ماذا ستطبخين آنستي/ سيدتي / الجزء (44)

الحالة
مغلق ولا يسمح بالمزيد من الردود.
رد: ماذا ستطبخين آنستي/ سيدتي / الجزء (44)

السلام عليكم
حاولو اخواتاتي الموضوع يخرج من الدردشة واي شي خاص ناقشوه عبر الرسائل
وحاولو تجنبو المشاكل حتى الموضوع يبقى ملتقى سيدات المطبخ وماتتعملش فيه الادارة إجراء
ونخسرو أطباقكم ولمتم

يعطيكم الصحة
 
رد: ماذا ستطبخين آنستي/ سيدتي / الجزء (44)

والله معرفت وش نكتبلك لبارح درت كرنب سوتي هاكي لاغوسات
تقلي طرف دجاج من الافضل الصدر باه تفتيه في شوية زيت وتزيدي لبصل والثوم وملح وابزار وتوابل لي تستعمليهم كل وحدة وطريقتها

وتمرقي وتخلي الدجاج يطيب وتحطي قرن حار وطفي
تغلي زيتون 3مرات ولا بيتيه في الماء
واخدمي كرام جبن خفيفة بكاس برك تاع حليب

الكرنب قطعيه صغير جدا وحطيه في برمة مع 2م/ك زبدة وغطيه حتى يدبال ويحمار
فتي الدجاج وحطي على المرق لكرنب سوتي والزيتون وتوابل وكريمة الجبن وحطي لكل في صينة للفور وفورماج على لفوق وعصرة قارص يحمار من لفوق وزينيه بالقارص والمعدنوس يجي بنييييين مش نورمال ولي يكره لكرنب يعجبو
 
رد: ماذا ستطبخين آنستي/ سيدتي / الجزء (44)

توحشتكم واش راكم حبيباتي


حالياً الأعضاء النشيطين الذين يشاهدون هذا الموضوع : 45 (18 عضو و 27 ضيف) ‏ام خديجة1, ‏*Mayss*, ‏asouma 31, ‏أم انس عبد الله, ‏أم سارة, ‏نور الحبوبة, ‏ام مراس, ‏ام ريهام, ‏ام فيروزا, ‏بنت الجسور المعلقة, ‏nassima 87, ‏nono_02, ‏om ahla hadi, ‏om mimi.mili, ‏oumniati+, ‏SaRa QuEeN, ‏كوثر الوهرانية, ‏عائشة حسان
 
رد: ماذا ستطبخين آنستي/ سيدتي / الجزء (44)

انا من رايي بما اننا نساء ونموتو على لبلا بلا بلا علاه منحلوش موضوع خاص بالدردشة تكون باج محترمة ولي عندها حكاية ولا استفسار نحكو فيها انا متلا حابة نشاوركم في حاجة خاصة ومنقدرش نكتبها هنا وش رايكم وش من قسم نحلوها ومالزمش يطلعو عليها الرجال
 
رد: ماذا ستطبخين آنستي/ سيدتي / الجزء (44)

جبتلكم اطباقي تاع الايام لي فاتو نبدا بنهار الجمعة
مسفوف بالزبيب والفول
do.php

do.php

ولعشا تاع الجمعة فريت مع لحم بالاعشاب
do.php

do.php

do.php

وهذو تاع السبت
do.php

do.php
 
رد: ماذا ستطبخين آنستي/ سيدتي / الجزء (44)

قراتان لوبيا خضرا وفلفل حلو في الفرن
هدي وصفة هايلة ولي عندها ولادها ماياكلوش لوبيا خاضرا ديرها ميفيقولهاش قريتها كعملت دبلوم الطبخ وديما نعملها
كيلو لوبيا خضرا
رطل فلفل حلو
نصف راس ثوم راس بصل نصف فنجان زيت
نصف مغرف كبيرة طماطم مصبرة
زوج حبات طماطم
ملح ايبزار
نقلي لبرمة بصل ثوم ونزيد الطماطم مع كاس ماء وتوابل ونقليها تروح لحموضة ونحط اللوبيا ونمرق متحتاجش ماء ياسر نخليها طيب

نقلي لحم مرحي في شوية زيت وملح وايبزار نحطو ابار
نحي لوبيا من لبرمة ونحطها في صحن ونرفسها بالفرشيطة لمرقة تكون قليلة
فلفل حلو نقليه نقشرو ونقصو كيما لحميص
نرجع اللوبيا للبرمة والفلفل ونكسر عليهم 3 بيض
ندهن صينية ولا قولب فردية بالزبدة ونعمل طبقة خليط اللوبيا وطبقة لحم مرحي حتى نكمل باللوبيا ونحط فورماج رابي وندخلها للفور تحكم روحا وتحمار ولفورماج يدوب مممممم بصحتكم
 
رد: ماذا ستطبخين آنستي/ سيدتي / الجزء (44)

بصحتكم كامل يا لبنات فطوري كان سباقيتي وكبدة مشرملة وفريت والياوورت وربي يقوي الخير حبيبتي مايسا انا معاك في الموضوع لراكي حابا تفتحيه
 
رد: ماذا ستطبخين آنستي/ سيدتي / الجزء (44)

ممممم رحت وجيت لقيت لخيورات الله يبارك
بصحتكم مليكة وام رهام كلشي يشهي، العيش داير حالة في الميدان ، اذا كفاني الوقت نديرو ضرك

عالسلامة ام خدووووج وبصحتكم الشخشوخة مممم تهبل

ميس انت راكي جوكر الله يبارك، الوصفتين اللي كتبتي يسيلو اللعاب مممممم، عندك رصيد الله يبارك ياريت اذا عندك الوقت وصفاتك ديريهم مواضيع، والله شحال من وصفة تتكتب هنا، نهار نحتاجوها ما نلقاوهاش بين الصفحات، ويعطيك العافية

ام رهام باقة الورد حطيتها في فاز ونستحفظ عليها كي عينيا تسلمي

روز خطوة عزيزة يالزين انت تموني بصح رجعنا نشوفوك غير فالتاباج خخخخخ اييي متعينا بكاش تحفة

انا جاتني خرجة ماكانتش عالبال، ضرك نوجدلهم واش يفطرو ونخرج سويعتين ونرجع

نهاركم موفق
 
رد: ماذا ستطبخين آنستي/ سيدتي / الجزء (44)

السلق فالكوشة
نغسل السلق ونقصو رقيق ونفورو و نملحو
نقص البطاطا دوائر ونقليها
نقلي لحم مرحي مع ملح وفلفل اسود و ثوم
نحط السلق فالمقلة مع شوي زيتوملح و فلفل اسود وثوم وهريسة اذا كاين ماش لازمة حتان ينشف من الماء ونخلط معاهاللحم المرحي
ندير طبقة بطاطا و طبقة سلق وطبقة بطاطا و طبقة سلق نضرب البيض بالملح و الفلفل الاسود و نصبهم من الفوق و نحط شوي جبن ابيض او زيتون اسود و الى الفرن​






2-


نختار الورقات الكبار و الصحاح و الا ندوبلي الاوراق بعد منغسلهم مليح بالملحو الخل
نغلي ماء جيدا و نغطسهم فيه جيدا و نخليهم قيس ميذبالو و نكون موجدة اناء ثاني يكون فيه ماء بارد و مران نحط ماء من الثلاجة ذرك الماء من العين ينزل مجمد ههه نصفيهم و نحطهم مباشرة في الماء البارد باش تحافظي على اللون الاخضر وطبعا القيمة الغذائية​

من بعد نجيب الاوراق لكبيرا و الا ندوبلي الاوراق ونحطهم في شكل عمودي و اخرة تقاطعها في شكل افقي يعني تقريبا في شكل زائد
نجيب اللحم المرحي نكون دوزنتو كيما نتاع الدولما و نحط مقدار و نلف و نغلق هادوكالاجنحة و نرص ي ايناء مدهون بالزبدة او السمن نكونو حضرنا صلصة حمراء كيما نتاعالبيتزا نحط مقدار لتحت و نرص اللفائف نتاع السلق و نرجع نحط باقي الصوص توماتبكميو اوفر و نقدر نحط جبن ابيض مقطع لافاش كيري لفوق و جبن غرويار ​


​




هي فكرتها ممثل لفائف اوراق​






العنب​



الوصفة الثانية عكس الاولى

ندوزن اللحم و نفرشو على ورق المنيوم
و من بعد نعمل شكشوكة بصل و مراة نذبل معاها الفلفل الطرشي المقطع قطع صغيرة جدا و من بعد لما نغسل السلق و نقطرو من الماء نقطعو و نحطو مباشرة يذبال مع البصل و المعدنوس المهم لازم تكون الكمية كبيرة لانها راح تنقص
نحط الطبقةالثانية نتاع السلق فوق اللحم المرحي اذا حبيتي ترمي شرائح الزيتون الي نقعتيها في الماء البارد باش تخرج الملح الزائد و ترابي الجبن شدار او غرويار .. احمر الي عندكو ممكن تحطي جبن شاف كشغل خشيبات في الجهة اليمنة و تبداي تلفي بحذر راج تبان الطبقات
و تزيري بالالمنيوم و تثقبيها و الى الفرن ممكن تقدم كمقبلة و ممكن تجيبيلها صوص بيضاء و تخلطيها مع الكرام ففراش ممممممم تقطعي اللفائف و بصحتك​





ممكن تذبلي البصل و تزيديلو السلق االمقطع راح يذبال ممم تعملي الفلفل الاسود وشوية قرفة و تجطي مقدار من اللحم المرحي و المعدنوس في الاخير باش تبقة قيمتوالغذائية

هاذ العقدة ممكن تعملي بيها بوراك
ممكن تزيديلها القليل منالحليب و البيض المخفوق و الجبن و تعملي اوملات في الفرن
ممكن تحضري عجينة 10دقائق و تحطيها في الوسط في شكل خبيزات صغار و متنسايش الجبن مممم
ممكن تعمليبيها اسكالوب محشي
ممكن تعملي بيها محنشة
ممكن تختاري حبات بطاطا صغارتفرغيهم و تغليهم نص طياب و تعمري هاذ الحشو و الجبن مممم و الى الفرن
اوتختاري اي نوع خضر تحبيه تحشيه بيه​
 
آخر تعديل:
رد: ماذا ستطبخين آنستي/ سيدتي / الجزء (44)

سلق مشرمل
هادي طريقة تعلمتها من ماما
نقص السلق ونحطو في برمة مع فنجان ماء ورشة ملح يذبال
ونزيدلو ثوم 3م/ك زيت م/ص تابل وكروية وتواابل حسب الرغبة وملح منكترش خاطر هو ديجا مالح ونصف مغرف طماطم مصبرة ونصف مغرف صغيرة هريسة و1م/ك خل ويتقالو مليح باه السلق يتشرب البنة ادا حبيتي اقلي بطاطا وزيديها وفقصي 5بيض وغطي حتى يطيبو
 
رد: ماذا ستطبخين آنستي/ سيدتي / الجزء (44)

قال oumniati:
ممممم رحت وجيت لقيت لخيورات الله يبارك
بصحتكم مليكة وام رهام كلشي يشهي، العيش داير حالة في الميدان ، اذا كفاني الوقت نديرو ضرك

عالسلامة ام خدووووج وبصحتكم الشخشوخة مممم تهبل

ميس انت راكي جوكر الله يبارك، الوصفتين اللي كتبتي يسيلو اللعاب مممممم، عندك رصيد الله يبارك ياريت اذا عندك الوقت وصفاتك ديريهم مواضيع، والله شحال من وصفة تتكتب هنا، نهار نحتاجوها ما نلقاوهاش بين الصفحات، ويعطيك العافية

ام رهام باقة الورد حطيتها في فاز ونستحفظ عليها كي عينيا تسلمي

روز خطوة عزيزة يالزين انت تموني بصح رجعنا نشوفوك غير فالتاباج خخخخخ اييي متعينا بكاش تحفة

انا جاتني خرجة ماكانتش عالبال، ضرك نوجدلهم واش يفطرو ونخرج سويعتين ونرجع

نهاركم موفق
إضغط للتوسيع...

منا وجاي نعود نصور الخطوات ونعملهم مواضيع صح خير من نتعب في الكتابة ولمشاركات تروووووح صح فطورك
 
رد: ماذا ستطبخين آنستي/ سيدتي / الجزء (44)

ماشاء الله ميس، يعطيك الصحة، جيت نعطيك تقييم قالي مدي لناس اخرين قبل خخخخ ماشفيتش واكتا درتلك تقييم، تستاهلي اكثر

هيييه فكرتني نسيمة في تحلية انريس، راني هازة المغرفة ونستنى يا انريس على اهبة الاستعداد خخخ

البيتزا التركية اللي جربت البارح مقبوووولة، جاتني ناقصة كاش تابل معين بصح عجبتهم دايرة كي مناقيش تاع سوريا، التصويرة راهي فالميكرو


ايا نروح ، ربي يسمعنا خبار الخير

السلام عليكم ورحمة الله
 
رد: ماذا ستطبخين آنستي/ سيدتي / الجزء (44)

قال ام شيماء22:
بصحتكم كامل يا لبنات فطوري كان سباقيتي وكبدة مشرملة وفريت والياوورت وربي يقوي الخير حبيبتي مايسا انا معاك في الموضوع لراكي حابا تفتحيه
إضغط للتوسيع...
هدا وين شفت ردك نستناو وحدة من نساوين:p تحل لا باج ولازم موافقة المشرفات باه ميغلقوهاش
 
رد: ماذا ستطبخين آنستي/ سيدتي / الجزء (44)

ميس هذا الموضوع لي راكي حابتو راه متواجد في ركن المتزوجات ﻻزملك كود باش تفتحيه
واكيد مش رايحين يفتحو موضوع واحد اخر
 
رد: ماذا ستطبخين آنستي/ سيدتي / الجزء (44)

قال ام ريهام:
ميس هذا الموضوع لي راكي حابتو راه متواجد في ركن المتزوجات ﻻزملك كود باش تفتحيه
واكيد مش رايحين يفتحو موضوع واحد اخر
إضغط للتوسيع...

اه اوكي والله معندي فكرة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top