رايح نحارب في فلسطين...!!!( مشاركتي في مسابقة مُميّزون)

[أم أحمــــد يــسّ]

السلام عليكم احبابنا في الله..

​

طيّب الله اوقاتكم بذكره والصلاة على نبيّه( صلى الله عليه وسلم)..
موضوعي اليوم عن الشباب الجزائري خصوصاً والعربي عموماً..
ياسيدي هذو ليام وين تدخل للنت يحبس راسك من المنشورات والموضوعات الساخنة بقرار الحمار ( حاشاكم) وكأنو قبل كان راقد وماهوش عايث في الارض فساد..
أيا قلت علاه ماتحكمنيش العدوى انا ثاني ونتكلم..وكيما قال الاخ حكيم تكلّم وماتخليهاش في قلبك، أيا انا غصة في قرجومتي وماحبتش تفوت، وين نقول هذو الشباب راهم قاريين ومتثقفين والحمد لله نلقاو اللي يحبسولك مخك هذوك بالذات..
نتكلم في لوّل على الشباب الفايسبوكي اللي راهو ناشط ماشاء الله خمسة وخموس عليه ومفوتها تعاطف مع القضية الفلسطينية..ياولدي واش نقلك الدزيري قلبو كبيييييير ( وركزلي عليها هذي) وزيد دمو سخووووون وثم ثم يشتعل ..زعمة البرج اللي فاضل من مخو قالوهاش لمصاروة مزال ماطارش من الميزيرية والدمار باه يجي ولد الحلوف حاشاكم ويطيرو، لهذاك الوليّد نحكي : ها قلي ياوليدي واش تعرف على فلسطين ؟؟ وقتاش احتلوها؟؟ وهذيك الزردة وقتاش قسّموها؟؟ وواش تبقى منها باه يسكنوها؟؟
زعمة التاريخ كنت تحبوا لدرجة النخاع وفاهمو مليييييح واستاذ التاريخ كان ديما شاد الكرسي مايشقاش باه يشرحلك لانك فاهم الدنيا وعارف اصول القضية...
زعمة قُلي : القضية من وقتاش تباعت؟؟ وشكون باعها ؟؟ ها قلي الحكام العرب ايه عندك الحق..انت قاوري دوروجين..
أيا نروحو للصوّر ديال لبروفايلات واحد (قبل ايام) داير تصويرة آخر تحفيفة ليه ( عربية دوروجين هاااا راه كبير) ولآخر داير سيلفي مع الشاب ولا الشابة مانيش عارف اسمك يا وش اسمك..ولأخرى مصورة ظفارتيها عاجبها الفيرني ..وصاحبتها مصورة قصتها ولاخرى رجلها( زعمة انتوما عندكم رجلين شابين كيما هي ؟؟ اكيد لا ..هي ماشي متسلفتهم قالتلي نتاعها...
أيا ضرك كلش تبدل وكيما قالت ليلوش بدل اللوك يحبوك..
ورجعت الصوّر تنادي ( بلادي بلادي انتِ دمي وفؤادي)..
ممكن تقولو هذي هبلت واش راهي تقول؟؟
ياسيدي ماعليهش نحن مع فلسطين ظالمة او مظلومة لكن لهذوك الشباب بالذات موضوعي ( واحد الأنانيش كون تقلو اقتل صرصور يقلك آآي قلبي وجعني لالا حرام نأذي الحشرات وحاب يروح يحارب حشرة اخرى..وواحد مزالو يدي في مصروف جيبو من عند اميمتو ويقلك حاب نحارب في فلسطين؟؟ لالا لاخر نهار كامل يدراgي في لبنات قدام الليسي ويتمعلم بستاتي سارقو من عند طفلة كيفو..
أيا خلاص بلا تمسخير ..جارنا بارك الله فيه خدام الله يبارك ويزيد ويروح للجامع ويفوت على هذاك الصندوق نتاع التبرعات يزيد فلافيتاس ويقفز فيالخطوة زوج ولا ثلاثة ( قفز طويل ههه) في سبيل عدم السماح لجيبه ان يخونه ويخرج حتى شوي صرف ياسيدي ..المهم هذا الجار راه راكبو الدمار وكل يوم في الجماعة ها فلسطين وعلاه مانروحوش ونحاربو و...و....
قالو واحد اسمحلي مديت قسمتك اللي قالولك عليها ( 500ألف) لإمام الحي لانو جارك مسافر للخارج عندو مرض خطير ولازمو عملية؟؟
همهم وقالهم والله الشهرية راحت دين ومالقيناش حل ( شهريتو 10ملاين وفوووق )
ايا قالو واحد وزعمة حق الترونسبور لفلسطين مخليه أكوتي؟؟؟
لا علينا الله اعلم بالنيات..
هذي صديقة قلتلها واش رايك في المسيرة تخرجي ؟؟ قالتلي هي ها هو واش حابة يقتلوني؟؟
شكون يقتلك ؟ قالتلي اذا ماقتلونيش تحت الرجلين يديرني بابا شكشوكة...لالا واعرة ختي اني نمشي ونعيط ونهز لافته؟؟ سي gراف ومااستغربتش باسكو هي تروح للسوق تضرب نهار كامل وتروح للخدمة عادي و...و.... يعني في المسيرة تكسرو رجليها وعماو عينيها ...
وبالمناسبة هي الاولى راهي في الفيس والتويتر تغرد بلادي بلادي ( ويقولو نزعت عباءة الجنسية الجزائرية وتسلطنت بكل جوارحها..)..
ونزيدكم خويا ( نهار يقتلني نظل ندخل فيه هنا هههه)
قالي صاحبي منهم زوج فلسطينين ناسيين حياتهم وجنسيتهم للأبد وعمرهم ماذكروها غير في مواقف دولية كيما هذي ماعلاباليش لجلب التعاطف ولا واش، أيا سولوهم واش ترجعو تحاربوا؟ قالولهم ماباليد حيلة؟؟ العين بصيرة واليد قصيرة!!! سقساوهم علاه مارجعتوش لبلادكم؟؟ قالولهم ماتتسكن من وقع النار؟؟ وليش ماتحاربو ؟؟
مافي سلاح ولا أي شيء!!!
ويقول المتحدث: ان ذو الشعر الأصفر والعيون الخضراء يتفنن في سرد حكاياته امام الزميلات ويذوب من شدة الأسئلة امام الزملاء...( حاشى اللي مايستاهلهاش)..
للشباب العربي عامة تحب تحارب؟؟ غايضك الحال ؟؟ هايا طبق ياسر لكلام سمعناه من زماااان ها قريب نوصلو لقرن واحنا اقوال ورا اقوال
بتعمر في أذنينا ..واحنا نريد افعال تفرّج الغمة علينا...
نحشم كي نقول دزيرية وما شفت والو من الثورة ولا سنين الاستعمار..
نحشم كي نقول جزايرية وماشفت والو من الدمار...
نحشم وانا نفتخر بالحرية
ودم الأحرار يملأ البحار..
نحشم وانا نصفق بإيديا
ونقول تحيا الشهادى، يحياو ذوك الثوار...
نحشم كي نتصوّر المجازر
ودم البراءة في كل مكان...
ونقول :
زعمة كون عايشنا الاستدمار ؟
نلقاو بحال في عصرنا ثُوّار؟؟
نلقاو شبيبة تجاهد وتحارب
ولا نلقاو اخوات ( لحمار)؟؟
زعمة فورة الدم تجيب نتيجة ؟
ولا الهدرة باطل مش بالدينار؟
زعمة الشجاعة راهي افعال
ولا اقوال يا لَبْطال؟؟

رايحة نقول الشباب بارك الله فيه واعي ومتثقف وفاهم الجو ملييح ومن الجامع مايخرجش وحدود الله عارفها ولعرضو صاين ولاهلو ماهو خاين ولبنات الناس ثاني ماهو شايف ولا داس الدسايس، ولوالديه مرضي ...هاااا راهو كبير وفاهم يا سيدي..
وفوق هذا كامل راهو دمو يغلي على القضية الفلسطينية كيما دار المسرحية مع اطفال بورما وهمّ سوريا والعراق وليبيا..و.... ومالي ثاني ( ركزولي عليها هذي) وفاتح صدرو للكل والكل شافينو ( ياك قلنا قلبو كبير) ..وراه معوّل يفهّم ذاك الحمار وقطيعو باللي العرب كاين ورايحين يخروجووووو كاااامل ويمشو حتى لفلسطين ويحاربو ولو بالحجارة الشهادة واجب ..
وراهو يقول للحكام افتحو الحدود وبلا عراقيل يرحم باباكم راه الدم يغلي خلونا نروحو ونمدو يدينا للشباب الفلسطيني اللي راهو مش مقصر منذ الاحتلال ويحارب في اللي ماكان عندهم لا اصل لا فصل وهوما بعض الاقلية في الأصل...
أيا طولتها عليكم واسمحولي
وراح نقول كيما تعودنا في جميع القضايا ...
اللهم أعنّْ المظلوم على الظالم ..وربي ينصرهم ويقويهم وبالإيمان يحليهم ( كيما تقول جدّة) ...
وما بيدينا غير الدعاء...
يااااااا ربّ انت اعلم بالقلوب فحقّق أمانيها وأزح الهموم عليها...
تحياتي

​

 

[أم أحمــــد يــسّ]

من فضلكم رمز المسابقة إن أمكن
ومل الشكر لكم..

 

[أم أحمــــد يــسّ]

شكرا...بارك الله في جهدكم..

 

[لؤلؤة قسنطينة]

السلام عليكم
موضوع قيّم حبيبتي أحلام راكي حطيتي يدك على الجرح
لكن قبل ما نمد رايي نقولك أنو موضوعك يتحدث عن الشعب لي ناض وفار الدم في عروقو
وهو أصلا لا علابالو بالثورة هادي كيفاه ناضت ولا أخلاقو كأخلاق الشاب المسلم لي يستحق يرفع راية الإسلام
بصراحة أنا معاك وماش معاك يعني بين وبين، يعني عندك الحق صح الإنسان باه يرفع راية الإسلام لازم يكون أهل لذلك
يعني كل كلامك راني معاك فيه ولكن في نفس الوقت تفكرت موضوع الأخ حليم كي قال الشباب هادو لازم ماتفشلش وتتكلم
معاه وتوصلو الفكر السليم بأبسط الطرق يعني كي تشوف شعب حتى ولو فاسد من داخل بصح كي يسمع على فلسطين
يتحرك وينوض حتى ولو الشي لي يدير فيه ماش من قلبو لكن مادام مازالت كاينة بذرة ولو صغيرة تشجعهم للخير
ربما هادي تعتبر نقطة مضيئة وسط الظلام ولازم نستغلوها، علابالي كاين منافقين وكاين لي يلعب فيها ولكن الثوران
على وضع فلسطين ربما نعتابروه البذرة الأخيرة الصالحة لي بقات في شبابنا
لكن كل واش قلتي راني معاك فيه على هادي قتلك راني بين وبين نوافق على كلامك وفي نفس الوقت تقدري تقولي
حاطة أمل ولو ضئيل في الشعب هادا وربما من حبو لفلسطين قادر يتغير بشوي والله اعلم
شكرا حبيبتي على الموضوع المميز وربي يوفقك في المسابقة
تحياتي​

 

[الورد الأحمر]

السلام عليكم ورحمة الله وبركاته

يا أختي ما بيهم لا فلسطين لا القضية الفلسطينية، كبروا برك مقدسين هذا الموضوع كيما برمجهم المجتمع حتى لقاو رواحهم يندووا ويرددوا بنفس الهتافات مي ما يديرو فيها والو.

واش من فلسطين وواش من حرب !! جامي سمعت بواحد محتضن قضية بلاد وناسي قضية بلادو !! لوكان برك يحرروا رواحهم من الجهل لي راهم فيه، من الإستعمار لي رانا فيه من يوم الإستقلال ! من البطالة لي كلاتلهم جيبهم، من لخماج تاع يرمي القوبلي تاع القهوة في لرض، تاع ينف ويطيش النفة برا، تاع تكيف ويطلق الدخان في وجه خوه في الطريق ويضرو معاه !! لحقتهم فلسطين !! يحسبو ربي أم يمد برك الشهادة !! على ربي يموتو موتة برك تشبه لحقتهم الشهادة بالتخلف الفكري الرجعي لي راهم فيه !!

على قولة صاحبتي تطلقهم برا الحدود يتودرو قبل ما يوصلوا لتونس وطامعين يروحو لفلسطين !! بواش يروحو أصلا ! بالنفة لي في فمهم !! عندهم أصلا حق تيكي لتمنراست حتى يكون عندهم حق روحة لفلسطين !! الخدمة الوطنية هاربين منها ما يعروفش أصلا يهزو السلاح ورايحين يحاربو معرف بواش ! بالسروال الطايح والتحفيفة المايلة !! ولا السلاح تاع لبلاستيك تاع الصغر !!

شفت البارح واحد في الفايس مأمن روحو مسكين بلي من شعب الجزائر العظيم شعب الله المختار لي ناوي يحرر فلسطين !! قاللهم علابالكم وعلاش ماكرون خير التوقيت هذا بالذات وجا فيه للجزاير ؟ باه يلهي الشعب الجزايري ويدير ترامب رايو على خاطر عارفين بلي الشعب الجزايري ما يقبلش بحاجة كيما هذي !!! هذا درك نبكي عليه ولا نضحك ولا نقصفو ولا نحطو في شكارة ونربط معاه حجرة كبيرة باه نضمن بلي يهبط لقاع البحر وتقيم بيه الحوتة لي تظل تاكل في الكابل تاع لانترنت !!! واش من يلهي الشهب يرحم باباك يا خويا وأصلا كون ما جينا شعب رخيص لاماه نتلهاو برئيس فرنسا !! ياو ما سامعينش بيكم كامل السيد في بالو الشعب الجزايري عندو وزن منو صح لدرجة بعتولو ماكرون يلهيه وهوما نساهم باسو السيد قدام الكاميرات وما دارو فيها والو وطامعين في تحرير فلسطين !!!

خوفي الشعب هذا المغفل كون تطلقوا لفلسطين يحرق لإسرائيل ويطلّق القضية الفلسطينية !!

يا شعب الجزائر قبل ما تنوي تحرر بلاد زعمة راك تحبها، حب برك بلادك وبطل ما تسب في بلادك شرشحتها في المواقع واخدم من قلبك باه تطلع لبلاد وسع قول نحرر ونحارب في بلاد الناس !! حرر برك روحك من الجهل والأمية لي فيك يا شعب الجزائر مبعد سع خمم في شي خلاف.

الفرق بينكم وبينهم أنهم يفعلون لكن أنتم من قديم الزمان فقط تتكلمون وتتكلمون. كما يقول المثل أسمع جعجعة ولا أرى طحينا !!

واش من فايدة من الهدرة والدم الحامي كي ما نديرو فيها والو !! ولا واش معناها نمشو في مسيرة ! باه يقولو لعرب أم ينددوا ! بصح أم حفظونا بلي نخرجوا برك نديرو السيغكيلاسيون في الطريق نعطلو لومبيلونس نعطلو الثخونسبوغ نعطلوا الناس لي فاقت وما خرجتش في مسيرة يعطلوني أنا شخصيا وبرك أما غير هك أو ما يديروا فيها والو لعرب وهوما حفظوا الفيلم علابيها لاقيين راحتهم ^^

أنا شخصيا ما يهمني واش صاير ولا رح يهمني نهار تسمعوا بالجزاير كاشما رح يصير فيها قولولي وقتها برك يهمني وممكن ما يهمنيش !! نكره المغالاة، نكره المظاهر نكره القدسية لأمور ما تستحق التقديس ! حاملين في الدم قضية أهلها مش مقدسينها، أهلها مش مقيمينها، أهلها هاربين منها ومشتتين في بلدان الناس، أهلها مخبيين في بلاد الناس ويكتبوا في السوشيال ميديا حسبنا الله في العرب !! اتخبا عند الناس واستنى لعرب يحررولك بلادك مبعد روح اسكن في بلادك بالساهلة !!

يوم أهل القضية يتحدوا يتجمعوا يتلموا على قرار واحد، يوم يرجعوا كامل لبلادهم ويقرروا من الداخل أنو خلص بطلنا نقبل شي كيما هذا، يوم يتلموا تحت راية وحدة، يوم يعزموا وينطلقوا وقتها برك يحكوا ع الدعم، وقتها يحكوا ع المساندة أما غير هك غير كل واحد يهتم بنفسوا ويهني روحو.

مشكلتنا نعظموا أمور ع حساب أمور، مشكلتنا مطيشين قضية شعب ومتبنيين قضية دولة ثانية، وهك واحد ما يقدر يدير شي. ولي ما يحب الخير لبلادو ما تستنا منو خير لبلدان الناس .

قولوا قلبها قاسي قولوا هذي واش بيها مي يبقى رايكم المهم أنا مش محتمة عليا نقدس القضية وأنا غير وين فقت بلي نحب لالجيري بزاف. كي نتعود ع الحقيقة هذي ونتبنى واجباتي نحو لبلاد وقتها بالاك نشوف مع قضية دولة ثانية .

وبالتوفيق في المسابقة .

 

[Malika Tlm]

السلام عليكم
شكرا علي الموضوع
لكن انا نضن بلي كاين شباب والله من قلبهم يتكلموا وينددوا علي القدس وكان العكس
مي يعجبوني شبابنا حاميييييييين وقافزيييين ربي يحميهم ودمهم سخوووووووون و ربي عالم لي فالقلوب
تعرفي لي ضحكوني فيها الشعارات لي خرجوها هههههه
(الدولة يا الدولة معندكم ماديروا بينا دونا لفلسطين نحاربوا الصهاينة)ههههه شفتي شبابنا ولا هههه
مشكورة حبيبتي
ربي يحفظ بلادنا وماليها
الله يجيب ساعة خير

 

[linon]

سلام الله عليكم
تمنيت لو تم تسليم الجزائر لاسرائيل وتكون عاصمة لهم بدلا عن القدس
فداك امي وابي و روحي يافلسطين الحبيبة​

 

[لؤلؤة قسنطينة]

سلام الله عليكم
تمنيت لو تم تسليم الجزائر لاسرائيل وتكون عاصمة لهم بدلا عن القدس
فداك امي وابي و روحي يافلسطين الحبيبة​

أنك تسترجع دولة مسلمة ماش بتسليم دولة أخرى مسلمة مكانها
الحرية تسترجع بأرواح الشهداء وكذلك نحن خسرنا أرواح رجال و نساء لتعيش هذه الدولة حرة
وليس لتقع تحت رحمة اليهود، أعشق فلسطين وأقدم روحي ودمي لها ولكن لن أتخلى عن بلادي لليهود
سنسترجعها بالكفاح وليس بالتخلي عن دولة مكان دولة مهما كانت

​

 

[linon]

أنك تسترجع دولة مسلمة ماش بتسليم دولة أخرى مسلمة مكانها
الحرية تسترجع بأرواح الشهداء وكذلك نحن خسرنا أرواح رجال و نساء لتعيش هذه الدولة حرة
وليس لتقع تحت رحمة اليهود، أعشق فلسطين وأقدم روحي ودمي لها ولكن لن أتخلى عن بلادي لليهود
سنسترجعها بالكفاح وليس بالتخلي عن دولة مكان دولة مهما كانت
​

الاستراتيجية هي أن نسلم الجزائر فتنسحب اسرائيل من فلسطين نحو الجزائر فعندما تأتي نطردها ونضرب عصفرين بحجر نحرر فلسطين من اليهود عن طريق الجزائر من جهة ونشفي صدورنا منهم ونطردهم من جهة أخرى​

 

[لؤلؤة قسنطينة]

الاستراتيجية هي أن نسلم الجزائر فتنسحب اسرائيل من فلسطين نحو الجزائر فعندما تأتي نطردها ونضرب عصفرين بحجر نحرر فلسطين من اليهود عن طريق الجزائر من جهة ونشفي صدورنا منهم ونطردهم من جهة أخرى​

ههههه كونطر آطاك يسمى
أصلا اليهود ما يحوسوش على أي دولة يا أخي ولما اختارو فلسطين ماش هكاك
عندهم أهداف خفية للاسف
​

 

[الورد الأحمر]

سلام الله عليكم
تمنيت لو تم تسليم الجزائر لاسرائيل وتكون عاصمة لهم بدلا عن القدس
فداك امي وابي و روحي يافلسطين الحبيبة​

وعليكم السلام

لاماه تمنيت هك باه زعمة يرجعو الاسرائيليين ع طريق اليد وتقتلوهم ؟

ما تديرو فيها والو غير ما تتمنى، أتمنى برك لبلادك الخير ديجا أنت بلادك مش متمنيلها الخير وناوي تسلمها لإسرائيل وحايب بالنية هذي تمنع القدس

نحير في عبد باه يهز يدو لربي يدعي ليه وللناس يهز يدو ويدعي عليه وللناس !! أو يقدر ربي يمد كلش أو مش كي العربي يمد بالتقسيط !!

اللهم ارحمنا ولا تؤاخذنا

 

[Hakan]

قالولي ارواح تشارك معانا في مسيرة باش نكونو مع فلسطين
قلتلهم اولا انا مانيش انسان سوي يعني مستقيم وزيد قلتلهم
اذا المسيرات فيها جماعة العقدة وجماعة الدخان وجماعة اليزو والتلقاط والعاريات والمخنثين وغير وغير
هذي ماهيش طايحة ...
اللي حاكمين المسيرات هم جماعة التنظيمات الطلابية ورانا نشوفو في الرخس اللي راهم يديرو فيه
هذي سرقة هذي ملتقيات خامجة غناء وغيرها
علاه ندير مسيرة باش من بعد يخرج السي عباس رئيس فلسطين والحكام العرب يهدمو واش درت
فلسطين تتحرر بلا مسيرات روح اقرى سورة الاسراء تعررف الحل نتاع فلسطين
المسيرات ماهيش حاجة شرعية ثانية وفلسطين هي وصلاة الاستسقاء كيف كيف عندها شروط باش تنتصر زيد ما كرهتوش من العيااط كل عام تغيرو صورة البروفاايل
ومن بعد تصيبيها بعد اسبوع حاطة التصويرة نتاع وحدة عريانة والسي خونا حاط التصويرة نتاع هواري منار والشاب فيصل الصغير
والحاجة اللي مدوختني انصام شخصية ابناء شعبي العزيز
يحسبو ي رواحهم الشعب المختار اللي رايح يحرر القدس وكل يوم يجريو بالعلامات ويزيدو يسبو الدول العربية المجاورة
حتى وصل واحد قلهم لو ان فلسطين جارة الجزائر لتحررت
ياكاافي باش تتحرر ببوتفليقة نتاعك ولا بفرانسا اللي راهي حاكماتك وتسرقلك في اخلاقك وي مالك وفي العزة نتاعك الله يهدينا ..وربي ينصر الفلسطينين اللي حابين النصر
لبلادهم لانو حتى بعض الفلسطييننين هداهم الله كي تشوف الوااقع نتاعهم تقول هذو واش بيهم ...​

 

[Hakan]

وعليكم السلام

لاماه تمنيت هك باه زعمة يرجعو الاسرائيليين ع طريق اليد وتقتلوهم ؟

ما تديرو فيها والو غير ما تتمنى، أتمنى برك لبلادك الخير ديجا أنت بلادك مش متمنيلها الخير وناوي تسلمها لإسرائيل وحايب بالنية هذي تمنع القدس

نحير في عبد باه يهز يدو لربي يدعي ليه وللناس يهز يدو ويدعي عليه وللناس !! أو يقدر ربي يمد كلش أو مش كي العربي يمد بالتقسيط !!

اللهم ارحمنا ولا تؤاخذنا

هههه هذي القذائق لوكان تبعثيهم على الاسرائليين قادرين يموتو هههه عندك قصف بعيد المدى ​

 

[الورد الأحمر]

هههه هذي القذائق لوكان تبعثيهم على الاسرائليين قادرين يموتو هههه عندك قصف بعيد المدى ​

ياو كيفاه يا ربي العالي الشعب هنا ما مسلكش روحو طامع يحرر بلاد خلاف وهوما مازالو طامعين ينتخبو بوتفليقة لعهدة خامسة مام مقعد قالك خير من واحد خلاف وماكانش رجال!!! كي ماكانش رجال شكون رح يحرر فلسطين !!

تخاف تطلقهم لفلسطين يحرقو لإسرائيل الله غالب ماشية فيهم عقلية الحرقة !! هذا كان وصلو وما تاهوش قبل ما يوصلو لتونس !!

قالولي ارواح تشارك معانا في مسيرة باش نكونو مع فلسطين
قلتلهم اولا انا مانيش انسان سوي يعني مستقيم وزيد قلتلهم
اذا المسيرات فيها جماعة العقدة وجماعة الدخان وجماعة اليزو والتلقاط والعاريات والمخنثين وغير وغير
هذي ماهيش طايحة ...
اللي حاكمين المسيرات هم جماعة التنظيمات الطلابية ورانا نشوفو في الرخس اللي راهم يديرو فيه
هذي سرقة هذي ملتقيات خامجة غناء وغيرها
علاه ندير مسيرة باش من بعد يخرج السي عباس رئيس فلسطين والحكام العرب يهدمو واش درت
فلسطين تتحرر بلا مسيرات روح اقرى سورة الاسراء تعررف الحل نتاع فلسطين
المسيرات ماهيش حاجة شرعية ثانية وفلسطين هي وصلاة الاستسقاء كيف كيف عندها شروط باش تنتصر زيد ما كرهتوش من العيااط كل عام تغيرو صورة البروفاايل
ومن بعد تصيبيها بعد اسبوع حاطة التصويرة نتاع وحدة عريانة والسي خونا حاط التصويرة نتاع هواري منار والشاب فيصل الصغير
والحاجة اللي مدوختني انصام شخصية ابناء شعبي العزيز
يحسبو ي رواحهم الشعب المختار اللي رايح يحرر القدس وكل يوم يجريو بالعلامات ويزيدو يسبو الدول العربية المجاورة
حتى وصل واحد قلهم لو ان فلسطين جارة الجزائر لتحررت
ياكاافي باش تتحرر ببوتفليقة نتاعك ولا بفرانسا اللي راهي حاكماتك وتسرقلك في اخلاقك وي مالك وفي العزة نتاعك الله يهدينا ..وربي ينصر الفلسطينين اللي حابين النصر
لبلادهم لانو حتى بعض الفلسطييننين هداهم الله كي تشوف الوااقع نتاعهم تقول هذو واش بيهم ...​

بردتلي على قلبي قال مسيرة شغل باه شوفونا يا فلسطينيين يا عالم نحن هنا نندد ونردد وما نحبوش ع فلسطين !! يمشو طريق كاملة فلسطين الهداء فلسطين الشهداء أولي أولي أولي أوووولي مبعد يفرق المجمع ويخلفو الطريق وراهم خامجة طيشو فيها لقراقيب لي قرقبو بيهم في الطريق باه دارو الحس !!!

شعب عايش دور ما تاعوش شايف روحو شعب الله المختار !! يعرف يهدر برك وهو السلاح ما يعرفش يعبيه آخر سلاح عباه هذاك تاع لبلاستيك لي لعب بيه في الصغر كي تيري بيه يقول تخخخ هههههههه. شعب بلادو ما فادهاش، ولاد بلادو ما فادهمش ومعبي في دمو زعمة قضية بلاد !!

لوكان برك راحو لمو النساوين لي تحضن وتبوس في ماكرون فضحونا بين لجناس حتى هذا أو جهاد وتحرير !!

غريبة كرة الجزائريين !!

 

[linon]

وعليكم السلام

لاماه تمنيت هك باه زعمة يرجعو الاسرائيليين ع طريق اليد وتقتلوهم ؟

ما تديرو فيها والو غير ما تتمنى، أتمنى برك لبلادك الخير ديجا أنت بلادك مش متمنيلها الخير وناوي تسلمها لإسرائيل وحايب بالنية هذي تمنع القدس

نحير في عبد باه يهز يدو لربي يدعي ليه وللناس يهز يدو ويدعي عليه وللناس !! أو يقدر ربي يمد كلش أو مش كي العربي يمد بالتقسيط !!

اللهم ارحمنا ولا تؤاخذنا

كأنك داخلة بيني وبين قلبي وأمنياته ونواياه النبيلة انت واش درتي فيها حتى دول العالم كلها نددت بالقرار انت استخسرتي في دينا التنديد ؟ وش معناها "كالعربي" يمد بالتقسيط ؟ ريقلي روحك نجيك نصرفقك ​

 

[طموحة]

السلام عليكم و رحمة الله و بركاته
كلامك اختصر ثورات تمزق خلاياي العصبية
أشعر بالقرف هاته الأيام من كل مايحدث
لم يزعجني تصريح ذاك المدعو
كما أزعجتني أمور أخرى
راني نكتب بالفصحى فواش راك تهدر غير هي ليتوصل وصف الأحاسيس كيما يلزم معبرة
لاعلينا كنت حابة نكتب موضوع في هاد السياق لكن راني مقلقة من الأمرلدرجة ماشي قادرة ناقش الناس
لبارح واحد برك كان يهدر عل ولاية بالتعميم من بعدكون دخلت في جهة وحدوخرة نلقاه كاتب القدس لنا وواجبنا مساعدة اخوتنا في فلسطين
محسوب هو عرف بلي الاسلام يظله معهم تحت ظل الأخوة لكن فهاديك الولاية معندوش أخوة
هنا تعرفي بلي ردة الفعل ماراهيش غيرة على الدين وايماننا منهم بواجب الأخوة في الله
وانما مباهاة فقط
اي وي
يحرر فلسطين فهاديك المكالمة الليلية لي راهو جايب بيها السوايع
و يحرر فلسطين بالنفايات لي يرمييها من باب دارو لباب جارو
واش بيك أخوه في الله و يتقاسم معاه النفايات
شكرا ختي أحلام على موضوعك لي في محلو وكلامنا لا ينافي أنو كاين ناس عندهم الحب السوي للمسلمين و غيرتهم غيرة سوية نابعة من ايمانهم
و يسعون بما كتب الله على نفع كل مسلم ربي يبارك فيهم و يكثر من أمثالهم
آسفة على ارد المخلبط وفي الملتقى ان شاء الله موفقة في المسابقة

​

 

[الورد الأحمر]

كأنك داخلة بيني وبين قلبي وأمنياته ونواياه النبيلة انت واش درتي فيها حتى دول العالم كلها نددت بالقرار انت استخسرتي في دينا التنديد ؟ وش معناها "كالعربي" يمد بالتقسيط ؟ ريقلي روحك نجيك نصرفقك ​

ما درت والو وما ناوية ندير والو فاطنة مع الواقع أنا

شكون تصرفق يا خونا ؟ راني صرفقتك بالحقيقة قبل ما تصرفقني واحترم نفسك مادام رانا نحكو باحترام هنا !!

وفواش قلقتك كلمة العربي ؟ يخي رانا عرب ولا بطلنا !!

بالنيفو هذا ناوي تحرر فلسطين ؟ فهمت درك لاماه قلتلك ما تنويش ؟

 

[أم أحمــــد يــسّ]

السلام عليكم
موضوع قيّم حبيبتي أحلام راكي حطيتي يدك على الجرح
لكن قبل ما نمد رايي نقولك أنو موضوعك يتحدث عن الشعب لي ناض وفار الدم في عروقو
وهو أصلا لا علابالو بالثورة هادي كيفاه ناضت ولا أخلاقو كأخلاق الشاب المسلم لي يستحق يرفع راية الإسلام
بصراحة أنا معاك وماش معاك يعني بين وبين، يعني عندك الحق صح الإنسان باه يرفع راية الإسلام لازم يكون أهل لذلك
يعني كل كلامك راني معاك فيه ولكن في نفس الوقت تفكرت موضوع الأخ حليم كي قال الشباب هادو لازم ماتفشلش وتتكلم
معاه وتوصلو الفكر السليم بأبسط الطرق يعني كي تشوف شعب حتى ولو فاسد من داخل بصح كي يسمع على فلسطين
يتحرك وينوض حتى ولو الشي لي يدير فيه ماش من قلبو لكن مادام مازالت كاينة بذرة ولو صغيرة تشجعهم للخير
ربما هادي تعتبر نقطة مضيئة وسط الظلام ولازم نستغلوها، علابالي كاين منافقين وكاين لي يلعب فيها ولكن الثوران
على وضع فلسطين ربما نعتابروه البذرة الأخيرة الصالحة لي بقات في شبابنا
لكن كل واش قلتي راني معاك فيه على هادي قتلك راني بين وبين نوافق على كلامك وفي نفس الوقت تقدري تقولي
حاطة أمل ولو ضئيل في الشعب هادا وربما من حبو لفلسطين قادر يتغير بشوي والله اعلم
شكرا حبيبتي على الموضوع المميز وربي يوفقك في المسابقة
تحياتي​

وعليكم السلام ورحمة الله وبركاته..
اهلا حبيبتي ( سلامتك من الجرح صغيرتي)
وي قلت نحكي على شباب الجزائر لانها الفئة الفتية في المجتمع وشبيبة لعرب ثاني ( زعمة تلقاي مصري يقول انا اموت الف مرة في اليوم علشان اللي بيحصل في فلسطين لاني مسلم ؟؟؟؟ ياو على اساس فلسطين خانوها لقور ؟؟؟؟؟
ماعليهش نحترم رأيك حبيبتي بصح ماتشديش العصا من الوسط كوني ضدي واقنعيني ...شوفي موضوع الاخ حليم مزال ماعلقتش عليه للأسف لكن قبل ماندخلو نقول رأيي ومن العنوان يا الشباب ماتفشلش كي نهبطلك المعنويات ونقلك الدزاير في تقشف وتقلك الخدمة ماكانش ونقلك ماتقدر تحقق والو ونقلك ماتوصلي لوالو لانك ماعندكش القوة ولا المعريفة و...و...و... يعني لاوم نشجع الأخرين باه يوصلو لاهدافهم ( المنطقية طبعا) مايجينيش واحد انوش وسروالو مش عارف يتحكم فيه ويهدرلي بصدرو نروح نحارب ونقلو ايه يا ولدي لازمك وهاك حق الترونسبور ثاني؟؟؟
نكونو منطقيين شوي من وقتاه حكمتهم الوطنية وهوما عايشين كي الحيوانات حاشاك في بلادهم وماهمش عارفين وقتاه اندلعت الثورة ووقتاش استقلت الجزائر ؟؟ ولا مخلطين بيناتهم..نشفى في روبرتاج يسقسو فيهم تقول جايين من كوكب آخر
نحير كي يزيدو يضحكو ؟؟؟؟
همومو ناسيها ولاعبهالي دمو سخون؟؟
ها يسخن دمك على عرضك واختك وامك ...و.... ماعليهش نقولو كاين اللي صح باغي فلسطين؟؟ وفلسطين اللي صاري فيها من قريب قرن تناساتك لليوم باه تعبر عن حبك؟؟ واش ادير بحبك؟؟ ها عمرك 40سنة كون كل يوم خدمت ب100الف لأجل حبيبتك راك بنيت دار ومديت شرط وشريت سيارة آآآ عفوا كون راك قدمت الدراهم لحبيبتك يدا بيد وراك فيها ضرك مش تلمد في حق الفيزا ولا حق الحرقة عاجباتك بنات الطاليان والألمان وتسب في بنت عيشة ومسعودة زعمة مايغرفوش يديرو ليلونتي وشوي إيماش يولو خير منهم وخلي دريهماتك تنفعك وأميمتك تتكحل بشوفتك خير من تتعفن في لبحر وتتنفخ كي البقر...
نقلك حاجة شبابنا فيه عقدة نقص وفيه كبت نفسي من الصغر وتراكمات ربي عالم بيها ويحوس يخرج باه يخرجها ويعبر عن غضبو باي شيء وتكون خرجة سلمية تتقلب هم وغم وخراب ، وخبريني على اللي يخرجو أصحاب العقول الراجحة؟؟
اللي فاهمين وواعين ؟؟
ماعليهش خرج الشعب كامل واش يتغير؟؟
زعمة الاعلام عندو دور غدوة تلقاي طراطيش اخبار تقول تضامن الكل مع القضية ...وهل ذلك سيؤثِر على القرار؟؟
ماعليهش حبيبتي راح نقلك انشالله شبابنا يكون واعي مش يخرج باه يحارب الدولة ويكسر ويخرّب وهو يصرخ فلسطين فلسطين...
اسمحيلي قلقتك بردي ممكن ...كوني بخير دوماً...( وعندي هدرة معاك في الخاص توحشتك)...

 

[أم أحمــــد يــسّ]

السلام عليكم ورحمة الله وبركاته

يا أختي ما بيهم لا فلسطين لا القضية الفلسطينية، كبروا برك مقدسين هذا الموضوع كيما برمجهم المجتمع حتى لقاو رواحهم يندووا ويرددوا بنفس الهتافات مي ما يديرو فيها والو.

واش من فلسطين وواش من حرب !! جامي سمعت بواحد محتضن قضية بلاد وناسي قضية بلادو !! لوكان برك يحرروا رواحهم من الجهل لي راهم فيه، من الإستعمار لي رانا فيه من يوم الإستقلال ! من البطالة لي كلاتلهم جيبهم، من لخماج تاع يرمي القوبلي تاع القهوة في لرض، تاع ينف ويطيش النفة برا، تاع تكيف ويطلق الدخان في وجه خوه في الطريق ويضرو معاه !! لحقتهم فلسطين !! يحسبو ربي أم يمد برك الشهادة !! على ربي يموتو موتة برك تشبه لحقتهم الشهادة بالتخلف الفكري الرجعي لي راهم فيه !!

على قولة صاحبتي تطلقهم برا الحدود يتودرو قبل ما يوصلوا لتونس وطامعين يروحو لفلسطين !! بواش يروحو أصلا ! بالنفة لي في فمهم !! عندهم أصلا حق تيكي لتمنراست حتى يكون عندهم حق روحة لفلسطين !! الخدمة الوطنية هاربين منها ما يعروفش أصلا يهزو السلاح ورايحين يحاربو معرف بواش ! بالسروال الطايح والتحفيفة المايلة !! ولا السلاح تاع لبلاستيك تاع الصغر !!

شفت البارح واحد في الفايس مأمن روحو مسكين بلي من شعب الجزائر العظيم شعب الله المختار لي ناوي يحرر فلسطين !! قاللهم علابالكم وعلاش ماكرون خير التوقيت هذا بالذات وجا فيه للجزاير ؟ باه يلهي الشعب الجزايري ويدير ترامب رايو على خاطر عارفين بلي الشعب الجزايري ما يقبلش بحاجة كيما هذي !!! هذا درك نبكي عليه ولا نضحك ولا نقصفو ولا نحطو في شكارة ونربط معاه حجرة كبيرة باه نضمن بلي يهبط لقاع البحر وتقيم بيه الحوتة لي تظل تاكل في الكابل تاع لانترنت !!! واش من يلهي الشهب يرحم باباك يا خويا وأصلا كون ما جينا شعب رخيص لاماه نتلهاو برئيس فرنسا !! ياو ما سامعينش بيكم كامل السيد في بالو الشعب الجزايري عندو وزن منو صح لدرجة بعتولو ماكرون يلهيه وهوما نساهم باسو السيد قدام الكاميرات وما دارو فيها والو وطامعين في تحرير فلسطين !!!

خوفي الشعب هذا المغفل كون تطلقوا لفلسطين يحرق لإسرائيل ويطلّق القضية الفلسطينية !!

يا شعب الجزائر قبل ما تنوي تحرر بلاد زعمة راك تحبها، حب برك بلادك وبطل ما تسب في بلادك شرشحتها في المواقع واخدم من قلبك باه تطلع لبلاد وسع قول نحرر ونحارب في بلاد الناس !! حرر برك روحك من الجهل والأمية لي فيك يا شعب الجزائر مبعد سع خمم في شي خلاف.

الفرق بينكم وبينهم أنهم يفعلون لكن أنتم من قديم الزمان فقط تتكلمون وتتكلمون. كما يقول المثل أسمع جعجعة ولا أرى طحينا !!

واش من فايدة من الهدرة والدم الحامي كي ما نديرو فيها والو !! ولا واش معناها نمشو في مسيرة ! باه يقولو لعرب أم ينددوا ! بصح أم حفظونا بلي نخرجوا برك نديرو السيغكيلاسيون في الطريق نعطلو لومبيلونس نعطلو الثخونسبوغ نعطلوا الناس لي فاقت وما خرجتش في مسيرة يعطلوني أنا شخصيا وبرك أما غير هك أو ما يديروا فيها والو لعرب وهوما حفظوا الفيلم علابيها لاقيين راحتهم ^^

أنا شخصيا ما يهمني واش صاير ولا رح يهمني نهار تسمعوا بالجزاير كاشما رح يصير فيها قولولي وقتها برك يهمني وممكن ما يهمنيش !! نكره المغالاة، نكره المظاهر نكره القدسية لأمور ما تستحق التقديس ! حاملين في الدم قضية أهلها مش مقدسينها، أهلها مش مقيمينها، أهلها هاربين منها ومشتتين في بلدان الناس، أهلها مخبيين في بلاد الناس ويكتبوا في السوشيال ميديا حسبنا الله في العرب !! اتخبا عند الناس واستنى لعرب يحررولك بلادك مبعد روح اسكن في بلادك بالساهلة !!

يوم أهل القضية يتحدوا يتجمعوا يتلموا على قرار واحد، يوم يرجعوا كامل لبلادهم ويقرروا من الداخل أنو خلص بطلنا نقبل شي كيما هذا، يوم يتلموا تحت راية وحدة، يوم يعزموا وينطلقوا وقتها برك يحكوا ع الدعم، وقتها يحكوا ع المساندة أما غير هك غير كل واحد يهتم بنفسوا ويهني روحو.

مشكلتنا نعظموا أمور ع حساب أمور، مشكلتنا مطيشين قضية شعب ومتبنيين قضية دولة ثانية، وهك واحد ما يقدر يدير شي. ولي ما يحب الخير لبلادو ما تستنا منو خير لبلدان الناس .

قولوا قلبها قاسي قولوا هذي واش بيها مي يبقى رايكم المهم أنا مش محتمة عليا نقدس القضية وأنا غير وين فقت بلي نحب لالجيري بزاف. كي نتعود ع الحقيقة هذي ونتبنى واجباتي نحو لبلاد وقتها بالاك نشوف مع قضية دولة ثانية .

وبالتوفيق في المسابقة .

وعليكم السلام ورحمة الله وبركاته...
يا حبيبي على القصف جو، بر ،بحر هههه
القلب معمر ( تبانلي نحذف موضوعي ونحد مشاركتك تكفي ؟؟)
..
قلتيها يعطيك الصحة والفو الكلمة في أفامهم وداروها موضة ( بصح نحير تطفى القضية في قلوبهم وين تطفى وترجع في غمضة عين ملتهبة؟؟؟)
هههه عجبني القصف هانا قلنا يدي مصروف يدو وباغي يروح؟؟ يخاف كون تطلقو وحدو مع 12نتاع الليل وراح يتحمل كلشي في سبيل القضية...راهو يلم في قيمة الكادو نتاع عيد الحب من ضرك باه ترضى حنونتو ولا حنوناتو وحاب فلسطين..يدو مايقدرش يرفعها باه يمسح نيفو حاشاكم وراح يرفع السلاح؟؟
قولي لصاحبتك يعطيك الصحة ركزيلي على هارب من الخدمة الوطنية وداير روحو راجل ..كاين اللي في التدريب مايقدر يكمل 100متر جري وتفسو يتقطع كي الطفلة وموالف مسكين على التقلاش ويدهن وجهو بالكريمات واونتي سولاي ... وموسطاشو نحاتهولو خدايمو الحرفة وراسو كيما سروالو طاحو من الدياثة وقلة الهمة حاشاك..
هههه هذاك الفايسبوكي اقصفيه برد برك اعرفي عقلو واش فيه...ولا البحر خسارة فيه، الحوتة نتاع يجيها الكابل بنين ويفوت على العفن الفكري نتاعو.
الله غالب هدرتي على واقع للأسف
ميرسي على رايك وبارك الله فيك
...تحياتي....

 

[الورد الأحمر]

وعليكم السلام ورحمة الله وبركاته...
يا حبيبي على القصف جو، بر ،بحر هههه
القلب معمر ( تبانلي نحذف موضوعي ونحد مشاركتك تكفي ؟؟)
..
قلتيها يعطيك الصحة والفو الكلمة في أفامهم وداروها موضة ( بصح نحير تطفى القضية في قلوبهم وين تطفى وترجع في غمضة عين ملتهبة؟؟؟)
هههه عجبني القصف هانا قلنا يدي مصروف يدو وباغي يروح؟؟ يخاف كون تطلقو وحدو مع 12نتاع الليل وراح يتحمل كلشي في سبيل القضية...راهو يلم في قيمة الكادو نتاع عيد الحب من ضرك باه ترضى حنونتو ولا حنوناتو وحاب فلسطين..يدو مايقدرش يرفعها باه يمسح نيفو حاشاكم وراح يرفع السلاح؟؟
قولي لصاحبتك يعطيك الصحة ركزيلي على هارب من الخدمة الوطنية وداير روحو راجل ..كاين اللي في التدريب مايقدر يكمل 100متر جري وتفسو يتقطع كي الطفلة وموالف مسكين على التقلاش ويدهن وجهو بالكريمات واونتي سولاي ... وموسطاشو نحاتهولو خدايمو الحرفة وراسو كيما سروالو طاحو من الدياثة وقلة الهمة حاشاك..
هههه هذاك الفايسبوكي اقصفيه برد برك اعرفي عقلو واش فيه...ولا البحر خسارة فيه، الحوتة نتاع يجيها الكابل بنين ويفوت على العفن الفكري نتاعو.
الله غالب هدرتي على واقع للأسف
ميرسي على رايك وبارك الله فيك
...تحياتي....

مع الأسف الواقع مرات يجرح

وصباحو حبيبتي ويوم سعيد :kiss: