مشاركتي في فعاليات نقاش بنات حواء-السكن مع اهل الزوج-

[iman-dz4ever]

كيف حالكم يا عرايس احلى لمة
ربي يسرلكم اموركم ان شاء الله و تتهناو في حياتكم القادمة
:love01::love01::love01:
في اطار فعاليات نقاش بنات حواء
و من منطلق الاخوات في الشدائد
حبيت نشاركم بموضوع للنقاش كل عروس تكون محتارة منه
و كثير من عرايس اللمة يسئلوا عن هذا الموضوع
و قبل لا نقلكم عن الموضوع حبيت نشير ان هذي مناقشة
يعني تبادل افكار و منطقيا مش راح يكون رأينا واحد
و ايضا الفكرة مش ان نقنعكم بفكرتي و لا تقنعوني بافكاركم
بل تبادل خبرات حياتية و سماع وجهات نظر مختلفة
اسفة على الاسلوب:$:$
لكن تعرفوني حبيت نستفاد منكم و نفيد معاكم برك
علابالي شوقتكم موضوعي مش جديد لكن لا مفر منه و هو اول سؤال يسئلوه للبنت بعد الخطبة
.....السكن مع اهل الزوج و كيف اتعامل معهم.....
..................
........
...
..
.
قتلكم مش جديد بصح اول سؤال بعد الخطبة يسئلوهلك الناس رايح تسكني مع دار راجلك و لا وحدك
انا نشوف بلي كل وحدة و قناعتها يعني اصابع اليد مش كيف كيف
كاين الي تحب تسكن مع اهل الراجل و كاين الي تشرط السكن وحدها
و كاين الي اهلها يضغطو عليها و كاين الي تخوفها الناس و خصوصا الام اذا مرت بتجربة قاسية
عن السكن مع اهل الزوج
انتم يا عروووسات واش رايكم و الاخوات في الضفة الاخرى ههههه قصدي متزوجات
واش رايكم واش تمدو نصائح لاخواتكم العرايس
و ايضا الي عندها نصيحة كيف تعاملي مع اهل خطيبك تتفضل
لان فترة الخطبة مش غير باش تتعرفي على العريس ايضا باش تتعرفي على اهله الي رايحين يكونو اهلك
في انتظار تفاعلاتكم
:sport02::sport02::sport02:
لااله الا انت سبحانك اني كنت من الظالمين


​

 

[فيتامين سي]

رد: مشاركتي في فعاليات نقاش بنات حواء-السكن مع اهل الزوج-

كما قلتلكم انا خاطيني راني في الضفة الثالتة هههههههه مي يعجبوني مواضيعك و نحب نقرعج فيهم و نمد رايي ......
عجبتني كي قلتي بلي موضووع للنقاش منجموش نقول انا او انت راينا صحيح مي نسييو نلقاو فكرة تخرجنا من عالم الارانب بسلام ههههه
اوه بو بصفتي عشت في دار جدي نقولك راني كونتر و مع باسكو الامر يختاف حساب ناس دارك ادا كائنات حية (انسان) او كما لي راني تصادفهم في حياتي الارانب و هنا تشوفو كما انا لي عندنا كون تهربي لافريقيا الجنوبية يرسلولك سهم في السم و شفت ناس يكون بيناتهم حيط و يكونو سكر مع بعضاهم
هنا نشوف الفرق في الناس اخلاقهم طباعهم ....ربي يسخرلك حنونة الف الف ميروك ..ربي يكملك بالخير و عقباااااااليييييييييي :p

 

[السلطانة]

رد: مشاركتي في فعاليات نقاش بنات حواء-السكن مع اهل الزوج-

وعليكم السلام يعطيك الصحة لطرح الموضوع :thumb_up02:
لي راه يعتبر موضوع أساسي ومهمّ في الحياة الزوجية
راح نجاوبك على حسب تجربتي
الوحدة كان عادت من اللول عندها الخيار باش تخرج بدارها وحدها تخرج خير
وكان عادت لازم تسكن مع دار الشيخ تدير في بالها بلي ماهيش يصادفوها بزاف أمورات
ولازم تتحلى بالصّبر
درك كاين لي تصبر وكاين لي متصبرش
(تقول اختبار مثلا هههه )
شفت في عايلتي نسا بزاف مقدروش يصبرو نظرا للضغوطات لي عاشوها في دار العايلة
وصح الحالة ماش ساهلة
كاينة لي تصبر شهورا ولا عام وتطلب دارها وحدها وتخرج ولوكان تضطر تدير مشكل
الله غالب كل واحدة وطاقتها في التحمّل.
وكاين لي تصبر وتتحمّل مي على حساب راحتها تاني
(وأنا هنا نحكي على تجربتي الخاصة لي راهي عام ونص من الزواج حتى الآن )
الدار لكبيرة تكون متكونة من العجوز والشيخ او العجوز وحدها وبناتها (نقولك هنا بناتها لأنهم راح يلعبو دور كبير في حياتك :tongue02: عزيزتي العروس ) وبناتها تقولي :ولادهم وبناتهم والويكاند عادة يفوتوه عندهم ولافي المناسبات
نعم وتاني ولادها ونساهم وولادهم كان عادو متزوجين وساكنين معاكم اهنا المشكلة كان عادو النساء شرّانيات وتاع مشاكل ويمكرو فيك ووو حوايج بزاف تكتشفيهم مع الوقت

بون وفي ضفّة أخرى راجلك لي راه أكيد يحب أمو وطايعها وهي راضية عليه وه والصغير تاعها (مثل زوجي )
درك نرجعو ليك انتي ياعروس ويازوجة :

في اللول راح تدهشي سورتو كان عدتي جيتي من عايلة صغيرة تتشوكاي في العايلة الكبيرة
لأنها عادة تكون ماش منظمّة في شحال من حاجة
راه تحسي روحك في لخبطة ماتعودتيش عليها في دار باباك
ديري في بالك :انتي تنظفي وغيرك يوسّخ
انتي تطيبي وغيرك ياكل وقادر مثلا يكون يبروفيتي فيك من ناحية المصروف تاع راجلك
انتي تديكوري وغيرك بسبب الغيرة او الحسد يفسدلك
تبا ماهذا !
نعم هذا يصرى في العايلة الكبيرة
معناها انتي تعيشي في ضغوطات خاصة مع اللول وين تحبي تنظمي حياتك وتسقميها
وهاذا الشي راه يأثر على علاقتك بزوجك
العايلة لكبيرة راح تلقاي فيها أنانية من طرف أهل الزوج
ميفهموش بلي ابنهم دار حياة جديدة ويخلوه يعيش الاز مع مرتو
هذا القوم كامل ديري حسابك بلي يبقى لاصق فيك
(كان عاد راجلك ناس ملاح ياكلوه كلو :thumb_up02::bravo01: كان عادت عندو طوموبيل تهردت عليك مالا
هو يدي للطبيب وهو لي يديهم يحوسو ..........منهدرش هنا على أمو لأنها أمو يديها بالسيف عليك لكن الأفراد لوخرا !!!)
تانيتك ديري في بالك يحسبوك انتي جيتي تديه منهم فيحدث التالي:
تقولو راح نخرجو يلصقو فيكم
تقولي ضاقت روحي يقولو ضاقت رواحنا
تقولي سخفت على هاذيك الحاجة يقولو هوما تاني :graduation:مالا واش نقولك اخيتي :

في دار شيخك راح تتعلمي شحال من حاجة
مع اللول تشوفيهم مليح وتفهمي العقليات بعدها عاملي كل واحد حسب عقليتو
طبعا كان عدتي تصبري لأنو ربي لايكلّف نفسا إلا وُسعها
كان عادت الخدمة ماش منظمة وانتي عليك الدّهك وكاين مثلا مرت سلفك تضال راقدة وتحقر عليك وانتي تحرثي
فطالبيهم يقسمو الخدمة وتعود ليك دالة
وهيا دالة
ماش انتي يطيح عليك كلش وهي لي أكثر منك وعندها ولاد تضال راقدة وتتحف :down:
يعني عزيزتي في دار الشيخ لازم تتولهي بزاف
متقيسيش بصح كان تقصتي تعرفي كيفاه تردي على روحك سينون ياكلوك وتلقاي روحك برك
كيما ساندريلا نهار كامل هاذا داخل هاذا خارج
وانتي تحرثي عليهم والجماعة تتكسل عليك بالكبير والصغير

مشكلتنا حنا الجزايريين الأم الجزائرية تحب تحط ولادها معاها وبالسيف في بالها يعيشو في عالم مثالي
مهلا عزيزتي راكي في دزاير وفي عالم متخلف ماحناش gور مثلا
ولgور وجامي نلقاوهم دايرين الكنّة يخي كل واحد يتزوج يخرج بدارو
يعني هوما مطبقوهاش حنا بالسيف نطبّقوها !

هذا رأيي
سلام
​

 

[السلطانة]

رد: مشاركتي في فعاليات نقاش بنات حواء-السكن مع اهل الزوج-

كما قلتلكم انا خاطيني راني في الضفة الثالتة هههههههه مي يعجبوني مواضيعك و نحب نقرعج فيهم و نمد رايي ......
عجبتني كي قلتي بلي موضووع للنقاش منجموش نقول انا او انت راينا صحيح مي نسييو نلقاو فكرة تخرجنا من عالم الارانب بسلام ههههه
اوه بو بصفتي عشت في دار جدي نقولك راني كونتر و مع باسكو الامر يختاف حساب ناس دارك ادا كائنات حية (انسان) او كما لي راني تصادفهم في حياتي الارانب و هنا تشوفو كما انا لي عندنا كون تهربي لافريقيا الجنوبية يرسلولك سهم في السم و شفت ناس يكون بيناتهم حيط و يكونو سكر مع بعضاهم
هنا نشوف الفرق في الناس اخلاقهم طباعهم ....ربي يسخرلك حنونة الف الف ميروك ..ربي يكملك بالخير و عقباااااااليييييييييي :p

صح هيبة المشكل في الأخلاق والطباع
صدقيني في الزواج قادرة تتصادفي مع عقليات عمرك كنتي تحسبي بلي تشوفيهم في حياتك
تلقاي ناس تربات على هاكاك
متقدريش تبدليهم وزيديها النفاق والمكائد اي والله ربي يكون في العون وخلاص
صعبة صعبة صعبة لاقلاش حفيظ دراجي

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

والله يا ام ياسمين كلامك كله حكم تقول راكي تحكي من تجربة:p
و كل وحدة والخلفية الي جاية منها كاين الي عاشت في دار جدها و شافت المر و مكنش الخصوصية
ولا ماماها جربت وشافت الويلو مش حابة بنتها تعيش نفس الهم
بصح مش كل وحدة عاشت في دار شيخها راهي في جحيم......متخافوش يا بنات:d
هيا كي تحطي حدود للمعاملة و حدود للقدر ميتجاوزهومش معاك راكي فحلة و نص
كيما انا ماما قاتلي الطفلة الي تلعبها شاطرة و من نهارها الاول في دار شيخها تسكنلهم في الكوزينة زعما حورية المطبخ
يلوحو عليها كل الشغل و من بعدها معندهاش الحق باش تقول كلمة عيييييت
وثاني متلعبوهلهمش بلي راكم جايين تديرو في حملة نظافة راه كاين ناس تفهم بالعكس:s
علابيها انا نقول انك تبداي في علاقتك مع دار شيخك في الخطوبة باش تفهمي العقلية
انتي عليك خدمة راجلك وبس و اما عجوزتك و شيخك احتسبي معاهم الاجر و اكسبيهم
اما اذا معاك سلفات غير خليهم يشمرو على ايديهم و يخدمو وحدهم
اما اذا كنتي انتي الكنة الوحيدة و خواتات راجلك متزوجين راكي:thumb_up02:
والله يا بنات هذا الموضوع كبيييير يليقلو قسم وحده ههههههه
لي عودة ان شاء الله

 

[السلطانة]

رد: مشاركتي في فعاليات نقاش بنات حواء-السكن مع اهل الزوج-

والله يا ام ياسمين كلامك كله حكم تقول راكي تحكي من تجربة:p
و كل وحدة والخلفية الي جاية منها كاين الي عاشت في دار جدها و شافت المر و مكنش الخصوصية
ولا ماماها جربت وشافت الويلو مش حابة بنتها تعيش نفس الهم
بصح مش كل وحدة عاشت في دار شيخها راهي في جحيم......متخافوش يا بنات:d
هيا كي تحطي حدود للمعاملة و حدود للقدر ميتجاوزهومش معاك راكي فحلة و نص
كيما انا ماما قاتلي الطفلة الي تلعبها شاطرة و من نهارها الاول في دار شيخها تسكنلهم في الكوزينة زعما حورية المطبخ
يلوحو عليها كل الشغل و من بعدها معندهاش الحق باش تقول كلمة عيييييت
وثاني متلعبوهلهمش بلي راكم جايين تديرو في حملة نظافة راه كاين ناس تفهم بالعكس:s
علابيها انا نقول انك تبداي في علاقتك مع دار شيخك في الخطوبة باش تفهمي العقلية
انتي عليك خدمة راجلك وبس و اما عجوزتك و شيخك احتسبي معاهم الاجر و اكسبيهم
اما اذا معاك سلفات غير خليهم يشمرو على ايديهم و يخدمو وحدهم
اما اذا كنتي انتي الكنة الوحيدة و خواتات راجلك متزوجين راكي:thumb_up02:
والله يا بنات هذا الموضوع كبيييير يليقلو قسم وحده ههههههه
لي عودة ان شاء الله

المشكل في العقليات درك
تعرفي كاين عقليات مثلا انتي خدمتي خدمة لوجه الله هوما نو يوالفو فيك ويرجعوه بروفيتاج عيناني
تولي انتي تديري حذرك
تغيضك انتي تحرثي ولوخرا من هيه قاعدة ومعيشة ولادها على ظهرك :down:
آه تبا
وكيما تشوفيها درك بمنظور خلاف
وانتي مخطوبة ماش كيما تشوفيها وانتي في وسط المعماعة تاع التجربة
كنت انا قبل نشوفها هك وبانتلي ساهلة نمد قدر لكل واحد برك يتحل المشكل
وكي جربت تأكدت لاياحليش
عقلية الجيريانو
متقدرش تعبك ولاحبك ولامشاعرك
همها بروفيتاج وخلاص
وانتي جيتي تعيشي بأمان وتستقري
تصادفك امور تعركلك مزاجك ألف مرة في النهار


وووووو

لي عودة ان شاءا لله لنقاشات أخرى

ياريت الأخوات الأخريات ينضمو وميبخلوش علينا بالآراء تاعهم


​

​

 

[jojo12]

رد: مشاركتي في فعاليات نقاش بنات حواء-السكن مع اهل الزوج-

اواه راكم خوفتوني

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

المشكل في العقليات درك
تعرفي كاين عقليات مثلا انتي خدمتي خدمة لوجه الله هوما نو يوالفو فيك ويرجعوه بروفيتاج عيناني
تولي انتي تديري حذرك
تغيضك انتي تحرثي ولوخرا من هيه قاعدة ومعيشة ولادها على ظهرك :down:
آه تبا
وكيما تشوفيها درك بمنظور خلاف
وانتي مخطوبة ماش كيما تشوفيها وانتي في وسط المعماعة تاع التجربة
كنت انا قبل نشوفها هك وبانتلي ساهلة نمد قدر لكل واحد برك يتحل المشكل
وكي جربت تأكدت لاياحليش
عقلية الجيريانو
متقدرش تعبك ولاحبك ولامشاعرك
همها بروفيتاج وخلاص
وانتي جيتي تعيشي بأمان وتستقري
تصادفك امور تعركلك مزاجك ألف مرة في النهار


وووووو

لي عودة ان شاءا لله لنقاشات أخرى

ياريت الأخوات الأخريات ينضمو وميبخلوش علينا بالآراء تاعهم


​

​

اييه عندك الحق الي جرب مش كيما الي سمع و هذي فائدة النقاش ندو خبرات
ههههههه عجبتني تعليقاتك الرياضية 4444444

 

[السلطانة]

رد: مشاركتي في فعاليات نقاش بنات حواء-السكن مع اهل الزوج-

اواه راكم خوفتوني

اتفضلي ناقشي معانا :thumb_up02:

 

[السلطانة]

رد: مشاركتي في فعاليات نقاش بنات حواء-السكن مع اهل الزوج-

المشكل في العقليات درك
تعرفي كاين عقليات مثلا انتي خدمتي خدمة لوجه الله هوما نو يوالفو فيك ويرجعوه بروفيتاج عيناني
تولي انتي تديري حذرك
تغيضك انتي تحرثي ولوخرا من هيه قاعدة ومعيشة ولادها على ظهرك :down:
آه تبا
وكيما تشوفيها درك بمنظور خلاف
وانتي مخطوبة ماش كيما تشوفيها وانتي في وسط المعماعة تاع التجربة
كنت انا قبل نشوفها هك وبانتلي ساهلة نمد قدر لكل واحد برك يتحل المشكل
وكي جربت تأكدت لاياحليش
عقلية الجيريانو
متقدرش تعبك ولاحبك ولامشاعرك
همها بروفيتاج وخلاص
وانتي جيتي تعيشي بأمان وتستقري
تصادفك امور تعركلك مزاجك ألف مرة في النهار


وووووو

لي عودة ان شاءا لله لنقاشات أخرى

ياريت الأخوات الأخريات ينضمو وميبخلوش علينا بالآراء تاعهم


​

​

اييه عندك الحق الي جرب مش كيما الي سمع و هذي فائدة النقاش ندو خبرات
ههههههه عجبتني تعليقاتك الرياضية 4444444

هههههه :bravo01:
ان شاءا لله تستفادو من بعض
راهي الدنيا كيما يقولو تجارب وخبرات والعبد يستفيد من غيرو

 

[ريحـان]

رد: مشاركتي في فعاليات نقاش بنات حواء-السكن مع اهل الزوج-

العيش مع اهل الزوج يليقلوا صبر طويل
ولي عندها صبر ما تلقى حتى شي صعيب
وانا براي بالعكس ناخذا اجر كي نعيشوامع والدين ازوجنا
ونتهلوا فيهم لخاطر ربي وصى عليهم
مام هذا الامر يخلي الزوجة تكبر في عين زوجها
مي بلاك لي يخسر هذا الاجر اخوات واخوان الزوج
اخوات الزوج من جهة لخاطر تنشئ مشاكل بسب
الاشغال المنزلية او ما يخص اللباس وغيرها من الامور الروتينية
واخوان الزوج ايضا لخاطر الزوجة يليق تلتزم امامهم بلباس محترم


دخلت على غفلة ماكنت موجدة والوااا للنقاش؟؟؟؟
هههه
لي عودة

 

[الزهرة الحمراء]

رد: مشاركتي في فعاليات نقاش بنات حواء-السكن مع اهل الزوج-

السلام عليكم غاليتي
وبارك الله فيك على طرح الموضوع
وكيما قلتي موضوع مهم وأساسي لانو بسبب الموضوع هذا صراااو بزاااف مشاكل للعرايس و وصلت بسبب الموضوع هذا لقطع صلة الرحم
بالنسبة لموضوع سكن العروسة مع اهل الزوج كأي موضوع عندو جوانب ايجابية وجوانب سلبية
السكن مع اهل العريس اولا رايح يرجع على ابزوجين بعدم الراحة وخاصة من طرف لعروسة تحس روحها ماهيش آلاز مع راجلها شغل عندها غير الغرفة تاعها هي المملكة وعش الزوجية تاعها وكأنها مربوطة بهاديك الغرفة في حين لوكان جات عندها دارها دير واش تحب مثلا تقعد مع راجلها وين تحب
تحب كاش نهار ديرلو ليلة رومانسية عشاء وشموع يعني بلا ماندخلو فالتفاصيل تكون في دار وحدها احسن مليون مرة من انها تكون في غرفة ضيقة ويكونوا ساكنين معاها ناس يعسوها في كل صغيرة وكبيرة ديرها
تاني عفسة من ناحية الملابس تولي لعروسة محتم عليها تلبس لبسة معينة كي تخرج من الغرفة تاع وخاصة اذا كانوا عندها سلافها رجال وهذا مع الوقت لعروسة يولي يقلقها
وبالنسبة للراجل تاني ماهوش رايح يكون مرتاح مثلا يحب يخرج مع مرتو يلقى ناس العايلة لاصقة تحب تاني تخرج ناسيين اي حاجة يقولولها خصوصية الزوجين
يحب يجيب اي هدية لمرتو لازم يخمم الف تخمام كيفاه يجيبها يا يدخلها بلا مايشوفوها ولا كيما جاب لمرتو لازم يجيب لناس لوخرين
وهذا كامل ضغط على الزوجين
وبلا ماننساو تاني كيما قالت اختي ساندي شغل الدار وكامل خاصة اذا كانت العايلة كبيرة يعني الطفلة اكثر من 20 سنة عايشة في نظام باين في دار باباها حتى كي تجي لدار راجلها تلقى حاجة خلاف وهنا الطفلة تقدر تتعود وتقدر لالا
لانو نعرف وحدة مزوجة وساكنة مع دار راجلها بلا مانحكي حالتها رافدة كل شيء على راسها حتى وهي بالحمل
وهي ربي يبارك عليها يعني من قبل الزواج تحب تخدم وطيب وكي راحت عروسة قعدت فيها هاديك العقلية حتى ولات عجوزتها كل مرة تعرض نسا ولادها ولي تعرفهم وتقولها طيبيلي واش درتي هاديك المرة وديريلي هكا وهكا وهي رايحا
وبالنسبة للجانب الايجابي مانقدروش نحكموا على بعض الحالات ونقولوا ديما السكن مع اهل الزوج مشكلة او معضلة لا كاينين عايلات عايشين ربي يبارك وخاصة اذا لعروسة طاحت في عجوزة تحبها بزاف هنا حاجة مليحة لعروسة تلقى لي يعاونها في حياتها خاصة اذا كانت تخدم برا الدار وعندها دراري تلقى عجوزتها في كتافها
وكمثال انا بنت خالتي زوجت وهي مازالها تقرا فالجامعة عندها عجوزة ربي يبارك عليها تنوض ماتخليها تمس والو تقولها معليش روحي الهاي في شغالاتك برك دللها اكثر من بناتها
يعني كيما قلنا اي حاجة عندها جانب مليح وجانب لالا
وزيد كل شيء في يد لعروسة كيما قالت ساندي كي تدخل وتعرف كيفاه تتعامل مع اهل الزوج وكل واحد ترسملو الحدود تاعو ويقابلها انو هي تاني ماتتعداش حدودها رايحا تكون حياتها سعيدة
لأنو بعض الخلافات البسيطة طبعا ماهيش رايحا تؤثر على حياتها
لانو حنا عايشين باه نختلفو وكمثال الطفلة حتى كي تكون في دار باباها تختلف مع الام تاعها او الاخت وهي رايحا
وفالاخير ربي يهني كل عروسة ويرزق كل عازبة الزوج الصالح
هدرت بزاااف علابالي ولكن الله غالب موضوع لازمتلو نقاش ههههه
ربي يهنيكم خواتاتي

 

[jojo12]

رد: مشاركتي في فعاليات نقاش بنات حواء-السكن مع اهل الزوج-

انا معنديش تجربة بسكو راني غير مخطوبة كي نسي نحكيلكم بصح انا رائي انو نعيش عند عجوزتي ونكسبها بلكلمة الطيبة خطر عجوزتي سكنا وحدها بناتها كامل مزوجين نبقى غير انا وهي برك نكسب اجر نعاونها ونخليها متستغنيش عليا انشاء الله يا رب

 

[Oum Loukmane]

رد: مشاركتي في فعاليات نقاش بنات حواء-السكن مع اهل الزوج-

السلام عليكم
أنا من خلال تجربتي عشت مع أهل الزوج 11سنه ما نقولش بلي عشتهم كامل مهنيه مع لكنت عامله وأخوات زوجي كانو قاعدين في الدار صبرت حتى كره الصبر مني لقيت مشاكل ولقيت أشياء مليحة
صح كان كل شغل البيت كان عليا التكار الصباح العجين العشاء غير الفطور كان خاطني لأنه كان وقت العمل بالمقابل كنت كي نروح نخدم كنت نخلي بناتي عندهم كي يمرض يعاونوني فيهم
وهذي هي الحياة في وسط العائله
تصبري بنتي في خاطر الزوج لكي تعيشي مهنيه
نرجع نقول الصبر ويجي النهار لتدير الوحده دارها بدعوة الخير وضحك والناس راضيه
راني في داري 14سنه ويجوعندي في كل المناسبات يأكلوا ونصحك ونجمع وكل واحد يروح لداره
إذا عليكن بالصبر وطبقوا لانسمع لانرى لانتكلم

 

[لؤلؤة قسنطينة]

رد: مشاركتي في فعاليات نقاش بنات حواء-السكن مع اهل الزوج-

السلام عليكم
أنا ماجيت نفيق بهاد الفعالية لقيتك ديجا درتي موضوع هههه
اصبرو شوي خليونا نلحقوكم ههه، موضوع مميز حبيبتي وبالرغم من أنو موضوع قديم
بصح عندو أهمية كبيرة ويبقى دائما متجدد، لأنو المرأة اول ما تتزوج تقولك أول سؤال وين نسكن؟
مع أهل الزوج ولا وحدي؟ درك مانقدرش نربط المشاكل بالسكن مع أهل الزوج
مثلا نسمعو عن المشاكل لي تصرا بين الكنة و أهل راجلها ونقولو دايما بلي بسبب سكنها معاهم
لكن هادا ماش شرط، ربما صح الاغلبية تاع المشاكل تكون من هاد الناحية، بصح ماش سبب واضح
أنا نعرف لي ساكنة مع دار راجلها وعايشة بالاك خير من لي كانت عايشتو مع دارهم
ربما تلقى بعض المشاكل وهادي شي طبيبعي خاطر دخلتي لمحيط يختلف عن المحيط لي كنتي ساكنتو
بصح من بعد لما تعرفي كيفاه تتعاملي ومع الصبر رايحة تتأقلمي طبعاً إذا كان كاين تجاوب من الطرف
الآخر لي هوما أهل الزوج، خاطر تاني ام كاين وحايد نتي بلعسل لفهمهم وهوما بالعود لعينيك ههه،
وعلى العكس كاينة زوجة لي عايشة بعيد على اهلا لزوج وساكنة وحدها وتلحقها المشاكل للدار
ويكرهولها حياتها حتى وهي بعيدة عليهم، يعني المشاكل ماش اساسها السكن مع اهل الزوج ولا بعيدة عليهم
الأهم هو شخصيتك وكيفاه تقدري تتقبلي حياتك الجديدة وتتحملي وتصبري، بالإضافة لعامل رئيسي وهو الزوج
خاطر لما يكون راجلك معاك مليح ومهنيك حتى ولو تعيشي معاه في قفص ينسيك بطيبتو ووقفتو كل مشاكل العالم
وكن يكون الزوج معوج حتى ولو ساكنة في بلاد بعيدة على والديه تعيشي في قهر
على هادي بالنسبة ليا كيف كيف، السكن مع أهل الزوج أو بعاد عليهم نفس الشي، المهم شوي صبر
وتحكم في الوضع من طرف العروسة
ان شاء الله نكون افدت ولو بالقليل، خاطر ماعندي حتى خبرة وراني نتكلم بشكل نظري برك ههههه
التطبيقي والواقعي ماعنديش ههه
وربي يهني كل عروسة ان شاء الله ويوفقها ويرزقها الذرية الصالحة
تحياتي :regards01:
​

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

انا معنديش تجربة بسكو راني غير مخطوبة كي نسي نحكيلكم بصح انا رائي انو نعيش عند عجوزتي ونكسبها بلكلمة الطيبة خطر عجوزتي سكنا وحدها بناتها كامل مزوجين نبقى غير انا وهي برك نكسب اجر نعاونها ونخليها متستغنيش عليا انشاء الله يا رب

ربي يهنيك يا جوجو و يسخرلك عجوزتك و تعيشي حياتك هانية اميييييييييييييين

 

[jojo12]

رد: مشاركتي في فعاليات نقاش بنات حواء-السكن مع اهل الزوج-

انشاء الله ياختي ايمان والله هدا مانحوس عزوجتي ترضى عليا هداك الصح

 

[zohor kfz]

رد: مشاركتي في فعاليات نقاش بنات حواء-السكن مع اهل الزوج-

ana mazalni 3azba dkholt nastfad mankom
7na kona 3aychin fidar manakdabch 3likom ana wa khoti w banat 3ami w wlad 3ami 3aychin tr tr b1 kima lokhot bassa7 omahatna allah la ywarik hhhhhh ch9A 3andam bzf w zid la3raysat yasra yasra binathom ma3arik
bassa7 7na kona kol wa7da w kozinta ya3ni tab9a 7aja khfifa lalkhadma fal3yal ya3ni ta9riban ghir falmonasabat li ntaybo kaaaaaml m3a ba3d
assam hiya jadati rabi yar7amha kanat dayra el7ad lkol wa7da w matadakhal 7ata fwa7da kant m3ana mrat 3ami 3anda wald wa7ad w rajla machi m3aha kanat jadati tasraf 3liha w 3aycha m3aha
khrajna man dar la3yal wallahi mazalna n7ano lhadok layam li kona fiham majmo3in
w ya3tikom assa7 3la kol li 9oltoh

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

هههههه تفكرت حصة الاتجاه المعاكس نتاع بكري:d
صح موضوع كبير و فيه بزاف وجهات نظر لان كل وحدة و الجو الي تعودت عليه و الفكرة الي حاطتها في راسها عن الزواج
و اهل الزوج و انا حبيت البنات سواء عضوات و لا زائرات ميفهوناش غلط ماراناش نحارب في فكرة السكن مع اهل الزوج انا بالعكس
حابة نسكن مع اهل راجلي ربي يخليهملي و يشرح صدورهم ليا اميييييييييييين نموووت عليهم:love01:
بصح الله غالب ترباتلنا عقلية اذا تفاهمت العجوز و الكنة ابليس يدخل الجنة
والله غير خفت قلت بلاك بزاااف عرايس اليوم ينوضوها مشاكل نتاع منسكنش مع داركم لالا ربي ميجبش زعل ههه تعرفوني نحب نتكلم مصريييييي:regards02:
راني نتناقشو برك وكل وحدة وربي واش يكتبلها
ربي يسهلكم اموركم امييين لي عودة بتجربتي مع اهل سي السيد:regards02:

 

[آمِيْرَتُه]

رد: مشاركتي في فعاليات نقاش بنات حواء-السكن مع اهل الزوج-

السلام عليكم ورحمة الله تعالى و بركاته
الاستقلال في بيت منفرد هو أحسن الحل لتجنب الكثير من المسائل الشرعية و المشاكل و غيرها
السكن مع أهل الزوج يجلب المشاكل أكثر و أكثر و أسباب الطلاق المعروفة في مجتمعنا خُلقت بسبب اختيار العيش رفقة أهل الزوج في بيت واحد
المرأة تريد أن تكون مستقلة في كل شي تستمع ، تعيش لا تريد أن تعيش تحت المسمى الحدود إلا إذا كان الزوج لا يستطيع ان يستقل في بيت منفرد ربما لأسباب عدم توفير ذلك ، مرض الأولياء و غيرها
كنت مؤيدة لفكرة الزواج رفقة أهل الزوج لكن أعدت النظر جيدا و غيرت فكرتي الاستقلال في بيت رفقة زوجك أمر جيد عكس تماما العيش رفقة أهله
مشكورة على الموضوع