حيّروني مآ عآملينش قدر لبعضهم ! ومآ عمل قيمة لمرتو !

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

وعليكم السلام موضوع :up:
صح هاذ الظاهرة كاين منها
انا منحبش هاذ السمير
وزوجي كذلك
لي يحب مرتو يحبها في السترة ويعبرلها في السترة
وتاع لي يحط تصاور مرتو ويخلي صحابو يشووفوها ويعلقو عليها
انا صراحة نقولها ونعاودها ماوش راجل
ارواحو ياجماعة هاي ليكم فوطو مرتي
:sناس تعيي
صحيتي على الموضوع لي شاع بزاف في المجتمع تاعنا العزيز.

أهلا سآندي
ايه كيما قلتي في الأمور هذي لازم الستر ماشي ضروري الناس الكل نقولولهم شوفونا رانا نحبو بعض ... بعد كاين المحرومين لي يغيرو ولي يحسدو و و ... المهم يعني مرات نحبو نشاركو حبابنا لحظاتنا مي ماشي ضروري حتى لحظة رومنسية نشاركوها مع الناس في الفايسبوك ... اما حالة جارنا زاد عليها بفوطو خطيبتو درك حقا اي مرتو ... لا علينا ربي يهديهم ويهدينا أجمعين ... مغسي عالمرور

 

[¬Đỉaмơŋđ ✿]

رد: حيّروني مآ عآملينش قدر لبعضهم ! ومآ عمل قيمة لمرتو !

وعليكم السلآم ورحمة الله تعآلى وبركآته

موضوع حسآس خآصة رآنا نشوفو هاذي الظآهرة تفشآت بزآف في المجتمع ديآلنآ
هذا النوع من النآس تبآنلي نآقصين عقليّة،الفوخ والزوخ ... ،مخلوعين في روآحهم يعني تآع شوفوني رآني مخطوبة ولآ خاطب ونحب خطيبتي وكأنهم حبّة مفقودة مكآنش كيفهم !!
يعييو لي كوبل اللي كهذا يتمعشقو قدام اللي يسوى واللي مآيسوى،حاجات خاصة تقعد بيناتهم علآه يشهرّو بيهآ ..
دومآج راح الحيآء والحشمة والقدر .. النسآء مابقآو نساء والرجال مابقآو رجآل إلا من رحم ربي.

وآش نقولو ربي يصلح الحال والأحوال وربي يهدي مآخلق
يعطيك الصحّة على الموضوع أختي

​

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

وعليكم السلآم ورحمة الله تعآلى وبركآته

موضوع حسآس خآصة رآنا نشوفو هاذي الظآهرة تفشآت بزآف في المجتمع ديآلنآ
هذا النوع من النآس تبآنلي نآقصين عقليّة،الفوخ والزوخ ... ،مخلوعين في روآحهم يعني تآع شوفوني رآني مخطوبة ولآ خاطب ونحب خطيبتي وكأنهم حبّة مفقودة مكآنش كيفهم !!
يعييو لي كوبل اللي كهذا يتمعشقو قدام اللي يسوى واللي مآيسوى،حاجات خاصة تقعد بيناتهم علآه يشهرّو بيهآ ..
دومآج راح الحيآء والحشمة والقدر .. النسآء مابقآو نساء والرجال مابقآو رجآل إلا من رحم ربي.

وآش نقولو ربي يصلح الحال والأحوال وربي يهدي مآخلق
يعطيك الصحّة على الموضوع أختي

​

أهلا دايمند
ايه كيما قلتي تاع شوشوني برك انا هكذا بانتلي بعد تاع شوفات برك كي شغل حبهم أسطورة وهوما برك لي يحبو بعض يشوفو الحب تاع الصح يروحو يطيشو رواحهم راه أبعد من الأمور هذي التافهة وكان حب خطيبي نقيسو بعدد اللايكات لي يعملهملي وعدد التعليقات نندب في وجهي برك ... المهم من بعد كي تصرا بينهم حاجة يقولك ضربونا بعين :tongue02: ... ربي يهدي ما خلق ويعطيك الصحة عالمرور ألماستي :p

 

[Skor m@k]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم
شفت فوحد القناة راجل " عفوا ماشي راجل '' سقساوه قالولو الى مرتك تخرج مع صحابك اوو تgسر معاهم
قاللهم نورمال هاذي هي عندها لي زامي رجال تاعها وانا كيف كيف عندي ليزامي نساء
قاللها حجا عادية
كيفاه عادية والغيرة على مرتو مكانش
اوو فالفايسبوك كاين بزاف لي هاكا
تحط تصاور مع راجلها تزوخ بيهم
بلاك هذي لمرا عندها ليزامي غير نسا بلاك هكا نورمال
بصح الراجل يحط تساور تاع مرتو هذي دياثة ماشي رجلة
زعمة اووvار هذي جياحا ماشي

يعطيك الصحة ختي
سلام​

 

[مستر ميدو]

رد: حيّروني مآ عآملينش قدر لبعضهم ! ومآ عمل قيمة لمرتو !

كل رجل ومعدن نتاعوا. هادوا من جماعة كي تهدر معاها يقولك تحضرو شوية علاااه لي يتحضر يتخضر هكذا

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم
شفت فوحد القناة راجل " عفوا ماشي راجل '' سقساوه قالولو الى مرتك تخرج مع صحابك اوو تgسر معاهم
قاللهم نورمال هاذي هي عندها لي زامي رجال تاعها وانا كيف كيف عندي ليزامي نساء
قاللها حجا عادية
كيفاه عادية والغيرة على مرتو مكانش
اوو فالفايسبوك كاين بزاف لي هاكا
تحط تصاور مع راجلها تزوخ بيهم
بلاك هذي لمرا عندها ليزامي غير نسا بلاك هكا نورمال
بصح الراجل يحط تساور تاع مرتو هذي دياثة ماشي رجلة
زعمة اووvار هذي جياحا ماشي

يعطيك الصحة ختي
سلام​

أهلا أخي مرحبا بيك
ايه فكرتني في وحدة من يوم ولا يومين شفتها في جروب تاع بنات تسقسي فيهم قالتلهم ألبنات واش رايكم في واحد يقول لخطيبتو نعودو نخرجو مع صحابي وألبسي مليح واضرب الحطة اعدلي روحك كيما تعدلي لراجلك في الدار راهم خاوتك ويحب يفوخ بخطيبتو قدام صحابو ويوريلهم بلي راهي Beauté ؟ !!! :s :down: قلت يا مامي رانا لحقنا لهنا ؟؟ لدرجة صحابو كي خاوتها ؟ وتتمكيجلهم وتعدل روحها كيما تعدلو ؟ ولاو الكل قالولها هذا "رخـ .. " حشمت نكمل الكلمة وفكيك منو إذا راكي تحكي على خطيبك !! يعني حبستلي الثقافة تاع في الصح راهم يعملو فيها وفي الفايس نوغمالمون ما تحيرلناش بصح حرنا كي جينا نحيرو فهمنا ... مغسي خويا على الإضافة يعطيك الصحة .

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

كل رجل ومعدن نتاعوا. هادوا من جماعة كي تهدر معاها يقولك تحضرو شوية علاااه لي يتحضر يتخضر هكذا

أهلا أخي
ايه صح أكيد ماشي كامل الرجال هكذا وكل واحد المعدن تاعو وكاينة منها هذي المجموعة هذي تلقاها تضحك علينا لوكان تشوفنا نحكيو هك يقولو يخي متخلفين يخ رانا قريب 2016 ومازالكم ديمودي هكذا !
كاين الناس الحضارة عندهم بالمقلوب ... مغسي عالمرور يعطيك الصحة
سلآمي ’

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

السلآم عليكم ورحمة الله وبركآته~

هههههه مسآكن قتلتهم التفآهآت كبآر وجآيحين ~..

كي شغل زعمآ شوفوني يآ نآس هذآ خطيبي كي شغل هكآ النآس يندهشوا أوووه حآجة بيزآر مخطوبة و يحبهآ خطيبهآ جآمي سمعنآ بيهآ هآدي بابابابااا

بفففف

وهو مآخصوا غير يقول لصحآبوا هآكو أحكو معآهآ
ديبيبي يعييوا

هو مش رآجل هآدي وحدة والدوزيآم مسآكن مخلوعين من روحهم في بآلهم مكآنش كيفهم

وهي صح يعني مكآنش جيآح كيفهم

الله يهدينآ أجمعين يآ رب

و تحية ليك أختي مون بالمنآسبة توحشنآك عندي شحآل مآشفتكش فاللمة إن شآء الله خير ومبآرك اللون الأحمر ~..

سلآمي​

وعليكم السلام ورحمة الله وبركاته
أهلا بيك الصغيرونة :p واسمحيلي بررك هذا وين قريت تقييمك راني كي عملت رد سوطيت للباجة لي بعدها مع الرد وما تولهتش بلي فاتني رد في الباجة لي قبل هذا ماكان ما تزعفيش منا برك :p ... المهم ردك ببساطة اختصر رايي ببساطة ... باه يدهشو برك الناس فيهم ويقولو اووو والله يحبو بعض قليل وين تصرا هذي !!! وأووو شفتي خطيبها راه مقيمها مليح !! خخخ وهوما غير يعييو برك ربي يهدينا برك ... ويتوحشك الخير الزينة والله يبارك فيك ويعطيك ما تتمناي وينجحك ... سلآمي

 

[secret de coeur]

رد: حيّروني مآ عآملينش قدر لبعضهم ! ومآ عمل قيمة لمرتو !

عودة ادمينية قوية ميس نونغا
مرحبا ليك وحشة بعدا هادي اللولة توحشت نهرس معاك كيما كنا
نرجعو للموضوع الي تانا كوداني وقت فات مي دك وليت نحسو عادي تالمون فاتو عليا ديزيكزامبل بزاف
بخاسك راهم قاع هكدا اجوتيني وناجوتيك وايدونتفيني ونفضحو رواحنا كومسي رانا نحبو بعضانا كثر منكم
اي مش حكاية فضيحة مي والله غير تجيب العين بلاك هادوك مشاعر بيناتهم مش كامل قد هكداك وناس تحسدهم عليها
وتغير منهم علاجال والو
عندي وحدة تقرا معايا تظل هكدا مي كومام او هذا راجل على الي تحكي عليه ماخلاهاش تحط لافوتو تاع ملاكهم اونصومبل مالغري طمست وجها وخلات وجهو برك قالها نحي ولا نحيها انا هههه عندو المود باس
مهم ربي يهني الناس كامل ويسترهم الا راهم حابين السترة
هدررررت بزاف تا عييت واقيل مامنشرتش هههه راني غي نحكي

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

عودة ادمينية قوية ميس نونغا
مرحبا ليك وحشة بعدا هادي اللولة توحشت نهرس معاك كيما كنا
نرجعو للموضوع الي تانا كوداني وقت فات مي دك وليت نحسو عادي تالمون فاتو عليا ديزيكزامبل بزاف
بخاسك راهم قاع هكدا اجوتيني وناجوتيك وايدونتفيني ونفضحو رواحنا كومسي رانا نحبو بعضانا كثر منكم
اي مش حكاية فضيحة مي والله غير تجيب العين بلاك هادوك مشاعر بيناتهم مش كامل قد هكداك وناس تحسدهم عليها
وتغير منهم علاجال والو
عندي وحدة تقرا معايا تظل هكدا مي كومام او هذا راجل على الي تحكي عليه ماخلاهاش تحط لافوتو تاع ملاكهم اونصومبل مالغري طمست وجها وخلات وجهو برك قالها نحي ولا نحيها انا هههه عندو المود باس
مهم ربي يهني الناس كامل ويسترهم الا راهم حابين السترة
هدررررت بزاف تا عييت واقيل مامنشرتش هههه راني غي نحكي

أهلا جيمي عاش من شافك أخزري فينا لهيه تاني حرمتينا فجأة من تصميماتك :p
هرسي برك راني نحب ... كيما قلتي راني حكيت على نقطة العين ديجا وقلت كون تصرا بينهم حاجة يقولولك ضربونا بعين ! حتى تفرقنا ! وكيما قلتي المشاعر ممكن بيناتهم ماشي كامل كيما تبان أون لاين خخخ والناس تحسدهم وتبغضهم على والو ... عموما لي يحب السترة على قولتك ربي يسترو ولي يحب الشهرة ما يلومش وما يقولش بيا عين تلقاهم وحده داهشين وضربو رواحهم بعين حالتهم أشعب يكذبو على بعض ويأمنو كذبتهم ... هاو درك ممكن وحدة من النوع هذا تشوفنا غرنا منها مثلا خخخ هي خطيبها يحبها لهذيك الدرجة وأحنا لا !! ... لالا رانا ما منشرناش لاانا نعالجو برك في قضية خخخ :p ... هيا مغسي عالمرور الأمّور

 

[أم أُنٌَيسة]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم و رحمة الله تعالى و بركاته
بارك الله فيكي احتي الكريمة الغالية و جزاكي خيرا
نسال الله الهداية و الثبات لنا و لكل اولاد و بنات المسلمين ان شاء الله تعالى يارب
لا استطيع ان اعلق يا اختي الكريمة ، فلم اجد الكلمات
تحياتي احترامي و تقديري لشخصكم الكريم الغالي
​

 

[شمس الاصيل2]

رد: حيّروني مآ عآملينش قدر لبعضهم ! ومآ عمل قيمة لمرتو !

على اي تحضر راهم حابين يوصلوا الحلال بين والحرام بين وراه زمان الجار مايعرفش جارتو كيفاش دايرة ولا تلاقا بيها يهبط راسو اما الان وقت الكشفة ربي يسترنا

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم و رحمة الله تعالى و بركاته
بارك الله فيكي احتي الكريمة الغالية و جزاكي خيرا
نسال الله الهداية و الثبات لنا و لكل اولاد و بنات المسلمين ان شاء الله تعالى يارب
لا استطيع ان اعلق يا اختي الكريمة ، فلم اجد الكلمات
تحياتي احترامي و تقديري لشخصكم الكريم الغالي
​

وعليكم السلام ورحمة الله وبركاته
وفيك بارك الله أختي الغالية والله يجازيك خير ... معليش مرات الكلمات العاجزة تعبر كتر من التعبير بحذ ذاتو ... مغسي عالمرور يعطيك الصحة :regards01:

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

على اي تحضر راهم حابين يوصلوا الحلال بين والحرام بين وراه زمان الجار مايعرفش جارتو كيفاش دايرة ولا تلاقا بيها يهبط راسو اما الان وقت الكشفة ربي يسترنا

لالا هذا ماشي تحضر راسهم برك لي متخلف والرجولة والحشمة متوخرة عليهم بسنين وهوما سبقوها ومازال ما لحقتش عليهم علابيها دايرين كيما هاك ... مغسي اختي واللهم آمين ربي يسترنا ... سلآمي لك

 

[الزهرة الحمراء]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم غاليتي
راني رجعت كيما وعدتك حتى وشوية متأخرة
كيما قالت اختي مريم الظاهرة هاذي راهي انتشرت بزاف تلقاي زوج مخطوبين ولا عاقدين هو داير فالفايسبوك تاعو الفايسبوك تاعها ومبين بلي هي خطيبتو وتلقايهم حتى مدايرين تصاورهم كيما قلتي وهي ديرلو كومنتار في الصوة تاعو ولا حتى لوكان يحط تصاور مع صحابو تخرجلو هي من حيث لا يدري وتقول ياعمري حبيبي يهبل في وسط صحابو وعلاه ماديتنيش معاك -_- من نيتك وهو يرجعلها معليش بيبي المرة الجاية نديك ارتقوا الله لا تربحكم
يعني هذا تجيه نورمال صحابو ولي معاه فالفايسبوك يشوفوا خطيبتو واش تحكي وكيفاه تحكي معاك احشموا الله لا تربحكم هابن عمي الرومانسيات تاعكم خلوها بيناتكم
زعما كاش نهار يجي واحد من صحاب الخطيب هدا ويقعد معاه ويقولوا والله غير البارح قعدت نقرعج حتى شفت خطيبتك قاتلك هكا وهكا واش راهي متهلية فيك بخصتو بينا وجوه الشر
ربي يهدينا ويصلح احوالنا يعطيك الصحة اختي على موضوعك ​

 

[zagane]

رد: حيّروني مآ عآملينش قدر لبعضهم ! ومآ عمل قيمة لمرتو !

السلآم عليكم ورحمة الله وبركاته

وآش أحوآلكم ان شاء الله بخير وعآفية ؟

ندخل في الموضوع ديركت بآه مآ نطولش عليكم ... اليوم حبيت نحكي على ظآهرة ننفر منهآ
ومعرف إذا تشآطروني الرآي ولآ مآهآ ... درك نحكيلكم كي العآدة وتفهمو :

يآ سيدي رآني نحكي على الكوبل {في إطآر علآقة شرعية} لي أطرآفو مآ يدروش قدر لبعضهم
ووين ؟ رآني نحكي على موآقع التوآصل الإجتمآعي !! .. درك نفهمكم ...

درك الوآحد من المعروف أنو يغير على مرتو ومآ يحبش عليهآ ولا يحبهآ تكون معروفة وسط صحآبو
ولآ صحآبو يقدرو يوصلو ليهآ وهذي يعني الحآالة الطبيعية لي لآزم يكون عليهآ الرآجل ولا يوقع في
شي ثآني مآشي من موضوعنآ ... المهم تلقى الرآجل ومرتو عندهم مثلآ فآيسبوك وضآيفين بعضهم
حتى هنآ عآدي ... والشي المش عآدي لي شفتو هذآ وين في بروفيل جآرنآ طحت عليه صدفة حيرني
...
لقيتو دآير نش كبير لخطيبتو يردلها في الصور لي تنشرهم ويشهر بيهآ وحبيبتي وعمري ومعرف وآش وهي
بعد دآيرة نش عظيم عندو في بروفيلو بنفس المفردآت يعني أوك فهمنآ رآه خطيبهآ مي علآه الوآحد
يحط مرتو تحت العينين للنآس الكل ! وبعد زآيد دآير لي فوطو تآعهآ معآه وهوما يكومونتيو لبعض وهذآ
حب وهذآ غرآم وهي لحكآية خطيبتو برك لآ مفتّح عليهآ لآ عآقد يعني مآزآالت أجنبية عليه ... يعني
الصرآحة حسيت بوحد الشعور تآع خلآهآ كي شغل حلوى والذبآن دآير عليهآ نعرف أنا الرآجل عندو
النيف ومآ يحبش يبين مرتو للنآس ويشهّر بيهآ ولآ يعمل النش لي رآه يدير فيه ... وحتى الوحدة لآزم تثقل
روحهآ وتعمل لروحهآ قيمة مآشي هكذآ بعد شوية رزآنة أي مآشي هي برك لي مخطوبة !!! ... حيروني ’

طبعآ كل وآحد كيفآه تفكيرو مي لآحظت الظآهرة هذي بزآف وليت نقول وينها الغيرة على المرأة في الرجل
علآبآلي بلي كآين رجآل ما يرضآوش حتى يكون لخطيبتو ولآ مرتو فآيسبوك ونحييهم هذو ... وكآين لي عآدي
أنو مرتو تعمل فآيس ويضيفهآ حتى تكون برك تحت عينو ويكون تحت عينهآ مي مآ يبينهآ للنآس مآ تبين روحها
في Les publications تاعو ويكون موصيهآ مآ تحشرش روحهآ وسط صحآبو حتى مآ يعرفوش الفآيس
تآعهآ وهذو بعد نحييهم ... أمآ لي لآ غيرة لآ هم يحزنون هذو نقوللهم فيقو شوية رآنآ في الـ 2015 عيفتونآ ’

في اللخر نقول اتولهو من الموآقع هذي تجيب بزآف مشآكل ويآمآ سمعنآ على مشآكل على سبة فآيسبوك
وكآن سبب في طلآق نآس ... مآلآ ربي يسترنآ ويستركم ... وربي يثبت علينآ العقل ويحيي قلوب بعض
الرجآل مآتت ويفيقهم من مشكلتهم لكبيرة أنو النآس الكل مآ بقآتش تشوفهم رجآل وغير هومآ برك
مآزآلو في عينين روآحهم رجآل !! ... وسلآمي للجميع ’
​

السلام عليكم
الديوث يقبل كل شيئ حتى في العالم الحقيقي وليس في العالم الافتراضي
اصلا يكونو تعرفو على بعض بالفايسبوك وراح يتزوجو بالفايسبوك وتلبس لا غوب دو فايسبوك

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم غاليتي
راني رجعت كيما وعدتك حتى وشوية متأخرة
كيما قالت اختي مريم الظاهرة هاذي راهي انتشرت بزاف تلقاي زوج مخطوبين ولا عاقدين هو داير فالفايسبوك تاعو الفايسبوك تاعها ومبين بلي هي خطيبتو وتلقايهم حتى مدايرين تصاورهم كيما قلتي وهي ديرلو كومنتار في الصوة تاعو ولا حتى لوكان يحط تصاور مع صحابو تخرجلو هي من حيث لا يدري وتقول ياعمري حبيبي يهبل في وسط صحابو وعلاه ماديتنيش معاك -_- من نيتك وهو يرجعلها معليش بيبي المرة الجاية نديك ارتقوا الله لا تربحكم
يعني هذا تجيه نورمال صحابو ولي معاه فالفايسبوك يشوفوا خطيبتو واش تحكي وكيفاه تحكي معاك احشموا الله لا تربحكم هابن عمي الرومانسيات تاعكم خلوها بيناتكم
زعما كاش نهار يجي واحد من صحاب الخطيب هدا ويقعد معاه ويقولوا والله غير البارح قعدت نقرعج حتى شفت خطيبتك قاتلك هكا وهكا واش راهي متهلية فيك بخصتو بينا وجوه الشر
ربي يهدينا ويصلح احوالنا يعطيك الصحة اختي على موضوعك ​

ههههههه ضحكتيني عصباح ربي كي شغل حكيتي واش كان في خاطري بالضبط :p ... والله ما عندي ما نزيد نقول من بعد كلامك :regards01: ... يعطيك الصحة اختي ومغسي عالمرور لي بردلي قلبي.

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم
الديوث يقبل كل شيئ حتى في العالم الحقيقي وليس في العالم الافتراضي
اصلا يكونو تعرفو على بعض بالفايسبوك وراح يتزوجو بالفايسبوك وتلبس لا غوب دو فايسبوك

ااهلا.اخي
ما حبيتش نقول الكلمة هذي مي جابلي ربي واحد يدير أمور هكذا ما يتسمى والو من غير ديوث والعياذ بالله... ناس عايشة للفايسبوك والشوفات الله غالب ... مغسي خويا وعودة ميمونة مدة ما شفناش الستيلو تاعك :d

 

[عاشقة الكرة]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم
والله عندك الحق غاليتي وين راه شعور الغيرة على الزوجة أو الحبيبة أو الخطيبة قليل وين تلقايه إلا من رحم ربي ربي يهدينا أجمعين
كلامك كامل صحيح مي باه يفيقو مانضنش لي فيه حاجة ماتتبدل
تقبلي مروري
مشكورة عالموضوع القيم

 

[الورد الأحمر]

رد: حيّروني مآ عآملينش قدر لبعضهم ! ومآ عمل قيمة لمرتو !

السلام عليكم
والله عندك الحق غاليتي وين راه شعور الغيرة على الزوجة أو الحبيبة أو الخطيبة قليل وين تلقايه إلا من رحم ربي ربي يهدينا أجمعين
كلامك كامل صحيح مي باه يفيقو مانضنش لي فيه حاجة ماتتبدل
تقبلي مروري
مشكورة عالموضوع القيم

وعليكم السلام ورحمة الله وبركاته
ما تدريش ممكن يفيقو وممكن كيما قلتي ما يفيقوش ويبقاو هوما هوما ... احنا نقولو ربي يهدينا برك ويبقي الستر علينا ... ومغسي عالمرور يعطيك الصحة أختي
سلآمي ’