احنا كبرنآ ولآ عقآلنآ ولآ رجعنآ Périmé ؟

[4algeria Network]

السلام عليكم ورحمة الله وبركاته

شكرا لانطلاقكم في حملة التنشيط يمكننا مساعدتكم في التنشيط بإضافة أقوى المواضيع في قائمة التنبيهات أخت ساندريلا .

بالتوفيق .

 

[السلطانة]

راني جيت نرد

حطيتي يدك على الجرح
كوم أنا تاني عايشة نفس الحالة
زمان كنا نضحكو بزاف بزاف
وكي نرجعو بأرشيف الذكريات نتفكرو ايامات ملاح صح
ان شاء الله الأعضاء لي غابو علينا يكونو بخير ويرجعو لهنا
بويسك توحشناهم وتوحشنا نتلمو من جديد في واش راك تهدر
انا مرات تبانلي ولينا نتبسمو برك ماش نضحكو
تخيلنا روحنا كبرنا زعم
مالا درك خلاص ترجع العقلية تاع زمان

العقل مع الضحك اكيد ملاح
شكغن

​

 

[السلطانة]

السلام عليكم ورحمة الله وبركاته

شكرا لانطلاقكم في حملة التنشيط يمكننا مساعدتكم في التنشيط بإضافة أقوى المواضيع في قائمة التنبيهات أخت ساندريلا .

بالتوفيق .

وعليكم السلام بارك الله فيكم أخي
أكيد هذا يسرنا كثيرا أن تساعدنا في العمل :up:

 

[أم عبد الله]

اهـآه شفتـ الموضوع صبـآح كان جديد ماجيتـ انرد لقيتـ 3بــآجـآتـ ياربي ع القسم بدا ينتعش هههههه

نوغمالمو كبرنا ومفاهيمنـآ اتغيرتـ واطورنـآ شوي
كنا زمان انزعقو ع كل شي بحجة مراهقيين ووو صح مازالنـآ مع الضحكـ والتمهبييل مي العقل انضج م ذي قبل يعني نوزنووووها كتر ملي كنـآ

نورتي نوووور القسم ايا ديما طلي علينـآ بحاجة جديدة
سلامي​

 

[بنت الـ25]

نونو رجعتي لواش راك تهدر وشوشو ولات تحط الكاشي خخخخخخ
شي كبير يا عمرااااااااااااي ههههههه

بون بالنسبة لموضوعك انا نقول ان الظروف يا نونو اللي تفوت على البنادم هي اللي تخليه يتغير
مثلا أنا ما شفيتش وقتاش آخر مرة حكينا مع بعض انا وانتي فالتلفون؟
تشفاي نهار جينا الساعتين تع الصباح واحنا نجغجغو؟ خخخخخ
مي دوكا انا حاسة روحي جبدت على الناس صراتلي كيما راكي تحكي
وليت عايشة في قوقعة وحدي ما عرف انا اللي عزلت روحي على الناس ولا هوما ؟
اللمة من بكري فيها دفء وتبقى مميزة في عالم النت وجامي حسيتها عالم افتراضي وهي المكان الوحيد اللي قدرت نتعامل فيه بحرية مع الآخرين
والقشة اللي بقات معلقتني فاللمة لحد الآن هي ملاك اسمو شوشو معرف علاش ؟

صح انو الانسان كلما يكبر يزيد يعقال ويركز مي الطفل اللي في داخلنا جامي يموت
مكانش اللي ما يحبش المرح والتمهبيل مهما يكبر مي القلب كي يتعمر والعقل كي يتساتورا بمشكلات الحياة اليومية يصرا هاد الجفاف

درتلك قصيدة نثرية متلوميش هههههه الله غالب قلبي رح ينفجر وحابة نرجع انا تاني للمة كيما كنت وأكثر معاكم
جادوغ بخانساستي اي تي مو مونك طخو
​

 

[آمِيْرَتُه]

السلام عليك
عاش من شافك دوري هنا ههه
ممكن الواحد كبر و ستعقل و ممكن ظروف غيرته و ممكن و ممكن و ممكن ههه
إن شاء الله يرجعوا ناس اللمة و يتلمو مرة آخرى

 

[الورد الأحمر]

وعليكم السلام وبونجوغ تولموند
كنت نقرعج كضيف مي كي شفت لموضوع هدا دخلت
,,, وراني نتفق معاك في أنو الضغوط النفسية

"

" تغير الشخص من مرح وفكاهي الى كتلة من الصمت "


أنا شخصيا كانت عندي ظروف لي خلاتني غبت حوالي عام
بالصح نتمنى أنو بظهور الأعضاء الذهبيين راح ترجع لأيامات الزينة انشالله

وشكرا ونهديلكم هدي





ذهبت للنجار وقلت له أريد سرير لشخص ونصف, فتعجَّب وسألني: لمن؟
فقلت له: لي وزوجتي.
فقال لماذا لا تجعله لشخصين إذاً؟
فقلت له: للذكر مثل حظ الأنثيين يا غبي!
فأجهش بالبكاء من هول الحجة والمنطق وقرر ان يصنع لي واحداً بالمجان
​

أهلآ أخي سآفي بليزيف كي تسجل دخول عجآل موضوعي
يعني فهمنآ تآني بلي كآين من الأعضآء لي عآدو يحبوآ يكونوآ زوّآر على يكونوآ أعضآء :-o
ان شآء الله ترجع الأيآم الذهبية خآصة للمنتدى هذآ بالذآت ونتمنى تبطل تكون زآئر وتخليك عضو أحسن :-r
ومغسي عالهدية يعطيك الصحة وزورنآ مرة على مرة
:regards01:

 

[الورد الأحمر]

السلام عليكم

شحال ما كبر الانسان يكبر عقلو ويترزن ويثقال

صحيح كتتفكر شي حوايج درتيهم في صغرك تضحكي وانا صراتلي

وتلقاي فئة لو كان يكبرو 100 سنة العقل يبقى توجور صغير
​

هههه نبدآ من تحت ونطلع صح كآين وشفت منهم لي مهمآ كبروآ بقآو بعقل تآع أطفآل
وكآين حوآيج نتفكرهم على روحي نضحك وكآين حوآيج نتحسّر عليهم مهمآ رآهم تآع ولدنة :-r
مغسي عالرد الرزين يعطيك الصحة أم منير وربي يحفظلك منير :d

 

[الورد الأحمر]

السلام عليكم ورحمة الله وبركاته

نظن أولا نضج الانسان وثانيا الظروف هوما لي يبدلونا ويخلو مفاهيم الانسان تتطور وتتبدل .

حاجة مليحة أنو الانسان ينضج ويستغنى عن عادات المراهقة .

يبان النضج عليه ويرجع ماشي مع عمرو ولكن مش مليح يقلبها جد لدرجة يكون ممل .

شكرا .

وعليكم السلام
ايه صح النضج والظروف يبدلو بزآآف وسقسي لمجرب ومآ تسقسيش الطبيب :d
أنآ بآنتلي روحي نضجت حتى وليت مملة لوكآن جيت فآكية في شجرة الشجرة تطيش عليهآ الغصن وتتهنآ مني ههه
ومغسي عالمرور مع أني صحآب المونطو لحمر مآزلت نهآب منهم :regards01:

 

[الورد الأحمر]

وعليكم السلام
هاي شعلت اللومبة هاي شعلت :d
موضوع رائع يستحق ختم التميز

لي عودة بعد قليل للرد على الموضوع
​

هههه مغسي عالكآشي ليآ زمآن مآ تكآشآليش ميضوع :p:p واللومبة هاليآمآت أي تبآنلي رآ]حة تشعل بزآلإ
5 برك في عينيكم لآ تضربوني ببلآك سطوب :d هههه

راني جيت نرد

حطيتي يدك على الجرح
كوم أنا تاني عايشة نفس الحالة
زمان كنا نضحكو بزاف بزاف
وكي نرجعو بأرشيف الذكريات نتفكرو ايامات ملاح صح
ان شاء الله الأعضاء لي غابو علينا يكونو بخير ويرجعو لهنا
بويسك توحشناهم وتوحشنا نتلمو من جديد في واش راك تهدر
انا مرات تبانلي ولينا نتبسمو برك ماش نضحكو
تخيلنا روحنا كبرنا زعم
مالا درك خلاص ترجع العقلية تاع زمان

العقل مع الضحك اكيد ملاح
شكغن

​

هههه عجبتني تاع نتبسمو مش نضحكو هذي كآينة
زعمة كي نكتبو ههههه رآنآ نضحكو صح ولآ في قلبنآ برك الضحكة ونكتبوهآ زعمة كلي رآنآ نضحكو على
خآطر المقروض نضحكو :s
جيسبآع يخرجو الرذآن من جحورهم هههه كيمآ خرجنآ احنآ :p:p

قردش ومردش ههه
مغسي سآندريلّتي الحلوة :-r

 

[الورد الأحمر]

اهـآه شفتـ الموضوع صبـآح كان جديد ماجيتـ انرد لقيتـ 3بــآجـآتـ ياربي ع القسم بدا ينتعش هههههه

نوغمالمو كبرنا ومفاهيمنـآ اتغيرتـ واطورنـآ شوي
كنا زمان انزعقو ع كل شي بحجة مراهقيين ووو صح مازالنـآ مع الضحكـ والتمهبييل مي العقل انضج م ذي قبل يعني نوزنووووها كتر ملي كنـآ

نورتي نوووور القسم ايا ديما طلي علينـآ بحاجة جديدة
سلامي​

أهـــلآ
واحم احم شفتي كيفآه الغآشي على ميضوعي حتى مآ لقيتش حسآب وآنآ نقتبس :p
ايه كبرنآ مي والله توحشت داك الزمآن كي كآنت أتفه حآجة تضحنآ درك وآلو قليل وين نضحكو دمرتنآ الحيآة :d
زعمة كلي عجآيز قآعدين يحكيو لولآدهم على زمآن الثورة حسيت روحي نسنى في الموت :-o هههه
هيآ مغسي عالمرور هآآ الفحلة وطلي علينآ انتي تآني بميضوع جديد نديرو فيه لومبيونص :p

 

[الورد الأحمر]

نونو رجعتي لواش راك تهدر وشوشو ولات تحط الكاشي خخخخخخ
شي كبير يا عمرااااااااااااي ههههههه

بون بالنسبة لموضوعك انا نقول ان الظروف يا نونو اللي تفوت على البنادم هي اللي تخليه يتغير
مثلا أنا ما شفيتش وقتاش آخر مرة حكينا مع بعض انا وانتي فالتلفون؟
تشفاي نهار جينا الساعتين تع الصباح واحنا نجغجغو؟ خخخخخ
مي دوكا انا حاسة روحي جبدت على الناس صراتلي كيما راكي تحكي
وليت عايشة في قوقعة وحدي ما عرف انا اللي عزلت روحي على الناس ولا هوما ؟
اللمة من بكري فيها دفء وتبقى مميزة في عالم النت وجامي حسيتها عالم افتراضي وهي المكان الوحيد اللي قدرت نتعامل فيه بحرية مع الآخرين
والقشة اللي بقات معلقتني فاللمة لحد الآن هي ملاك اسمو شوشو معرف علاش ؟

صح انو الانسان كلما يكبر يزيد يعقال ويركز مي الطفل اللي في داخلنا جامي يموت
مكانش اللي ما يحبش المرح والتمهبيل مهما يكبر مي القلب كي يتعمر والعقل كي يتساتورا بمشكلات الحياة اليومية يصرا هاد الجفاف

درتلك قصيدة نثرية متلوميش هههههه الله غالب قلبي رح ينفجر وحابة نرجع انا تاني للمة كيما كنت وأكثر معاكم
جادوغ بخانساستي اي تي مو مونك طخو
​

هلآ والله ايه والله يآ عقيدة اهئ اهئ اهئ
شفتي رآني حزت على كآشي فرحت بيه يآسر من البآرح لليوم ههه وسآندي ولآت تكآشي مدولهآ الكآشيغون :p:p
واروآحي هنآ يآ قردة تعرفي بلي غير قبل يومين وقبل مآ نرقد خممت فيك قلت مينآت كنت نحكي معآهآ بالسآعتين
في التيليفون ودرك وآش صرآ ووآش بينآ جبدنآ وكنت رآيحة نبيبيلك من بعد قلت أوآه رآح الحآل وزعمة بآه
نظلمك ثآني يوم ونسيت تلفولي عقلي في البلدية وليت نحكي بلـــدي (أمّآ نعيمة نعمين خلي عليوة يكلمني )
هههههه أو بديت نخرط ... اهاه يآ سيدي مآلآ صآريلك كيفي أو لقيت المشكل وين جآبلي ربي كي كنآ بطّآلآت
خير كنآ نلقآو وقت درك نروحو نخدمو ونرجعو مهرسين هذآك هو مآ الوحدة كآشمآ تخلّط وتجلّط كي ترجع
وتعدي للفرآش تعطيهآ الحس برقدة لتآني يوم و(غوبُلوط) ... أعطيني جآئزة عالاكتشآف هذآ العظيم :p
بصح تآع سآندي برك لي حآكمتك في المنتدى نوكّل عليك ربي فيهآ وآش هذآ يآآه (هههههههههه لآ تأمني وتقولي صح :p)
هيآ مغسي عالمرور الطيب أختي الكريمة ورآكي فزتي معآنآ بطقم مغآرف وفرآشط تستلميهم في القريب العآجل :d
بآآآآنوي عليك (بون نوي)

 

[الورد الأحمر]

السلام عليك
عاش من شافك دوري هنا ههه
ممكن الواحد كبر و ستعقل و ممكن ظروف غيرته و ممكن و ممكن و ممكن ههه
إن شاء الله يرجعوا ناس اللمة و يتلمو مرة آخرى

وعليكم السلآم
أهلآ وعشنآ كي شفنآك رجعتي للمة :d
ايه تآع كبر العبد واستعقل رآهي فيهآ فيهآ وحتى ممكن وممكن وممكن أكيد فيهآ تآني :p:p هههه
ان شآء الله من تمك لبآب السمآ وآقيلآ رآيحين نرجعو Par كوطة :p
مغسي عالمرور

 

[النورس]

رد: احنا كبرنآ ولآ عقآلنآ ولآ رجعنآ Périmé ؟

أحم احم السلام عليكم
بعدنا صح على اللمة مي كل 3 اشهر 4 يفوت خيالنا هنا ...يكفينا أن نرى من كانو بالأمس أصدقاءنا ..بخير.
اهيــــــــــــــــــــــــــــــــــــه على منتدى وش تهدر واش تمهبلنا فيه ههه مع الشلة الزينة من صاحبة الموضوع ل شوشو ل بلال ل جيمي ل اسما ...عبدو القالمي مول الكوستيم ... و بزاف غاشي...
ممكن كبرنا و زادت شغالاتنا و مشاغلنا ....مي اتونسيون تقولو راح هبالنا ههه او مخبي برك
الحمد لله لي راكم بخير.:p​

 

[zahya]

رد: احنا كبرنآ ولآ عقآلنآ ولآ رجعنآ Périmé ؟

السلام عليكم ورحمة الله وبركاته
واش حوالكم واش اخباركم نتمنى تكونو بخير وصحة وعافية
انا صديقتكم قديمة من العصر القديم وين كانت منتدى معمر بالمهابل والبارح برك رجعت ولقيت موضوعك وحبيت نشارك فيه . عندك الحق اختي كامل تغيرنا وتغيرت بعض طباعنا وذلك راجع للظروف ومشاغل الحياة انا عن نفسي تغييبت عن اللمة مدة سنتين وذلك للظروف
لكن مزالني مرة على مرة رغم الكبر كيما قلتي مرات نضحك وندير شوية مغمرات تتناسب وتقدم السن لكن يبقة يمات زمات اجمل ايام العمر نتمنى ترجع لليام ويكونو جميع الاخوة والاخوات بخير
شكرا على الموضوع الرائع اختي الكريم

 

[Houda Chaouienne DZ]

رد: احنا كبرنآ ولآ عقآلنآ ولآ رجعنآ Périmé ؟

T’as raison Noor
راني كيفك .. عقلت شويا هه و دائرة علاقاتي و تمهبيلي صغارت بزاااااف
Je pense .. مام الظروف يخليو العبد يكبر و مع الوقت يلقى روحو ما ولاش يضحك كيما بكري
Genre .. النفحة تروح ههه
مارسي نور .. ça fait longtemps .. ما دخلتش لواش راك تهدر
تهلاي في روحك .. سلام

 

["Màrià"]

رد: احنا كبرنآ ولآ عقآلنآ ولآ رجعنآ Périmé ؟

الضحك و التمسخير ما عندوش عمر ..

نتيا واقيل ظروفك خلاتك تولي كيما هاك..

انا في رايي اضحكي عيشي حياتك مليييح و أكيد مع رضاية ربي

الدنيا فانية
​

 

[مهدي الثعالبي]

رد: احنا كبرنآ ولآ عقآلنآ ولآ رجعنآ Périmé ؟

على حسب المحيك لي راكي عايشة فيه ( انت قلت نولي مرة على مرة لصحبتك باش تضحكي شوية ) هذا دليل ان المحيط الذي تعيشين فيه اثر على شخصيتك

 

[fatihmd]

رد: احنا كبرنآ ولآ عقآلنآ ولآ رجعنآ Périmé ؟

هو الانسان كل ما يكبر وتكثر عليه المسوليات يقل

 

[صريحة]

رد: احنا كبرنآ ولآ عقآلنآ ولآ رجعنآ Périmé ؟

ياحصرة على ايام زمااااااان فاتو احلى ايااام
كبرنا وعقالنا وبالنسبة ليهم رانا بريميييي:regards01: