السلام الله عليكم
آه ومن بعد آ سفيان أنا ثانيك كيفهم .. لا يصفارو السنين لا والو سقسي لمجرب == هههههههههههههههههههه نزعق برك الله يبعدو عني ههههههه
=== اصلا هذا الزمان ولات الانوثة فيه مفقودة...
عندي نهارات رحت للجامعة نحضر السوتنونس نتاع بنت خالتي المهم حكمتني قاتلي تقعدي عندي في لاسيتي ,, المرة الاولى خلعت مي بعد ما كلمت بابا قالي معليش , يك خرجت في لاسسيتي نشوف الحالة ,, وانا شادة قلبي.. بويسك سامعة بلي كاين بنات مسترجلات.. وانا نمشي صادفت وحدة ولا نقولو واحد حسبتها راجل .. خفت ونشف ريقي ولوني اصفار,, يا سعدي الرجال يمشوفو في لاسيتي نتاع بنات . في هديك اللحظة فكرت انو قا ندي الباك نشد الدار لا جامعة لا بن عمها ,, قاتلي بنت خالتي يك هذي راهي طفلة مي تقلهم سموني اسم طفل
تشرب في الدخان ولبستها راجل وشعرها محفف كامل ... المهم هيئتها تخلع ومعاها بنات هاك ثانيك شكلهم يموّت من الرعب
طلعت لللاشومبر نتاعها وعينيا معمرين دموع لانو اول مرة نتصادف مع شكل كيف هاك
قتلها نروح للدار تخلقيلي طاكسي توصلني
قاتلي محسبتكش هاك خوافة نورمال هذي راهي شوية ,, كون تشوفي يلي تزطل ويلي تسكر واش راح تديري ؟
المهم غدوة من ذاك نضت على 6 قتلها نروح بوسك في الليل بايتة نايضة وخايفة
هههههههه
من هذاك النهار عرففت انو الانوثة في طريقها إلى الانقراض ولازمها منظمة حماية .. واسبابها ضعف الايمان وتشتت العائلة واهم شيء انهم يتبعو في الغرب عاجبينهم في كفرهم
العلاج نتاعها التوعية رغم انها مكانش في لبلاد يلي يسمع النصيحة يقلك خليها لروحك هذا اذا ما ضربك طيرك
صحيت على الميضوع
+ تقييم