نقعد على الشط نبرونزي و نحطط

[DARINE05]

ربي يحفظنا من هذا الشىء

 

[sahiko hamza]

ايه يا خويا عندك الحق تلقا كلشئ قدامك و ggratuit

شوف مليح خويا
ربنا خلقت لنا الجمال فتنة و قلت يا عبادي اتقو كيف لنا ان نرى الجمال و لا نعشق ​

شتي كيفاه ورانا في زمان مايرحمش ...
انا كي نروح لبحر والله لي طالقة روحها مانطلهاش ههههههه
ولي محتارمة روحها مانخزرش معاها خلاص

وهكذا العقلية في كل بلاصة
الإحترام قبل كل شي ...

​

 

[برنســ اللمة ـيسة]

شتي كيفاه ورانا في زمان مايرحمش ...

انا كي نروح لبحر والله لي طالقة روحها مانطلهاش ههههههه
ولي محتارمة روحها مانخزرش معاها خلاص ​

وهكذا العقلية في كل بلاصة
الإحترام قبل كل شي ... ​

انت ماك طالق حتى حاجة
اوااااااااااه انت صعيب بزاف

مشكور على المرور ​

 

[sahiko hamza]

انت ماك طالق حتى حاجة
اوااااااااااه انت صعيب بزاف

مشكور على المرور ​

والو انا هو sahiko
نحب الناس زينين .... :wink:
​

 

[messikimo]

اللهم إهدنا فيمن هديت وعافنا فيمن عافيت

​

 

[asma_10]

فيهم بنات تكون نيتهم هك او فيهم بنات يكون الاهتمام بالمظهر شي يرضيها ​

تلقاي بنات مهتمين بالمظهر بصح لو كان يقدم ليها واحد تمسح بيه الارض​

وكاين بنات ماتسمحلهمش الظروف باش يتزينو ويتمناو يكونو لابسين مليح ويجلبو الانظار​

دوك ماترجع غير للنية​

وهادو بنات كما قلتي نيتهم فاسدة ​

وصح البحر فيه العجب عليها انا مانروحلوش بزاف​

:scared: اختي همسه هدا هو ردى كيفها صح كاين لى تهتم بمنظرها خاطر جوات قلبها تحب الجمال تحب تكون مليحة و برك ماشى على جالهم :sneaky2: مشكوووره حبيبتى على المرور و ربي يهدى لى راهم يخمم متل هادوا البنت لى قلتى عليهم :heh::heh:​

 

[iméne09]

ياختي في لي بلاج تشوفي لعجب وتبهدايل لاتعد ولاتحصى....
تلقاي ليجونفي دايرين رايهم كاين كتر من هدا نوع زعما تروح للبحر باش تصيد عندبالها رايح يتزوجها غير تفيق روحها الراجل كي يحب يتزوج يدي لمرا عاقلة تاع دار ماشي لي خرجت مع مليون هدولبنات دايتهم الدنيا مايعرفوش صلاحهم يتبيشو ويقيسو رواحهم على ليجون خدمتها غير الحطة بلاك تلقايها كل يوم لتماك وشادة لومام بلاس كاش ماتصيد كاش حمار تكلخلو وتبروفيتي منو مطولة ولا مقصرة رايح يلعب بيها ويتوقت هدا مكان يخسرو غير في روحهم وهدو لبنات هوما لي خسروها على لعاقلات ربي يهديهم يعطيك الصحة خيتوموضوع فور ​

 

[نريمان الجزائر]

واش نقولو ربي يهدي الجميع

 

[يسرى 2008]

ربي يهدي الي خلك
عابالك يا خويا او مش غير في الصيف يصراو الاشياء هادي
اي حتى في الشتاء
وفي القسم الي في الصح تاع قراية
البنات حولوه مكان يتفرجو فيه المجلات ويختارو اكسسوارات للشعر ولا اي شي
والهدرات تيعهم يحكيوها قدام الدكورى
وخواتاتهم الي نورمالمو يربيوهم يحكيولهم كيفاش خرجو مع الدكورة
وهوما نورمال زعما عقليتهم انتيك
يخي جيل يخي

 

[cocasse]

هههههههههههههههههه

وحنا علاه نروحو للبحر غير على جال هذا الشئ

ههههههههههههه

شحال من وحدة تزوجت في البحر بصح أنا حاب نتزوج في لابيسين​

 

[{مُدَلَّلَتُهُ}]

lah yehdi ma khla9 7na ki nro7ou nro7ou les plages de familles w n3oum b 7ijabi

 

[SaRa MosTa]

une belle histoire d'amoure

والله رانا غير نزيدو نشوفو سيرتو في الصيف في لابلاج
العجب يصرا كيما يقولو:**ريح الشتا ولا ضرب الصيف**

المهم ري يحفظنا ويهدينا ويهديهم







belle histoire d'amoure

 

[نبض الحياة]

الله يهدي ماخلق
هاداك البحر راه في العجب حنونة
​

 

[kojak]

مليح كي مالقيتهومش بحراري ناترال في البحر ههههههههههههههههههه
​

 

[ايمي03]

ايه والله كاين بنات يديرو هاك عند بالهم حاجة مليحة
الله يهدي الجميع هادا ما نقولو
وشكرا على الموضوع

 

[TOUTA32]

المراة ديما ديما المظهر يعنيها وهي لي لازم تعتني بروحها مي نحير فلي جون كي يستيكيو رواحهم ويجيو يدورو

 

[ĜąМę ǒVĕŗ]

نورمال انا نحطط و نلبس هههه بصح في تاع نقدب راجل لزواج ماندنش

خاترش ليغولاصيون تاع البحر مايطولوش تمسخير و تفوات وقت و باش تاني نديفولو

الصيف يكمل و القراية تجي اموا ندخلو مرييحييين lol
​

mdrrrr hhhhhh​

 

[صهيب بوبو]

يعطيك الصحة اختي على الموضوع
وي صح كاينين بنات كيما هادو ما هداهمش ربي و عند قولهم الزواج بهادا الطريقة ساهل
ياو اللي جان قاعدين غير يجوزو في الوقت بهاد النوع من البنات
تقبلي مروري​

 

[برنســ اللمة ـيسة]

شكرا لمروركم اخوتي
نورتم الصفحة
​

 

[*خولة *]

عقلية بيريمي تخمام زيرو صح كاين بنات خسروها علينا بهدلو بينا يروحو غير باش يجوزو وقتهم زعما رايحين يدوهم بصح مكانش لي رايح يتزوج بيها يطيك الصحة ختي موضعك هايل​