شو رايكم في هدا الموقف

[ACHWAK2002]

انو ولا شاب و لا راجل اتكلم الكل خزرولنا

اكيد ما يتكلموش على خاطر راهم يخدمو نفس الخدمة

 

[fufa22]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​

 

[said prince of p]

اولا مايفعل هدا الا الخبيث الكلب حاشاكم المهم ندخل في صلب الموضوع اختي الكريمة ربي يخليك على سلوكك واخلاقك مالقيت وشي لينهدر ربي يهدي من خلق

 

[اميرة الجليد]

انت علا بالك بلي انت فتاة محترمة و متربية انا نقولك ما تلتايش بيه على خاطر الي يكون ماوش متربي او لازم يديرها ما تعمريش راسك مادام علابالك بلي كاينين عباد ما يستاهلوش حتى نشوفو معاهم وهاد الحكاية تصرا لمعظم لبنات اني قتلك ما تلتايش خليه بينو بين مولاه.

 

[برنســ اللمة ـيسة]

مواقف كيما هادو يصراو بزاف خاصة عندنا حنا في الجزائر
كون جيت انا في بلاصتك راني ضربتو كف اللي عمرو ما ينساها

 

[bessmounette]

يا اختى واش رايحة ديري هذي ظاهرة ولات منتشرة فى وقتنا ولاو شباب مايحشموش (ماشى كامل) و راجل كي يشوف هذو لحوايج يصراو لطفلة تكون قذامو والله مايدخل و ناسي بلى ممكن اختو ولا امو ولا مرتو تتعرض لتحرشات بصح كون يشوف اختو في هذا الموقف والله غير يقتلو انا والله و يصرالي هذا le jeste غير يدي زوج كلمات ماينساهمش فى حياتو
ربى يهدى شبابنا و كبري قلبك يا اختى رانا نشوفو لعجب في هذا لوقت
شكراااا
​

 

[محمد مازونة]

​

امبارح كنت انا و امي راجعين لدارنا و كان لازم نركبو الكار باش نرجعو ركبنا و قعدت انا و امي و كان و رايا انا شاب بعد شوي و انا قاعدة نحس بحاجة ورايا شكيت بهداك الشاب و امبعد قلت يمكن غالطة و المرة الثانية قلت يمكن ماشي بلعاني المرة الثالثة خلاص قلت انشوف واش كاين اتلفتت وشفت ايد الشاب الي ورايا و اول ما تلفتت جبد ايدو طلع الدم لراسي و بصراحة حشمت من امي و الناس الي قاعدة قلت نتلفتلو نخزرلو باش يفهم روحو كي تلفتت لقيتو شاب في الثلاثين تقريبا و خزرلي و ضحك انا قلت ماشي راح يفهم بالخزرة لاهو صغير و حركات مراهقة و لاهو حشمان من روحو المهم قلتلو احترم نفسك و امي سمعتني و فهمت الموضوع اعطتو هي تاني كلمتين على راسو الي غاضني في الموضوع انو ولا شاب و لا راجل اتكلم الكل خزرولنا و سكتو مكان حتى واحد نطق و كانو موضوع عادي و ميهمهمش و تاني حاجة انا غاظتني روحي انا بنت لا عمري خرجت و انا متبرجة و لا عمري لبست حاجة امبهرجة انا متحجبة و محترمة نفسي اعلاه الناس متحترمئشي نفسها
من غير منطول انا حبيت نعرف واش رايكم في هدا الموقف الي نعرف و متاكدة انو هدي الايام يتكرر بزاف قلولي واش راح كنتم اديرو لو كنتو مكاني و واش درتو كي تعرضتو لحاجة كيما هكدا و يا شباب اعلاه تتحرشو بالبنات؟؟؟؟؟؟؟؟؟؟؟؟؟؟؟؟؟؟؟؟؟ ​

الله يهدي شبابنا قولو امين​

أختي متفهمنيش غالط برك قوليلي كنت لابسة لباس شرعي محترم ........
​

 

[رورو الجزائرية]

كنت لابسة لباس شرعي يعني حجاب واسع منضنش انو فيه عيب