جاوبوني بصراحة?

[amel2008]

اذا حدث ان تلقيت اساءة من احد اعضاء اللمة ماذا تفعل يعني والله ما اسات معه ولكن تسرع في اهانتي بكلام جرح قلبي وحط من مستواي تخيلو انه قال اذا واصلتي في عدم احترامك هذا تأكدي ليس لكي مكان معنا في اللمه ووالله لم اسىء والله العلي العظيم والله تاكدو فانا احلف بالله والله الموت اهون علي من ان اسمع هذا

 

[adnandz]

مادامك ما درتيهاش ايا خلاص ما تسمعيلوش يا امال اللي بدلك بالفول بدليه بقشورو​

 

[malika55]

شوفي امال انت راكي صافيا مع ربي خليه يسب ويعي يروح وحدو
وكلي عليه ربي هدا باين بلي غاير منك

 

[Rabah le Roi]

امال انت راكي صافية رابي يهنيك​

 

[safa rym]

أختي أمال متأكدة باللي ماغلطيش في حقو؟؟؟؟؟؟؟​

 

[وميض أمل]

حنونة بالاكي تديريه في بالك ادا كنتي ما قلتيلوا والوا وكلي عليه ربي ونحيه من بالك خلاص

نقولك والله بصراحة انا صرالي نفس الموقف.. مين دخلت وكان في احد المجموعات الاجتماعية نقولها بصراحة وقالي احد الأعضاء فيها مين سجلت فالمجموعة كلام حيرني .......... وتحيرت ادا كان هكداك يرحبوا بالعضاء الجدد:confused1::confused1::confused1::confused1:

المهم حنونة ما يكون غير الخير.......................

 

[ضحکَة خچڸ ღღ]

خيتو الغالية ميهمكش فيه خليك منو مادامك صافية مع ربي ناس كيما هادوما ماديريهمش في بالك وديري في بالك بلي احنا احبوك بزااااااااااااف اختك ايمان

 

[zamanajaib]

ونبعد خليه يهدر كما يحب كما يقولوا اعلى ما في خيلك اركبوا
ماذا سيفعل يطردك من المنتدى ليست من صلاحياته صلاحيات المدير فقط
هذا اسلوب دنيء التخويف للتواصل مع البنات ليس الا

 

[دالاس]

اذا حدث ان تلقيت اساءة من احد اعضاء اللمة ماذا تفعل يعني والله ما اسات معه ولكن تسرع في اهانتي بكلام جرح قلبي وحط من مستواي تخيلو انه قال اذا واصلتي في عدم احترامك هذا تأكدي ليس لكي مكان معنا في اللمه ووالله لم اسىء والله العلي العظيم والله تاكدو فانا احلف بالله والله الموت اهون علي من ان اسمع هذا

نعطيك الحل روحي عند الشرطة وشكي بيه ويدخلو جدو للحبس وهكدا يرح ضميرك طريقة مجربة شعال من طفلة درتها ونجحت ورني نقارع نسمع خبره:lol:

 

[ghézlaine]

شوفي خيتو ما ديري في بالك ما والو
المهم كي راكي صافية مع روحك و مع ربي
ما عليك غير توكلي عليه ربي
اختك في الله غزلان

 

[كلي امال]

ليس من صلاحياتو انو يطردك انت وكلي عليه ربي

 

[أحمد ولد الجزائر]

أنت مادام تعرفي بلي حنا نحبوك ...تخيلي كل الكم الهائل من الاعضاء مقارنة بعضوواحد كون نقبضوه ناكلوه بالسوط ...ليتك قلت إسمه

 

[mirhane]

شوفي خيتو ما ديري في بالك ما والو ok
المهم كي راكي صافية مع روحك و مع ربي :thumbup1:
ما عليك غير توكلي عليه ربي

 

[rose_alg]

حنونة كما قالولك الاعضاء لي قبلي المهم نتي كوني صافية مع ربي ووكلي ربي ومتحطيش ف بالك باسكو كاين ودوماج بزااااااااااف ناس داخلين للمنتديات باش يطيحو بناس اوخرين انا صراتلي ف منتدى اخر ووصلت حتى بكيت ومنبعد استعقلت باسكو انا مكنتش ضالمة والمشكل كان فيهم ربي يهدي النفوس ويهدينا ختي لعزيزة:001_tt1:
تقبلي تحياتي :angel_not: ههه

 

[أشرقت]

الرد :جاوبوني بصراحة?

السلام عليكم و رحمة الله و بركاته
عزيزتي آمال حبيت نقولك بللي ما تقلقيش روحك بزاف هذه أولا .و ثانيا قدمي شكوى لإدارة المنتدى و هي تعرف واش ادير .
:001_wub:قلبي معك حبيبتي :001_wub:

 

[amel2008]

والله اتحفتموني بردودكم واحسست اني ولدت من جديد فقد مسحتم لي دموعا درفت اليوم وقبله والله احبكم واتشرف بردودكم ولكل شخص رد على موضوعي مكانة خاصة في قلبي شكرا لكم ولن انسى جميلكم ما حييت