الثقافة والمستوى الدرآسي يلعبو دور بركآونآ من الفوخ

[الورد الأحمر]

رد: الثقافة والمستوى الدرآسي يلعبو دور بركآونآ من الفوخ

السلام عليكم
بارك الله فيك اختي على الموضوع الجميل كلي كتبو مزيد من التفوق ننتضر جديدك وكيما قالو الزوخ معندوش فئة تلقايه عند القاري والجاهل تحياتي لك

وعليكم السلام ورحمة الله
وهو كذلك الزوخ معندوش فئة وعند الثنين فقط أنا حبيت نحكي على الفئة لي لا علاقة بالدنيا وبالثقافة وبالعلم والدراسة ومن فوقها تزوخ علينا معرف وين نكلاسيوها
مغسي أختي عالمرور يعطيك الصحة

 

[Hakan]

رد: الثقافة والمستوى الدرآسي يلعبو دور بركآونآ من الفوخ

الزوخ والفوخ عمرو لا يقدم او ياخر
النبي عليه الصلاة والسلام يقول **والله لن يندخل الجنة من كان في قلبه مثقال ذرة من كبر **
هذا اللي عندو الذرة فمابالك اللي قلبو كاامل زووخ
انا تجيني نورمال كي يكون وااحد بشهادتو ويزووخ او بمالو ويزووخ لكن تغيضني من اللي جامي كسب في حيااتو وفي كرشو المااء وتلقااه يزوخ بالخياال غدااه ما يسعااهش وتلقااه يحكي على السكالوب وال شوارماا
وكانو يفطر بيها ويتعشى بيهاا
كذالك بالنسبة اللي ما يقرااش محبس في الثانوي وتلقااه طاايح عليها فتوى وقال فلاان وقال علااان

المهم الزووخ ما يديش بعيد مي بالنسبة ليا شخصياا يغيضني الوااحد كي يكون يزووخ ومالغري فايقلو مي نلعبها ما علاباليش ونخليه لربوو سبحانو بالاك يجي نهار ويفيق ....شكراا ختي ..​

 

[ضيوف وسـنغادر]

رد: الثقافة والمستوى الدرآسي يلعبو دور بركآونآ من الفوخ

سلمت اناملك لما كتبت اخيتي
موضوع جد مميز ...
مثلما قلت وانا معك فيه
الانسان لازم يكون متواضع وسبحان الله تقريبا كل اللي اعطاهم ربي نعمة راهم ساترينها وقانعين وماش مورين فيها..والناقصين//الكمال لله// راهم حاسبين روحهم تقول ارمسترونغ راحو للقمر وجاو...وهدا ينم عن ضعف في الشخصية والعقلية واهمها التربية ..الانسان اللي قانع بروحو وحامد ربي ماكان لاه يوري روحو راه الناس هي اللي تميزو اوتوماتيكمو
..وشفت بززاف ناس واخطائهم وتعلمت منهم اكييد
في رايي الانسان اللي يشكر روحو ويحب يوريها عندو أpليكاسيون ولا vيروس في راسو لازم يتفورماطا...لانو هذا ماش من قيم الدين وتعاليمه ويعتبر نقص واضح
الانسان الصح هو اللي عندو صح الخير في كلشي ومايحبش يوريه بالسيف...
مي نقول برك حاجة الانسان تاني ماش لازم يطيح روحو تواضعا...هنا راه يذلل في روحو ..اتصرف على طبيعتك يا هذا...
وسبحان الله اليوم برك الصباح وانا مع ميمتي قبل مانروح نقرى قلتها سبحان الله كنت نشفى في الابتدائي على زوج بنات ديما كانو توب فاللبس توب فالزوخ توب في هدي النواحي مي مبعد ظهرو اصفار...وحدة ماطلعت من الابتدائي...
والله الافكار كثيرة والامثلة تدور في راسي كي الفيديو مي هنا نتوقف
ولنتعلم ان الانسان يجب ان يقنع بحاله وبداته ويطورها....فكم من...اصبح...
وصدقوني احب الناس هم البسطاء القنوعين فاللهم اجعلنا منهم لدى الجميع
كثرت من كلمة انسان بززاف.ماتلومونيش...قريت الانسانية اليوم مازالت ماخرجتش من راسي ههه
بالنتظار المواضيع المميزة دوما
افكاري اتت كقطرات المطر عندما تسقط متبعثرة في كل مكان ارجو ان الفكرة وصلت ^^​

 

[بنت الـ25]

رد: الثقافة والمستوى الدرآسي يلعبو دور بركآونآ من الفوخ

يا نونو يا نونو شحال كاينة هاد الكاليتي في محيطي
والله تلقاي ناس لي خير منهم متواضعين كتر منهم
مرات كي نصادف هاد الكاليتي ونشوفهم كيفاش يحكيو وكيفاش يديرو نستخزى روحي
نحقر روحي ونحطهم خير مني مي كيما قلتي كي تعرفيهم صح تلقاي بلي انتي خير منهم وييييييييين
مرة كنت فالبلدية رايحة نجبد شهادة إقامة باش ندير باسبوغ خخخخخخ
جات وحدة وبدات تحكي مع صحبتها : "يااااا كون متحتمتش والله منعفس البقعة هادي ، الدواب فيها (حاشكم) كتر من القاريين"
تحسيها عايفة ومسنكشة ولحمها مشوك ، كي شغل كاميرون دياز في أدغال افريقيا خايفة من الحيوانات المفترسة لشدة نعومتها وأنوثتها
قلت هادي سير بنت كاش واحد جابها الشوفوغ تع pـاpـها هي وصحبتها وبالاك الـgـاغد كوغ راه فالباب:p والله نشوفها هادي وش جاية دير
سع من خلال كلامها ظهرت جات تجبد نقمة وكواغط اخرى وممبعد رايحة للسيام تجبد شهادة مدرسية باش تماركي فالصونطر
قاتلها " هات برك ما يصعبوليش فالأكمالية ويعطوني شهادة مدرسية يا ربي نلحق تع نماركي فالخياطة ولا الحفافة"

مش قصدي عيب انو الوحدة تتعلم خياطة ولا حفافة ولا اي حاجة ، العيب تضحكي على ناس البلدية اللي انتي ماكيش خير منهم بالعكس راهم خير منك بمليون مرة
​