بيزار....اجرو اجرو

[ام راس يابس]

كائن وحداخر يبان بيزار
طلبة السنه اولى جامعة في فترة التسجيل او فالايام الاولى فالجامعه
وليت نبان انا هذيك اليامات كيما تلاميذ التحضيري فالابتدائي
تعيطلك وحدة تقولك وين راكي ....راني في واحد البلاصة فيها نخل بزاف شفتيها و انت وين راكي ...راني عند بلاصة كاتبين فيها مدرجات
اي و الله تبهديلة
ههههه بغيت نعرف الجروب نتاعي و الساكسيون
طلعنا الدرج نتاع ادارة الكلية لحتى الطابق الثالث 4 مرات كي العواد
نقست 2 كيلو هذاك النهار
سقسيت جماعه كانو واقفين عند لا ليست تاع الاسماء على وين راهم لي جروب
سقسيتهم بانولي صغار قلت هاذو تاني راهم كيفنا سنه اولى
ههههههههه قالولي انت اي سنة احنا ماستر 2
حسيت روحي بديت نذوب
يا تبهديلتاه
يا كشفتاه
يا اولادي مطواليتوش و لا انا طويلة
قلنالهم سنة اولى و هربت انا و البنات قبل ما نسمع الجواب

 

[sanaya]

سلام حنونة
والله ديتيها من لساني البارح كنت نقرا موضوع عن تعدد الزوجات
محبيتش نرد
علابالك شحال من خترة نفوت على موضوع كما هذا يدور حول الزواج
ياجدك ملي تكوني صغيرة يقوللك تكبري وتولي عروسة هههه
علاه مش تكبري وتنجحي وتولي طبيبة ولا مهندسة
هل أصبح الزواج محور الحياة
صراحة النقاش في :
الطلاق
الزواج
التعدد
مواقع التواصل
ووووووووو
نقاشات مملة و سخيفة
لأنو صوالح كما هادو كنتناقشوا فيهم منجيبوا حتى نتيجة
علاخاتر كل واحد والظروف نتاعو مدام الظروف مختلفة علاه حتى نتناقشوا
عطونا جديد خليونا نرقيوا بأفكارنا
نشفى خترة قريت موضوع للأخ
@hakim story يهدر فيه على هاذ النقطة وكأنو الزواج هو محور الحياة
مكاش أهداف مكاش إنجازات غريب وبزاف
طلعوا النيفوا شويا
ويسرني أنو تمري على سلسلتي :

افتتاح سلسلة (فلنرتقي)
و
سلسلة (فلنرتقي )1
سلام

 

[فيتامين سي]

لي عودة .نشد بلاصة

 

[ام راس يابس]

سلام حنونة
والله ديتيها من لساني البارح كنت نقرا موضوع عن تعدد الزوجات
محبيتش نرد
علابالك شحال من خترة نفوت على موضوع كما هذا يدور حول الزواج
ياجدك ملي تكوني صغيرة يقوللك تكبري وتولي عروسة هههه
علاه مش تكبري وتنجحي وتولي طبيبة ولا مهندسة
هل أصبح الزواج محور الحياة
صراحة النقاش في :
الطلاق
الزواج
التعدد
مواقع التواصل
ووووووووو
نقاشات مملة و سخيفة
لأنو صوالح كما هادو كنتناقشوا فيهم منجيبوا حتى نتيجة
علاخاتر كل واحد والظروف نتاعو مدام الظروف مختلفة علاه حتى نتناقشوا
عطونا جديد خليونا نرقيوا بأفكارنا
نشفى خترة قريت موضوع للأخ
@hakim story يهدر فيه على هاذ النقطة وكأنو الزواج هو محور الحياة
مكاش أهداف مكاش إنجازات غريب وبزاف
طلعوا النيفوا شويا
ويسرني أنو تمري على سلسلتي :

افتتاح سلسلة (فلنرتقي)
و
سلسلة (فلنرتقي )1
سلام

تعدد الزوجات و الزواج و الطلاق و الكلام تاع بكري تاع في قديم الزمان
و الناس واش يقولو عليك قعدتي فوق قلب داركم بايرة
نحس بتفاهة التفكير عند المجتمع مين نشوفهم يحكو على هاذ الامور
و من يكذب اكثر الرجل ام المراة و يخون اكثر الرجل ام المراة ...الجامعيات عاهرات -يكرم القارئ-...عمل المراة ... خيانة الرجل للمراة....
خنقوني ياااو ... اكبرو شوية ... كملنا كلش و رحنا ننقاشو على تفاهة ...
كاين امور اهم لازم نحققوها فحياتنا
المشكل انه المجتمع صنع هدف للبنت و خلاها تسعاله بشتى الطرق الا و هو الزواج
كرهت و انا نقول الزواج ماشي حاجة مليحة حتى تقتلي روحك عليه و ماشي حاجة قبيحة
الناس ماهيش فاهمة الزواج اصلا
و لا يقولك نزوجوك و نفرحو بيك
تفرحو على حسابي ؟؟ ...الي حب يفرح يفرح
و لا اذا قصدهم بالفرحة هو النشاط نتاع العرس ارواحو انا نديرهلكم كل يوم مش شرط بالزواج !!
ان شاء الله نضرب طله على مواضيعك حبيبتي
زورينا كل يوم

 

[الامين محمد]

قبل شي جمعتين ثلاثة في صلاة الجمعة ارتفع ضغطي و تعبت
و بعد ما كملت الصلااة جاو ناس من أحبابي و أخذوني الى المستشفى
اللمهم لما دهلت على الطبيب خبرته واش صرا
قالي ريح ربع ساعة منبعد نشوف ضغطك
المهم بعد ربع ساعة قالي كنت ساكت و لا كنت تحكي
قلت ليه كنت نحكي
بقى يصرخ في وجهي و عينيه رجعوا حمرين
وة قال معنتها رانا نلعبوا انا قلت ليك ريح ما قلتش ليك تكلم
بقيت نشوف فيه راه يحكي بجد و لا يضحك
بعدها زاتد حمر عينيه و قال و الله راني نحكي بجد
ماناش نزعقو هنا انا قلت ليك ريح ماهوش اتحكي حياتك

شديت روحي قد ما نطيق لكن زاد فيها و قال خلاص خلاص نحي العباية
و ريح و رفد يده
ثماك الصبر كمل

قلت ليه انت طبيب ولا جدارمي ديجا انت قلت ريح معنتها جلس و ماقلتش ما تهدرش
ديجا راك حاب تشوف لاطونسيو راك طلعتهالي انت يا سي الطبيب

خلاص بطلت ما نفوتش كااامل

بعدها قالي راك تصرخ
قلت ليه و انت واش كنت تتكلم و لا كنت تغني بسلامتك نظن راك مقلق و انت خاصك واحد يفحصك

و دخلنا في قفلت لي و قلت ليك و خرجت و رحت عند طبيب آخر

شفتي انت طبيب بزاااااااااااااار كيمن هاذا

 

[ام راس يابس]

قبل شي جمعتين ثلاثة في صلاة الجمعة ارتفع ضغطي و تعبت
و بعد ما كملت الصلااة جاو ناس من أحبابي و أخذوني الى المستشفى
اللمهم لما دهلت على الطبيب خبرته واش صرا
قالي ريح ربع ساعة منبعد نشوف ضغطك
المهم بعد ربع ساعة قالي كنت ساكت و لا كنت تحكي
قلت ليه كنت نحكي
بقى يصرخ في وجهي و عينيه رجعوا حمرين
وة قال معنتها رانا نلعبوا انا قلت ليك ريح ما قلتش ليك تكلم
بقيت نشوف فيه راه يحكي بجد و لا يضحك
بعدها زاتد حمر عينيه و قال و الله راني نحكي بجد
ماناش نزعقو هنا انا قلت ليك ريح ماهوش اتحكي حياتك

شديت روحي قد ما نطيق لكن زاد فيها و قال خلاص خلاص نحي العباية
و ريح و رفد يده
ثماك الصبر كمل

قلت ليه انت طبيب ولا جدارمي ديجا انت قلت ريح معنتها جلس و ماقلتش ما تهدرش
ديجا راك حاب تشوف لاطونسيو راك طلعتهالي انت يا سي الطبيب

خلاص بطلت ما نفوتش كااامل

بعدها قالي راك تصرخ
قلت ليه و انت واش كنت تتكلم و لا كنت تغني بسلامتك نظن راك مقلق و انت خاصك واحد يفحصك

و دخلنا في قفلت لي و قلت ليك و خرجت و رحت عند طبيب آخر

شفتي انت طبيب بزاااااااااااااار كيمن هاذا

قبل كل شي سلامتك عمو الامين ان شاء الله تكون مليح درك
انا مفهمتش نتا رحت للطبيب و لا رحت للحبس
اوو الناس تروح للطبيب باش تريح و هذا قاعد يقاقي كي الدجاجة
هي صح لازم تتكالما بصح يقولها بطريقة لبقة ماشي بالدبزة تقول خدام عنده و لا جاي تطلب عليه !!
و اصلا اصلا ماشي قاع ربع ساعه المهم مين يقيسهالك تكون كالم
بيزار
نتاع الصح بيزار

 

[الأزرق الملكي]

السلام عليكم

قبل أسابيع قليلة ذهبت الى دكان الملابس لشراء حذاء

بعد عملية تنقيب أعجبني كثيرا أحد الأحذية لكن وقع مشكل كبير فأنا أرتدي 42

و هذا النوع من الحذاء لم يبقى منه الى اثنين حيث الأول رقم القياس 41 و الثاني رقم قياسه مختلط اليمنى 43 و اليسرى 42

و ماحدث ان أحدهم اشترى مثل هذا الحذاء واخذ بالغلط مقاس اليمنى 42 و اليسرى 43

و المشكلة أنه اشتراه قبل شهر و لم يرجع إلى الدكان لإستبداله بالمقاس الصحيح بل يمشي به عادي ولم ينتبه

النتيجة انا اشتريت مقاس اصغر مني لأني أعجبت حقا بهذا الحذاء علما أن هذا النوع لا يوجد إلى عنده

و صاحب المحال لا يمكنه بيع حذاء فردة صغيرة و فردة كبيرة وبتالي خسر

و الشخص الذي قام بالمشكل يرتدي فردة صغيرة و أخرى كبيرة

كلنا تضررنا بسبب خطأ ساذج

بعض الأحدث من البيزارات

تسلمي
​

 

[ام راس يابس]

السلام عليكم

قبل أسابيع قليلة ذهبت الى دكان الملابس لشراء حذاء

بعد عملية تنقيب أعجبني كثيرا أحد الأحذية لكن وقع مشكل كبير فأنا أرتدي 42

و هذا النوع من الحذاء لم يبقى منه الى اثنين حيث الأول رقم القياس 41 و الثاني رقم قياسه مختلط اليمنى 43 و اليسرى 42

و ماحدث ان أحدهم اشترى مثل هذا الحذاء واخذ بالغلط مقاس اليمنى 42 و اليسرى 43

و المشكلة أنه اشتراه قبل شهر و لم يرجع إلى الدكان لإستبداله بالمقاس الصحيح بل يمشي به عادي ولم ينتبه

النتيجة انا اشتريت مقاس اصغر مني لأني أعجبت حقا بهذا الحذاء علما أن هذا النوع لا يوجد إلى عنده

و صاحب المحال لا يمكنه بيع حذاء فردة صغيرة و فردة كبيرة وبتالي خسر

و الشخص الذي قام بالمشكل يرتدي فردة صغيرة و أخرى كبيرة

كلنا تضررنا بسبب خطأ ساذج

بعض الأحدث من البيزارات

تسلمي
​

تخيلته يمشي بفردة كبيرة و فردة صغيرة
هذا واحد من الكائنات البيزار :X3:
و الضحية انت و صاحب المحل
...

 

[فيتامين سي]

جييييييت
المهم انا جوابي شباب دار حداها دار حداها دار :X3:الحمد لله لابوست كانت خاوية كون تبهدلنا
المهم نسيتي البيزاغ زاوجة كي قال بلي لي عندكم السيارة (نوعها) كيف عرف من انتم من نحن
المهم كي نجي نشوف بزاف حجات غريبة صراولنا في حياتنا خاصة الغرببة +تجي فيها التبهدايل
حاجة بيزاغ نهار لي ركبت في bus و وحدة سقساتني ادا بابا سلفي علاش ! شاخصك اختاه ماذا يهمك في الامر من ارسلك و درت روحي بهلولة
حاجة بيزاغ هذي المرة وحدة قالتلي علاش مجبتيش ولدك معاك شكيت في روحي جيت نعيط لراجلي يجيبلي ولدي بصح تفكرت بلي مزال منتزوج :X3:و قلتلها ماشي متزوجة وين شفتيني وقتاش