لماذا الا الجزائريين

[DARINE05]

السلام عليكم ورحمة الله تعالى وبركاته
شكرا لك على الموضوع فعلا اللهجات مختلفة في العالم
تعرفي اختياحنا اعلاه نفهمو لكلام كامل العرب وكامل لهجاتهم
لأنو التلفاز 24ساعة على 24 ساعة
واحنا نتقنو كل اللهجات وهوما حتى كي يتبعو البرامج تاعنا فيها الاقليل من لهجتنا
وفي مايخص كلام تاع الردود بشوي وعائلتها عندك الصح تقليد اعمى
بارك الله فيك

​

ما عندي منزيد على كلا خويا محمد هذي هي يا بعد

 

[ملاك النور]

انا في رايي لانو لهجتنا مهيش منتشرة بكثرة مثلا المسلسلات الجزائرية مكاش فالدول الاخرى لكن المسلسلات العربية الاخرى توجد عندنا لهذا نحن نتعرف على لغتهم و حظارتهم بنسبة اكبر من الاخرين
وشكرا

فعلا هادا هو السبب في رايي
وزيد حنا هدرتنا مخلطة بالفرنسي
هاكدا خير على الأقل نحنا نهدرو ومايفهموناش :yahoo:​

​

 

[amoulita@mosta]

الصراحة الصراحة يا اختي العزيزة انا وحدة منهم ههههههههههههه والله العظيم كي نكونكتي و يدخل عندي واحد مصري ولا فلسطيني ولا.......والله غير نهدر معاه باللهجة نتاعو وحد المرة مصري شك فيا قالي انتي من عندنا من مصر انتي مصرية :heh:و كيما قالولك الي قبلي لهجتنا صعيبة شوية و مخلطة باللغة الفرنسية قليييييييييييل الي يفهمها واش تحبينا نديرو هادي هي و مرسي عليك على طرح هدا الموضوع .
تقبلي مروري

 

[sisou023]

صح لأنو لهجتنا ماهيش منتشرة في الدول العربية على عكسهم هوما نعرفو لهجاتهمو ثقافتهم من التلفاز

 

[Mr mino]

ايه خيتو شو عليه

المهم انواحنا كليتنا عرب

مابتفرا لو نحكي سوري او لبناني او حتى بكستاني




​

 

[أولدوز]

في رايي لهجتنا صعيبة بزاف
مهيش كي الخليجية ولا العراقية ولا التونسية
هدرتنا فيها بزاف كلمات بالفرنسية
مي حتى انا نقلق كي نشوفهم يهدرو بلهجة اخرى
تقبلي مروري

بارك الله فيك خويا على مرورك الطيب
اتقول بلي لهجتنا اصعيبة تقدر تفهم هذو الكلمات
زول
لبك على يمين
يا خايس
عندك مليق
يدار - طوفة
و الله صج
رفيجتي
صدقني انك منسم
و المهم اننا لا ننسلخ بسهولة من جلدتنا كي البلوط

 

[jasmin23]

صح انا ثاني تولهت بهاذي الحاجة كي نشوف هكذا كشما جزائري ولا جزائرية يهدرو بلهجة اخرى و يخلطو الهدرة نقول روح نقتلهم
معلاباليش علاه
كون جيت انا نهدر بلهجتي اللي عجبو عجبو و اللي ما عجبوش منحوسش عليه

 

[أولدوز]

والله يعطيك الصحة ختي​

هادا واش نكره في حياتي
وحدة ولا واحد يحكي بالسورية ولا المصرية
افففففففففف​

ضعف في الشخصية​

بارك الله فيك ختي
راكي كما انا شحال انارفوني خاصة لبنات الي يتكلموا بالمصري و لا لبناني
و تلقايها مخلوعة و حابة تروح تعيش في لبنان ولا يتزوجها واحد لبناني
و مرات متبان والوا قدام راجل قاعد يتكلم مصري و الله غير تقول نرميه في البحر يكلوه الحيتان
ربي يستر
بصح المشكل مزال هو علاه نحسوا رواحنا مش مفهومين
علاه الخليجي ولا المصري و لا لبناني ولا حتى خاوتنا التوانسى ولا المراركى ما يحاولوش يبدلوا من لهجتهم باش افهمونا
حتى اذا ما افهمناش افهمهالك بكلمة اخرى من لهجتوا
و تلقونا احنى خصنا غير ديكسيونار ما ارفدناهش معانا
ربي يهدي ما خلق

 

[أولدوز]

راك غالط انا اصديقائي من السعودية من سوريا ولبنان
نهدر معاهم بلهجتي ونطرجم حتى عادوا يفهموا
كيما دروك نهدر مع وحده نقوللها واش راكي
تقولي منيحه تفهمني
شكرا على الموضوع

ختي سمكة بحر باينة البحر الي حطوك فيه اتعومي فيه علا هذا معندك مشكل
موضوع كاين منوا شوفي غير في تلفزيون و اجيبوا وحدة جزائرية و قوللي كيفاش رايحة تهدر
هاي فلة عبابسة اما تتكلم لبناني ولا مصري
وين راها لهجتها كلاها بوبي
انت لاحظي كلامك مع الخليجين ولا غيرهم تلقاي بلي انت الي تغيري في كلامك اكثر منهم
وهذي الحقيقة المرة
بارك الله فيك

 

[أولدوز]

هدا مركب نقص لا اكثر ولا اقل ما كاش منها لهجتنا صعيبة الاشكال انا مرتبين انفسنا بعدهم على هاك نشوفو واش عندهم خير من واش عندنا في كلش ماشي غير في هادي ​

بارك الله فيك
رغم ان الجزائري اجتماعي بطبعه
و لكن انو يخرج من جلفتوا كبلوط هذي ما انحبهاش
علاه يتكلم لهجة غير اللهجة تاعوا
علاه لوخرين ما احاولوش يديروا شوية ايفور و يتكلموا كما احنى
و انقول ان اللهجة الجزائرية خاصة لسكان الجنوب قريبة جدا من العربية
علاه حابة نفهم علاه انحسوا بلي مراناش مفهومين

 

[NICHA03]

انا نهدر معاهم باللهجة تاعنا لي عرف الله مبارك ولمعرفش معندي منديرلواااااااااااااااا و مرسي عالموضوع عندك الحق

 

[أولدوز]

السلام عليكم ورحمة الله تعالى وبركاته

شكرا لك على الموضوع فعلا اللهجات مختلفة في العالم
تعرفي اختياحنا اعلاه نفهمو لكلام كامل العرب وكامل لهجاتهم
لأنو التلفاز 24ساعة على 24 ساعة
واحنا نتقنو كل اللهجات وهوما حتى كي يتبعو البرامج تاعنا فيها الاقليل من لهجتنا
وفي مايخص كلام تاع الردود بشوي وعائلتها عندك الصح تقليد اعمى
بارك الله فيك​

و عليكم السلام و رحمة الله و بركاته
بارك الله فيك
ممكن بسبب التلفزيون
و لكن توصل حتى في المنتديات و في حياتنا اليومية
كاين وحدة لو كان متتكلمش بالمصرية ما نعرف واش يصرالها
قاتلك تحب اللهجة تاعهم
بصح واش انقول غير ربي يهدي ما خلق

 

[assoma]

هاو لهجة تاعنا شوية صعيبة وماكانش الي يفهمها
​

 

[أولدوز]

إيه عندك حق لكن في بعض الأحيان لهجة الخليجيين والله مانفهم منهم شيء

مشكوووووورة على الموضوع ​

بارك الله فيك ختي على تعليقك
كاين كلمات في اللهجة الخليجية ما نقدرش انقولك واش معناها
بصح كاين جزائريين شغلهم انهم يتكلموا يغير لهجتهم
شوفي هذا الكليمات اذا فهمتي منهم حاجة
أشوله
تدودهت
أمحق
عباب
و هناك الكثير

 

[hell men]

عندك الصحة في هادي

مين توجد واحد جزايري يلقد في لبناني ولا سوري << تقول غبي خاصة انه لا يفقه شيئا

تحيا بلادي ولهجتيييييييييييييييييي واللي مايفهمش كاين قاموس (تاع اللمة)
​

 

[أولدوز]

والله العظيم نفس التساؤل ديما نطرحو

مانيش عارفة كيفاه يخممواو بلاك يبغوا يوصلو الفكرة للاخر بطيرقتهم باش يفها غير الجزائري بحكم اننا الجزائريين الحمد لله اجتماعيين
ولا ضعف في الشخصية
الله اعلم
عن نفسي نحكي بلهجتي وين كنت و مع من كنت نحكي بغض النظر علم الجنسية
يعطيك الصحة على الطرح الرائع

بارك الله فيك
مدام رانا انخموا كيف كيف لازم نلقوا وعلاه جزائرين يتكلموا بلهجة مش لهجتهم
اولا على حساب التاريخ الجزائرين نفسيا حاسين ارواحهم بلي كانوا خارج التاريخ بسبب الاستعمار
البلدان الاخرى كانوا اطوروا في ارواحهم و احنا كنى انحاربوا
معليهش
بصح كل ما يتلقى جزائري بعربي اخر يبدى يعوج في لسانوا ما بانت لا جزائرية لا لهجة تاع بلاد اخرى
و الله غير يحكمك الضحك
تعرفي ختي انقولك حاجة و هذي مجربتها
في مكة الحجاج تاوعنا
تلقي التوانسى دايرين جماعة و المراركى دايرين جماعة و المصاروى كذلك
و كل جنسية متلامين مع بعضاهم
الا الجزائريين
و انعاود الا الجزائرين كي اديروا اجماعة اتقاتلوا وادابزوا
علا هذي تلاقايهم متفرقين
في كل جماعة من اجمايع الاخوة العرب تلقي جزائري لاصق باش ما انقولش كلقرادة مشتاق معرفة
احبوا اتعرفوا و اديروا كونتاكت
بصح نرجعوا للهجة علاه لهجتنا شابة بصح نحسوا انها ما راهيش في مستوى التواصل مع الاخرين

 

[أولدوز]

انا في رايي لانو لهجتنا مهيش منتشرة بكثرة مثلا المسلسلات الجزائرية مكاش فالدول الاخرى لكن المسلسلات العربية الاخرى توجد عندنا لهذا نحن نتعرف على لغتهم و حظارتهم بنسبة اكبر من الاخرين
وشكرا

بارك الله فيك
بصح اختي ممكن انوافقك الرأي هما ما يتكلموش لهجتنا خاطرش ما يعرفوهاش
و احنا نتكلموا لهجتهم خاطرش هما لهجتنا ما يعرفوهاش
بصح هما علاه ما افكروش ولا دقيقة انهم يتكلموا لهجتنا باش نفهموهم
علاه نقدروا انديروا تنازل و نتكلموا لهجتهم و هما لالالالالالالالا
فهميني
هنا عايشين سورين و فلسطنيين و خليجين و مصريين
و تلقايهم اتكلموا لهجتهم ووين اروحوا مش هما الي اتكلموا جزائري تلقي راجل شيخ بياع يتكلم مصري ولا غيرها باش اخونا العربي يفهم علينا
انت اذا روحتي اي بلد عربي و عرفوك بلي انت جزائرية
هل احاولوا انهم يتكلموا كما انت حتى واذا ما افهمتيش عليهم
و احنا اذا جانا اخونا العربي و عرفناه بلي من بلاد الفلانية تلقينا انقاقوا بلهجتوا
علاه علاه فهموني

 

[أولدوز]

هههههههههههههه ضحكتني مي حنا نحبو نتحلبو مي هدي هي عقلية dz وش ندرو الله غالب يا طالب عقلية dz مكان مكان ​

شكرا ليك الاختي علي موضوع الهام​

بارك الله فيك
لالاخويا ماشي تحلاب هذا انسموه تدلاق

 

[BAD BOY DZ]

حيا بلادي بلاد الرجال

 

[أولدوز]

وعليكم السلام
على خاطر الجزايري ماشو كيما لعباد الجزايري
كا سبيسيال

و عليكم السلام
صحيتي اختي
قلتي كليمة عجبتني
الجزائري كا اسبسيال
علاه ماراهوش كا اسبيسيال مع خوه الي من الصحراى
لو كان واحد من الصحراى يقول كلمة يضحكوا عليه و اقولوا عليه عروبي و غيرو
بصح هو دايما كا سبيسيال مع لوخرين
تلقايه اقاقي مع الدجاج و هو ما هو فاهم فيها والوا
سؤالي انكروا دايما
علاه الجزائري عندوا القابلية انو اغير لهجتوا باش يفهموه و اخوتنا العرب لالا ما اغيروش لهجتهم علا جالنا باش نفهموهم
اعلاه