لا اقبل طلبات صداقة الذكور

[Hakan]

رد: لا اقبل طلبات صداقة الذكور

اخخخخخ كي شغل الذكور وحوش وهي هاديك الاميرة النائمة وتخاف يبوسها ويولي هو هدا الامير الوسيم تباااااا
ولا مرات نخمم نقول رانا في كوكب عايشين فيه غير الذكور وكاينة طفلة وحدة هاذي لي كاتبة لا اقبل وحنا ذكور كامل نكحلولها باه تريبوندي علينا
ولا كاين احتمال ثالث حبيبتنا هاذي قاتلتها ظرافة ولباقة ما لقاتش وين تحطها ايا تحشم بزاف بزاف لدرجة ما تنجمش ترد يا عمري على الحشامة نبيع روحي ونزوج بيك غير انت
يا خويا هاذي جياحة من الجياحات الرهيبة لي شاهدناها .. كيما لي تقول حبة مفقودة تبعها تتكودا والامثلة كثيرة حويا حكيم صدقني كوكبكم هذا يعيي ولو جات عندها قناعة ما تحكيش مع الذكور ولا واحد متعرفوش ما تردش عليهم اصلا اي بلا متكتب لا اقبل دير هكذا كاش ما طيح واحد خنفوس في الشبكة تقلو والله انت ريحتلك واول واحد نحكي معاه فيكسيلنا لدات تاع الزواج هه
وهادي كامل راجعة لان حنا مجتمع معقد وجاتنا تكنولوجيا على غفلة
مشكووور على انتقاء الموضوع وطريقة الطرح خويا
تحياتي

​

هههههه ياخويا هشاام اك تشوف انا راهي غايضتني عمري من هذو الشعارات كي شل الوااحد راهو قااعد طول الوقت
يحكي في الميسااجت ولا يستنى يبعث رسالة ياك الحمد لله راهاو فايسبوكي مشبع ميساجات وما نربونديش عليهم
وزيد واش الفايدة الشخص المحترم اصلا ما يحتاجش تكتبيلو يا فلة هاذ الميساجات هذا اذا كنت تخاطبي محترمين اما اذا كنت تخاطبي همااج والله يالوكان
تبعثي لابوليس نورمال يعاود يعيطلك من نيميرو نتاع السجن نورمل هههه ربي يهنيك خويا هشاام ردك ضحكني نتاع الصح
​

 

[sosobibicha]

رد: لا اقبل طلبات صداقة الذكور

سلام عليكم
خويا حكيم حقا موضوع مميز (شفتك تحكي على ميدسين انت طبيب ?? اسفة انا فضولية خخخخ)
صح هذي ظاهرة شفتها بزاف هنا في المنتدى نحكي على هذا المنتدى لانوا خاطيني الفايس بوك خخخ :p و هذي البنت لي ماهيش حابتهم يبعثولها ميساج عادي كي يبعثوا ما تردش يخي علاش تبرح ما تبعثوليش ما تقلوليش و راني مخطوبة هههه بنات آخر زمان :-o و هذي المخلوقة لوكان جاو عندها مبادئ gاع ميساجات العالم ما يغيروهاش صح خويا حكيم كاين وحد الغاشي كيما البكتيريا يلصقوا ميساج مورا خوه مي كاين ناس ملاح كثر من ناس صامطين
انا نقول لهذوا باربيات غير ما تخافين ليجان ماشي فارغين شغل يبعثولك لي ميساج و gاع اذا بعثوا ما تريبونديش و نتوما يا ليجان اخطيكم من الجياح و السماطة {حاشا لي ما يستهالش }
المهم خويا حكيم الله يعطيك الصحة على الموضوع :thumb_up02:
تقبلوا مروري ^^
تحية :regards01:​

 

[Hakan]

رد: لا اقبل طلبات صداقة الذكور

السلام عليكم
ههه كاينة منها هادي
كاين لي يبالغو بزاف
كما قلت ما تحبيش تحكي مع الذكور ما ترديش اصلا ولا ماتقبليش الطلب
ولا كاين لي تقولك نديرلهم اندار من اول باش ما يتخطاوش خطوة الرسالة هادي ههه
ما هاديك تع لا اقبل الرسائل خطيبي ما يحبش
انا تبانلي ما شي ما تقبلش هاديك juste باش تدير اشهار قال راني مخطوبة ههه
صحيت خويا حكيم ..

هيه جوستومون المبالغة علاه ياك رانا في الجزاائر والفايسبوك
فيه اغلبهم قبيح ونورمالمون اي طفلة تعرف انو ما يهمش اذا قلت ما نضيفش الذكور ولا ما تبعثوليش
باسكو السامط ساامط لا حب ديرولو بروصي ميرسي ميرة ربي يهنيك ..:regards01:​

 

[Hakan]

رد: لا اقبل طلبات صداقة الذكور

السلام عليكم
الحمد لله خويا حكيم يسقسي عليك الخير مع انو بقاو اسبوعين على الامتحانات معناها ماراناش لاباس ههه
هادا خونا مالك شعل فينا النار تاع المواضيع هههه، على كل حال شكرا ليك على الموضوع مع أنو نعترف أني وحدة من الفئات هادو درك ياخويا كاين نص كلامك موافقة معاه ونص ماش موافقة معاه، انا عندي 5 سنوات تقريبا في الفايس بوك من اشهر قليلة برك ربما 5 اشهر هكاك لي وضعت العبارة هادي تاع "لا اضيف الرجال" خاطر الناس ماتفهمش، انا 5 سنين مادخلت حتى رجل لقائمة الاصدقاء مهما كان وكانو كي يبعتولي طلبات صداقة نفاصيهم وكي يبعتولي رسائل نفاصيهم، مانكدبش عليك في الأول كي دخلت الفايس بوك كنت كي نلقى اكتر من رسالة لنفس الشخص ويقلقني ويمرضني نرد ب "لا اقبل طلبات الصداقة من الذكور" ونخليه، حب يفهم مرحبا ماحبش يفهم مرحبتين ونبلوكيه، الرجل الوحيد لي دخلتو كان خالي فقط وكان باين في قائمة الاصدقاء وحدو بين البنات وليت فاصيتو وخبيت قائمة الاصدقاء باه واحد مايمرضني خاطر وصلت حتى يشوفو صديقاتي في الفايس بوك ويبعتولي معاهم رسائل وساعات حتى يدخلولي في شكل بنات، ناس ماش متربيين وحتى ساعات يبعتولي في الكومونتار يقولولي علاه ماترديش على رسائلنا، وليت وضعت الكلمة هاديك في البروفيل تاعي باه واحد مايكسرلي راسي، وهكاك تقول تهدر مع حيط وهادا لي نوافقك عليه يعني استنتجت بلي الكلمة هاديك مانفعت والو معاهم للدرك يوصلوني طلبات ورسائل ونولي نفاصيهم ونبلوكي ودرك ماوليت نقبل لا بنات ولا ذكور والرسائل نحطها في الحيط ومانقبل حتى تعامل معاهم من بعيد ولا من قريب وحتى البنات مانحكيش معاهم نحكي يا مع اخوات من اللمة ولا مع العائلة برك، ودرك صح كاينة ناس كاتبة خطيبي مايقبلش وغيرها ولا مانقبلش طلبات وفي نفس الوقت القائمة فيها رجال وتقولك هادا كي خويا وهادا كي زميلي في الدراسة وهادي خطأ، وكاين حتى لي مظاهر برك وتبقى النية هي كلشي في الأخير نية الانسان هي لي تنجيه اما هادي لا اقبل ولا ارفض ماعندها حتى معنى وماتدخلكش للجنة، اما فيما يخص اللمة مافرضتش هاد القاعدة هنا خاطر كي مانحطكش في قائمة الاصدقاء ومن بعد نتناقشو في المواضيع ومن بعد نبعتلك رسالة نسقسي عليك ولا نكونو مشرفين لنفس القسم ونضطرو نتفاهمو على حاجة واش من فايدة؟؟ انا حاطة في بالي بلي اللمة رانا كي الاسرة الواحدة ماش معناها تنازل لأي شخص بصح علابالي بلي قائمة الاصدقاء هاديك راهي صورة برك ماش معناها رايحة تخليك تقرب مني ولا تعبد عليا خاطر ناس واعيين هنا وكل واحد مسؤول على تصرفات على عكس الفايس بوك ناسو ماش مربيين حاشا لي مايستاهلش طبعا
واش نقولو ربي يهدينا برك، هي الصح المرأة المتزوجة ولا حتى ماش المتزوجة من الافضل تقطع علاقاتها بهاد المواقع لأنو حتى ولو تحب تبعد على البلا يلحق بالسيف، رانا نحاولو نخليو المواقع هادي تكون شاهدة علينا بالخير ان شاء الله يوما ما كي نكونو بين يدين ربي
ومانتمناوش تكون باب شر لينا بإذن المولى
شكرا خويا على الموضوع، كن غير كل مرة خويا مالك يديرلنا تشجيع كيما هكا ههههه باه ندخلو بمواضيع جدد :d
وبالتوفيق خويا في الامتحانات
تحياتي
​

ههه جات واحدة من المتهمين في قتل الف رجل بدون رحمة ههه نضحك خيتو برك
نورمال راني قلت يعني قادر هاذ الشي يقزيزتي مع بعض الرجال وانا وااحد من الناس كي شفتك مدايرة لا اضيف الرجال احترمت الرغبة نتاعك مالغري كاين بنات من اللمة هنا
بعثتلهم انفيطاسيون لكن انا نعرفك هنا في اللمة لكن الغاشي السامط لاخر ما يعرفوكش
ممكن يديرو البوسيبل باش يتعرفو عليك وراكي تعرفي الفضول خااصة الانسان هذاك الساامط
وراكي تعرفي واش معناها تقولي لراجل لا اضيف الرجال كي شغل قلت لكاش وااحد ما تدخلش الكهف هذاك لانو فيه كنز
اذن هو رايح يقتلو الفضول باش يشوفو وممكن يصيب هذاك الكنز صح وممكن يلقاه غير خرطي في خرطي
ربي يعيشك ختي تشكراتي ..​

 

[Hakan]

رد: لا اقبل طلبات صداقة الذكور

شكرا لك على الموضوع والطرح الجيد لما شفت العنوان تقريبا توقته عندك الحق لازم البنات تبعد على المبالغات ومتزيدش فيها .. ومثل هذه التعبيرات ما عياتكش انت برك مي حتى انا كي نشوف كيما هاك نعيا وتديني الى عالم آخر وتنسيني واش كنت رايحة ندير كأنها علامة قف في الطريق .

وي وي المبالغات والشعارات كي شغل امريكا حابة تحرر فلسطين بوليتيك ومخلطة الحالة
هدفي من الموضوعي انو الفتيات ينتبهو انو هي حرة في حياتها الافتراضية تقدر تربوندي علامن تحب
وتاكسابتي واش تحب وترفض اي وااحد تحب ماتحتاجش دير شعارات وكلمات من هذاك النوع
ميرسي ترياقو ​

ههههههه علاه خويا عقلية facebook باينة انا مش كاتبتها ويرسولي طلب منقبلش و يزيدوا message prive هذا ازعاج بعينه

الازعااج كاين كاين سواء بشعارات ولا غيرهم
لكن ماشي تقوليلي هوما يرسلولي وانت قاعدة تضحكي ونافحتلك لا عندك الحضر اذا راكي في الفايسبوك وعندك تبليغ الادارة اذا كنت في اللمة
هكاك باش تتجنبي وجع الراس تماما شكرا لويزة ​

 

[louizalina]

رد: لا اقبل طلبات صداقة الذكور

حتى اذا درت الحضر كاين poke

 

[Hakan]

رد: لا اقبل طلبات صداقة الذكور

هههههههههههههه
يعطيك الخير خاي حكيم
والله عندك الحق بنات يديرو حوايج يهبلو بنادم
تعرف خاي بزاف بنات يديرو هاد العفايس نقولك علاه
باش يجلبو الانتباه ليهم باسكو كاين لي يكون فضولي ويقول هدي لي قالت منحبش طلبات صداقة من الرجال
هي لي نحكي معاها
ياخي حالة ياخي تفكير زيرو
الله يهديهم
حكيم كانش وحدة زعفاتك باينة
ماعليش خاي كبر خاطرك راك تعرف حواء
ربي يهنيك
تحياتي​

والله والو خيتي مليكة ما قلقتني طفلة ماني عايش للبنات
مي النفاق ماهوش زين خاصة في عالم انت حر في اي حااجة تخدم بيها
ماشي كيما العالم الواقعي ممكن ناس يحاسبوك مي هنا علاش ما تحبيش تربوندي نورمال ما تريبونديش وخليه قلبو يغلي كي الكلب
ما تحبيش لانفيطاسيون ديريلو بلوكك مبااشرة بلا هذيك الشهرة وشوفوني راني ما نحبش الرجال وهي .... ربي يهدي ما خلق ميرسي خيتو ..​

اخي حكيم العالم الافتراضي ماتقدرش تفهمو او تطبق عليه حاجة معينة لانو هادي الطفلة لي راك تحكي عليها راهي راقدة ورافدة بورطابل وراهي تخلط وتجلط بالاك عندها ميل فايس وماشي غير واحد , علابيها توقع كل شي من هاد العالم
شحال من خطرة نقول لي ماراهش مسحق الفاي بوك ضروري غير ينحيه علاخاطر يدوخ العقل وياكل الوقت ولافائدة منه بتاتاااااا
وشكراااا

وي ما نقدروش نفهمو العالم الافتراضي لكن ما يمنعش انو نقولو انو كاين اخطاء او بالاحرى تصرفات زاائدة ماعندهاش اي اصل
انسانة يجيها طلب للزواج او الخطبة عندها حرية انو ترفض الطلب وواحد ما يجبرها ثانيك في العالم الافتراضي جاك طلب صدااقة او رساالة نورمال كل شيء كاين والخطوات موجودة
ادخلي لليوتيوب واكتبي كيف اقوم بحضر بعض المزعجين ويورولك الطريقة وتتهنى هذي الطفلة من وجع الرااس شكرا خيتو ملاك ..​

 

[Hakan]

رد: لا اقبل طلبات صداقة الذكور

السلام عليكم اخي
بكل صراحة مام انا الاشعارات لفتت انتباهي
بكل صراحة نحن كلنا اخوة بعض النظر عن الجنس
و درك واحدة أو واحد رافض التحدث مع الجنس الاخر هناك حل بسيط عدم الرد على الرسائل و أظن هذا كفاية بدون اشعارات و كتابات.
​

اهلا بيك سيرين وناس 2012 واش راكي ومرحبا بالعودة نتاعك ان شااء الله نشوفولك موضوع ولا زوج هنا في اللمة احتفالا بالرجوع نتااعك
وهذا اللي قلت عليه في موضوعي
ما تربونديش وما تريبونديش واذا كثر حضر ولا طلب للادارة يمحولو الكونت نتاعو من الوجود
صحيح كلنا اخوة مي كاين ناس ماهش جاي على جال اخوة
كاين اللي راهو يروشاري على نصفه الآخر مي مسكين عند بالو النصف الآخر هو الطفلة اللي كاتبة
لا اقبل طلبات الذكور واللي يلقاها كاتبة يروح يبعثلها ميساج ويقلها اسمحيلي اختي راني خالفت المبادئ نتاوعك وديرونجيتك
وهي تقلو نورمال مكانش مشكل خيي وتوتة توتة خلصت الحتوتة وعاشا بسعادة الى الابد
شكرا خيتو :bravo01: ​

 

[Hakan]

رد: لا اقبل طلبات صداقة الذكور

سلام عليكم
خويا حكيم حقا موضوع مميز (شفتك تحكي على ميدسين انت طبيب ?? اسفة انا فضولية خخخخ)
صح هذي ظاهرة شفتها بزاف هنا في المنتدى نحكي على هذا المنتدى لانوا خاطيني الفايس بوك خخخ :p و هذي البنت لي ماهيش حابتهم يبعثولها ميساج عادي كي يبعثوا ما تردش يخي علاش تبرح ما تبعثوليش ما تقلوليش و راني مخطوبة هههه بنات آخر زمان :-o و هذي المخلوقة لوكان جاو عندها مبادئ gاع ميساجات العالم ما يغيروهاش صح خويا حكيم كاين وحد الغاشي كيما البكتيريا يلصقوا ميساج مورا خوه مي كاين ناس ملاح كثر من ناس صامطين
انا نقول لهذوا باربيات غير ما تخافين ليجان ماشي فارغين شغل يبعثولك لي ميساج و gاع اذا بعثوا ما تريبونديش و نتوما يا ليجان اخطيكم من الجياح و السماطة {حاشا لي ما يستهالش }
المهم خويا حكيم الله يعطيك الصحة على الموضوع :thumb_up02:
تقبلوا مروري ^^
تحية :regards01:​

هههه لا مانيش مدسين نتاع عباد مي انا طبيب حيوانات يعني طبيب بيطري فهمتي علاش نحكي على الطب
المهم راك قلتي واش قلت بلا زيادة او نقصاان
لوكان جاو عندها مبادئ ميساجات الدنيا ما يحركوهااش ولازم هي تعرف هاذ الشي ما يعنيش انو اللي تكتب كيما هاك ما عندهاش مبادئ
مي تقدري تقولي كاين اللي تكون حريصة جدا لكن الشعب نتاعنا ما ينفع معاه غير البلوكااج ما تكسري راسك ما والو ربي يهنيك ختي وراكي ما قلتيليش اسمك منا وجاي نعيطلك سمية وخلاص ..​

​

 

[ضآحكة مستبشرة]

رد: لا اقبل طلبات صداقة الذكور

السلآم عليكم
قبل كلشي انا وجدة من النآس دايرتها و ماشي باش منقبلش الذكور اصلآ مدايرة طلبات الصداقة للجميع
و في اليوم الواحد يوصلوني بزاف غاشي لكن نتجاهل
انا عندي منها غاية على ديك راني مدايرتها

انا نظن كل انسان عادي في اختياراتو و كاين لي باباها صديق معاها دايرتها باش ابوها يطمن عليها
و كاين لي عندها خوها و عمها و خالها اصدقاء معاها تحب تبين بلي صح متقبلش اصدقاء ذكور
دوكا كل واحد و و جهة نظره
في راي عــــــــــــآدي جدا و ماهيش حاج لي تحبس الرآس
لكن كاين صح ناس تديرها على جال صاحبها ولا حاجة كيما هاك
تولي لنية
و اصلا الشباب كي يشوفوها مدايرتها يشحنوا و تما وين يبعتلها حتى و لوكان مجاش رح يبعتلها طلب
شكرا حكيم اخي على الموضوع
تبقى وجهات نظر لان لكل انسان غاية من ورائها و النية كذلك
بارك الله فيك​

 

[حروف تائهة]

رد: لا اقبل طلبات صداقة الذكور

السلام عليكم
كتبت كتبت كتبت و عمرتها بلكتيبة و مبعد محيت كلش
ما فهمتش علاش راكم مقلقين هكذا يعني كل واحد حر في توقيعو و لا أي حاجة
تحياتي :regards01:

 

[ضآحكة مستبشرة]

رد: لا اقبل طلبات صداقة الذكور

حالياً الأعضاء النشيطين الذين يشاهدون هذا الموضوع: 9 (7 عضو و 2 ضيف)
‏عـاشقة الجّنة, ‏وائل ابن الجزائر+, ‏الخليـل, ‏Djaouida, ‏جيهان جوجو+, ‏Malika Tlm, ‏sozy​

الله يبارك انتوما
contre ولآ pour
hhhhhhhhhhh

مرحبا بكم في موضوع خونا حكيم​

 

[Oussama.GF]

رد: لا اقبل طلبات صداقة الذكور

ياك تعرفهم لبنات خويا حكيم راكبهم توسويس

 

[Hakan]

رد: لا اقبل طلبات صداقة الذكور

السلآم عليكم
قبل كلشي انا وجدة من النآس دايرتها و ماشي باش منقبلش الذكور اصلآ مدايرة طلبات الصداقة للجميع
و في اليوم الواحد يوصلوني بزاف غاشي لكن نتجاهل
انا عندي منها غاية على ديك راني مدايرتها

انا نظن كل انسان عادي في اختياراتو و كاين لي باباها صديق معاها دايرتها باش ابوها يطمن عليها
و كاين لي عندها خوها و عمها و خالها اصدقاء معاها تحب تبين بلي صح متقبلش اصدقاء ذكور
دوكا كل واحد و و جهة نظره
في راي عــــــــــــآدي جدا و ماهيش حاج لي تحبس الرآس
لكن كاين صح ناس تديرها على جال صاحبها ولا حاجة كيما هاك
تولي لنية
و اصلا الشباب كي يشوفوها مدايرتها يشحنوا و تما وين يبعتلها حتى و لوكان مجاش رح يبعتلها طلب
شكرا حكيم اخي على الموضوع
تبقى وجهات نظر لان لكل انسان غاية من ورائها و النية كذلك
بارك الله فيك​

ا

هلا بيك اسماء منورة موضوعي :yahoo01: والله يااختي كيما قلت انو ممكن تقدري تمنعي بيها ناس محترمين
هوما اصلا من لول ممكن ما يراسلوش لكن الناس الساامطة والله غير رايحة تعبك بزااف
بعد ما تشوف هذيك العباارة لانو هو يشوف فيها تحدي ليه ويبعثلك زكاارة مالغري من لول ما يكونش حاب يبعثلك
اما نتاع عمك وخالك وباباك هذي ماكنت علابالي بيها ما نعرف :s ممكن تكون صح في هذي الجيهة ربي يهنيك اختي وبالتوفيق في امتحاناتك :graduation: ​

 

[Djaouida]

رد: لا اقبل طلبات صداقة الذكور

وعليكم سلام

اوااااا راني نشوف هنا موضوع راه ضد بنات اااايا حكيم مشفتش هذا موضوع هههههه
وي خويا هاذي ظاهرة راهي كاينة بزاف وراهي شايعة مي ديفوا شيرة تلاقي روحا لازم
دير هداك توقيع باغسكو كاين وحد كاليتي تاع ذكور لا اله الا الله مرانيش نقول كامل كيف
كيف مي كاين .... بنت مين دارت هاد توقيع راهي مجبورة بلاك متزوجة و لا مخطوبة
كاين رجالة ميحبوش نساهم يهدرو مع ذكور ياك فهمتني .... انا مرانيش مع هاذي فكرة
تاع تكتب في توقيع مي بلاك بنت معرفتش واش دير دارت هذاك توقيع.....وكاين لي تحب تزيد فيها ......
مي نظن بلي كي دير هداك توقيع تزيد تقوللهم ارسلولي رسائل هههههه متزعفش مني خويا
حاولت برك نوصلك فكرة تاعي :-r

ايا كنت حابة نزيد نتفلسف عليك مي الله غالب هههههههه:d:d
سلام:$​

 

[Hakan]

رد: لا اقبل طلبات صداقة الذكور

السلام عليكم
كتبت كتبت كتبت و عمرتها بلكتيبة و مبعد محيت كلش
ما فهمتش علاش راكم مقلقين هكذا يعني كل واحد حر في توقيعو و لا أي حاجة
تحياتي :regards01:

وعليكم السلام اهلا بيك ختي سوزي مانا مقلقين ماوالو بالعكس راهي نافححة 100/100 اليوم والحمد لله
اكيد كل حر في توقيعو مي ممكن كي تنتشر الحالة لازم ندرسولها اسبابها النفسية
وعلاش جات هاك وننصحو بعض الاخوات انو ممكن انو تلك الشعارات تجيبلك البلاء اكثر من الهدف اللي كنت واضعاتو فهمتيني ولا خيتو
وانت حرة في توقيعك وفي موضوعي كاامل وردودي ما قلتش حراام او ممنوع بالعكس رانا نشوفو في تقبل الناس لمثل هاته التواقيع والاشعارات شكرا خيتو :$​

 

[Hakan]

رد: لا اقبل طلبات صداقة الذكور

وعليكم سلام

اوااااا راني نشوف هنا موضوع راه ضد بنات اااايا حكيم مشفتش هذا موضوع هههههه
وي خويا هاذي ظاهرة راهي كاينة بزاف وراهي شايعة مي ديفوا شيرة تلاقي روحا لازم
دير هداك توقيع باغسكو كاين وحد كاليتي تاع ذكور لا اله الا الله مرانيش نقول كامل كيف
كيف مي كاين .... بنت مين دارت هاد توقيع راهي مجبورة بلاك متزوجة و لا مخطوبة
كاين رجالة ميحبوش نساهم يهدرو مع ذكور ياك فهمتني .... انا مرانيش مع هاذي فكرة
تاع تكتب في توقيع مي بلاك بنت معرفتش واش دير دارت هذاك توقيع.....وكاين لي تحب تزيد فيها ......
مي نظن بلي كي دير هداك توقيع تزيد تقوللهم ارسلولي رسائل هههههه متزعفش مني خويا
حاولت برك نوصلك فكرة تاعي :-r

ايا كنت حابة نزيد نتفلسف عليك مي الله غالب هههههههه:d:d
سلام:$​

اهلا بيك صغرونة جويدة الطباخة الصغيرة ايه ردك راهو متفلسف حسيت روحي نحكي مع سقراط خخخ
لا ختي معليه احكي واش بغيتي لانو ناقشو في موضوع كنت علابالي قبل لا نكتبو رايح يدير اختلافات ارااء مي رانا درنا تصور مليح على الناس كامل وافكاارها
شكرا على ردك الجميل اللي فيه ملخص جميل للموضوع بارك الله فيك
​

 

[ضآحكة مستبشرة]

رد: لا اقبل طلبات صداقة الذكور

ا

هلا بيك اسماء منورة موضوعي :yahoo01: والله يااختي كيما قلت انو ممكن تقدري تمنعي بيها ناس محترمين
هوما اصلا من لول ممكن ما يراسلوش لكن الناس الساامطة والله غير رايحة تعبك بزااف
بعد ما تشوف هذيك العباارة لانو هو يشوف فيها تحدي ليه ويبعثلك زكاارة مالغري من لول ما يكونش حاب يبعثلك
اما نتاع عمك وخالك وباباك هذي ماكنت علابالي بيها ما نعرف :s ممكن تكون صح في هذي الجيهة ربي يهنيك اختي وبالتوفيق في امتحاناتك :graduation: ​

و بيك يعيشك خويا حكيم
و الله صح يكرهوك مي انا والفت الصماطة تاع الغاشي مآلـ gـري يصيب هاديك العبارة مي يبعتها
مي كيما قتلك انا مدرتهاش باش ميبعتوش بويسك علبالي بلي رح يتعبوني درتها على جال حاجة خاصة
ربي يحفظك خويا و يبارك في ايامك​

​

 

[باتنية و نص]

رد: لا اقبل طلبات صداقة الذكور

سلام عليكم

لاحظت هذه الظاهرة pas mal de fois

وأكثر ما يزعجني في الموضوع انو اغلبيتهم والله اقولها عن تجربة
تلقاها بعيد كل البعد عن التحفظ وما تكتبه لا يمت لها بصلة ولا يعبر لا عنها ولا عن شخصيتها
لذلك في عديد المرات نتجنب نحط "جام" لهذه الشاكلة وهذا ما يسبب ازعاجا لهم او يعتبرونه نوعا من التكبر
لكن الله غالب ...من المستحيل الانسان يقدر يتفاعل مع حاجة هو على يقين بلي جاية من باب "التصنع" لا غير وهذا ما يدعى ب dédoublement de personnalité
وكيما تفضلت. هي تقدر تبين موقفها دون احداث كل هذه البلبلة ...اما البنت المحافظة صح.فهي تقدر تفرض احترامها على الجميع حتى لو كانت قائمة اصدقائها كلها ذكور
المسألة ليست مسألة طلب صداقة او مجرد نقرة على الفأرة..بل أبعد من ذلك

تحياتي

 

[Hakan]

رد: لا اقبل طلبات صداقة الذكور

سلام عليكم

لاحظت هذه الظاهرة pas mal de fois

وأكثر ما يزعجني في الموضوع انو اغلبيتهم والله اقولها عن تجربة
تلقاها بعيد كل البعد عن التحفظ وما تكتبه لا يمت لها بصلة ولا يعبر لا عنها ولا عن شخصيتها
لذلك في عديد المرات نتجنب نحط "جام" لهذه الشاكلة وهذا ما يسبب ازعاجا لهم او يعتبرونه نوعا من التكبر
لكن الله غالب ...من المستحيل الانسان يقدر يتفاعل مع حاجة هو على يقين بلي جاية من باب "التصنع" لا غير وهذا ما يدعى ب dédoublement de personnalité
وكيما تفضلت. هي تقدر تبين موقفها دون احداث كل هذه البلبلة ...اما البنت المحافظة صح.فهي تقدر تفرض احترامها على الجميع حتى لو كانت قائمة اصدقائها كلها ذكور
المسألة ليست مسألة طلب صداقة او مجرد نقرة على الفأرة..بل أبعد من ذلك

تحياتي

اهلا ختي الباتنية الجو راهو بارد اليوم هنا في باتنة :bravo01:
ايه يعني ممكن يكون تصنع ممكن يكون جهل من الفتاة انو مثل هاته التواقيع رايحة تجيبلها اكبر عدد من المشاغبين هههه
وتحصل حصلة كبيرة وكيما قلت الاشياء ابعد من مجرد عالم افتراضي او نقرة زر او اعجاب او تعليق او حتى توقيع المهم الانسان تكونلو شخصية يكون فيها
حر من انو ينظر للناس او يتغير على جال الناس او يدرونجوه الناس سواء ذكور او اناث
الواحد يتعامل على انو عالم افتراضي ماراهوش رايح ياذيك بشكل كبير مجرد ما تبلوكيه تنهي العلاقة معاه
ربي يهنيك ختي وشكرا لحضورك وردك الانيق ..
​