حاطين الخدمة في الشرط والخدمة ماكانش :(

[Smile Queen]

السلام عليكم

واش راكم لاباس

أول مرة نكتب موضوع هنا ،هدفي تقولولي رأيكم باش نحاول نقنع ماما اللي ماحبتش تقتنع خلاص

خطبني انسان هايل متربي ومتدين وخدام الحمد لله

وكيما كامل العايلات الجزائرية الشرط يتفاهمو عليه الرجال في بيناتهم

بصح وثاني كيما كامل العايلات الجزائرية الأم تتدخل وتكون في الكواليس طبعا ههه

قالتلهم نشرطو الخدمة بنتي قارية ولازم تخدم ماتقعدش في الدار وثاني لازمها دارها وحدها

هاذ الشروط ال2 ماعجبونيش خلاص

أولا: الخدمة علابالي مستحيل نلقا لأني رايحة لولاية أخرى وزيد الكونترا تاعي تاع عقود الادماج مازال ماخلاصتش وسقسيت لكان نقدر ندير تحويل قالولي مستحيل لأن المؤسسة لي راني خدامة فيها ماعندهاش فرع في الولاية لي راني رايحتلها

ولي كونكور متأكدة 20000 % بلي مافيهاش وعلابالكم علاش

اقتنعت وحدي وحدي بلي ماكان لاه نشرط الخدمة خلاص كيعاد مانيش رح نلقاها

لكن الوالدة تاعي مصرّة جدا على هاذ الشرط وحطاتو شرط أساسي لزواجي

ثانيا: الانسان لي رح نديه عندو اخواتو كامل متزوجات وأمو وحدها في الدار مع باباه ماتصلحش نحرمهم من ولدهم ، كي قلت للوالدة تاعي نورمال قابلة نقعد معاهم في الدار ماحبتش وماجيت نقنعها بالسيف قالتلي نتي نية بزاف ودرك يولو بناتها يجيبولك أولادهم باش تحكميهم ويروحو هوما للخدمة وهذي مانرضاهالكش

انا نقولها يا اما والله قابلة وعاجبني الحال ، المهم نكون متهنية وهي لالا والوو ، نتي ثاني لازم تخدمي
ارواحو نتوما واقنعوها بلي ماكانش خدمة بالاك حتان تخلص الكونترا باش نقدر نحوس على خدمة

ونهار الفاتحة ثاني دارتلهم حس عظيم كي حب يدخل العريس يشوفني قالتلهم لالا مايشوفهاش ولوكان نبطلو كيفاه؟

وهاذ ليامات كل يوم تحكيلي على حكاية الخدمة وبلي رح نندم على قراري هذا

قريب نهبل

ربي يخليكم قولولي كيفاه نقنعها بلي حاجة عادية أني نقعد بلا خدمة

 

[Smile Queen]

شكرا على اعتماد الموضوع سيادة المشرف

 

[بنت الـ25]

لي عودة للرد على الموضوع
​

 

[Smile Queen]

لي عودة للرد على الموضوع
​

بانتظارك أختي

 

[AnGeL*dZ]

السلآمـ عليـكم ،أمـك تحبلـك الخير يا أختي اللي سابقك بليلة فايتك بحيلة
الخدمة في هاذ الوقت مليحة للمرأة خآطـر ماتعرفيش وش راهو مخبيلـــــك
وتآع السكنى كل واحـد ورأيـو عآدي كي تعيشي مع حماتك وحموك كان راهـم كبآر وماعندهمش اللي يبقى معاهـم أما يجي وقت وكي يكبروا ولآدك تعودي تحوسي على خصوصيـة ،واللي مكتبلك ربي مرحبا بيـه اقنعي أمـك بشوي وحاولي تفهي رأيها هي زادا
​

 

[la_safa]

السلآم عليكم و رحمة الله و بركآته

| نحبكـ بزآف f ربي يخليكـ ليآ رآجلي العزيز |

حسبتكـ متزوجة , المهم ربي يتمم على خير ان شآء الله

نرجعو لاشكآليتكـ ,

قضية الخدمة المهم انو خطيبكـ مآ هوش معآرض على الخدمة ؟
اذا مآش معآرض اشرطي الخدمة و منين تجي الخدمة رآكي تخدمي ..
و اذا مآكآنش رآكي مريحة ..
+
قضية الدآر هآذي شويآ بزآف سيرتو الظروف مآتسمحش كيمآ قلتي ..
انت احك ي لماماكـ و فهميهآ بلي المهم التفآهم و الستر و الدآر تجي مبعد ..
قوليلهآ ترضآي ولدكـ تديه منكـ مرآ من اول نهآر لدآر وحدهآ ؟
قوليلهآ حتى نعيش شويآ معآهم أصلآ لعروسة حلآوتهآ كي تعيش مع دآر
رآجلهآ مع لول و مبعد كي يجيو لولآد رآهي تروح وحدهآ ,
و فهم يهآ بلعقل لانو الام مآتقدريش تلوميهآ رآهي ام و حآبتلكـ الخير ..

و ربي يكملكـ ان شآء الله
المهم انكم تتفآهمو ~
​

 

[سمسم السمسومة]

اي ام راح تدير لي داراتوا ماماك...الخدمة راح تجيك اليوم ولا غدوا مدام خطيبك مهوش معارضك مهيش حاجة لي لازمة على خاطر فاللول و فاللخر ماكيش مترسمة...و الدار ادا انتي مقتنعة اقعدي معاهم و فهميها بلي مهما صار نتي راح تتحملي نتيجة اختيارك و ادا شفتي خطيبك قادر يدبرلك دار اسكني وحدك...

 

[ЯǾᵯẫḭṧşẰ]

السلام عليكم
اختي الحبيبة
لي يشوف مصيبة غيرو تهون عليه مصيبتو
انا نخدم والحمد الله
ا انا خطيبي لي راهو رافض رفض تام الخدمة مع العلم انا طبيبة نفسية والشابة راني نكمل في قرايتي لدكتوراه ان شاء الله وهو دايمن يقولي غير نتزوجو تقعدي ف الدار وتاني هو وحيد والديه انا معنديش اشكال نسكن مع عجوزتي psk نموت عليها بزاف
دايمن نتفاتنو علا الخدمة نقولو الزمان غدار
يقولي هو بيك الدراهم اقعدي ف الدار وانا نعطيك دوبل تا واش راكي تخلصي
وانا لا لا والوا نخدم



اختي الام ديالك راهي تخمم في صلاحك
انت شوفي ديري ستاج كملي قرايتك بدلي الاختصاص
المهم خدمة تكون سند ليك
اما فيما يخص تسكني مع عجوزتك صدقيني ايلا كانت تحبك راهي رايحة تحطك في عينيها وزيدي تربحي حسنة فيهم هادو ام واب الزوج ديالك
قنعي الام ديالك ومراكيش رايحة تختلفي معاها ان شاء الله
وربي يكملك



​

 

[lemia]

اختي اي ام تحب بنتها متهنية وزيد الواحد يقرا باه يقعد في الدار ماتجيش على خاطر وقتنا صعيب ياسر حاولي كيفاه تقنعي الوالدة وربي يجيب الخير .

 

[nabila nebola]

يا اختي قولي ليماك ما تخيري ما تشرطى ربي الا كاتبلك هذا الشخص تديه و ربي كبير و ربي هو لي يخيرلنا لي فيه الخير الله يهدي يماك يا اختي

 

[Smile Queen]

السلآمـ عليـكم ،أمـك تحبلـك الخير يا أختي اللي سابقك بليلة فايتك بحيلة
الخدمة في هاذ الوقت مليحة للمرأة خآطـر ماتعرفيش وش راهو مخبيلـــــك
وتآع السكنى كل واحـد ورأيـو عآدي كي تعيشي مع حماتك وحموك كان راهـم كبآر وماعندهمش اللي يبقى معاهـم أما يجي وقت وكي يكبروا ولآدك تعودي تحوسي على خصوصيـة ،واللي مكتبلك ربي مرحبا بيـه اقنعي أمـك بشوي وحاولي تفهي رأيها هي زادا
​

ايه علابالي الخدمة مليحة مي الله غالب ماكانش
والكونترا تاعي مازال ماخلاصتش العرس قبل ماتخلص الكونترا بعام يتسما مش رح نقدر نلقا قبل ما يخلص هاذ العام ان شا الله ، ولي كونكور ثاني اذا عولت ندخل كونكور لازمني ندخل في الولاية لي راني رايحتلها وهاذ الشي مستحيل حاليا


شكرا لردك أختي AnGeL*dZ
نورتي الموضوع بردك :regards01:

 

[Smile Queen]

السلآم عليكم و رحمة الله و بركآته

| نحبكـ بزآف f ربي يخليكـ ليآ رآجلي العزيز |

حسبتكـ متزوجة , المهم ربي يتمم على خير ان شآء الله

ايه تقدري تقولي متزوجة ، لأني 1- مفتحة ، و1-عاقدة في البلدية يسما بقا غير العرس :$
نرجعو لاشكآليتكـ ,

قضية الخدمة المهم انو خطيبكـ مآ هوش معآرض على الخدمة ؟
اذا مآش معآرض اشرطي الخدمة و منين تجي الخدمة رآكي تخدمي ..
و اذا مآكآنش رآكي مريحة ..
هكاك تفاهمنا مي الاشكالية أن الوالدة تاعي قاتلك ماكانش الخدمة ماكانش العرس
+
قضية الدآر هآذي شويآ بزآف سيرتو الظروف مآتسمحش كيمآ قلتي ..
انت احك ي لماماكـ و فهميهآ بلي المهم التفآهم و الستر و الدآر تجي مبعد ..
قوليلهآ ترضآي ولدكـ تديه منكـ مرآ من اول نهآر لدآر وحدهآ ؟
قوليلهآ حتى نعيش شويآ معآهم أصلآ لعروسة حلآوتهآ كي تعيش مع دآر
رآجلهآ مع لول و مبعد كي يجيو لولآد رآهي تروح وحدهآ ,
و فهم يهآ بلعقل لانو الام مآتقدريش تلوميهآ رآهي ام و حآبتلكـ الخير ..


​

ربي يحفظهالي ان شا الله
المشكل خاوتي كل واحد شرطت مرتو الدار قبل كل شي
علابيها حابة تطبقها فيا أنا ثاني
ان شا الله ربي يجيب الخير
آمين وربي
و ربي يكملكـ ان شآء الله
المهم انكم تتفآهمو ~
آمين وربي يرزقك وكل بنات المسلمين بالزوج الصالح ان شا الله
ربي يبارك فيك اختي
نورتي الموضوع بردك :regards01:

 

[Smile Queen]

اي ام راح تدير لي داراتوا ماماك...الخدمة راح تجيك اليوم ولا غدوا مدام خطيبك مهوش معارضك مهيش حاجة لي لازمة على خاطر فاللول و فاللخر ماكيش مترسمة...و الدار ادا انتي مقتنعة اقعدي معاهم و فهميها بلي مهما صار نتي راح تتحملي نتيجة اختيارك و ادا شفتي خطيبك قادر يدبرلك دار اسكني وحدك...

ان شا الله
ربي يخليك اختي
نورتي الموضوع :regards01:

 

[Smile Queen]

السلام عليكم
اختي الحبيبة
لي يشوف مصيبة غيرو تهون عليه مصيبتو
انا نخدم والحمد الله
ا انا خطيبي لي راهو رافض رفض تام الخدمة مع العلم انا طبيبة نفسية والشابة راني نكمل في قرايتي لدكتوراه ان شاء الله وهو دايمن يقولي غير نتزوجو تقعدي ف الدار وتاني هو وحيد والديه انا معنديش اشكال نسكن مع عجوزتي psk نموت عليها بزاف
دايمن نتفاتنو علا الخدمة نقولو الزمان غدار
يقولي هو بيك الدراهم اقعدي ف الدار وانا نعطيك دوبل تا واش راكي تخلصي
وانا لا لا والوا نخدم



اختي الام ديالك راهي تخمم في صلاحك
انت شوفي ديري ستاج كملي قرايتك بدلي الاختصاص
المهم خدمة تكون سند ليك
اما فيما يخص تسكني مع عجوزتك صدقيني ايلا كانت تحبك راهي رايحة تحطك في عينيها وزيدي تربحي حسنة فيهم هادو ام واب الزوج ديالك
قنعي الام ديالك ومراكيش رايحة تختلفي معاها ان شاء الله
وربي يكملك



​

امين وربي يكملك انتي ثاني اختي
ربي يبارك عليك ختي
المشكل انا تعبت من الخدمة مانيش حابة نخدم أصلا ههه
وعجوزتي مليحة معايا بزاف ، والله مرات نحس أنها هي والدتي من كثرة ماتسقسي عليا
وراجلي من النوع الي لوكان نقولو حابة نخدم يدبرهالي هو بصح الاشكالية فيا أنا وثاني علابالي بلي مايلقاليش مالا ماكان لاه نتعبو :$
شكرا على الرد حنونة ، نورتي الموضوع
وربي يهنيك نتي ثاني ويعطيك ماتتمناي :regards01:

 

[Smile Queen]

اختي اي ام تحب بنتها متهنية وزيد الواحد يقرا باه يقعد في الدار ماتجيش على خاطر وقتنا صعيب ياسر حاولي كيفاه تقنعي الوالدة وربي يجيب الخير .

آمين ان شا الله حبيبتي
ربي يخليك
نورتي الموضوع :regards01:

 

[Smile Queen]

يا اختي قولي ليماك ما تخيري ما تشرطى ربي الا كاتبلك هذا الشخص تديه و ربي كبير و ربي هو لي يخيرلنا لي فيه الخير الله يهدي يماك يا اختي

آمين حبيبتي
ربي يجيب لي فيه الخير
نورتي الموضوع :regards01:

 

[nabila nebola]

yyyyyyyyyyyyyyyyyya ssssssssssssssssssssssssssssssssslaaaaaaaaaaaaaaaaaaaaaaaaaaaaaaaaaaaaam