هذي حياتي،،،التعيسة طبعا

[menaa1981]

الله يشفيك

 

[ليليا مرام]

سبحان الله لا حول ولا قوة إلا بالله
مالقيت مانقول والله هادي رحمة ربي نزلت عليك ودعوات الخير لحقتلك تما
والله تقفلت مالقيت مانزيد نهدر بعد هاد الحادثة الغريبة مالقيت مانزيد
ربي يرزقك الفرج حبيبتي ليليا واليوم تأكدت صح من كلامك بلي ربي يحبك ورحمتو راهي تنزل عليك
ربي يشفيك ختي ويعافيك ويرزقك الخير والجنة على صبرك لي صبرتيه
لا حول ولا قوة إلا بالله​

السلام عليكم مريومة ان شاء الله راكي بخير
آمين ربي يشفي كل مرضانا يا رب ويفرج على كل انسان الحمد لله ربي حنين كريم ورحيم الشدة فيه سبحانو
مشكورة مريومة

 

[ليليا مرام]

السلام عليكم
و الله يا اختي واش نقوليك ربي يصبرك و يشفيك يا رب
و الله فكرتيني في واش صرالي قبل 10 سنين 1/5/2007
كنت وقتها نلعب بالون في فريق و حب ربي اخر ماتش في البطولة تكسرت
رحنا للسبيطار اختي تخيلي من 11 نص نهار لل 5 تاع لعشية و الله العظيم باه دارولي البلاتر
بلاتر كي شغل عرصا موش بلاتر من صباع رجلي حشاك لاخر فخاضي و الله عبارة على بوطو موش رجل
و المشكل دارولي البلاتر بلا اعوج و برات رجلي عوجا شوية الضربة في " الشاهد " معلاباليش واش يسموه بالعرب
عانيت معانات كبيرة 7 شهر بالبلاتر و عام كامل نمشي بالعكازات .....
بلاج ما فيها والو ني طبيب عظم ني سبيطار مليح ميعرفو يديرو ابرة ميعرفو والو الا من رحم ربك
ربي يصبرك و يصبر كل مومن و الله تاع الصح حاس بيك
نتمنالك كل خير " عسى ان تكرهوا شيء و هو خير لكم "
رمضانك كريم اختي لعزيزة و الله عزيتك لوجه الله والله​

السلام عليكم خويا صدام
سلامتك يا رب ايه شي صعيب بزاف الكسر واعر بزاف وانو تبقى مدة ما تمشيش وترجع تتعلم تمشي وابسط شي وحدك ما تقدرش ديرو وانا راني مجربة من كل نوع كيما انت بقيت بالبلاتر مدة سنتين حتى نسيت كيفاه يمشو الناس وبعدها مشات الحالة عملية ورا ختها وبعد هذا كامل وواش صبرت رجعت لنفس الحكاية وهاني تكسرت من رجلي اليمنى نفس الكسر الفارق انو اليسرى مريضة واليمنى مكسرة والحمد لله خويا نحمدو ربي امر الله لا اعتراض عليه الحمد لله
ربي يحفظك وعارفة حسيت بيا لانك جربتها وحتى اللي ما جربش بعيد الشر عليهم لكن يحسو من كلامنا ويحمدو ربي
ياحي على السبيطارات انا لو يمدولي حصة نديرها اكثر من نتاع النوي لقاها مخروبة طبا يسقسيني انا ونفهمو واش كاين ومرات يغلط وانا نقولو تالمو وليت خبرة فالراديوات والتحاليل فرامل ما نحكوش بلا حساب الصحة مريضة فبلادنا راهي تموت
ربي يحفظك خويا ويحازيك ويشفيك واستحفظ على روحك خاصة الرجل اللي سبق وتكسرت
مشكور

 

[ليليا مرام]

الله يشفيك

السلام عليكم
آمين بارك الله فيك

 

[لؤلؤة قسنطينة]

سعيدة بشوفتك مجددا ختي ليليا
ساعة ساعة طلي علينا هكا باه نتطمنو عليك
وربي يكون في عونك ان شاء الله
والله مارانا ناسيينك بالدعوات، الصلاة لي نصليها والسجدة لي نسجدها إلا ونتفكرك فيها
وربي يرزقك ماتتمناي ختي​

 

[sad_pb]

انا هذا وين سمعت ... ربي يشفيك و يكون معاك ... لا أملك غير الدعاء

 

[ليليا مرام]

السلام عليكم
هذا جوئي الاخير فيما يخص السبيطار
حوس على طبيب والا فرملي كان تلقاه

بعدما فوتت الليلة الكحلة اللي حكيتلكم عليها الصباح كان اول رمضان وهنا انا تقلقت وبزاف لأنو موالفة مع أمي فالدار ونشوفو واش نطيبو وغيرو تقلقت لظرجة كبيرة وكالعادة لا طبيب لا والو ممرض الصباح دار الدوا وراح ومن 1 السيرفيس فارغ الا اهالي المرضى لانو وقت زيارة
خلاصت الزيارة بالخف الناس تلحق لديارهم رمضان وبقينا وحدنا المرضى الله لا يجعل واحد فيكم يجرب هذاك الشعور لحق المغرب اتصلت بيمى نبكي وهي تقولي نفكر ونحي مع انها قاتلي نجي نفطر معاك قتلها لالا ما نعذبكش معايا افطري فالدار وارواحي بغرضك قنطت لدرجة كبيرة وقلت الله ينعلك يا ابليس
فوتتها الساعة هذيك فالليل كانت امي عنظي رجعت مرضت ووالو طباخة برك دور عيطتلها امي قالت ماكان لا فرملي ولا طبيب ما حبوش يخدمو وحتى لو تعيط تسب هي راحت وابقى تغلي وحدك وما رقدتش ثاني من ااوجع ختى تفكرت انو عندي دوا كنت فالدار نستعملو باه رقدت
الصباح جات شاف سيرفيس توري فروحها زوج كلمات فرنسي ومشيا معاها فرملي وراها خاشا خلقت ربي تقول كانيش نتاعها. قتلها اللي تشطاري علينا بزوج كلمات اخدمي خدمتك سيرفيس فارغ وكروشيت معاها مهم غسلتها ونشرتها وسمعت بيها كامل المرضى وراحت وخلاتني جاتها الحشمة من التبهديل هي قالت حةلوها لقسم النساء مازال ما تخرج
جا طبيبي اللي فالحق انا طبيبتو قال لالا تخرج ضرك بدلو باسمو ويا الله طير عليا
قتلو طيراتك طيارة للمالي هذا اذا قبلاتك ينعل الطب اللي قريتو انا كنت خلاص معولة عليهم قلبي طرطق بقا يرقع فالحالة
ايا ضرك وينو الفرملي يبدل باسمو وينخي واحد القرعة يركبوها فالعمليات من 10 نتاع صباح ماكانش فرملي لل 2 ولما حا نتاع زعاف نخا القرعة وقطع التيو فرجلي وظار نزيف ايوا ضرك يشوفو نخرج والا لالا وشكون طبيب تصفر للعام الجاي ما كانش طبيب فرملي ذاك يبعث لشاف سيرفيس يقولو نورمال فالكونترول يشوفوه غطيه
هو يقولو لالا اصبر شوفنا كاش طبيب فالتالي قالو قال طبيبك صباح تخرجي معناها تخرجي ايا خلوها هاكاك
زعمى حفرة كيما الحفاري اللي فالطريق نورمال سياسة بلادنا احفر وما تغلقش
وخرجت للدار تعبانة ميتة ناقصة رقاد الوجع ومدولي زوج دواوات وروحي لداركم بقيت بذاك النزيف تقريب سمانة ختى حبس وحدو ويا عالم راه الداخل لانو تنفخت رجلي رحت للكونترول الاول على اساس سمانة ورا العملية لازم يشوف الطبيب مريضو كاش ظرف طارئ ورا العملية. نستنى نستنى لل 12 الطبيب ماكانش يشوفكم البديل وكي دخلت يا حسراه قتلو شعال فعمرك قالي مهم طبيب قتلو تخرجت قالي مازال قتلو امالا اتكسل وانا نداويك تتمسخرو بجدنا ناس دايرين عمليات كبار يمدولك انت تلعب بيهم بلاد الميكيات روح بظل رونديفو منا على شهر وراني نستنى
وي هذا حال الصحة فبلادنا وجد شكارة دراهم اسرقها اذا خلاولك كاش ما تسرق وحلو عينيكم تمرضو ختى تترفهو الووالي فبلادنا يمرض يروح يحفر حفرة ويدفن روحو خير
مشكورين وقت صلاة العصر ونتلاقاو فجزء آخر
شكرا

 

[ليليا مرام]

سعيدة بشوفتك مجددا ختي ليليا
ساعة ساعة طلي علينا هكا باه نتطمنو عليك
وربي يكون في عونك ان شاء الله
والله مارانا ناسيينك بالدعوات، الصلاة لي نصليها والسجدة لي نسجدها إلا ونتفكرك فيها
وربي يرزقك ماتتمناي ختي​

اهلا مريومة
بحول الله وقت نقدر ندخل الحمد لله اليوم. نحس نفسيتي احسن
تدعيلك الملائكة اختي مريومة صادقة بلا حلفان ربي يحفظك
ويرزقك ويحقق أمانيك

 

[ليليا مرام]

انا هذا وين سمعت ... ربي يشفيك و يكون معاك ... لا أملك غير الدعاء

السلام عليكم
اهلا خويا
آمين يا رب ومن قال الدعاء ما يعوضش المال ممكن دعوة منك ابواب السماء مفتوحة والله يستجيب
شكرا ربي يخليك

 

[لؤلؤة قسنطينة]

لا حول ولا قوة إلا بالله
والله يا أختي لي يدخل للسبيطار في رمضان غير مايعولش راني عشت هاد التجربة وعلابالي واش فيها بالضبط
كل كلمة تقوليها كنت نتفكر واش صرا معايا، هي تلحق 1 تاع لعشية يولي السبيطار تقول جبانة
الدنيا فارغة وعبد ماكاين لا طبيب لا والو تلقاي ممرض واحد يدور على سبيطار كامل
ونهار تجي خارجة باه ينحيولك الخيوط هادوك باه يجيبو عبد يعرف لالا، انا ايماجيني جابولي وحدة تخدم في البيرو
وصغيرة تجي قدي ولا كتر عليا بسنوات برك، ايماجيني جات تجرب فيا نحاتلي الانبوب لي داخل في العرق مباشرة
وباه تحط القطن باه يخرجش الدم هي نحاتو هكاك كيا لفحلة ولا الدم طاير في السماء والله تقول شلال انا غير ندوخ
والدم يطاير عمر البيت وهي تعيط ماعرفتش واش دير لحسن الحظ كانت ممرضة قريبة من تم ولات حبستلي الدم هاداك
يعني واحد الحالة اسكتي برك، هادا مع انو انا دخلت معريفة وموصيين عليا وصرا فيا الباطال وين نتيا وحدك ماعندك غير يماك
وزيد حالتك صعيبة تتطلب عناية كبيرة، والله العبد مايلقى مايقول ربي وكيلهم ان شاء الله
عواشر عواشر يخليو مريضة تستنا وحالتها حساسة، ربي يجيب الخير برك
وربي يعوض عليك بالخير حبيبتي ليليا، راهم فاتو عليك ظروف صعاب بزاااف مايحملهمش جبل، لكن ربي عطاك قوة وشجاعة
ربي يشفيك ان شاء الله وربي يحفظلك ميمتك ويطولك في عمرها يارب
صح فطورك ختي​

 

[ليليا مرام]

لا حول ولا قوة إلا بالله
والله يا أختي لي يدخل للسبيطار في رمضان غير مايعولش راني عشت هاد التجربة وعلابالي واش فيها بالضبط
كل كلمة تقوليها كنت نتفكر واش صرا معايا، هي تلحق 1 تاع لعشية يولي السبيطار تقول جبانة
الدنيا فارغة وعبد ماكاين لا طبيب لا والو تلقاي ممرض واحد يدور على سبيطار كامل
ونهار تجي خارجة باه ينحيولك الخيوط هادوك باه يجيبو عبد يعرف لالا، انا ايماجيني جابولي وحدة تخدم في البيرو
وصغيرة تجي قدي ولا كتر عليا بسنوات برك، ايماجيني جات تجرب فيا نحاتلي الانبوب لي داخل في العرق مباشرة
وباه تحط القطن باه يخرجش الدم هي نحاتو هكاك كيا لفحلة ولا الدم طاير في السماء والله تقول شلال انا غير ندوخ
والدم يطاير عمر البيت وهي تعيط ماعرفتش واش دير لحسن الحظ كانت ممرضة قريبة من تم ولات حبستلي الدم هاداك
يعني واحد الحالة اسكتي برك، هادا مع انو انا دخلت معريفة وموصيين عليا وصرا فيا الباطال وين نتيا وحدك ماعندك غير يماك
وزيد حالتك صعيبة تتطلب عناية كبيرة، والله العبد مايلقى مايقول ربي وكيلهم ان شاء الله
عواشر عواشر يخليو مريضة تستنا وحالتها حساسة، ربي يجيب الخير برك
وربي يعوض عليك بالخير حبيبتي ليليا، راهم فاتو عليك ظروف صعاب بزاااف مايحملهمش جبل، لكن ربي عطاك قوة وشجاعة
ربي يشفيك ان شاء الله وربي يحفظلك ميمتك ويطولك في عمرها يارب
صح فطورك ختي​

شفت يا مريومة ويهبلك وزير يخرج ويقولك راني قايم بالحالة ووعلاه تروحو للخارج عندنا أطباء هنا اللعب والتمسخير وين راهم الاطباء هذو اللي يقراو الطب يقراو كل شي مي الانسانية ماىيقراوهاش جابولي بسيكولوغ وتقرا ثاني الحقةالطفلة هذيك مليحة وقسرت معاها لانو صغيرة عليا وهي لما وليت نحكيلها دهشت يعني جات تخفف عليا مرضت هي هههه
ايه قتلها هنا لوما يكون الواحد بعقلو يهبل هنا
هذاك التيو نورمالمو مش مغمق يعرفو ينحوه برك انا من زعاف كي جابوه يبدلي باسمو نحاه بالسم حتى رجع الدم وما حبش يحبس رحت لدارنا وانا نبدل وحدي
والفت مريومة البارح انا نحيت الخياطة وحدي اختك ممرضة نلبس قفازات ونطهر بلاصتي ويا الله ههه خلاص والفت
مريومة اختي لما تمرضي سنوات وطيحي فقطاع ما عندهمش القلب ولا الرحمة هنا تغيضك ضربة العباد وتتعلمي تساعفي روحك اما امر الله مرحبا بيه
انا نوكل عليهم ربي من فرملي للطبيب للوزير اي واحد اهمل حالتي غدوة قدام ربي ما نسمحلوش عذبوني ومرمدوني وعذبت يمى معايا
ربي يحفظك مريومة ويشفيك وما تشوفيش السبيطار فحياتك
شكرا صحا فطورك

 

[البحر الهادي]

رب يعافيك ويشافيك
لقدجاهدت كثيرا
رب يبدلك بحزنك فرحا وسرورا

 

[ليليا مرام]

رب يعافيك ويشافيك
لقدجاهدت كثيرا
رب يبدلك بحزنك فرحا وسرورا

السلام عليكم
آمين ويشفيك ويشفي الوالد ويشفي كل مرضانا والله كل المرضى فبلادنا راهم يجاهرو لو تشوف مرضى السرطان والفشل الكلوي وخلي وخلي وكيلهم ربي
آمين خويا ربي يحفظك

 

[البحر الهادي]

السلام عليكم
آمين ويشفيك ويشفي الوالد ويشفي كل مرضانا والله كل المرضى فبلادنا راهم يجاهرو لو تشوف مرضى السرطان والفشل الكلوي وخلي وخلي وكيلهم ربي
آمين خويا ربي يحفظك

اللهم امين
راني علابالي وشفت الكثير في السبيطار
لايوجد طب عندنا في الجزائر إلا لمن لديه المعريفة
لكن الله عز وجل ينتقم منهم
رب يعافيك ويفرح الوالدة بك

 

[ليليا مرام]

اللهم امين
راني علابالي وشفت الكثير في السبيطار
لايوجد طب عندنا في الجزائر إلا لمن لديه المعريفة
لكن الله عز وجل ينتقم منهم
رب يعافيك ويفرح الوالدة بك

اهلا خويا الحبيب
ايه اللي فات بالطريق هذي يحس
ما عندناش قطاع ولا وزير يخدم خدمتو ولا حتى مدير حاكمين البيراوات وبرك والشعب يخلص بصح ربي كاين وجاي نهارهم
آمين خويا الحبيب ويهنيكم

 

[يزيد 05]

معاناة صح ربي يقدرك ويشفيك
الله غالب هذي هي الخدمات في بلادنا

 

[ليليا مرام]

معاناة صح ربي يقدرك ويشفيك
الله غالب هذي هي الخدمات في بلادنا

سلام عليكم خويا يزيد صحا عيدك
الحمد لله على كل شي
هذي بلادنا وهذا حال المسؤولين فيها
مشكور آمين ربي يشفي كل المرضى

 

[يزيد 05]

وعليكم السلا

سلام عليكم خويا يزيد صحا عيدك
الحمد لله على كل شي
هذي بلادنا وهذا حال المسؤولين فيها
مشكور آمين ربي يشفي كل المرضى

م وعيدك مبارك نتي ثاني
والله يا اختي المشكل الكبير راه ماشي فالمسؤولين
الدوله تشري وتوفر بصح العمال والمسيرين الي فالمكان كان سبيطار ولا بلديه ولا اي مكان خدمات مكانش فيهم لي يخدم خدمتو على حقها الا من رحم ربي
تروحي لسبيطار يشوفو فيك تموتي واحد ماعلبالو فيك لمعارف السرقه وخلي ...
انا مره رحتلهم سطر قتلني ديت معايا راديو دخلت عندهم كانو زوج طبه ومعاهم زوج من هذوك ليستاجير
هازين الراديو يشوفو معاه والله ماعلبالهم واش فيه زعمه طبه هههههه كل واحد يبعثني لجهة
خرجت من سبيطار مادارولي والو كون علبالي بلي طبه هكاك اني حليت عياده نخدم حتى انا طبيب ههههه
ربي يصلح لحوال ويشفيك ويشفي جميع مرضى المسلمين

 

[ليليا مرام]

وعليكم السلا

م وعيدك مبارك نتي ثاني
والله يا اختي المشكل الكبير راه ماشي فالمسؤولين
الدوله تشري وتوفر بصح العمال والمسيرين الي فالمكان كان سبيطار ولا بلديه ولا اي مكان خدمات مكانش فيهم لي يخدم خدمتو على حقها الا من رحم ربي
تروحي لسبيطار يشوفو فيك تموتي واحد ماعلبالو فيك لمعارف السرقه وخلي ...
انا مره رحتلهم سطر قتلني ديت معايا راديو دخلت عندهم كانو زوج طبه ومعاهم زوج من هذوك ليستاجير
هازين الراديو يشوفو معاه والله ماعلبالهم واش فيه زعمه طبه هههههه كل واحد يبعثني لجهة
خرجت من سبيطار مادارولي والو كون علبالي بلي طبه هكاك اني حليت عياده نخدم حتى انا طبيب ههههه
ربي يصلح لحوال ويشفيك ويشفي جميع مرضى المسلمين

اهلا خويا يزيد
ربي يحفظك
ايه مش نعني المسؤولين الكبار راني على مدراء المستشفيات والاطباء واحد ما بخدم فخدمتو انت تمد بلاصة لشخص تقولو هذي امانة عندك وهي مسؤوليتو وخدمتو مانجيش انا ندعي عليك ونقول ما خدمش خدمتو لالا العيب مش فيك العيب فالبنادم اللي من المفروض حالف على الخدمة هذي
والله نفس الشي صرا معايا قبل ما نطيح رحتلهم رجلي مكسرة يشوفو فيا ويقسرو ووحدة طرطق فالشوينغوم راهي فصالون دوتي وتقولي احكينا واشبيك واش فيه راديو قتلها فيها شواربك والعلك اللي راكي طرطقي فيه انا انسانة مقلقة نعايرهم وما نسكتش اما كي دخلت راك قريت واش شفت هناك انا فالحق موالفة بيهم مي اخر عملية درتها عندهم ماكانتش هكذاك الحالة زادت
ربي يهديهم حسابهم عند ربي والله راهم يسوفرو الزواولة اما اللي بدراهمهم طيارة وللخارج والا لاكلينيك اقل شي السطر ويشريلو دواه خلي الزوالي ليه ربي
مشكور خويا وربي يشفي كل المرضى

 

[ليليا مرام]

السلام عليكم.
ان شاء الله تكونو بخير. اليوم رجعتلكم.بشي جديد تعيس سور هذي
والله.ماني عارفة نبكي والا نضحك.والا نحمد ربي على للابتلاء
راكم عارفين يوم طحت كنت صباح.عند دونتيست والضرسه كسرها وما تنحاتش ومدلي دوا والباقي تعرفوه طحت وعمليه وغيرو
المهم.فاتو 3 اشهر الضرسه بقات هاكاك يرجعلي الوجع والنفخ وانا.نشرب دوا يروح وكنت فالكرسي ما نقدرش نرجع لطبيب وعملية جديدة ما نقدرش نقعد. فكرسي الدونتيست ايا الايام غير قدرت نوقف بالعكازات رحت درت راديو على اسناني النتيجه انو ممكن عندي نفس مرض رجلي طلعلي لعظم فمي واش نقول ليله كامله ما رقدتش حكمني خوف كبير إنو أسناني لو تبدا تمرض ويطلعلي المرض لراسي بقيت نخمم فالف طريق الصباح رحت لطبيبه قدام دارنا الكارثه ما فهمت والو زادت خوفتني اكثر رجعت اليوم لطبيبي وماكانش لقيت غومبلاسو عيط لطبيبي وقالو على واش كاين فالراديو قالو راح نبعثلك.جراح وفهمو واش يديرو الخلاصه الطبيب ريحني شوي قالي لالا ما عندوش علاقه.راني نحي النص اللي بقا والضرسه اللي قدامها خاطر هي ممكن سباب المشكلة.ولكن بعملية ايييه كانو ناقصتني عمليات وبقاو معايا.من 1 لل 4 شقولي جهه الضرسه وفتحوها بمشرط ونقاو الداخل ونحاو واش كان باقي وزادو نحاولي الضرسه اللي قدامها وبعدو خيطوني. اااااه يا ربي
هذا 2017 عام النحس عليا يا ربي
راني متكيه ونكتبلكم الوجع بدا اللحم يفطن ما لقيت لا لرجليا ولا لمستقبل كحل ولا خايفه طبيب برك.هناني ومنا للقدام يزيد يمرض فمي والله ماني عارفة.
إدعولي معاكم. ادعولي