسن شيء تعمليه هوانك تخبري أمك صدقيني أمك هي الحل مع انو راني متأكدة انو ماماك رايح يجيها جد غريب
لكن حاولي مع كل احترامي لكن لوكان انا في مكانك مانديرهاش لانو الزواج مسؤولية
اسمحيلي اختي على صراحتي لكني انصحك خاصة لانك قدي في العمر اسفة مرة اخرى سوسو
فكري جيدا لأن هدا شيء مصيري

 

[prencess**1991]

الف مليون شكر للي اعطى رايو والله راني حسيت بشي لما قريت ردودكم هو اني ما نتسرعش لانو كيما قلتو الحبيب يتعوض والوالدين ما يتعوضوش والله نتمنالكم السعادة وراكم خليتوني نفطن لانو من قبل ما كنتش لاقية الي يقلي الصراحة وما لقيت طريقة غير اني نكتب في منتى جزائري لاني متاكدة انو الجزائريين كرام وقلوبهم معى بعض
واش نقولكم انا نحترم راي كل واحد وواحدة منكم وما نزعفش منكم على خاطر صارحتوني لانو هدا اللي كنت حابة نسمعو الصراحة والمشورة برك
وتاني شي ما نقدر نعمل والو غير اني نصلي وندعي وحاجة تانية راني متاكدة من مشاعرو ليا لانو تى لو كان هو كادب ولا خداع والديه ما نظنش يكون هاكداك على خاطر كلمتهم بالتلفون ورحبو بيا وراهم متقبلين الفكرة واش نعمل قولولي واش ذنبي اذا حبيبت واد وهو حبني بصح المسافة بعيدة
واولا واخيرا رح نقول ليما ونشوف اللي يصير يصير لاني حسب ماني شايفة رح تتفهم
والف مليون شكر مرة تانية وتالتة ورابعة والله مانيش عارفة كيفاش نشكركم ونتمنالكم كل السعادة والهناء وصدقوني الحب ماشي حاجة عيب وانا نستنى اقتراحاتكم وارائكم ليا ما تحرمونيش منهم لاني تعبانة كتير ومانيش قادرة​

 

[الناصر صلاح الدي]

ما عندي مانزيد على الشيء لي قالاتو عاشقة المجهول غير الله يعاونك