للنقاش الجاد : واش رايكم في الخروج الكثير للمرأة من البيت

[نقاء الروح]

رد

اني قلتلك اختي المشكلة ماشي في المجتمع المشكلة الولى والاخيرة ترجع للزوج والاب كون جاو يزيروا مليح ماشي الزوجة والبنت راح يخالفوا امرهم .بصح واش تحبي هادا وقت والبنات عادوا ما يحترموش راي والديهم
تقبلي مروري

 

[وردة الروح]

هذا الموضوع ذكرني ببعض المواقف ...ههههههههههه

احنا تربينا في بيئة محافظة جدا .. لانه جدي الله يرحمو ربى ولادو على "علقية التزيار"
و موضوع خروج المرأة من دون محرم .. عند جدي :biggrin: ربي يرحمو .. تساوي الشرف
حتى لو كان سبب خروجها .. "مرض خطير " يستدعي الاسراع

مرة .. ماتت والدة زوجة عمي .. ولأن عمي لم يكن موجود بالبيت راحت من دون اذنه
طبعا مع شخص من العائلة .. لا اتذكر من كان بالتحديد

جدي قالو لعمي طلقها :biggrin: وفعلا لولا تدخل والدي وبعض الاطراف لكانت في عداد المطلقات

الله يرحمك يا جدي .. لوكان تشوف واش راه صاير في بلدنا اليوم

ان شاء الله ربي يحفظكم جميعاااا



مشكور جدا أخي على المرور و الرد ...
هذا راي جدك و افهمناه و راي جدي أنا كذلك ... ربي يطول في عمره ...
لكن أنا أريد رأيك أنت ... ماذابيك تتفضل و تعطينا رأيك لخاطرش إهمنا بزاف نعرفوه ...
دعواتي و تحياتي لك
​

 

[Silent Hill]

باه ما نطولها
كيما قال المختار صلى الله عليه و اله
لي راهي طيع في زوجها قالك جزائها الجنة
و علابالك الا ما طاعاتو واش راه يكون الجزاء
الا كانت اسباب الخروج صحيحة مكانش مشكل
اما الا كانت دون مبرر و دون علم الزوج
نقلها مكلاش تخرج
بلاك تخسر زوجها
و سي سير تخسر كل شيء
طرح ولا اروح مشكورة بزاف
ــــروحي غزةــــ
تحياتي و احترامي و تقديري
ـــــسلامــــــــــــ
:w00t:
و اسف على الازعاج و الله
تقبلـــــــــو ا خالص الحب
Silent Hill
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر​

 

[وردة الروح]

شكرا أخي لمرورك الجميل
و لتفضلك بالمشاركة الفعالة
تحياااتي لك ​

 

[يسرى 2008]

نسيتو حاجا مهمة يعني نشوفو انو في الجزائر مش كل الشعب عندو نفس العقلية وتاني المنطقة تحكم يعني تاع الصحراء عندهم المراءة غير في الدار تاع الداخل شويا
بصح احنا تاع الساحل وخصوصا في منطقة قدام البحر والتحواس عنا تربية اخرى وراجلنا ميحكمش فينا غير امنا وبابانا برك
يعني التربية تاني تحكم احنا مالينا رباونا يعطيولنا تقة ويربيونا على انهم يصاحبونا ونشوفوهم كاصدقاء ويخليونا نخرجو مع صحاباتنا حتى ندورو في البحر وحدنا لانو كاين التقة كي تروح احنا منكونوش قدج التقة يولي شي تاني بصح الخروج من الدار من حق المراء كي هي من حق الراجل
وبالنسبة للراجل يحكمها هي وشطارتها ادا كانت مراءة فحلة متخليهوش يحكم فيها لانها قارية وواصلة وعندها دراعها وبيه ولا بلابيه عايشة

 

[وردة الروح]

 

[PrInCeSs LoVe]

منخرج منشتي نخرج ندور :001_unsure: من المدرسة للدار ومن الدار للمدرسة :angel_not:


يسلموووووووووووووو ع الموضوع انا منشتيش نتفسلف ونفتي بزااااف ​

 

[ولد قالمة 24]

أنا ماندافع ني على المرا ني على الراجل

كاين حالات وين الراجل يروح يخدم وهنا المرا دير رايها وهنا

مانلوموش الراجل لأنو ماعلابالوش

وكاين حالات وين الراجل مداير بلاك تاع سونس أنتاردي للخرجة يعني

مايخرج مع مرتو يحوسو ولا يتمشاو شوية هنا نلومو الراجل

ويعني صراحة البنات تاع ضرك (إلا من رحم ربي ) ملي تبعو mbc

وهاذوك تاع لبنان صار اللي تحكي معاها تقولك حرية شخصية وهاذي

راهي جياحة ماشي حرية شخصية

نتمنى من الكل يقراو شوية دينهم لأنو الحل تاع كل المشاكل

ويعطيك الصحة أختي على الموضوع

 

[رآج ـية العفو]

أنا في رايي انو مكاش رقابة سواء من الزوج ولا من الوالدين
للعزباء وطبعا هذا شي محرم واوحدة المفروض ترتب في دارها
ودارهم خير لها وما تظلش داخلة وخارجة كي العسكري واللي محيرني
الوحدة كي تخرج ويقولها واحد كاش كلمة تغيظها وتقول كيفاش
أنا بنت فاميلة يهدر معايا هاك بصاح نقولها لو كان جيتي مأصلة رتبي
في داركم وكي تخرجي عرفي كيفاش تخرجي
شكرا ليك ختي على النقاش الرائع الله يعطيك الصحة
وبـآرك الله فيكي ​

 

[رآج ـية العفو]

اللي تحكي معاها تقولك حرية شخصية وهاذي

راهي جياحة ماشي حرية شخصية

الله يعطيك الصحة ويحفظك ذاك الفم
بارك الله فيك خويا هادي كلمة شابة​