السلآم عليكم ورحمة الله وبركآته
...
صبآح الخير/ مسآء الخير وان شآء الله تكونوآ بخير ؟
أنآ عن نفسي رآني آنتيك والحمد لله على كلِّ حآل
عندي مدة مآ خربشتش هنآ واليوم جيت نحط موضوع
مقلقني من سمآنة وعجزت نحطو واليوم وين كتب ...
...
مآلآ السمآنة لي فآتت وأنآ رآيحة نرقد و La télé يقآقي وحدو
في قنآة الجزآئرية سمعت الحصة لي قآعدة تلعب قآل اسمهآ
" جزآئريآت "
زعمة الدعوة هذيك لي فيهآ بهية رآشدي لي حسبتهآ كبرت
وحد لآكليك تآع البنآويت والنسآوين شبهملي ربّي بحصة كلآم
نوآعم لي تلعب في الـMBC الحصة التآفهة ديك
وأنآ من عند ربي نكره الحصص لي يتلمو فيهم النسآوين على
خآطر علآبآلي بلّي يمدو معلومة وحدة تصلح وبآقيهآ خرطي
وكلآم فآرغ وزيد تشجيع على الإنحلآل والصيآعة
...
هيآ وأنآ نسمع صوت بلآ صورة كوم عيآنة سمعتلكم بهية رآشدي
الفنآنة القديرة لكبيرة تآعنآ تحكي على المرأة وإنجآزآتهآ لي هي
أنهآ غزآت لبلآد واحتلت المنآصب الكل لدرجة حتى في الطآكسي
كآينة لي تسوق طآكسي وكآينة لي تسوق Bus في وهرآن
وكآينة لي تخدم خدمة الـ Receveur !
هذآ الكل ورآهي تقول الحمد لله لي المرأة لحقت هنآ
هذي Our بهية رآشدي لي رآهي تحكي وتحمد
وأنآ لي نحسبهآ كبرت وتحجبت
...
ألوغ وصلت للنهآية تآع الموضوع لي يستدعي تدخلآتكم:
اممم وآش رآيكم في الحصة هذي للي يعرفوهآ ؟
ووآش رآيكم في لي تسميه بهية رآشدي إنجآز ؟
تشوفوآ المرأة باحتلآلهآ للمنآصب هذو إنجآز ؟
...
أنآ رآيي يقول: هذآ مش إنجآز هذآ إنسلآخ على العآدآت وحتى
التقآليد تآعنآ والمرأة حتى وأنآ من مؤيدآت العمل للمرأة مي
نقول أنو بلآصتهآ مش في الأمآكن هذي قآل تخدم خدمة الشوفوغ
والغوسوفوغ هذآ لي خص وهذآ لي بقى
وفي اللخر نقوللكم تبقآو على خير وفي انتظآر تدخلآتكم
سلآمي ’