العيد ومادار فيا ... عاجل ايرجونس ياو

[ضآحكة مستبشرة]

رد: العيد ومادار فيا ... عاجل ايرجونس ياو

السلام عليكم خويا مالك
صح عيدك تعيد بالصحة و الهناء
هههههههههههههههههههه هههههههههه و الله قتلتني ضحك
و انت واش داك تروح هههههه كنت تريح في الدار
انا مخرجتش كامل هذا العيد رحت مع ماما عند خالها شربت غير الماء و في الدار قلتلهم مزال موالفتش الماكلة مكليت والو ههه

و العيد ماشي تاع ماكلة يا خويا ههههه رهو تاع صلة رحم خخخخخخ

حاذر على روحك في العيد الجاي ماشي غارا وصلت للسبيطار ههه بعيد الشر عليك
ههههههه نيالك كليت البقلاوة انا و الله مصحتلي غير نص حبة ههه
امالا اشبع و كثر من البقلاوة خخخ

في امان الله​

 

[Skor m@k]

رد: العيد ومادار فيا ... عاجل ايرجونس ياو

ههههههههه العيد يا العيد
احنا العيد عندنا في الدار مودارن ههههه
نوضو الصباح كاين الي يروح يصلي وكاين اللي كيفي نبقى راقدة حتى بجيو ينوضوني
انوض نغسل وجهي نفطر نلبس قشي الجديد ونريقل روحي بيان ومبعد يجي وقت التسلام نحشمو نسلمو على بعاضانا ونقلهم انا ياوو ربعة ربعة بلاككم تخليو وجهي اون اتونت انا ناويا ربعة تسليمات وهوما زوج ياويلي نسويسيدي ايه مور التسلام نرحو نصورا شوي مور مانصورو تبدى الصماطة نروحو نرقدو نطيحو كي الذبان مع العشي نروحو عند لافامي نعيدولهم ونجي للمة نجري نشوف نتائج المسابقات
يعطيكم الصحة​

السلام عليكم
هههه والله غير ضحكتيني سافيك تتفاهمي قبل ماتبداو تسلمو هههه
واياا شحال نكره كي يرموك فالفيد تروح بتسليما خصارا هههه
مليحة لوكان مجيتش نحشم نقوللهم للغاشي برا كيما قلتيلهم للعائلة تاعك
انا نسلم ربعة ولي يسلم زوج يرفد يديه ههههه
شكوووورااا ختي خخخخ​

 

[Skor m@k]

رد: العيد ومادار فيا ... عاجل ايرجونس ياو

وعليكم السلام

ههههه اي ليك خطة مالك يوم العيد بصحتك خويا البقلاوى

كون زدت فتت لكوزينة اللمة والله تاكل حتان تقول فيكس ههه ومنها تحلف على القاطو تتgهم ضربة وحدة


انا العيد فوتتو في الدار هاذا داخل هاذا خارج يامحايني ههه

والقاطو فطرت بيه ههههه

ومن اقوال جدتي هههه طحت فيه بعينيا مغمضين

السلام عليكم
لازم ندير حذري ختي ساندي مع التسلام هههه
فاللمة هذا العام كانو راقدين محطوناش بزاف الحلوى واقيل قاسهم التقشف هههه
وانا يما نعرفها لي يجي عندنا تسيربيلو ياكل ممبعد يزيد يدي معاه ههه
ممبعد ثلثيام مور العيد تتلخرلي نتقهوى بخبز حرفي هههه
الفو لازم الواحد يكزن ذكي شويا ههههه​

​

 

[Skor m@k]

رد: العيد ومادار فيا ... عاجل ايرجونس ياو

وعليك السلام
ياكلني قلبي لازم ديما فيها الربوندايشن هههههههههه

ياودي راهو اقصر اسم مخلوق فاليابان ههههههههههه

ايبا كون شفتك مثلا {كتوزاريكون بيهاسيشاما }واش تقول ههههههه

وتستمر مشاعري واسمي يتمرمدآن مع الاخ سكور هههههه

واش عمو جداتك في عمرها 17 سنة هههههههه
كم انت محظوظ ههههههههه

ربي يحفظ the real /manni/^^
في امان الله

​

السلام عليكم
والله يا ختي غيى انت وحدك بالاسم هذاك قد ما قلت نحفظو مقدرتش
ايماجيني ضرك قريتو درت اقتباس راح نكتبو نسيتو كامل كيفاه يبداا ههه
حفظت فيه غير شويا خاطرش كي سعيد وشاروخان وباتمان هههه
بصح معرفتش كيفاه يترتبو هههه
المهم ختي سعيد ربي يحفظك ههههه
ههههه سلام
​

 

[Skor m@k]

رد: العيد ومادار فيا ... عاجل ايرجونس ياو

السلام عليكم خويا مالك
صح عيدك تعيد بالصحة و الهناء
هههههههههههههههههههه هههههههههه و الله قتلتني ضحك
و انت واش داك تروح هههههه كنت تريح في الدار
انا مخرجتش كامل هذا العيد رحت مع ماما عند خالها شربت غير الماء و في الدار قلتلهم مزال موالفتش الماكلة مكليت والو ههه

و العيد ماشي تاع ماكلة يا خويا ههههه رهو تاع صلة رحم خخخخخخ

حاذر على روحك في العيد الجاي ماشي غارا وصلت للسبيطار ههه بعيد الشر عليك
ههههههه نيالك كليت البقلاوة انا و الله مصحتلي غير نص حبة ههه
امالا اشبع و كثر من البقلاوة خخخ

في امان الله​

السلام عليكم
يرحم والديك العيد يا العيد تشربي غير الماء
والحلوى لي طيبتوها واش ديرو بيها ولا تحطوها غير لضياف هههه
انا كي رحت نضيف لي حطولي الحلوى هههه لازم تاكل خخخخ
المهم العيد الجاي ان شاء الله منعودش ناكل نعود نخبي هههه
كي تخلاص الحلوى فالدار نولي نجبد منها وناكل هاهاهاه
يعطيك الصحة ختي اسومة
سلام​

 

[باتنية و نص]

رد: العيد ومادار فيا ... عاجل ايرجونس ياو

سلام عليكم
ايه معاناة العيد
ومع رمضان وسهراتو والفنا الرقاد
نهار العيد لقيت روحي مطايشة فلرض على 6 تع الصباح..عيات ختي تنوض فيا نوضي نوضي مبغيتش جبدتني من شعري صبحت فلكولوار نطايش
وش لي نوضني واحد الطفل فالجامع
كنت راقدة حتا تسمع واحد يعيط فلبارلور وبقول : الله اكبررررررر ولله الحمدوووو
قتلهم سم الله شكون هذا قاتلي ختي ولد الامام -_-
نضت لا صباح الخير لا صحا عيدكم مشنفة بوانتيت ديركت فلكوزينة ..قعدت نص ساعة نكالمي فروحي . كملنا التسياق وخدمة الدار لي متخلاصش
حطيت راسي نريح..بدات لاصونات
حطوني عند الباب خدودي طابو من التسلام
وصراتلي كيفك فاتت عليا مرت عمي قاتلي يلمت عليك؟قتلها هيه حتا ومسلمتيش روحي السماح
وسبحان الله غير فالعيد اللي نكتشف بلي عندي عايلة كبيرة
ونا غير نحل الباب نسلم ونفوتهم للصالون وننسحب. حليت الباب لراجل خالتي قتلو صحا عيدك قالي شكون او عندكم قتلو اصبحنا واصبح الملك لله..جيت رح نقفل الباب قالي علاه تقفليه قتلو في قلبي والله فكرة مليحة عييت من الدروج نخليه محلول وكي تجيو رايحين كامل اقفلوه فرد مرة . قالي اي خالتك جاية وجات خالتي وولادها واحفادها وجيرانها واللي تلاقاتهم فطريق كامل جابتهم معاها ..لعبت شوي مع ولد عمي بلمحارق زعما باه نسترجع الذكريات..سع طحت تكسر ظهري...ما غلطش اللي قال اللي فاتو وقتو ما يطمع في وقت الناس
لعشية جاو خواتاتي وعمتي وبنت عمي ...استفقدنا جدتي ربي يرحمها بكينا شوي ودعينالها
مباعد بدا لعياط تع لولاد ..قعدت ساكتة في وسطهم نشوف نشوف مباعد قتلهم . علاه زوجتو ؟؟شافو معايا كامل مشوكيين
قتلهم ما كان والو -_-. ونا في داخلي بركان مشاعر مقدرتش نترجمو
وقعدو على قلوبنا يومين تقول عامين
هذا هو العيد تعي ما رحت ما جيت
ربي يدوم علينا الصحة هذا مكان
تحياتي