يحبني والا ما يحبنيش

[zohor kfz]

رد: يحبني والا ما يحبنيش

oooooo mawdo3 rawww3a w rodod tani wal 2arwa3
ana n7ob dayman na7kilkom man 7yati
matmanya wallahi nal9a rajal kima papa wallahi 9imat elromansiya w mama el3aks sa7i7 hhhh
dayman yatfakrha y3ayatla ysa9siha kach raha assam ta7taj w had swala7 bassa7 man jiha wa7da okhra mnin yaz3af eldar tan9lab hhhh w min dalik istantajt ano elrajol lamnarvi howa elrajol elromansi hhhhhh
mama la mat3yatloch bzf w 9ol mat3ayatloch kamal w assam 3awad ih tfakart bassa7 mnin taz3af matzagich kifo nn thadan ro7A w ta7ki bal39Al bassa7 wach man klimat 7ata elmakhlo9 ychafini w na93od ndirlo eltarjama ala raha ta9sad haka machi kima sma3ta w zid w zid
w bsifa 3amma eljazayri ndon ano romanasni assam hiya may7obch ybayan tbanlo chwaya dahira ghariba

 

[بنفسج]

رد: يحبني والا ما يحبنيش

السلام عليكم

هههههههههههه يعطيكم الصحة كامل قتلتوني بالضحك ههه
او نجو للواقع
اكيد كاين اختلاف كبير في فترة الخطوبة وبعد الزواج ماشي غير فالجزائر
والعلاقات في بدايتها غير يعني في البداية المثالية والرومنسية خلات خخخخ
لانو يمكن للمرة الاولى او مبعد يدخل الملل و الفتور و تتبدل العقلية
فرق بين واحد تستنى تشوفو من فترة لفترة وواحد فيقورتو مقابلاتك 24 خخ
مي هنا لازم دكاء لازم احد الطرفين يخلق جو بحيث ميحدثش هاد الشي ويكسر الروتين
و منقدروش نقولو هاد التغير يمس غير الراجل
المرا ثاني وهادا راجع للحياة الجديدة والمسؤوليات
ويمكن اهمال احد الطرفين او جهلو بكيفاه تكون الحياة بعد الزواج
وتبقى الرومنسية ماشي غير كلمة ولا وردة والابيت شعري
الرومنسية احترام متبادل تفاهم وثقة و طبعا عشرة
و الجزائري غير ملقاش اللي تخرج الطاقة الرومنسية اللي فيه خخخ
منعرف الاقدرت نوصل فكرتي او لا
لمهم موضوع هايل يعطيك الصحة مريومة
تحياتي​

 

[ليليا مرام]

رد: يحبني والا ما يحبنيش

السلام عليكم أختي وشكرا على الموضوع
ومكرا في وحد الأشخاص قررت اليوم نعلن الحرب على الرجل ههههه
صراحة موضوعك فكرني في موضوع خويا حكيم من قبل بصح نسيت عنوانو ربما لا ماكدبتش
الجزائري والرومانسية والله أعلم، المهم نوليو للموضوع، صراحة ماش رايحة نحكي على الرجل ولا نقول ماش
رومانسي ولا الشاب الجزائري فيه عيب، خاطر هاد الأمور حكينا فيهم بزاااف في اللمة سواءاً
من مواضيع نقاشية ولا مواضيع في هاد القسم، لأنو المرأة متمنية رومانسية من الرجل وهي نفسها ماش فاهمة
معنى الرومانسية، مثلا ماش شرط كادو ولا كلمات شعرية تعبر عن الرومانسية، انا نظن الرجل
مع يدخل لدارو ويروح طول للكوزينة يحوس على مرتو هادي رومانسية، المرأة لما تستقبل زوجها بعد العمل
بابتسامة هادي رومانسية، الرومانسية سهلة وبسيطة وماتتطلبش دراهم كيما يظن الرجل ولا مجهود وشهرة
كيما تتصورها المرأة، يعني الرومانسية بسيطة بمغرفة تاع ماكلة يحطها الرجل في فم مرتو تخلق الرومانسية،
وباه مانطولش بزاف الاسبوع الماضي نظن ولا لي قبلو شفت مشهدين هبلوني ، يعني مشهدين ماتشوفهم لا في
مسلسل ولا في اي شيء، شفت زوجين كبار في السن عمرهم يفوت الستين هكاك، واقفين في محطة الحافلات
لوكان تشوفي كيفاه الزوجة مكروشية زوجها وهو يقعد شوي ويزيد يهزلها يدها كي يشوفها رايحة تطيح من ذراعو
والمشهد الثاني، تاني زوجين يتجاوز سنهم الستين نزلو من السيارة والمرأة بحكم كبيرة في السن ما تولهتش
لحجابها توسخ بالغبرة تاع السيارة، صدقيني حبسها ونزل على ركبتو وقاعد ينفضلها في حجابها ، يعني ماشاء الله
هاهي الرومانسية وهاهو الحب، ماش شرط ورود ولا كادوات، خاطر المرأة محتاجة كادو عاطفي وماش مادي،
ونفس الشي بالنسبة للرجل، لما يوالف على الرومانسية من طرف مرتو يولي هو بعد رومانسي، ساعات نشوفو
شياب كانو قاسيين مع نساهم وكي تموت مرتو ويتزوج بوحدة صغيرة تتدلل عليه يتحول حتى هو ويولي رومانسي
معاها، يعني بالمختصر المفيد الرومانسية هي توافق بين الطرفين وإبداء كل منهما الاهتمام بالآخر باشياء بسيطة
قادرة تكون ابتسامة، نظرة عيون، وغيرها من الامور، والحياة الزوجية ماش كل يوم رومانسية، كاين نهار
الزوج يكون فيه قلقان مايحب حتى واحد يقرب ليه لدرجة ولادو ومايحملش صوتهم، يعني الحياة الزوجية ماش غير
فرحة ورومانسية وسعادة، اصلا اساس الحب هو الخلاف والمشاكل، يعني شوي هك وشوي هك باه تمشي الدنيا
شكرا حبيبتي على الموضوع
تقبلي مروري
​

السلام عليكم اختي
والله انا لاني رجعت جديدة للمنتدى مش عارفة واش ناقشتو ولكن نحاول نكتب مواضيع بطريقتي ولو الفكرة مناقشة اكيد ماراحش يكون تطابق
عودة لردك انا معاك الف بالمية فكل الي قلتيه
ولكن قوليلي ما تتمنايش لما يرجع زوجك على الاقل يقولك كلمة تريحك من تعبك وحتى هي انا ما نقولش الراجل برك ملام ولكن المرا ديما تستنى المبادرة من زوجها هي تعتبر اهتمامها بالدار والاولاد وبيه فحد ذاتو تعب كبير وتستنى التفاتة منو مهما كان كاين نسا والله لما يدخل للدار تشوفي كيفاه تعاملو وهكا ما يستاهلوش يتشنف فوجها ويعيط حتى ولادو يخافو منو لازم نركزو على هذا النوع من الرجال حنا هنا نقولو الرجل البارد عاطفيا راح يحسد نتائج برودتو والكارثة يزيد يروح يخون برا ويرمي اللوم على المرا هذا اللي انا قصدتو فالموضوع
اما الشيوخ اللي حكيتي عليهم ايه يا اختي راه الروتور داج واقيل ماشي متزوجين اصلا:d:d:d:d:d امزح هههههههه
سرني ردك متفقة معك وراني فهمتك واش من نوع نقصد
شكرا

 

[ليليا مرام]

رد: يحبني والا ما يحبنيش

هههههه يااختي الكريمة المشكلة انو الرمنسية في الحقيقة ماشي هاديك الذي قبل الزواج
الرمنسية الحقيقية هي بعد الزوااج نهار ترجع يوميات سعيد وسعيدة
كل يوم الراجل رافع خشمو والمراة ماش ماديتها طول عليه

السلام عليكم خويا حكيم حسب الردوج الخاوة عارفينك رومانسي:d:d:d
وهذا اللي جيت انا نحكي علي الرومانسية بعد الزواج اما قبلو حتى ولاد الصغار يعرفوها

ايا بما اني زعما رمنسي كتابة فقط مي في الصح هي في جهة وانا في جهة هههه [ حقيقة مرة بالنسبة للمتابعين نتاع المدونة ]
المهم ياختي الكريمة المشااكل هاذي نتاع الرمنسية اولا ماهيش غير عند الجزائري
وديجا انتوما الله يبارك رمنسية حبست عندكم يخي شايفينكم وعارفينكم
الراجل علاه يكون رمنسي في ميزكم لانو المراة هي اللي تخليه كذالك قبل الزواج يكون في عمرها 18 وبعد الزواج ترجع عجوز كبيرة
وتلعبها غير تفهم وهي كل شيء
لالا هنا غير استنى يا خويا المرا لما تتزوج وتتصرف تصرفات نتاع 18 يرجع هو واهلها يقولو جاب ذرية بزة لازم تعاود تتربى اما شفت رجال يشكو اللي زوجاتهم صغار راني حاصل معاها كل كلمة تبكي وتتقلش وكثرو شروطها على هذا بعد الزواج لازم عقلها ينضج وايام اللعب فدارهم راحت
يخي النساء ونعرفوهم المراة قبل الزوااج دايما ما تعرف والو والراجل هاذاك ما يحب يحب انو زوجتو تلعبها ما تعرف وهذي ملاحظة
يعني لازم تبين المراة للراجل انو هي ما تعرف والو وهذا من الذكاء العاطفي نتاع المراة لانو قبل الزوااج
هي دايمة تكون محتاجة للراجل وهذا يخلي الرجل يعطي الماكسيموم نتاعو من الرمنسية لانو لقى الوظيفة نتاعو وهي انو يساعد مخلوق ضعيف ويعطي اللي عندو من مشاعر الطيبة
هذا هو وراك قلتها بفمك الراجل دايما يحب المرا تكون ما تعرف والو وتلعبها نية حتى يبان قدامها باتمان وسبايدرمان ياو فاقو لا مخلوق ضعيف لا والو هذيك من كانت الثورة والراجل لما يهدر يزعزع جبل ضرك هي تهدر وهو ساكت الرجال رجع يحب هو يولي ضعيف وماراهش مسؤول المرا تربي ومرا تدي وليدها للطبيب والمرا رجعت تروح تتسوق والمرا تبات سهرانة شكون ضعيف قولي ومشاعرو الطيبة يكونجليها حتى يتعرف على كاش وحدة فالتلفون انا نقولك شبابنا يحبو الحاجة الجديدة لو يلقلاى كل يوم يرد مرتو لدارهم ويروح يعيش معاها فترة خطوبة يتزوجو ويندمو كيما يكونو صغار يهبلو باه يشرو لعبة وغير يلعبو بها يخرجو كامل ديفواتها الرجل اناني:p:p:p:p:p
لكن بعد الزواج تتغير المراة الجزائرية من طفلة صغرونة اذا انسانة كبيرة وتخلي الراجل يحس انو ماكانش لانو تبدا في التفلسيف نتاعها
هي اللي تدبر وهي اللي تعرف وهو الغالط وهي الصح هو نية وهي ذكية هي تعرف الناس وهو ما يعرفش الناس
ايه يا خويا حكيم ث قالك صغرونة اخرجو بها طاي طاي هذي هي تحوسو على الصغرونات قولولنا هاكا اموا نشوفو دواوات يحنطونا نبقاو صغرونات

هذا اللي مش عاجبكم انو المرا تتفلسق تحبو تبقى تبان اقل مستوى منكم باتمان كرهاتو المرا دايما مليح ودايما يسلك الناس وهو حاصل في روحو ياااااااو قييييييييو
تبدأ توريلو عيوبو مالغري ماهيش عيوب الا انو هي تزرعها فيه ومن هنا يبدأ الراجل يبرد لانو بدل انو يكمل في وظيفة الانسان القوي اللي عندو مسؤولية مخلوق لازم يحميه . يولي يحس انو هو اصلا انسان ضعيف وحنا نعرف بنات دزااير قبل الزواج تكون انسانة بسيطة عفوية في افكارها وكلامها ومن بعد الزواج تدخل في خضم الحياة ومعاركها مع اهل زوجها وهنا تبدأ تقولو فيك وفيك وتعددلو في النقائص نتاوعو وماتت الرومنسية انا عندي الرمنسية عند الرجل كاينة وموجودة ونمثلها كي شغل شمعة تقدر المراة تشعل وتنورلها حياتها وتقدر طفيها وتظلم الحياة نتاعها
وياااااااااااا ماااااامي على ماراهيش عيوب منك بصح ارجع لعقلك خويا حكيم كيفاه ماراهيش عيوب مسكين غاضوني الرجال والله قالك مافيهمش عيوب نبداو نحسبو او ماكان لاه وقالك هي تزرعها فيه وهو اصلا ارض بور راسو ما يستقبلش بعد الزواج والو ممكن تزرع فيه وهو خاطبها تدلل تتقلش بعد الزواج ياو هو يولي الفلاح وهو اللي يحصد يحب كل شي ليه المرا لو تشتكي وتقول عيانة ياكلها ماكلة عندبالو روبو
وقالك مخلوق ضعيف الالالالالالا نضرب عليها غنية هذي نتاع مسكين يولي يحس انو ضعيف
الرجل يحب يبان انو رومبو والمرا دايما تلز عندو تطلب الحماية اكيد هذا واجبو وحتى المرا تحب تحس عندها راجل قوي مي هذا ما يكونش اللي لو كان الحنان بيناتهم والرجل يمد الجو للمرا حتى تتقرب منو

اما الرمنسية الحقيقة هي مصطلح تافه نوعا ما كاين حاجة اسمها احترام المراة واحترام الرجل اللي لازم يعرفها اي انسان
الروامنسية مصطلح تافه قول والله هذا بعد الزواج وعمري وحياتي وعينيا وتؤبشيني :d:d:d
اللي كانت قبل الزواج وين راحت اه احترام موجود قبلو او بعدو هذاك باي اخر ضروري لو الاحترام راح ما بقاتش حياة
بحيث الراجل يقدر وظيفة المراة ويقدسها والمراة كيف كيف تقدس اهمية الرجل
ماشي تحاول انو هي تكون كل شيء في الدار وهي اللي تعرف وهي اللي كل شيء

ايه خويا حكيم قلبك معمر ياو هي كل شي فالدار انت ما تفرحش لما تكون مرتك قايمة بالدار كلها يجوك ضياف الحمد لله مرا ونص دارك نقية وولادك قاريين ونظاف وانت مهتمة بك يعني انت ثاني بحبحبها شوي كلمة او زوج راح يزيدو يمدولها قوة مش تستنى هي تجي ثاني حد عندك لانو هذيك ليسونس نتاعها انت شفت طونوبيل تمشي ببلا ليسونس:p:p:p:p:p
علاش السوريين عندهم رمنسية مليحة لانو لما يدخل الراجل للبيت تقلو // اهلين بالابضاي بتاعي // اسمحولي خاطيتني السورية

تقولو السورية اهلين ابن عمي هذي باب الحارة وما دارت فيكم
وما شفتوش مقدم وماخر الصداق بالمليون تبيع ولايتك وما تمدهملهاش عكسنا حنا الزواليات ما نقولو لا بن عمي لا والو تخيل نقولو ابن عمي ويجي وليد عمي من الجهة لخرى كيفاه نديرلهم :d:d:d:d:d
وتخليه يحس انو راجل تنحيلو الفيستا نتاعو وتوفرلو الجو وهو تاني تكبر فيه هرمونات الرجولة ويحس صح صح بلي رااجل كبير
مالغري يخاف من الظلمة مي كي يوالف هاذي المصطلحات تزيد الرجولة نتاعو والمراة بدورها تحس بلي كل يوم تتطور الرجولة نتاع زوجها وتحس انو راجلها كل يوم يعطيلها حاجة جديدة بعكس المراة الجزائرية المحطمة في كل شيء
هذا هو الرجل رغم كل قوتو يحتاج كلمة مليحة حتى رجولتو تزيد هكذا المرا تعبها يروح بكلمة طيبة من زوجها يقدرها يدخل للدار متوحشها يحوس عليها مش يشوفها تقول شاف واحد يسالو الدراهم
يدخل الراجل تبدالو اولا هاذيك التشيفة السامطة وتبدا تسقسي وتهبط وطلع وين كنت وين ماكنتش و مسكين هو شاد في القشابية نتاعو ويقول في قلبو بالاك تعاوني نحي قشبيتي مي هي والو همها غير وين كان
وهو مش قادر على القشابية ثقيلة عليه علاه يلبسها:d:d:d:d:d
ياابنتي راجلك راهو كان يحوس عليك انت باسكو ما هوش يشوف فيك في البيت وانتوما علابالكم الراجل وين يحوس عليكم
راهو يحوس عليكم في بنت اخرى تحمل نفس الصورة نتاعك منين كنت صغيرة
اذن تحبو تشوفو الرمنسية نتاع الراجل مدى الحياة لازم ما تهملوش الشخصيات نتاعكم مننين كنت صغاار سللاام ..


ياخاوتي راني تفلسف بزااف وانا خاطيتني ملياار ههههه ​

وانا من ردك ننصح البنات راه يقولكم الاخ حكيم بقاو صغنونات وما تكبروش واول ما يدخل زوجك للدار سيدتي بداي واااااااااع وااااااااااااااااع
شكرا ضحكني ردك والله

 

[ليليا مرام]

رد: يحبني والا ما يحبنيش

الاطفال انما يزيدون رباط المودة والحب ورباط الزواج
اذا نظر الرجل خارج بيته هذا راجع للاغراءات الموجودة في الشارع ولا يوجد من هو معصوم او ملاك او مثل سيدنا يوسف
من يضع الله بين عينيه لا يمكن ان يقع في الخطأ او ينظر لغير زوجته ولو كانت بطيخة
اهمال الزوجين لبعض بعد مجيئ الاولاد راجع لانه لا توجد عندنا الثقافة اللازمة لذلك وايضا للضروف الاجتماعية مثل السكن المختلط اي العائلي
وخير الخطائين التوابون

السلام عليكم اخي الكريم
فعلا الاطفال يزيدو المحبة والمودة لكن الرجل ربما يعتبرهم طريق اهمال الزوجة له وهناك عدة ازواج يشتكون من اهمال الزوجة لهم بعد الولادة
وهذا هو الثقافة اللازمة ومش عيب يتحاورو الزوجين فالموضوع
شكرا لك سرني نقاشك

 

[ليليا مرام]

رد: يحبني والا ما يحبنيش

oooooo mawdo3 rawww3a w rodod tani wal 2arwa3
ana n7ob dayman na7kilkom man 7yati
matmanya wallahi nal9a rajal kima papa wallahi 9imat elromansiya w mama el3aks sa7i7 hhhh
dayman yatfakrha y3ayatla ysa9siha kach raha assam ta7taj w had swala7 bassa7 man jiha wa7da okhra mnin yaz3af eldar tan9lab hhhh w min dalik istantajt ano elrajol lamnarvi howa elrajol elromansi hh
hhh
mama la mat3yatloch bzf w 9ol mat3ayatloch kamal w assam 3awad ih tfakart bassa7 mnin taz3af matzagich kifo nn thadan ro7A w ta7ki bal39Al bassa7 wach man klimat 7ata elmakhlo9 ychafini w na93od ndirlo eltarjama ala raha ta9sad haka machi kima sma3ta w zid w zid
w bsifa 3amma eljazayri ndon ano romanasni assam hiya may7obch ybayan tbanlo chwaya dahira ghariba

السلام عليكم اختي زهور اهلا وسهلا
شفت نح من تجاربكم بااك وقت زعفان راه باين ولكنو مهتم بزوجتو بطريقة او باخرى مهتمة بها وحتى انت هنا ماماك هي ما تحوسش لكن هو قايم بواجبو ومتهلي
انت قلت حاجة مهمة الراجل الجزائري رومانسي ما يبينش علاه يبينها قبل الزواج هذا الشي مش نحكو فيه لانو نعتبروه عيب لا نحكو فيه لانو كاين بيوت تخرت من وراء البرود بين الزوجين
ياختي نقولك الصح انا نح نعيش رومانسية انا وراجلي حتى يضربني معليش المهم بعدو يكون حنين لما تكون عيانة عندو مشاعر احاسيس يسقسيني واشييا مهتم بيا وانا دوري ناديه على اتمم وجه اما هذاك البارد كالفريجيدار علاع نتزوج كاين فريقاوات يتباعو ونحط روحي فيه احسن:d:d:d
شكرا نورني ردك

 

[ليليا مرام]

رد: يحبني والا ما يحبنيش

السلام عليكم

هههههههههههه يعطيكم الصحة كامل قتلتوني بالضحك ههه
او نجو للواقع
اكيد كاين اختلاف كبير في فترة الخطوبة وبعد الزواج ماشي غير فالجزائر
والعلاقات في بدايتها غير يعني في البداية المثالية والرومنسية خلات خخخخ
لانو يمكن للمرة الاولى او مبعد يدخل الملل و الفتور و تتبدل العقلية
فرق بين واحد تستنى تشوفو من فترة لفترة وواحد فيقورتو مقابلاتك 24 خخ
مي هنا لازم دكاء لازم احد الطرفين يخلق جو بحيث ميحدثش هاد الشي ويكسر الروتين
و منقدروش نقولو هاد التغير يمس غير الراجل
المرا ثاني وهادا راجع للحياة الجديدة والمسؤوليات
ويمكن اهمال احد الطرفين او جهلو بكيفاه تكون الحياة بعد الزواج
وتبقى الرومنسية ماشي غير كلمة ولا وردة والابيت شعري
الرومنسية احترام متبادل تفاهم وثقة و طبعا عشرة
و الجزائري غير ملقاش اللي تخرج الطاقة الرومنسية اللي فيه خخخ
منعرف الاقدرت نوصل فكرتي او لا
لمهم موضوع هايل يعطيك الصحة مريومة
تحياتي​

سلام عليكم كارلا
اه يا بنتي تقولي عايشىة فالمريخ مش فالواقع قالك بيت شعري والله انا جامي شفت جون جزائري قال الشعر في مرتو وكان قالو ارواحي تعرفي انو جزار على خاطر راح يجزر فيها فكل عيوبها:d:d:d
وانا درت الموضوع على خاطر نعرفو الاسباب حتى ما يكونش برود ونفور ولقيت الرجال هنا كلهم كيما كنت متوقعة خاطيهم الرومانسية لاخر لابس قشابية ما قدرش ينحيها قالك لازم تعاوني:d:d:d:d ولاخر قالك وعلاه نديها رقيقة وتولي كالبتية:d:d:d:d:d
ولاخر قالك ايا اخطونا نتوما لازم تولو صغنونات:p:p:p:p:p
اما ما لقاش وين يخرج الطاقة انا نقولك وين روحي للحدائق تشوفي طاقة ارومانسة ومرتو فالدار وهو ما يخلي لا الرايحة ولا الجاية
روحي للخدمة وتشوفي عينيها خارجين ورا السكرتيرة تقولي ما عندوش مرا فالدار عينيه كي ماروكو خارجين وراها
وهو يسوق وعينيه برا هناك يخرج الطاقات ولما يروح للدار عيان حتى الفيستا مايقدرش ينيحها اكيد كان يجاهد :d:d:d:d:d
هههههه والله شفوني مسكان انا راح نشري اختراع راجلي يدخل للدار نسكانيه من ساسو لراسو :d:d:d:d
شكرا الروعة مرورك

 

[Hakan]

رد: يحبني والا ما يحبنيش

الظاهر انو الرد نتاعي لم يستوفي شرط الشرح معليه نعاودو نشرحو من جديد :

الصغر في مصطلحاتي يعني الحيوية وفقط وضدها الكبر والذي يعني ذبول المراة
كي قلت انو المراة تكون صغيرة ماش في تصرفاتها يعني اكيد في دارها حاجة ومع زوجها حاجة
واللي لازم نفهموما انو الرمنسية المساحة نتاعها هي الغرفة اللي ساكن في الزوج مع زوجتو
ماش شرط الناس كامل يعرفوها كيما قلتي انت دارهم يقولو جبت بزة
لا يااختي
ثانيا كاين صنفين من الرجال لازم تعرفهم اي امراة
الرجل التقليدي والرجل الحديث
ضركا مابقاش الراجل كي بكري يعني هذاك التعامل البارد ويشوف في المراة على انو داب
باسكو نتحدى اي امراة تقدر تعيش مع عقلية شيخ من مواليد 1950 وما جاورها لانو مارايحااش تتحمل
زيد كي قلنا الرمنسية يعني اكدي هي حاجة متبادلة لكن لما انت حطيتي الموس على الراجل كان لازم نحكي كوني رجل
الرمنسية لوكان نشرحهالك في هذا الموضوع ما تكونش حلوة لانو مخليها لمولاتها
مام هذيك اللي تقولي عليها ماش رمنسية ممكن تشوفها امراة غيرك من باب الرمنسية
هي لوكان نجيو للحقيقة راها خلات في كل الاطرااف لانو لازم نفرقو بين زواج وبين خطوبة وبين علاقات حب
لانو الداخل فيها هو الشيطان
لانو في العلاقات الغير شرعية الشيطان يتمكن من كلى الطرفين ويزين الامور لكلاهما بحيث يشوفو في كل شيء رومنسية
حتى انو نهار يوكبي عليها تيليفون راهي فيها حكااية طويلة
اما في فترة الخطوبة لازم يهيء الشيطان الارضية الخصبة للتفرقة وهي انو يرسم اشياء جميلة لكل طرف عن الآخر
وبالتالي لما يتزوجو يحاول يظهر المساوئ وتبدأ في الشكوك
نجي ضركا نسقسيك راني اين ونشوف في والديا مالغري مانيش نشوف في هاذيك الوورود الحمراء
والروائح والعطور الا انو كاين مودة وكاين فكرة اساسية اللي هي الاسرة لازم كل واحد يضحي باشياؤو المفضلة باش يخليها تمشي
ماناش في عهد الشعر والغزل لكن كاين دي جاست ممكن يضوو الحياة نتاع الطرفين وراني قلتها اجمل الاشياء هي الاشياء لبسيطة
وقضية شكر الرجل للمراة ماهيش حاجة رمنسية في ذاتها لكل لانو نقصت الاشياء اللي تعبر عن الاحترام بانتلنا بلي حاجة رمنسية
انا حقيقة مهما شرحت ومهما قلت علابالي بلي الوااقع شيء والكتابة شيء لانو ان شااء الله يجمعنا ربي بنصيبنا والحاجة اللي تسالني بيها
هي انو ما نظلمهاش اما الرمنسية فحقيقة مرة وكل يوم تغيضني اني ضيعتها في وقت مبكر جدا جدا اما الباقي فلازم نمارس دورة الحياة
والسنن الربانية اللي هي الصح ...شكراا ختي ..​

 

[ليليا مرام]

رد: يحبني والا ما يحبنيش

الظاهر انو الرد نتاعي لم يستوفي شرط الشرح معليه نعاودو نشرحو من جديد :

الصغر في مصطلحاتي يعني الحيوية وفقط وضدها الكبر والذي يعني ذبول المراة
كي قلت انو المراة تكون صغيرة ماش في تصرفاتها يعني اكيد في دارها حاجة ومع زوجها حاجة
واللي لازم نفهموما انو الرمنسية المساحة نتاعها هي الغرفة اللي ساكن في الزوج مع زوجتو
ماش شرط الناس كامل يعرفوها كيما قلتي انت دارهم يقولو جبت بزة
لا يااختي
ثانيا كاين صنفين من الرجال لازم تعرفهم اي امراة
الرجل التقليدي والرجل الحديث
ضركا مابقاش الراجل كي بكري يعني هذاك التعامل البارد ويشوف في المراة على انو داب
باسكو نتحدى اي امراة تقدر تعيش مع عقلية شيخ من مواليد 1950 وما جاورها لانو مارايحااش تتحمل
زيد كي قلنا الرمنسية يعني اكدي هي حاجة متبادلة لكن لما انت حطيتي الموس على الراجل كان لازم نحكي كوني رجل
الرمنسية لوكان نشرحهالك في هذا الموضوع ما تكونش حلوة لانو مخليها لمولاتها
مام هذيك اللي تقولي عليها ماش رمنسية ممكن تشوفها امراة غيرك من باب الرمنسية
هي لوكان نجيو للحقيقة راها خلات في كل الاطرااف لانو لازم نفرقو بين زواج وبين خطوبة وبين علاقات حب
لانو الداخل فيها هو الشيطان
لانو في العلاقات الغير شرعية الشيطان يتمكن من كلى الطرفين ويزين الامور لكلاهما بحيث يشوفو في كل شيء رومنسية
حتى انو نهار يوكبي عليها تيليفون راهي فيها حكااية طويلة
اما في فترة الخطوبة لازم يهيء الشيطان الارضية الخصبة للتفرقة وهي انو يرسم اشياء جميلة لكل طرف عن الآخر
وبالتالي لما يتزوجو يحاول يظهر المساوئ وتبدأ في الشكوك
نجي ضركا نسقسيك راني اين ونشوف في والديا مالغري مانيش نشوف في هاذيك الوورود الحمراء
والروائح والعطور الا انو كاين مودة وكاين فكرة اساسية اللي هي الاسرة لازم كل واحد يضحي باشياؤو المفضلة باش يخليها تمشي
ماناش في عهد الشعر والغزل لكن كاين دي جاست ممكن يضوو الحياة نتاع الطرفين وراني قلتها اجمل الاشياء هي الاشياء لبسيطة
وقضية شكر الرجل للمراة ماهيش حاجة رمنسية في ذاتها لكل لانو نقصت الاشياء اللي تعبر عن الاحترام بانتلنا بلي حاجة رمنسية
انا حقيقة مهما شرحت ومهما قلت علابالي بلي الوااقع شيء والكتابة شيء لانو ان شااء الله يجمعنا ربي بنصيبنا والحاجة اللي تسالني بيها
هي انو ما نظلمهاش اما الرمنسية فحقيقة مرة وكل يوم تغيضني اني ضيعتها في وقت مبكر جدا جدا اما الباقي فلازم نمارس دورة الحياة
والسنن الربانية اللي هي الصح ...شكراا ختي ..​

اهلا
هذا اللي حبيت نعرفو وراك جبت مربط الفرس
انا ما قلتش الرومانسية لازم ورود وهدايا المرا تفسرها على هذا النوع والخصوصية بين الزوجين هذي اكيدة مش يروح يتغزل بها قدام اهلها او اهلو لا عيب انما انا نحكي على نفور ونبرود بين الزوجين لانو حتى الامور النسبة ليك تافهة عند المرا راح تخمم على انها قلة اهتمام وحتى الراجل لو شاف منها قلة اهتمام وراك قلتولي فالرد انت قبيل انو لازم يدخل للدار تنحي الفيستا وتريح زوجها هذي هي رومانسية تعبير على الاحترام والحب مش بالهدايا فهمتوني غلاط حبيت نوصل فكرة انو المرا مالازمش الراجل يهملها بعد الزواج ولا هي
احترامك ليها هو الاساس ولكن الاهتمام ايضا حتى ما يخليش مساحة للبعد بيناتكم لو كان الرجل شحيح فمشاعرو مش نقولو دايما لانو ظروف الحياة تدخل فالوسط
والديك الكرام حفظهم الله العشرة بيناتهم اكيد مرو بمطبات ودابزو وتحملو وجابوكم وكبروكم ولكن اكيد مرو بتجارب كبيرة انت فبالك الرومانسية مش كلام حلو او اهتمام هي احترام ممكن هذي وجهة نظرك اكيد ومش انت برك اغلب الرجال الرجل العربي ككل يعبر على رومانسيتو بالتخبية
شكرا نورني النقاش معك مسرورة جدا
شكرا لك

 

[zohor kfz]

رد: يحبني والا ما يحبنيش

khay 7akim rododak raw3a wallahi
bassa7 kayna 7aja 7aba n9olalak akhay ana papa mazyod f 1956 awaaaaah law kan nal9A rajal kifo makhosni 7ata khir assam hiya ykon chwaya mayaz3afch kima papa :p

 

[مسك وعنبر]

رد: يحبني والا ما يحبنيش

السلام عليكم والله يا أختي ماكان حتى واحد راهو راضي بحياتو غير لقليل برك كي المرا كي الراجل يظلو يلومو ويعاودو ويحوسو غير على العيوب نتاع بعضاهم ما كان حتى واحد يذكر يا لوكان موقف نتاع خير لخوه لازم الإنسان يدير في بالو مليح بلي ماكان حتى واحد بدون عيوب ولازم الإنسان يحاول يحل المشاكل ماشي يبدل العباد و الشخص كي ينوي يكمل نصف دينو على لحلوة والمرة يتقبل توأم روحو كيف ما كان على خاطر خدا قرار في حياتو ولازم يحاول يلتزم بيه إلى أقصى درجة والحياة هادي كل يوم نعيشوه فيها نتعلمو كتر وكتر وكل شخص نتلاقاو بيه يمدلنا درس في حياتنا وربي يهدينا إن شاء الله
​

 

[ليليا مرام]

رد: يحبني والا ما يحبنيش

السلام عليكم والله يا أختي ماكان حتى واحد راهو راضي بحياتو غير لقليل برك كي المرا كي الراجل يظلو يلومو ويعاودو ويحوسو غير على العيوب نتاع بعضاهم ما كان حتى واحد يذكر يا لوكان موقف نتاع خير لخوه لازم الإنسان يدير في بالو مليح بلي ماكان حتى واحد بدون عيوب ولازم الإنسان يحاول يحل المشاكل ماشي يبدل العباد و الشخص كي ينوي يكمل نصف دينو على لحلوة والمرة يتقبل توأم روحو كيف ما كان على خاطر خدا قرار في حياتو ولازم يحاول يلتزم بيه إلى أقصى درجة والحياة هادي كل يوم نعيشوه فيها نتعلمو كتر وكتر وكل شخص نتلاقاو بيه يمدلنا درس في حياتنا وربي يهدينا إن شاء الله
​

السلام عليكم اختي اهلا وسهلا
وردك مسك وعنبر
اختي والله ما قضية اتهام اخر على اخر بقدر ما هي قضية نفور وبرود فالحياة الزوجية وتغير مزاج الرجل اي نعم هناك ظروف للحياة تطرأ وكاين اكتشفو بعد مجيئ الاولاد انو غلطو لما تزوجو تخيلي الوضع وايضا نسبة كبيرة من الخاينين لزوجاتهم ويقولك المرا هي السبب نعم ممكن المرا هي السبب فحالة الاهمال حبينا نوضحو انو مش عيب الرجل يتغزل بزوجتو يعتبر هذا انعدام رمانسية ويروح يسمع كلام هو من حق مرتو لمرا اخرى علاش لهذا حبينا نعرفو الاسباب وفعلا لازم الانسان يخير مليح ويفكر لانو زواج حياة طويلة وكل واحد يوري روحو على حقيقتو بلا تزييف
امين الله يهدينا اجمعين

 

[خفيفة الروح]

رد: يحبني والا ما يحبنيش

مشكووووووووووووووورة

 

[MOHAMED LAMINE7]

رد: يحبني والا ما يحبنيش

تمسكوا بأحبتكم جيدا، عبروا لهم عن حبكم، وٱغفروا لهم زلاتهم، فقد ترحلون أو يرحلون وفي القلب لهم حديث وشوق

 

[ليليا مرام]

رد: يحبني والا ما يحبنيش

مشكووووووووووووووورة

السلما عليكم
اهلا وسهلا اختي نورت صفحتي
وشكرا على مرورك العطر

 

[ليليا مرام]

رد: يحبني والا ما يحبنيش

تمسكوا بأحبتكم جيدا، عبروا لهم عن حبكم، وٱغفروا لهم زلاتهم، فقد ترحلون أو يرحلون وفي القلب لهم حديث وشوق

السلام عليكم اخي الكريم بارك الله فيك وجزاك الله كل خير يا رب نورني ردك
فعلا الحياة قصيرة ولا احد يعرف متى يرحل ويبقى الشوق حبيس الصدور
شكرا لك

 

[Oussama.GF]

رد: يحبني والا ما يحبنيش

مسكينة ديك زهرة تتعذب وخلاص هذا وش ناقصطم يابنات و الاولاد حلاب

 

[السلطانة]

رد: يحبني والا ما يحبنيش

وعليكم السلام

اواه انتي سلختي بنو آدم اليوم :yahoo01: سلخا
الراجل الجزايري قادر يكون كيما حكيتي في الموضوع بعد الزواج يتبدل والظروف تبدلو
لكن تاني كاين لي يكون رومانسي ويبقى رومانسي باه منظلموهمش
والدور يبقى على المرا تحاول ترضيه وتبدلو بكل الطرق
نقولك سرّ خلاف :راجلك كيما تتزوجو غير والفيه على امور تحبيهم
بصح كان من اللول رخفتي روحك وسبلتي في ابسط حقوقك هو راح يعفسك
يعني ليه حقوق عليك كيما عليك حقوق ليه
صحيتي على الموضوع
​

 

[ديسق]

رد: يحبني والا ما يحبنيش

وعليكم السلام ورحمة الله وبركاته

أولا: الرومانسية قبل عقد القران ما نامنش بيها، والحب قبل الخطبة أكبر أكذوبة في التاريخ إلي راح (ضحيتها) الكثير والكثير.
ثانيا القرآن الكريم وصف العلاقة بين الزوج والزوجة ماشي بالحب وانما بالمودة ..

ثالثا: والي هي القنبلة ومن وجهة نظري النوع الي تحكي عليه أخت الكريمة عن الصنف الي يكون من وجهة نظر البعض
صاحبها وصاحبتو ومش عارف من هاذي المصطلحات زعما يكونو رومانسيين ووو في الغالب الشاب يقوم بمثل ذاك الأمر
لانو من وجهة نظري فيه زوج احتمالات: الاحتمال الأول والي هو انه مثلا يخاف لما يكون قاسي عليها تروح تبطل عليه
ولا واحد سمع بيها لا الأهل لا والو لانها (علاقة خارج اطار الاسرة) والاحتمال الثاني أنه وقع برمجة بعض من (الشباب)
أنهم تقريبا أغلبهم (رومانسيين) مع (...) لذلك هو يسخف ويدير واش يديروا هوما،..

رابعا: بعد الزواج، الاحتمال الاول:سواء الامهات او الاصدقاء نتاع الزوج هذاك راهم ينصحوه باش يكون قاسي مع زوجتو
لأنو من وجهة نظرهم هذه هي الرجولة وهكذا باش يتحكم في زوجتو مليح، لأنه اذا رخفلها راح تخرج من سيطرتو وتدير
رايها وما تقيموش.

الاحتمال الثاني: وهذا ممكن هو الطاغي أن الزوج والزوجة في فترة التعارف (الخطبة) ما عرفوش بعضاهم مليح مليح
وممكن يكون كل واحد منهم زيف الشخصية نتاعو وخلى الطرف الآخر يشوفو أنه من (الملائكة)، ولكن بعد الزواج
راهم في زوج راح يعيشو مع بعض وراح يكون كل واحد منهم مضطر يتخلى عن الشخصية نتاعو الي كان يمثلها
في فترة الخطوبة، وبالتالي أغلب الشخصيات الحقيقية نتاع الازواج تظهر لما يتزوجو وكاين إلي تظهر بعد مرور الاشهر
ومن الاحسن لازم كل طرف في فترة الخطوبة ما يخبيش العيوب نتاعو عن الطرف الآخر وما يرسملوش أحلام وردية،..

والكلام يطول حول هذا الموضوع ^^ .. آسف عن الاطالة وشكرا على اتاحة هذه الفرصة

دمتم بخير

سيف :graduation:


​

 

[ليليا مرام]

رد: يحبني والا ما يحبنيش

مسكينة ديك زهرة تتعذب وخلاص هذا وش ناقصطم يابنات و الاولاد حلاب

السلام عليكم اخي نورتني
ايه يا خويا حنا نتفناها وقت كانت النية كنا نامنو بيحبني او ما يحبنيش
اما الاولاد على حساب لفظة حلابين الراجل حياتو كاملة وهو يسعى ورا المرا يتزوج ويجيب اولاد ويولي شيخ وعينيه برا مش تحلاب هذا سنة الحياة
شكرا