واش رايكم في ......................................؟ اجابة وشكرا

[بيكهام]

واش رايكم في الرجل ليقووول لزوجة انتاعوا حبسي الخدمة ؟؟؟
واش رايكم في الرجل ليقوول لصحبتو او حبــيــبــتو حبسي لقراية؟؟؟

ارجوا اجابات صريحة وشكرا لكم .....​

 

[bababi]

اولا شكرا على الموضوع . ثانيا أنا من رأيي ان الرجل الذي يحبس مرتو ولا صحبتو على الخدمة رجل أناني ميهموش غير روحو يعني متهموش الانسانة لي قدمو المهم هو يكون مرتاح

 

[nawal 88]

أول حاجه نشكرك على الموضوع
ثاني حاجه انا من رايي نورمال الراجل كي يقول لمرتو حبسي الخدمه بسكو هو راجلها ومن حقو يعطيها رايو بالاك هو شايف روحو ماهوش مرتاح وهي تخدم ولا ماهيش قايمه بيه وبالدار كيما نقولو
ثالث حاجه انا فرايي الراجل ميتحكمش في صاحبتو ولا حبيبتو خاطر معندوش الحق باش يفرض رايو عليها حتى في ابسط الامور
و راااااااابع حاجه تقبل مروري

 

[بيكهام]

ردودكم عسل وانتم اكثر منها​

 

[أسامة السوفي]

السلام عليكم و رحمة الله و بركاته
باين عليه موضوع شيق
أولا فيما يخص الزوجين منحقه يقلها حبسي الخدمة لأنها في الأساس يجب ان تهتم ببيتها وزجها وعائلتها
أما عن الشاب وصحبته مش منحقه يقلها حبسي لقراية هيا ادرى برواحها و ولديها ادرى بيها
​

 

[شروق الصبر.2]

انا من راي الاخوة بصح واش غادي نديرو المرا من بكري معندهاش خق

 

[نور الدين زنكي]

ردودكم عسل وانتم اكثر منها​

الحب و النو تصب

بصح نتمنى تحبسو هاذو المواضيع حتى يخلاص العدوان على غزة الحبيبة

 

[المتفائلة خيرا]

اذا كان يخدم عادي بصح
المشكلة الا كان قاعد

 

[assoma]

* ماشي من حقو يقول لحبيبتو حبسي القراية على خاطر ماعندو حتى مسؤولية عليها وزيد ماهوش هو الي يصرف عليها*
* وفيما يخص الراجل الي يقول لزوجتو حبسي الخدمة لازم يكون عندو حجة مقنعة باش ترضى. مثلا يقول لها راني حاباتك انت تربي الاولاد ولازم يكبرو ويترباو قدامك.... هاذي وفالشك ايلا قبلت.
على خاطر المراة تحب تخرج وتحوس بصح ايلا قعدت في الدار.... دير في بالك بلي "السجن المؤبد بالنسبة ليها".
*تقبل مروري *​

 

[emy.mimi]

شكرا على الموضوع ولكن انا ضد الرجل الدي يوقف زوجته او حبيبتة او حتى اخته عن الدراسة او العمل فهو رجل اناني و غير متخضر عفوا عن الكلمة ولكن من حق كل مرأة ان تعمل و دلك لكي تلبي كل طلباتها الخاصة ولان الرجل ربما لن يدوم لها

 

[fakhri-dz19]

normale
koul wahe w3akliytou

 

[رنيم الصمت]

واش رايكم في الرجل ليقووول لزوجة انتاعوا حبسي الخدمة ؟؟؟
في هاذ الحالة عندو الحق الراجل على خاطر مهمتها الأولى و الأخيرة هي دارها و عيالها و هاذي أكبر حاجة رايحة تتحاسب عليها و سورتو اذا كان الراجل خدام و معيشهم كيما يحبو وش رايحة ادير بالداهم ​

واش رايكم في الرجل ليقوول لصحبتو او حبــيــبــتو حبسي لقراية؟؟
بصح هاذي اسمحلي فيها ماعندوش الحق باه يتدخل ، تروح تقرا و تخدم لى روحها كيما تحب ​

مشكور على الطرح ​

 

[أمــ وليــد الجزائرية]

هذي بكري درك لازم تخدم لانو وحدو مايقدرش لمعيشة و انا متؤكدة انو هو مارحش يقدر لدار وحدو درك تبدل الحال لازم لزوج يخدمو و مانعرف و هذي عقلية بكري مانضنش مزالها درك غير شي عباد مزالهم يخمو هكذا وشكرا على الموضوع لانو عجبني
بارك الله فيك​

 

[*Sarah*]

ليحبس مرتو نستعرف بيه تمى الرجلة جيبها باه يبني دار و تربي لولاد مش همْ في الدار و البرى و جل النساء يقولو لا و حقرة وين حقرة عجبكم الحال لبرى و لولاد طايشة و لبنات..:blink: ترجع الام تعبانة متسقسيش خلاص على ولادها مش عارفة واش بيهم متفرغش بين الدار و البرى و جاية تقول لي حقرة ليحبس مرتو و يقولو رجال ميعرفو والوااااا لو جات تخدم خدمتها تع الدار على اتم وجه متقدرش باه ترفد يدها و تحك راسها خليو رجال تخدم برى و انت اخدم في الدار علاه شكون لقال لكم شغل الدار كوزينة و نشافة لا كاين الف خدمة و خدمة و كاين بزاف نساء يخدمو في الدار و يدخو في الجورني...............
خلي برك اما باه يتحكم في وحدة ميربطهمش رابط شرعي لا و مش من حقو اصلا ان يتكلم معاها.............:001_huh:

تقبل مروري و تدخلي القاسي

 

[asma2090]

ولله من حق الراجل انو يطلب من مرتو تحبس الخدمة و لازم يتفاهم و يخرجو بنتيجة ترضيهم في 2 ب صح بالنسبة لواحد يقول لحبيبتو حبسي قرايتك مكانش منها ما هو باباه وما هو خوها وماهو راجلها حتى يطلب منها تحبس لقرايا

 

[اسماة]

انا حياتي كاملة وانا نقرا ونتعب وفي اللخر يجي هو يحبسني والله مانقبل مهما يدير....نخدم ونكمل قرايتي.

 

[imaneBBA]

حاجة عادية
نووووووووورمال بصح لازم المبرر يكون قوي للتصديق