لماذا تــخــتــار البنـات الشاب الوسيم

[midou88]

السلام عليكم ورحمة الله وبركاته ..

قد يكون ما اطرحه جرىء بعض الشىء ولكنه اصبح من احد الظواهر المتفشيه في هذا المجتمع ...


من الطبيعي أن يحرص الشاب أن تكون الفتاة التي يتقدم لخطبتها على قدر كبير من الجمال

ولكن ...... الغريب خصوصاً في السنوات الأخيرة حرص الفتاة أن يكون خطيبها يملك من

الوسامة الشيئ الكثير... بغض النظر عن رجولته وشهامته لدرجة أن بعض الفتيات يخترن شاباً

وسيماً لايملك من مقومات...الرجولة شيئ ويفضلنه .....

بدي ردودكم

.

وبالنهايه السؤال هو...

لماذا اصبح تفكير بناتنا عقيم؟؟؟؟؟

لماذا اصبح لا يهمهم الا المظاهر؟؟؟؟

الي اعرفه أن الجمال للمرأة فقط ولكن يبدو أن الرجل بات ينافس المرأة في هذا المجال ليواكب

متطلبات العصر !!!

مارأي الأخوة والأخوات ؟؟؟

يمكن لان البنت صارت تختار شريك حياتها على اساس كيف شكله وأيش يملك وأيش عنده سياره

وأيش منصبه.. وتغاضت عن النواحي الثانية المهمه مثل الدين والخلق والصلاح والعقل
__________________

 

[rafika32]

في مجتمعنا ماكانش منها
كاينين بنات فكروا بالطريقة هذي بصح قلال
​

 

[fidou]

نعشقو فالزين .....:music_whistling::music_whistling:...

ان الله جميل يحب الجمال ....

 

[el baze]

السلام عليكم نقولك حاجة الزين لنساء و الراجل راجل وراني معاك خويا بدات الظاهرة فالانتشار اكثر فاكثر​

 

[sisilia]

merci على هاذ الموضوع بصح يكذب عليك العقلية هي الصح سيرتو في هاذ الوقت و الزين مابنا ديار صح حنا لبنات نحبو the
handsome boys but this is a bad idea
كي يكون زين والعقلية فاسدة مانسحقوش....

 

[محمد العباسي]

كل واحد فينا يحب الجمال في من يريد مشاركته الحياة.
لكن يبقى الجمال أمر غير أساسي في أغلب العلاقات ...
شكرا على الموضوع​

 

[نبيل الوهراني]

كل واحد فينا يحب الجمال في من يريد مشاركته الحياة.

يااااخو الزيم ماشي في البشرة وشعرها او عينيها ....يااااااااااااااو الزين في

القلوب

تشااااااو​

 

[fakhri-dz19]

الزين هوا الصح وشبيكم هدا ..........................
والحنانة هادو هوما الزوج حوايج وخلي تخلى ههههههههههههههه
وما ننساوش التيكي والرجلة راحت بكري دوك تحوس عليها بالشمعة ماتلقاهاش
الله يعيشك على الموضوع خويا

 

[maroco]

كي تشوف العين القلب يعشق الله غالب شكون لي مايشتيش الزين وديجا درك بكل يحوسو على الزين بالبنات بالدكورة درك مايهم والوا المهيم الكاركاسة شابة وخلاص ماعليش يكون عقون مايشوفش المهيم beugoss هههههههههههههههههههه

 

[faiza34]

الجمال عند الراجل ولا المراة مهوش الحاجة لي تهم بزاف لا خاطر قادر تلقاهم كما يقول المصري من برا هلا هلا ومن جوة يعلم الله ماشي كامل كيف كيف كاين ناس بزاف يدنقو للعقلية قبل كل شيء .........ويكفي انو الانسان يكون مقبول

 

[سهى86]

لازم حاجة تغطي على حاجة يا خويا يا الزين تاعو يغطي على دراهمو يا دراهمو يغطو على بشوعيتو وإذا تلمو في زوج شو بنقولو شاطر شاطر

 

[وليد العلمي]

يعطيك الصحة الانسة سهى

 

[قمر ال14]

والله يا خوي الي انشوفه العكس الرجال هما الي يحوسو على الزين انا من جيهتي الزين ماشي بروبلام الي يهمني العقلية الاخلاق لحنانة سيتو

 

[ابنة المسيلة]

هذه من نتائج الأفلام المدبلجة التي طغات على عقول الشباب و الشابات و انا شخصيا ما نحبش الراجل الزين فالزين يبقى للبنات

 

[BILA89]

اي ياخو حتى من ذكورة لكان ماتكونش الطفلة مانكا وباربي مايدورش بيها حتى من حنا لبنات نتكسلو لكان ما يكونش الزين مبزع منو منقبلوش وراحت بكري نتاع لعقلية مدام لولاد يلبسو في لبسة البنات راح كلش مالا نخير واحد زين ع الاقل كي نصبح عليه منخلعش مش ناقصة ههههههههههههههههههههه سلام الزين يدي الزين

 

[قط بلا وذنين]

باش تزوق بيه الصلون

 

[طيور الجنة21]

بالنسبة ليا العكس واش قالوا كامل .انا في حالة وسط

ما نبغاش الراجل غزال يطمعوا فيه الناس ، و ما نبغاهش غول يخلعني................ المهم العقلية و يكون يحبني و يفهمني

تاج الراجل في فهامتوا ................ تحياتي طيور الجنة21

 

[طيور الجنة21]

تاج الراجل في فهامتوا

المهم العقلية و الحب و التفاهم

 

[سندس الجزائر]

انا رأيي الراجل هو ليقدر يتحمل مسؤولية المرأة من كل النواحي اما الشيء الثاني هي اشياء ثانوية تختلف باختلاف رغبة كل شخص

 

[fun girl]

أنا أظن أن الجمال للمرأة,لكن في نظري وسامة الرجل في أناقته و رشاقته(لاطاي وما تكونش كرشو خارجة.....) وهذا ما يقصدوا بوسامة الرجل.