اريد افكار😊

[meryemZm]

من فضلكم انا طالبة جامعية اريد مجموعة اطباق سهلة للإقامة الجامعية وشكرا

 

[ام أمينة]

لي عودة للموضوع باذن الله ....

 

[ام أمينة]

على حسب علمي الاكثرية تع الطلبة المقيمين في الإقامة الجامعية يديرو إعادة تدوير لأكل المطعم الجامعي
مثلا اللوبيا يزيدولها فص ثوم و كمون و شوية ماء و يخلوها تطيب شوية
و الشربة يزيدو شوية توابل مع شوية قصبر أخضر مقطع و فالأخير رشة نعناع
كي يكون الأرز يعملوه عجيجات .....
هذه الاطباق يحضروها كي ما يكونش عندهم الوقت

أطباق سهلة و سريعة
1) غلي المقارون و في مقلاة حطي شوية زبدة و قطع دجاج او ممكن الدجاج تع المطعم مفتت أقليه و حطي عليه المقارون + جبن حسب الرغبة و شوية حليب او كرام فراش و خليه يغلي شوية و بصحتك

2) شكشوكة فلفل أخضر اشوي الفلفل و حبة طماطم قشريهم قطعيهم صغير و
سكرفجي فص ثوم و شوية زيت في مقلاة و طيبيهم زيدي عليهم البيض او خليها هكذاك مع سلطة

3) سلطة الأرز

4) فريت اوملات

5) سباغيتي بصوص حمراء و جبن

6) لا بيري مع دجاج او لحم بصوص ممكن تخدميه بدجاج او لحم المطعم

الا تفكرت كاش وصفة ساهلة راني نرجع
و الا كاين بنات مقيمات فالجامعة يديرو فيديوهات على اليوتيوب ممكن تستفيدي منهم ....

 

[إلياس]

نصيحة ليك كنت نعملها في أيام الجامعة جيبي واش يعطوكم في المطعم و عاودي ليه الطياب مع إضافة النكهات التي تحبينها

 

[meryemZm]

نصيحة ليك كنت نعملها في أيام الجامعة جيبي واش يعطوكم في المطعم و عاودي ليه الطياب مع إضافة النكهات التي تحبينها

جزاك الله خيرا

 

[meryemZm]

على حسب علمي الاكثرية تع الطلبة المقيمين في الإقامة الجامعية يديرو إعادة تدوير لأكل المطعم الجامعي
مثلا اللوبيا يزيدولها فص ثوم و كمون و شوية ماء و يخلوها تطيب شوية
و الشربة يزيدو شوية توابل مع شوية قصبر أخضر مقطع و فالأخير رشة نعناع
كي يكون الأرز يعملوه عجيجات .....
هذه الاطباق يحضروها كي ما يكونش عندهم الوقت

أطباق سهلة و سريعة
1) غلي المقارون و في مقلاة حطي شوية زبدة و قطع دجاج او ممكن الدجاج تع المطعم مفتت أقليه و حطي عليه المقارون + جبن حسب الرغبة و شوية حليب او كرام فراش و خليه يغلي شوية و بصحتك

2) شكشوكة فلفل أخضر اشوي الفلفل و حبة طماطم قشريهم قطعيهم صغير و
سكرفجي فص ثوم و شوية زيت في مقلاة و طيبيهم زيدي عليهم البيض او خليها هكذاك مع سلطة

3) سلطة الأرز

4) فريت اوملات

5) سباغيتي بصوص حمراء و جبن

6) لا بيري مع دجاج او لحم بصوص ممكن تخدميه بدجاج او لحم المطعم

الا تفكرت كاش وصفة ساهلة راني نرجع
و الا كاين بنات مقيمات فالجامعة يديرو فيديوهات على اليوتيوب ممكن تستفيدي منهم ....

جزاكي الله خيرا

 

[ام أمينة]

ممكن أيضا تحضري ساندويشات
مثلا فريت و معاه الدجاج او اللحم متبل و مقلي و جبن

او فريت و طون و جبن

اقلي طوماطيش بالثوم و فالاخير حطي عليها البيض

فرميسال أو محمصة بالحليب و الزبدة او بالزبدة فقط

 

[ذات الشيم]

ام امينة ذكرت الاهم..
انا تقريبا هذاك وش نطيب ..
ومرات كي يكون عندي الوقت ندير اكلة ثقيلة كيما محاجب ولا فطائر محشية