درس خصوصي !!

[السلطانة]

السلام عليكم ورحمة الله وبركاته
واش راكم ان شاء الله راكم ملاح خلاه




الطفولة الجزائرية كيما راهي معروف عليها غير شكل

موضوعي اليوم يحكي على طريقة تربية الأمّهات للأولاد
نشفى بكري كي كنت صغيرة ماما الغالية
كانت متدينيش معاها للعراس وتقولي ممنوع تقعدي في الدار

ولاكون تديني معاها يابختي
قبل منروحو تديرلي درس خصوصي :
كي نوصلو تسلمي على النسا وتحكمي كرسي وتقعدي
متتحركيش وكي يحطو الماكلة حسّك عينك تمدّي يدّك للصحن يدّك نقصهالك وزيد تشربلي لحليب بالقاطو في الدار وتوكلني يعني نشبع خلاه خلاه

طب ليه ياماماي دا كلّو:p
ماكنتش فاهمة وقتها مرّات كون نتحرّك
كانت تخزرني بعينيها ولا عدت حداها تقرصني
وميشوفوهاش النسا

كانو النسا ديما يقولولها الله يبارك بنتك عاقلة
ومتربية أحسن تربية
(وأنا في قلبي نقولهم يكثر خير الدروس الخصوصية ههه)
كانت كي يشريلنا papa الشوكولا نقولها اعطيهالي كاملة تقولي لالا تقسملي منها كعبات والباقي تخبّيه والغدوة تمدلي هي ومتخلينيش أنا لي نقسم

كي نخرج نلعب البرّا مع ولاد وبنات الجيران ونحبّ نخرّج معايا تفّاحة ولاحاجة ناكلها تقولي متاكليش وحدك وتمدلي باه نمدلهم ياكلو معايا.تقولي راهم يسخفو.
كنت نقلق ونقول واش بيها ماما هكا وتحب غير هي لي تصرّف مي كي كبرت فهمت مليح علاه كانت هك.

فهمت بلي الطّفل الصغير على واش يتربى يكبار
الشوكولا والماكلة لي كانت تقسمهالي ماما علّمتني أنّي منكونش أنانية ونقسم أي حاجة مع العائلة تاعي وأولاد الجيران يعني بالمختصر المفيد نكون قنوعة في هاد الحياة بداتني بحاجة تبان بسيطة لي خلاتني نبني عليها قناعاتي في الحياة.
هادي للأسف كاين أمّهات بزاف يتغافلو عليها
وتخلي ولدها يسيطر عليها يدير واش يحبّ وياكل واش يحبّ كون يبكي على شوكولا على حلوة يحب ياكلها وحدو تمدهالو عادي وهكا يكبار الطفل متربي على الأنانية لي راح تتعبو في حياتو.

ودرسها الخصوصي على العراس كان الغرض منو أني منبخصش بيها ونروح نهجم على الماكلة والقاطو تقول جامي كليت ونخسرلهم المايدة وهادي حاجة بزاف تقلق،وبزاف تاني كاين في وقتنا أمهات يرخفو لولادهم ب تاع أو صغير خلّيه برك عندنا من لافامي ولاد هك غير تتحط السينية تلقاه هو اللول أنا شعري يوقف كي نلقاهم هجمو على السني ووسخولنا الدار.


درك نتوم أعضاء وعضوات اللمة الجزائرية واش رايكم في هاد التربية ؟

بعض طرق التربية لي دارتهم معاكم ماماتكم كي كنتو صغار ؟

ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ ؟

انتوم كي كنتو صغار كنتو عاقلين ولا مشاغبين ؟

علابالي كثرت عليكم اليوم
راني مشتاقة هدرة متلوموش

نتمنى يعجبكم الموضوع
سلامي

​

 

[ماكانش]

أهلا بيك ساندريلا
يعطيك الصحة على الموضوع لمليح والباهي
كيما قلتي التربية تبدا من الصغر
واش نكره كي نشوف والدين طالقين ولادهم، مرة كنت واقف وجا واحد مع ولدو الصغير تلاح ولدو على واحد الراجل ضربو بكوتبي خفيف وباباه قاعد يضحك
قلت فقلبي لوكان جا ولدي نهزو ونخبطو هههههههه
ربما الدلال ثاني يخلي الطفل يفسدو طبايعو الوالدين تبالهم يحبو ولدهم وهوما راهم يفسدو فيه
يعطيك الصحة شوشو
​

 

[السلطانة]

أهلا بيك ساندريلا
يعطيك الصحة على الموضوع لمليح والباهي
كيما قلتي التربية تبدا من الصغر
واش نكره كي نشوف والدين طالقين ولادهم، مرة كنت واقف وجا واحد مع ولدو الصغير تلاح ولدو على واحد الراجل ضربو بكوتبي خفيف وباباه قاعد يضحك
قلت فقلبي لوكان جا ولدي نهزو ونخبطو هههههههه
واش يقلوقني عفايس كيما هادي
باباه كي شغل فرحان بيه هك

ربما الدلال ثاني يخلي الطفل يفسدو طبايعو الوالدين تبالهم يحبو ولدهم وهوما راهم يفسدو فيه
يعطيك الصحة شوشو
وي الدلال من الصغر الحاجة لي يحبها يمدوهالو
وهكا تتولد عندو الانانية الصغير وتكبار معاه
ومباعد ميلقاوش كيفاه يلموه
ويقولو كيفاه وهي الغلطة تاعهم من اللول
​

شكرا على المرور الطيب

​

 

[الحق سلاحي]

هههههه تمدّي يدّك للصحن يدّك نقصهالك وزيد تشربلي لحليب بالقاطو في الدار وتوكلني يعني نشبع خلاه خلاه
في الاخير توصلتي ان هذا كان لمصلحتك
انتوم كي كنتو صغار كنتو عاقلين ولا مشاغبين ؟
بكل صراحة كنت مشاغبة وفي نفس الوقت عاقلة :d ارواحي انتي وافهميها

​

 

[السلطانة]

هههههه تمدّي يدّك للصحن يدّك نقصهالك وزيد تشربلي لحليب بالقاطو في الدار وتوكلني يعني نشبع خلاه خلاه
في الاخير توصلتي ان هذا كان لمصلحتك
انتوم كي كنتو صغار كنتو عاقلين ولا مشاغبين ؟
بكل صراحة كنت مشاغبة وفي نفس الوقت عاقلة :d ارواحي انتي وافهميها

​

خخخ كنتي شوي عاقلة وشوي مشاغبة مديا منهم في زوج
صحيتي على المرور الطيب يامولات القبعة الحمرا
​

 

[homework]

هذي انت لي في ساحة الله يبارك بلا ماتحكي هذي شهادة من عندي


درك نتوم أعضاء وعضوات اللمة الجزائرية واش رايكم في هاد التربية ؟ التربية مليحة لانوا الناس كامل تحكم على الشخص من تربية و الاخلاق لان ( الشخص بلا اخلاق كالشجرة بلا اوراق

بعض طرق التربية لي دارتهم معاكم ماماتكم كي كنتو صغار ؟
تقريبا نفس التربية نتاع ماماك ربي يحفطها زيدي ماما كي يكونوا لكبار يهدروا لوكان توقفي تسمعي والا تقعدي تجمعي معهم هذاك نهارك وزيد كي يشري بابا حاجة والا تصرا حاجة في الدار تقوللنا لوكان تخرج من الدار نحطلكم الفلفل في فمك كنا نية نخافوا وماما كانت الصرحة حنينة بزاف مي صارمة جدا في التربية ودرس لي مازالني شافيت عليها بزاف كي منحبوش نحفظوا دروس تقوللنا غدوة نروح نقول للمدير بلي ماحبش يحفظ نصدقوا و نبدأ بالحفظ واذا مانجحتوش نمدكم لناس يدوكم :$
ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ ؟
مرة عرضتنا جارتنا تخرجت من الجامعة لدارهم جات وحد المراة مع بنتها تكون 6 سنوات زعم تهدرلها بالفرنسية و دلع فيها ماخلاتش بورطابل مهزتوش و بدات تخرب فيها مخلات ساك مفركتتوش مخلات هذيك السنية دخلت فيها اكوش ادروات و المشكل ماماها و لا كلمة :s

انتوم كي كنتو صغار كنتو عاقلين ولا مشاغبين ؟ عاقلة لاني كنت البنت الكبرى في العائلة كانت ماما صارمة في تربية نتاعي

 

[ملكًة الاحسآس]

وعليــكم السلآآآم
خخخخ نقرى فالموضوع ونتفكر الايامات هدووكـ
بوون نجاوبوو على الاسئلـة ـ نتبعوو المنهجية :p
درك نتوم أعضاء وعضوات اللمة الجزائرية واش رايكم في هاد التربية:
نعطيهآآ لطاطا 10 /10 ، هذآآ الشي كامل الي كانت تديرو بآآش ماتبهدليش بيهآآ برآآ
وماتسمحش حتى لواحد يقول معرفتش تربي بنتهآ ولا بنتهآ ناقصة تربية :up:
بعض طرق التربية لي دارتهم معاكم ماماتكم كي كنتو صغار :
بخآآسكـ نفس التربية تاع ماماكـ ، وركزيلي على تاع توكلني حتى نشبع فالدآر ، كنآآ مش غير نكونو رايحين لعراس مام نكونو رايحين عند خوالي ولا طريق محتمة توكلني حتى نتبحبح ، وتقعدني قدامهآآ تلقي عليا الدرس الخصوصي ، مش كي تروحي وتلقاي البنات تتمطيري معهم
ومانسمعكش قلتيلي اعطيني ولا نروح مع فلانة ولا نشوفك نحيتي الشوشو من شعركـ ـ كنت نمووت نطلق شعري ونزوخ قدام البنآت خخخ ـ
وحكاية الماكلة انا جدة الله يرحمها تشوفني خارجة بحاجة في يدي براا تقولي شوفي كولي ودرقي ولا كولي وذوقي ، امالا مرات ناكل ونخرج ومرات نديهآ براا ونقسمهآآآ :-r
وتاني حاجة كانت تانسيسثي عليهآآ ماما هي التستيت وحد المرة قلتلهآآ ماماهآ تاع نادية قالت الوردة هديكـ الي فالبشماق بقات 3 ايام مصورة في رجلي
ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ :
علآآش عليك هاد الكيستيون آ شوشو يلزملهآآ موضوع وحدهآآ:p
يآآبنتي انا نتgـرن من الدراري الي يجو لديار الناس ويبقاو يتمطيروو ، والي تgــرني أكثر
تلقاي امه تقول بوحد الثقآآلة اسمع بركه وتبقى في بلاصتهآ:very_mad:
وحد المرة في رمضان جات وحده تقربلنا تسهر وجابت ولادها طفلة وطفل صغاار
من الي جاو ماخلاو بلاصة ، هام فالدروج وحنآآ نهبطوو ، هام فالكوزينة يفتحو الفريجيدار
هآآم فالبيت يفتحوو فالقجورة تاع الخزآآين ، والي ضحكتني شافوني فالكوزينة درت السينية
حتى لقيت حسهم مكانش أتاريهم راحوو قعدوو مع امهم يستنآآو فالسينية توصل خخخ
وكي خلصووو بداو يسوثيو من الفوثاي للي كانابي فوثآي ويهزوو فلمخاد هدوكـ يخبطوو وماما غير تخزر فيآآ ،يـــع جنون وامهم تقولهم اسمع بركاو آآو نجي وتكمل تحكي :scared01::very_mad:
هآآآو شي قالهآآ بابا والديهم مامربيينش يعني حتى يربيو اولادهم
والله غير grv

انتوم كي كنتو صغار كنتو عاقلين ولا مشاغبين :
اممم كنت مشآغبة شويآآ مش بزآآف :$ ، بصح الميزة الي كانت فيآآ برآآ عآآقلة الي يشوفني فالدار وبرآآ يحل فمه :p

ميرسي شوشوتي على الموضوع المليوح يالمليوحة

​

 

[ام آدم]

موضوع شيق

 

[أم راضية ~_]

درك نتوم أعضاء وعضوات اللمة الجزائرية واش رايكم في هاد التربية ؟

مليحة وبربي نطبقها حرفيا ​

بعض طرق التربية لي دارتهم معاكم ماماتكم كي كنتو صغار ؟

ماما كامل واش حكيتي على ماماك كانت هكدا ومازالت مع ولاد الجيران ولا فامي دايما تقولهم كيفاش يديرو , بصح انا ماما كانت تديني معاها للعراس بصح ما توصيني ما والو على خاطر كي نشوف الناس وحدي وحدي نلصق فيها و القاطو ماعندي حاجة فيه الوغ ناسبها مليح :d
ونشفى عليها كي كانت القاطو والحلوى كامل ممنوع تتكل قبل الفطور ولا العشا ممنوع منعا باتا
وتانيت كي كنا نروحو لي سوبيرات زعمة نحب نشري كاش لعبة ولا كاش قاطو ولا أي حاجة لوكان تبكي ولا تعيطي ولا تقولي بالسيف الخلاص يكون بالفاسيليتي شوية فالسوبيرات وشوية فالطونوبيل و كي نلحقو للدار نكملو واش بقا ههههههههه مي كان لازم عليا نكون قدوة لخويا المريض
​

ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ ؟

نتقلق منهم و ما نحبش هكداك يبهدلو ماليهم و يبدهلو الي يروحو ليهم
كاينين الي يقاطعو فالهدرة وكاين الي يحبو يشريو حوايج بالسيف وكاينين الي كي يروحو لدار الناس ويشوفو حاجة تعجبهم يحبو يدوها ويحطو ماليها في موقف محرج بزااف
متلا حنا في دارنا عندنا العاب و حوايج من بكري وهوما عندنا مستحفظين بيهم و محافظين عليهم عندهم 26 سنة وكي يجونا نجبدوهولهم يلعبو بيهم ومع اللخر يا يكسروهم يا يحوسو يدوهم و حنا مكبدين عليهم سيغتو انا عندي حكايات معاهم وهوما يبكو ويندبو ويقلبو الدنيا و والديهم عاجبهم الحال !!!!!! ​

انتوم كي كنتو صغار كنتو عاقلين ولا مشاغبين ؟

الحمد لله اللارمي خلاتني نكوون عاقلة , الصرامة مليحة في امور التربية ولازم يفصلو بين الفشوش و حبهم لولادهم , ماشي مليح يبالغو في أي حاجة وأي جانب
موضوع مليح بارك الله فيك
​

 

[بنت الـ25]

اهلا شوشو توحشنا قلمك
لبارح وانا نقول وشبيها شوشو عندي مدة ما شفتش مواضيعها :-r

ضحكني الموضوع وترنك الأمهات الجزائريات كامل نفس التخمام :d
هكدا انا تاني كانت يما ديرلي
احنا ماما ماكانتش تشبح علينا علابيها كي تخزر فينا نحسو روحنا درنا حاجة grv

بون .. نجاوبك على الكيستيونات

درك نتوم أعضاء وعضوات اللمة الجزائرية واش رايكم في هاد التربية ؟
مليحة وكيما قلتي ما نعرفوش قيمتها غير كي نكبرو
ويقول المثل ولدك على ما تربيه وراجلك على ما تولفيه :up:

بعض طرق التربية لي دارتهم معاكم ماماتكم كي كنتو صغار ؟
كانو كي يجونا الضياف تقولنا هزو لولاد اللي قدكم وروحو اقعدو فالبيت منهيه
ونوجدلكم سينية وحدكم ولبزو فيها كيما تحبو
واللي يجي للصالون يدي طريحة تع الموت بعدما يروحو الضياف
طبعا الطريحة ناخدوها من بابا لانو ماما جامي مدت يدها علينا

ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ ؟
اييييييه يا شوشو
في عرس ولد خالي قالولي اقعدي في وحد الطابلة مع لعجايز
تهلاي فيهم وقعدت معانا طفلة صغيرة 5 سنين ولا 6 هكاك
تعرفي كيفاش تاكل تبهدل
لقطت الكفتة اللي فالشوربة بالفرشيطة حبة ورا ختها
وزادت دارت عاللحم هاه بكل
وتهز الرفيس وتخلطو بالطاجين
سيحت اللبن والشوربة
هديك الطابلة ولات ما تشبه في والو وانا مقدرتش نهدر معاها بارسكو جداتها قاعدة معانا
حتى ناضو فيها لعجايز هدوك فم فم قالولها بنت ولدك ما ربيتو فيها ما يصلح :down:
ماينة والله .... ديفوا تلقايهم مربيين عالشبعة مي يبخصو بوالديهم فالحزات

انتوم كي كنتو صغار كنتو عاقلين ولا مشاغبين ؟
انا كنت عاقلة وفوق اللازم ولدرك كي نتفكر طفولتي منشفاش على الشغب والمشاكسة
كنت حشومة بزاف ومنحبش نروح للعراس نقعد مع نانا فالدار
ولاكان راحت نانا نقول لماما تخليني عند الجارة :-h
نكره الهرج والتقابيد اللي يصرا بين لولاد فالعراس والتلباز والروي منحملش
هههههههههههه

************************************
عندي ولد ختي 4 سنين رباتو امو (ختي) تربية واعرة
كي نقلها بالشوية عليه تقولي ايه نخليه يفسدو طبايعو وكي يبدا خوه يعرف صلاحو
ويولي يدير كيفو نكون في واحد نولي في زوج
مي خرج يشعل :up:
******************************************
مرسي شوشو رجعتينا للورا خلاه خلاه هههههههه
​

 

[السلطانة]

هذي انت لي في ساحة الله يبارك بلا ماتحكي هذي شهادة من عندي


درك نتوم أعضاء وعضوات اللمة الجزائرية واش رايكم في هاد التربية ؟ التربية مليحة لانوا الناس كامل تحكم على الشخص من تربية و الاخلاق لان ( الشخص بلا اخلاق كالشجرة بلا اوراق

بعض طرق التربية لي دارتهم معاكم ماماتكم كي كنتو صغار ؟
تقريبا نفس التربية نتاع ماماك ربي يحفطها زيدي ماما كي يكونوا لكبار يهدروا لوكان توقفي تسمعي والا تقعدي تجمعي معهم هذاك نهارك وزيد كي يشري بابا حاجة والا تصرا حاجة في الدار تقوللنا لوكان تخرج من الدار نحطلكم الفلفل في فمك كنا نية نخافوا وماما كانت الصرحة حنينة بزاف مي صارمة جدا في التربية ودرس لي مازالني شافيت عليها بزاف كي منحبوش نحفظوا دروس تقوللنا غدوة نروح نقول للمدير بلي ماحبش يحفظ نصدقوا و نبدأ بالحفظ واذا مانجحتوش نمدكم لناس يدوكم :$
ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ ؟
مرة عرضتنا جارتنا تخرجت من الجامعة لدارهم جات وحد المراة مع بنتها تكون 6 سنوات زعم تهدرلها بالفرنسية و دلع فيها ماخلاتش بورطابل مهزتوش و بدات تخرب فيها مخلات ساك مفركتتوش مخلات هذيك السنية دخلت فيها اكوش ادروات و المشكل ماماها و لا كلمة :s

انتوم كي كنتو صغار كنتو عاقلين ولا مشاغبين ؟ عاقلة لاني كنت البنت الكبرى في العائلة كانت ماما صارمة في تربية نتاعي

أهلا حبيبتي الغالية

ماشاء الله الله يحفظلك الوالدة الغالية
استمتعت بزاف وانا نسترجع معاك في ايام البراءة
مشكورة على المرور
الطيب
سلامي

​

 

[السلطانة]

وعليــكم السلآآآم
خخخخ نقرى فالموضوع ونتفكر الايامات هدووكـ
بوون نجاوبوو على الاسئلـة ـ نتبعوو المنهجية :p
درك نتوم أعضاء وعضوات اللمة الجزائرية واش رايكم في هاد التربية:
نعطيهآآ لطاطا 10 /10 ، هذآآ الشي كامل الي كانت تديرو بآآش ماتبهدليش بيهآآ برآآ
وماتسمحش حتى لواحد يقول معرفتش تربي بنتهآ ولا بنتهآ ناقصة تربية :up:
بعض طرق التربية لي دارتهم معاكم ماماتكم كي كنتو صغار :
بخآآسكـ نفس التربية تاع ماماكـ ، وركزيلي على تاع توكلني حتى نشبع فالدآر ، كنآآ مش غير نكونو رايحين لعراس مام نكونو رايحين عند خوالي ولا طريق محتمة توكلني حتى نتبحبح ، وتقعدني قدامهآآ تلقي عليا الدرس الخصوصي ، مش كي تروحي وتلقاي البنات تتمطيري معهم
ومانسمعكش قلتيلي اعطيني ولا نروح مع فلانة ولا نشوفك نحيتي الشوشو من شعركـ ـ كنت نمووت نطلق شعري ونزوخ قدام البنآت خخخ ـ
وحكاية الماكلة انا جدة الله يرحمها تشوفني خارجة بحاجة في يدي براا تقولي شوفي كولي ودرقي ولا كولي وذوقي ، امالا مرات ناكل ونخرج ومرات نديهآ براا ونقسمهآآآ :-r
وتاني حاجة كانت تانسيسثي عليهآآ ماما هي التستيت وحد المرة قلتلهآآ ماماهآ تاع نادية قالت الوردة هديكـ الي فالبشماق بقات 3 ايام مصورة في رجلي
ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ :
علآآش عليك هاد الكيستيون آ شوشو يلزملهآآ موضوع وحدهآآ:p
يآآبنتي انا نتgـرن من الدراري الي يجو لديار الناس ويبقاو يتمطيروو ، والي تgــرني أكثر
تلقاي امه تقول بوحد الثقآآلة اسمع بركه وتبقى في بلاصتهآ:very_mad:
وحد المرة في رمضان جات وحده تقربلنا تسهر وجابت ولادها طفلة وطفل صغاار
من الي جاو ماخلاو بلاصة ، هام فالدروج وحنآآ نهبطوو ، هام فالكوزينة يفتحو الفريجيدار
هآآم فالبيت يفتحوو فالقجورة تاع الخزآآين ، والي ضحكتني شافوني فالكوزينة درت السينية
حتى لقيت حسهم مكانش أتاريهم راحوو قعدوو مع امهم يستنآآو فالسينية توصل خخخ
وكي خلصووو بداو يسوثيو من الفوثاي للي كانابي فوثآي ويهزوو فلمخاد هدوكـ يخبطوو وماما غير تخزر فيآآ ،يـــع جنون وامهم تقولهم اسمع بركاو آآو نجي وتكمل تحكي :scared01::very_mad:
هآآآو شي قالهآآ بابا والديهم مامربيينش يعني حتى يربيو اولادهم
والله غير grv

انتوم كي كنتو صغار كنتو عاقلين ولا مشاغبين :
اممم كنت مشآغبة شويآآ مش بزآآف :$ ، بصح الميزة الي كانت فيآآ برآآ عآآقلة الي يشوفني فالدار وبرآآ يحل فمه :p

ميرسي شوشوتي على الموضوع المليوح يالمليوحة

​

أهلا حبيبة قلبي
خخخ كنتي شريرة وعاقلة في نفس الوقت
مغامراتك هايلة تاع الصح ههه
مشكورة حبوبتي على المرور الطيب
سلامي

​

 

[السلطانة]

موضوع شيق

شكرا اختي
​

 

[السلطانة]

درك نتوم أعضاء وعضوات اللمة الجزائرية واش رايكم في هاد التربية ؟

مليحة وبربي نطبقها حرفيا ​

بعض طرق التربية لي دارتهم معاكم ماماتكم كي كنتو صغار ؟

ماما كامل واش حكيتي على ماماك كانت هكدا ومازالت مع ولاد الجيران ولا فامي دايما تقولهم كيفاش يديرو , بصح انا ماما كانت تديني معاها للعراس بصح ما توصيني ما والو على خاطر كي نشوف الناس وحدي وحدي نلصق فيها و القاطو ماعندي حاجة فيه الوغ ناسبها مليح :d
ونشفى عليها كي كانت القاطو والحلوى كامل ممنوع تتكل قبل الفطور ولا العشا ممنوع منعا باتا
وتانيت كي كنا نروحو لي سوبيرات زعمة نحب نشري كاش لعبة ولا كاش قاطو ولا أي حاجة لوكان تبكي ولا تعيطي ولا تقولي بالسيف الخلاص يكون بالفاسيليتي شوية فالسوبيرات وشوية فالطونوبيل و كي نلحقو للدار نكملو واش بقا ههههههههه مي كان لازم عليا نكون قدوة لخويا المريض
​

ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ ؟

نتقلق منهم و ما نحبش هكداك يبهدلو ماليهم و يبدهلو الي يروحو ليهم
كاينين الي يقاطعو فالهدرة وكاين الي يحبو يشريو حوايج بالسيف وكاينين الي كي يروحو لدار الناس ويشوفو حاجة تعجبهم يحبو يدوها ويحطو ماليها في موقف محرج بزااف
متلا حنا في دارنا عندنا العاب و حوايج من بكري وهوما عندنا مستحفظين بيهم و محافظين عليهم عندهم 26 سنة وكي يجونا نجبدوهولهم يلعبو بيهم ومع اللخر يا يكسروهم يا يحوسو يدوهم و حنا مكبدين عليهم سيغتو انا عندي حكايات معاهم وهوما يبكو ويندبو ويقلبو الدنيا و والديهم عاجبهم الحال !!!!!! ​

انتوم كي كنتو صغار كنتو عاقلين ولا مشاغبين ؟

الحمد لله اللارمي خلاتني نكوون عاقلة , الصرامة مليحة في امور التربية ولازم يفصلو بين الفشوش و حبهم لولادهم , ماشي مليح يبالغو في أي حاجة وأي جانب
موضوع مليح بارك الله فيك
​

الله يحفظلك ميمتك انتي وحدك يانجمة
الله يحفظك يالزينة
مشكورة على المرور الفريد من نوعه
سلامي
​

 

[FATIMA 19]

ههههههههه موضوع فوووور
والله عندك الحق في كل لكمة قلتيها

 

[كاترين]

هههههههههه فكرتيني بالعرس نتاع ختي
سميناه التصديرة في الادغال
بعدا التصديرة يسقموها يديرو زربية و الورد فيها و كامل ايا دارو البنابل هههههه و بعدا هي دارت ربع لبسات و لا خمسة الذراري الصغار و لاو يهجموا عليها هههههه و يسرقوا ف البنابل و اللي يبكي و اللي طرطقهم على راس العروسة
تبهدايب و هاديك نتاع السني القرصة مزالت بلاصتها في ذراعي انا تان ماما كانت تقرصني هههههه
ربي يخليك و الله غير عندك الحق في كل حاجة قلتيها

 

[FATIMA 19]

درك نتوم أعضاء وعضوات اللمة الجزائرية واش رايكم في هاد التربية ؟
آآآآآآآآآه مليحة
بعض طرق التربية لي دارتهم معاكم ماماتكم كي كنتو صغار ؟
صرااااااااااحة كنت عاقلة بزااااااااااااااااااف عند الناس و كلمة ما ننطقهاش...
وكنت نحشم
ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ ؟
عندي مرت خويا كي كانت صغيرة تخليهم حتان يوجدو السني وتدي حبات القاطو وتخبيهم برا توال garage نتاع جيرانهم كي يلحق وقت القيلولة تعيط لخوها اللي أكثر منها يجيو ثما ياكلو
وتطل امهم تلقا نفس الطبسي اللي تسرق تطارشهم بفردة بشماق يابسة حجر
انتوم كي كنتو صغار كنتو عاقلين ولا مشاغبين ؟
أنا عند الناس عاقلة مي في الدار ماعندي مانقول
المغامرات بصح خاطيني ظلم الناس نحبو نديفوليو برك

مرسي على الموضوع و الله فكرني في يامات زمان​

 

[فتاة حساسة]

يا حسرااااااااااااااااااااااااااااااااااااااااااااااااااااااااااااااااااه فكرتينيييي في يامات الصغر.يامات القريص والبشماق تاع النيلو هههههههههههههههههه هادو كامل يما الله يخليها درتهملي..ونشفا كي نخرج الماكلة برا لازم نقسم.كانت تقولي كول ودرق والا كول وفرق هههه يامات مايتنساوش .فكرتيني ربي يخليك .مرسسي على الموضوع شكرا

 

[السلطانة]

اهلا شوشو توحشنا قلمك
لبارح وانا نقول وشبيها شوشو عندي مدة ما شفتش مواضيعها :-r

ضحكني الموضوع وترنك الأمهات الجزائريات كامل نفس التخمام :d
هكدا انا تاني كانت يما ديرلي
احنا ماما ماكانتش تشبح علينا علابيها كي تخزر فينا نحسو روحنا درنا حاجة grv

بون .. نجاوبك على الكيستيونات
اهلا بالغالية
مهما نغيب نرجع عندكم :-r
ايواه وانا حابة نشوف طاطا كيفاه كانت معاكم
درك نتوم أعضاء وعضوات اللمة الجزائرية واش رايكم في هاد التربية ؟
مليحة وكيما قلتي ما نعرفوش قيمتها غير كي نكبرو
ويقول المثل ولدك على ما تربيه وراجلك على ما تولفيه :up:
ايه كي نكونو صغار تبانلا راهم دايرين فينا حالة حتى نكبرو باه نفخمو المغزى بلي تعبهم ماراحش خسارة
بعض طرق التربية لي دارتهم معاكم ماماتكم كي كنتو صغار ؟
كانو كي يجونا الضياف تقولنا هزو لولاد اللي قدكم وروحو اقعدو فالبيت منهيه
ونوجدلكم سينية وحدكم ولبزو فيها كيما تحبو
واللي يجي للصالون يدي طريحة تع الموت بعدما يروحو الضياف
طبعا الطريحة ناخدوها من بابا لانو ماما جامي مدت يدها علينا
خخخخ تاع تفهمو روحكم تديو ضيافكم الصغار وتطيرو معاهم للبيت تقعدو على راحتكم
تبوجيو تخلصوها
ادكرولنا بعض الحالات الغريبة تاع أطفال تعرفوهم من الجماعة لي يهجمو على السني مايخليو فيه والو خخخ ؟
اييييييه يا شوشو
في عرس ولد خالي قالولي اقعدي في وحد الطابلة مع لعجايز
تهلاي فيهم وقعدت معانا طفلة صغيرة 5 سنين ولا 6 هكاك
تعرفي كيفاش تاكل تبهدل
لقطت الكفتة اللي فالشوربة بالفرشيطة حبة ورا ختها
وزادت دارت عاللحم هاه بكل
وتهز الرفيس وتخلطو بالطاجين
سيحت اللبن والشوربة
هديك الطابلة ولات ما تشبه في والو وانا مقدرتش نهدر معاها بارسكو جداتها قاعدة معانا
حتى ناضو فيها لعجايز هدوك فم فم قالولها بنت ولدك ما ربيتو فيها ما يصلح :down:
ماينة والله .... ديفوا تلقايهم مربيين عالشبعة مي يبخصو بوالديهم فالحزات
تفشّل هادي الطفلة
قلبت الدنيا ولبزت كلشي

حتى لعجايز ماهمش قلال خخخ عطاوها الحسّ
مسكينة تبهدلت غير جداها

انتوم كي كنتو صغار كنتو عاقلين ولا مشاغبين ؟
انا كنت عاقلة وفوق اللازم ولدرك كي نتفكر طفولتي منشفاش على الشغب والمشاكسة
كنت حشومة بزاف ومنحبش نروح للعراس نقعد مع نانا فالدار
ولاكان راحت نانا نقول لماما تخليني عند الجارة :-h
نكره الهرج والتقابيد اللي يصرا بين لولاد فالعراس والتلباز والروي منحملش
هههههههههههه
الله الله على الحشامة العاقلة تاعنا:$
************************************
عندي ولد ختي 4 سنين رباتو امو (ختي) تربية واعرة
كي نقلها بالشوية عليه تقولي ايه نخليه يفسدو طبايعو وكي يبدا خوه يعرف صلاحو
ويولي يدير كيفو نكون في واحد نولي في زوج
مي خرج يشعل :up:
عندها حق راهي تزير عليه كي عاد صغير حتى يتعوّد على السيستام
مباعد يكبر متلقاش معاه مشكل
يعطيها الصحة لأختك
******************************************
مرسي شوشو رجعتينا للورا خلاه خلاه هههههههه
​

العفو حنونتي
أسعدني مروركِ خلاه خلاه ههه
​

 

[السلطانة]

ههههههههه موضوع فوووور
والله عندك الحق في كل لكمة قلتيها

:-rمع الضحكة هادي سر فكرتك في حوايج بزاف من الزمن الجميل
مشكورة على المرور الطيب فطومة
​