اختكم في ورطة

[sarah02]

بدلي الليسي لي راكي رايحة تقراي فيه وتحولي يسي وحدوخر
:thumbup:

 

[البابلواديّة]

صحة فطوركم

شكرا لك أختيعلى ردك الجميل

أنا ثانيك قريت في الليسي 4 سنين و المشاكل لي صراولي ما يعلم بيهم غير ربي

و ما ديري حتى حاجة في بالك و يبقى غير العيب و أنت خمي في قرايتك برك ما تخممي في حتى حاجة أخرى

و ربي يوفقك , إن شاء الله ما يصرالك حتى مشاكل

من فمك لربّي , و صحّ خويا مرة ثانية على المرور , مساعدتك ليّا ما ننساهالكش :blush:

 

[البابلواديّة]

ماتكبريش لحالة برك واحد مايدور بيك ادا مادرتيش بيه هوما راهم يخدمو في خدمتهم وماضنيتش رايحين يضلمو حد ..........المهم حاولي تفوتي ايمات الليسي بيان برك راهم احسن ايامات في عمر اي طالب وادا فوتيهم ماشي ملاح رايحين يغيضوك

ربي يسهلك ختيوا لعزيزة
وديري في بالك لقرايا اول شئ

merciختي على المرورالحلو و النصيحة الاحلى , نوّرتيلي الصفحة بوجودك فيها :smile:

 

[البابلواديّة]

كوني عاقلة واحد ما يقيسك

شكرا اخي على مرورك العطر

 

[البابلواديّة]

:smile::smile: نفس المشكل عندي لكن انقلك حاجة الليسي احسن مرحلة في الدراسة لذا عيشيها مليح واذا كنت تقراي راك ان شاء تنجحي بلا مشاكل متخلطيش بزاف صحابك فقط المخلاطة ماشئ مليحة راها تدي الئ الهاوية ربي يسهل ان شاء الله :thumbup1::thumbup1:

شكرا خويا على المرور , و من جهة المخالطة ما تكسرش راسك , نبعد تماما على الناس اللّي ما نثيقش فيهم :smile:

 

[البابلواديّة]

أنا نقلك بدلي ليسي أخرى والا أرواحي الليسي تاعي لقديم راكي توفي المغامرات المجنونة​

هههههههههههههههههههه​

شوّقتني نجي لليسي نتاعك , بصح نشقى حتّى لريال مدريد:confused1: هههههه

 

[البابلواديّة]

بدلي الليسي لي راكي رايحة تقراي فيه وتحولي يسي وحدوخر
:thumbup:

فكرة شابة , و خمّمت فيها , MAIS ما وافقوليش عليها لان هاذ الليسي هو اللي دايما يسجل اعلى نسبة نجاح , المهم , شكرا اختي الحلوة على المرور المنوّر

 

[podolsky]

سلام
انا نقولك ماتخافي ماوالو هذا الليس اكيد خرجت منو ناس وقرات فيه و جاز الحال
حبيت انقول ماتسمعيش للناس حافظي على قرايتك وراكي كبيرة تعرفي الي يلزم والي مايلزمش
انا نقولك شدي سابعك تما الادارة ماتخربيش فيها الاساتذة قادي روح يقادروك اصحابك ياك انت تخيريهم ماشي محتومين علك
كي تجيبي الباك ان شاء الله دورة جوان 2011 تهناي
ما تحشميناش كونك باب الوادية صح
سلام

 

[xsxsx]

ههههههههههه يعطيك الصحة خويا و اذا كاش ما قالولي نخلعهم بيك :thumbup:

وعلاه قالولك عني دراكولا ولا كاش وحش تخلعي بيه الناس راكي فاهمه غلاط
نتى قوليلهم أنا من طرفxsxsx
وخلي الباقي عليا
هاذا كشما جرا لسمح الله

 

[asmaa_h]

يا روحي حاولي أن تتفادي المشاكل و اعلمي أن الثانوية أحلى مرحلة في الحياة فاستغليها 3سنين ما هم والو و بالاك يعجبك الحال وين راكي عارفة

 

[Im here for ever]

يابنت باب الواد ماتقلقيش روحك ادخلي للمسيد وماتكسريش راسك تصرفي على طبيعتك كلي ماصرا والو هاكداك ماتربحي عيب مع شيوخة ما والو انا تان نقرا في وحد الليسي الله لا يشوفك فيه ديجا العام اللول نتاعي فيه كنت كارهاتو وكارهة الشيوخهة لي فيه من بعد صايي كلش نورمال كي توالفي فواقرهم كلش يجيك نورمال
ربي يوفقك
حبيت نسقسيك وسمو ليسي ديالك واسكو في باب الواد

 

[كلي امال]

بدلي الليسي و تهناي

 

[البراءة]

الخوف غير من ربي................. ​

 

[سيرين2]

يااختي العزيزة انا نعطيك نصيحة الي تقلك
ماديريش هاذو لحوايج في بالك خلاص على خاطر الليسي مازال ماقريتيش فيه خلاص
وdeja راكي تشكي ......
والحاجة الوحيدة اللي اديريها في بالك هي انك رايحة جوزي 3 سنين باش تقراي وتتحصلي على نتائج
مليحة ان شاء الله
وهاذي ما هي الا مرحلة من مراحل الدراسة ....و3 سنين راح تمر بسرعة البرق وانتي ماعليك الا تكوني مجتهدة ...تحضيرا للدخول الى الجامعة اللي عليها الصح...ماشي الليسي اللي راكي تكسري في راسك على جالو
؟؟؟؟؟ّ!!!!!
​

 

[البابلواديّة]

و الله مشكورين على اهتمامكم بمشكلتي , تبعت نصائحكم بالحرف و الحمد لله حتى لدوكا ما صرالي حتى مشكل , يعطيكم الصحة لكل من شاركني في مشكلتي و ساعدني و لو حتى بكلمة , نتمنّى نقدر نردلكم خيركم في يوم من الايام

​

 

[** غزال الصحراء **]

بدلي الليسي C FAçILe و الله و من ضرك ما ذابيك مشي روطار سلام .

 

[ahras algerie]

شكرا على الدخول ​

انا حبيت نطرح عليكم مشكلة راهي مقلقتني بزاف , و نطلب نصيحتكم , هاذ العام راني داخلة لليسي غير البنات , بمعنى ما نزيدش قاع نتلاقا باصدقائي الاخرين اللي نحبهم بزاف , بصح ماشي هذا هو المشكل , المشكل هو انه هاذ الليسي مزبوط بزاف , و الاداريين و الاساتذة لتماك متسلطين و يحبوا يحكموا فينا قاع , يعيطوا علينا و يعاملونا (حاشاكم) كحيوانات , و انا هذي حاجة ما نقدرش نقبل بيها , و راني خايفة يصراولي مشاكل لتماك ( وانا في حياتي ما تضاربت مع أستاذ), و نخسر قرايتي و نشوه سمعتي , أفيدوني خاوتي كيفاش نتعامل معاهم , و نجوز 3سنين بلا مشاكل و توجاع الراس , و شكرا مسبقا لمن افادني برأيه:smile:

قلتي في موضوعك بلي فيه غير البنات ونزيدش قاع نتلاقى بأصدقائي لوخرين ؟؟؟ نظن أختي الليسي مكان لطلب العلم ماشي ستار أكاديمي هذا الرد موجه ليك ولي بقية الأعضاء

 

[صمت الذكريات]

حنا في الليسي عندنا الادارة واعرة
انا تاخدي رايي روحي قراي و ردي روحي مشفتي والو

 

[جلال2010]

صح فطورك صدقيني كل شي يفوت وانت تبرك الله عليك اقري وما تديها حتى في واحد وما كانش كي صبر وصير مفتاح الجنة وانا متأكد بلي قادرة تواجهي كل المشكال لأنكي عندك طموح كبير والله من خلال الموضوع لي طرحته الله يحفظك من كل العين الحسد وصح عيدك وكل عام وانت بي 1000 خيروكلام ناس ما يغني ولا يفقر كل محنة تزيد في العقل

 

[koussovi]

ربي يصبرك ويفوتلك 3سنين في سنة
انشاء الله
بصح المهم ديري لقرايا في بالك وفوتي 3 سنين واطلعي للجامعة
انشاء الله
​