مرحبا بيكم في وهران (هدرة spesial oran )

[ليلى الجزائرية]

اختي ليلة سلام الله عليك وعلى الجميع
10/10تصحيح افرح بيه فرحت اول خطرة نلقة الي صححلي وهو متيقن من نفسوا شكرا ياصريحة .......
انقولك كنت مداوس مع اي المشرفة على الاكل وهية توغ علية ان اكول وجبت الغداء وان اترك انيت واذهب الى الصلات طبعا ....خرجت الى الصلات ...ولم بعجبني الاكل ....شبعان ياك هاك اقولو............
المهم مفهمتش المسؤول علي الخدمة ديالي دخل هل انت خدامة الله اعاونك وما معنى نقرص انا اعرف نقرص الى في سلاح ابعده الله علينة هكذا يقول الكرد كور الدزيري اي من العاصمة اضن الكلمة من العاصمة ليست من وهران

اروك اخي فتحي وينك سعدني
شكرا
احمد الازرق انتاع بصح

اسمحلي ديرونجيتك معايا بصح اليوم راهي راشقتلي قلت نكمل هكى ....وماتقليش ماتعرفش رشقتلي ...............والحمد لله انك مازعفت من التصحيح والله يفرحك دنيا واخرة يارب ........................وعلاش انت مش صايم اليوم فكرتك صايم ............معلش صحا فطورك .........وتقبل الله صلاتك ................واحنا نقولو شبعان كيفكم ...............وكلمة المسؤول على الخدمة ديالي دخل .......معناها المدير chef service ديالي يعني خاصتي باللغة العربية ................او المسؤول تاعي بالدارجة ياخي تقولو تاعي ............وانا مقلت نقرص ....قلت نقصر معناها امزح ........ونقرص عندنا احنا في السلاح او حاجة اخرى من بعد نفهمهالك لانو بزاف عليك خدمة وتزيد تحفظ كلام اخر نخاف تعود تبطل تتعلم.....................ياخويا قلي عندك الكردكور العاصمي سلملي عليه وقلو يتهلى فيك ......درك ندورهالك عاصمي وخليه هو يفهمك :p

ليلى اختك​

 

[AHHMED]

الله يتقبل من الجميع الصلات ..سلام الله عليك ....صائم صيام مفتوح ليس له وقت الا اذا كان فرغت الكرش
الكارد كور من العاصمة هم 3 شباب من بلاص اودن ...شار الغيميلوز ....من باب الواد...........من حيدرة اين اسكن ......وفتات من بليدة لن اعر الباقي
افهمهالك يعني يشرح لي لا اختي غير انكلمهم او انسولهم يبتسمو وبعض الحلات لم افهم الا ما رحم ربك ....ما عندك ما تقوليى في اللهجات الجزائرية
مثل القبيايلية والشاوية والقسنطينيي التلمسانية الخ الاخ
رشقتلي اي نفحتلي
اشكرك
احمد لزرق

 

[ليلى الجزائرية]

صحيت خويا احمد على تجاوبك معايا .................وتقرعيجي كثر وانت صابر ...............البليدية هادي جارتي وقيلا وانا مش عارفا ..................هي صح لهجات الجزائرية بزاف منها وكاين الصعيبة بصح عادي تتعلم بطول الحال ....................ههههه ان شاء الله فاتي تخف تولي ............راني بديت نبدلها وماتوليش مدرسة تعليم الوهرانية ....................راح تولي مختلف اللهجات ....................ياحوجي ماتقليش دايرلهم ممنوع الكلام

المهم انا اليوم نقولك صحيت على صبرك عليا .........وعلى تقرعيجي ومابقاليش ونروح ........وتتهنى مني

ومن تقرعيجي ..............وقضب كاش يوم ندخل ...............نسولك على الكلمات الي قلناهم وياويحك اذا تكون نسيتهم :p .....................بصح خلي حياتك حلوة وماتصعبهاش اوكي

اختك ليلى يالزرق​

 

[AHHMED]

اختي ليلة لو كان منيش صابور لو كان منزمان راني مع الخاوة في سيد الشحمي ومن بعد وين لكلام الي قولتيه ما ازعفش لكن اه اه حكمتك ..احكي شوية بالبليدية حلو والله كلامها حين تقل احبس خوووووووووويه وييييين رايح ابصح هاكذا ايا روووح....يضهري تسكن بنواحي فلا درياسة في تلك النواحي المهم جارتك
ماذا هاذا ياحوجي......................ومابقاليش ونروح .............. اين انشاء الله ..اعتذر عن سوال .
قولي واش دخلك صيي بديت
اما انا اني في عطلة وانا امضيت لنفسي عطلة :p
مالقيتش وين انروح
اخيك احمد لزرق
سلامي الى اهل البوليدة

 

[ليلى الجزائرية]

شكرا اخي احمد اليوم تونستك بيك ................وبكلامي معاك .............المهم انا قلت ياحوجي نشوف اذا تفهمها
وانا مابقاليش نخرج من الخدمة على الساعة 4.30 يعني مانشوفكمش حتى لغدوة ...............وكلام البليدية صح شباب .......بصح قتلك انا نخلط كل اللهجات يعني انا كلمة على كلمة .............كلامي مركب ..............

وبصحتك العطلة انا مانحبهاش لاني كي نديها نبطل ندخل لهنا ليكم ونتوحشكم .........................

واش نزيد نقولك قاتلك البليدية هاك تبسي ديالك ........وراني ناكد على كلمة تبسي :p

اسالها اوكي

اختك ليلى​

 

[AHHMED]

سلام اضن انكي صحيح شوفتي الكثير ....لاني قرئت كلماتك عن العرس في الجزائر والله روعة
ولكن هل كل المناطق كيف كيف ام لا ياربي واش ادير المسكين
اخيك احمد

 

[ليلى الجزائرية]

سلام اضن انكي صحيح شوفتي الكثير ....لاني قرئت كلماتك عن العرس في الجزائر والله روعة
ولكن هل كل المناطق كيف كيف ام لا ياربي واش ادير المسكين
اخيك احمد

انت نورت الموضوع بس قالولي اني صرت ثرثارة نهدر بزاف بصح واش تقول اليوم راني بقوسطويا وغدى بلاك نبقى بكوشة ..............خلي نهدر وربي يفرج الحمد لله انو عجباتك ...............انا حكيت واش شفت من اعراس ...............تقريبا تلقى كل المناطق كيف كيف ................. انا تقريبا شايفا مناطق الغرب والوسط الجزائري بس ماساعدني الحظ اني نزور مناطق الشرق .......شي مرة

وصحيت مرة اخرى ونقولك اشوفك انت وفاتي غدى ان شاء الله في الخير

سلامو ................ماتنسى قول للبليدية واشن هو تبسي :p​

 

[سوسو الجزائرية]

السلاام عليكم

كي راكم ............غاية

هذا وش نعرف وهراني خخخخخخخ​

 

[fati-oran]

واش ختي ليلى مين بغيت انا ندخل انتي حبيتي تتبكشي
.............................................................................................
راني متوحشتكم a fond متوحشت القعدة معاكم
واش ختي ليلى باغية ترجعيني مهبولة عن طريق مديرة الحضانة قوليلي واش راه باباك
....................................................................
واش نحكي واش نقول تحسبوا غيبت في عام
................................................
واش راك خويا لزرق بصح بحر راه عندكم ومعاه قعدة زينة بالبزاف راه حاكيلي خويا على قعدة الصحراء
يحسن عونك ختي ليلى من البزوز لي يهبلوا على البحوث
انا الحمد الله لي انترنت فالدار معاها الموسيقى ماكاش لي يديرونجيني
.....................................
المهم انا هاذو اليامات كنت nréparé في micro نتاعي c pour ça مالقيتونيش mais mainetenemt

تلقاوني كل يوم العشية parceque النهار نكون مع القراية نقولكم حاجة راني فرحانة parceque جابولنا استاذة نتاع العربية و معاها نضمنوا سنة 3 ثناوي

خويا لزرق نقرص ça veut dir يقرصلك اللحم اي يضغط عليه بأصابعه هاذي هي عندنا
...............................
merçi ختي سوسو على المرور و انشاء الله تتعلمي معانا

 

[AHHMED]

ياختي فاتي عاش منشافك ..اه سمحينى عاشق من قراء كتيبتك ............
خلاص انا مقهمتش كلمة وضروك راني لا باس افهمت ..لطن تبكاش الاخت ليلة تعرفيه اتكون مع لبزاوز
واقيلة الفرمتاخ هاذا صعيب ..انا والو اذا احبس لوح وجيب الجديد هههههههه امزح انا نفرماتي وحدي بدون تعب وامبصح نجري مقمض عينية و مانخسر والو...........صح راني انا واختي ليلة حبين نتوغو او غوتو عليك وقلت حتي نسولو عليك في حصت كل شي ممكن ........بخاطرك اني لقيتي استاذة وهربتي من لقراية معانة ............. اما هاذه ليام راني في لبلاد توحشت الشيبنية .......راني غير قولي اديت كونخي لروحي مفتوح اما كثرت معيشتي
في العصيمة وخارج لوطن خطرات ومننساش نسلم علي سوسو الجزائرية وانشا الله ما تكرهش منكم
اخيك احمد لزرق

 

[fati-oran]

خويا احمد لزرق تهلا في امك parceque هي كلشي فالدنيا الله يخليلنا الامهات نتاعنا
.............................................
واش بغيتو تسالوا عليا في كل شيء ممكن انا نقول نظن تلقاوني في سيدي الشحمي
...........................................
رايحة نضحكم........... علابالكم بلي انا كل يوم نحرق باه ندخل نقرا
نحرقوا زعمة مين نكونوا متأخرين ندخلوا من باب interdi يدخلوا منه ويلا حكمونا نخلصوا مع الادارة
اليوم دخلت انا وصحبتي ما لقينا حتى واحد قاع كانوا يقراو دخلنا و لقينا قطوط امامنا وحنا المهم حاجة تضحكنا باه ما نفوتوش نهارنا mal المهم واش درانا بدينا نلحقوا فالقطوط هوما يجروا وحنا نجروا موراهم وخايفين يلا يحكمونا مستشارين وخايفين يلا يطردنا الاستاذ parceque ندخلوا متاخرين ومين وصلنا للقسم لقينا الاستاذ
متغيب ماحضرش الحصة a la fin يجرينا على باطل .
..................................
نقولكم حاجة انا défois باه نديفولي على روحي نولي كيما البزة المهم نضحك وكيما يقولك المثل
<هبل تعيش>
................................
و هاذي هي وهاذا هو

 

[AHHMED]

ختي ليلة ...لميمه هاذا واش عندي في هاذ الدنية و غير قولي انا الصغير المزوزي نضن اسموه هاك ... ومن ذاك انشوفها .لباس عليها غير انا الي باغي ..ناكل من ايديها ..لكن شوية تعبانة من السفر كانت في بيت الله الحرام بدن اي شئ منين ذاك تحب تروح تروح لعقوبة لوالديك ..........لكن كرهتني المسولة عن الطبخ تفرض رائها علية بزاف ............................
وكما حكيتي على الدخول انا ثاتي كنت معضم الاسبوع كما حكيتي وصح انا من روحي اضحكت ...لكن نرجع لشرح الكلمات
نديفولي
البزة
الحكاية هايله
اخيك احمد لزرق

 

[fati-oran]

ختي ليلة ...لميمه هاذا واش عندي في هاذ الدنية و غير قولي انا الصغير المزوزي نضن اسموه هاك ... ومن ذاك انشوفها .لباس عليها غير انا الي باغي ..ناكل من ايديها ..لكن شوية تعبانة من السفر كانت في بيت الله الحرام بدن اي شئ منين ذاك تحب تروح تروح لعقوبة لوالديك ..........لكن كرهتني المسولة عن الطبخ تفرض رائها علية بزاف ............................
وكما حكيتي على الدخول انا ثاتي كنت معضم الاسبوع كما حكيتي وصح انا من روحي اضحكت ...لكن نرجع لشرح الكلمات
نديفولي
البزة
الحكاية هايله
اخيك احمد لزرق

خويا احمد tellement كرهتلكحياتك المسؤولة الطبخ راك تخلط بيني و بين ختنا ليلة
ben انت المزوزي راك كي ختك فاتي على هاذي نحس دايمن روحي بزة مقلشة
...................................................................
وكيما قلت على البيت الحرام انشاء الله عقوبة لوالديا هاذا ماراهم متمنيين
.................................................
ماتاكلش بزاف sur tout مين راهي مهبلاتك الطباخة خيرما ترهجك

 

[AHHMED]

سلام وعليكم
او علاش خلاص درتيني مهبوا نخلاط بينك او بين الاخت ليلة ...........
صايي كرهتي مني او من حكياتي يــــــــــــــــــــــــــــــك راني قلت راكم تكرهوني و هاهي ابدت اتبان من اولها ...............لخاطر انا راني انقول الى بصح او حبيت نحكي غير الصح ..................لكن خلاص من اليوم راني نتكلم وانا ساكت احسن ............منين ذاك راني ندخل غير نسمع............................
اخيك احمدلزرق

 

[oranian]

خير عليييييييييييكم
كيراكم دايرين لباس غاية راني قاع سمحت في خوتي باش نعاونهم علا خاطرش راكم تدخلو غير لعشية
صباح وين راكم توهو ههههههه انا عكسكم راني من 9 نتاع الصباح حتي 5 نتاع لعشية وان قدام الميكرو
و هم هذي الدنيا
وهدي الغنية في خاطر

fati-oran * ابن-الجدزائر * ليلى الجزائرية * AHMED * M K * bouzanzan * كريمة * fleuros * سوسو الجزائرية​

و حبابنا قاااااااااااااااااااااااااااااااع​

وفي خاطر قاااااااااااااااااااااااااااااااااااع اعضاء اللمة

***داورو ها شبيبة داورو**** ​

حنا عدنا تاريخ ماشي غير هدرة في الريح
تالي فينا شيخ ما شي لبارح بدينا
لا شيعا لا لا نفيخ حنايا عدنا ساس صحيح
عمر راسك مليح و هدا العام الشوبيونا
----------------------------------------
و هايا هايا داورو هاشبيبة داورو
وهايا هايا وفكرونا بيام زمان
وهايا هايا عيطو لصوارا يصورو
وهايا هايا قولنالكم فور و مزال
-----------------------------------------
عدنا جمهور مريض في الستاد روبلة مهبولة
نحبس ولا نزيد ولا سايي بركانا
ماعدناش الفيد ومافيناش الي يتبلى
كيتنود تحسب عيد تقول نتا برشلونا
----------------------------------------
و هايا هايا داورو هاشبيبة داورو
وهايا هايا وفكرونا بيام زمان
وهايا هايا عيطو لصوارا يصورو
وهايا هايا قولنالكم فور و مزال
----------------------------------------
الا ربحنا دزاقات تتخبل قاع الحية
الروبلة و علامات وشا نحكيلك يا خويا
النار عليها قدات هي ممو عنياي
حنايا اولوفات ساكنتنا هذي الجنية

الا ربحنا دزاقاع تتخبل قاع الحية
الروبلة و علامات وشا نحكيلك يا خويا
النار عليها قدات هي ممو عنيايا
حنايا اولوفات ساكنتنا هذي الجنية
----------------------------------------
و هايا هايا داورو هاشبيبة داورو
وهايا هايا وفكرونا بيام زمان
وهايا هايا عيطو لصوارا يصورو
وهايا هايا قولنالكم فور و مزال
--------------------------------------
حنا عدنا تاريخ ماشي غير هدرة في الريح
تالي فينا شيخ ما شي لبارح بدينا
لا شيعا لا لا نفيخ حنايا عدنا ساس صحيح
عمر راسك مليح و هدا العام الشوبيونا

حنا عدنا تاريخ ماشي غير هدرة في الريح
تالي فينا شيخ ما شي لبارح بدينا
لا شيعا لا لا نفيخ حنايا عدنا ساس صحيح
عمر راسك مليح و هدا العام الشوبيونا

--------------------------------------------------------
و هايا هايا داورو هاشبيبة داورو
وهايا هايا وفكرونا بيام زمان
وهايا هايا عيطو لصوارا يصورو
وهايا هايا قولنالكم فور و مزال​

ايا من بعد ايا

 

[ليلى الجزائرية]

صبااااااااح الخير عليكم كي راكم غاية غاية ..............نقولكم توحشتكم بزافا ......بصح مالكم ساكتين وين راكم ولالالالالالا
راكم تبكشتوا من ورايا ........ختي فاتي الحمد لله كي رجعتي ديجا راني توحشتك بزيادة ......وخونا لزرق المسرار احمد راه باين عليه كره منا .............لخاطر شفته تبكش هو تاني

اهلا وسهلا بيك خونا oranian منور القعدة بيك يا ولد الباهية ............وصحا على الغنية

راني نستنى ترجعوا تنورو القعدة بصح كل حد يجيب شي حاجة كيما انت ياخويا احمد عليك تجيب تاي وفاتي عليها بالقاطوا ...............:p

ويومكم مهني وسعيد

ليلى الجزائرية​

 

[AHHMED]

:confused:

 

[ESS]

وهران الباهية أتمنى أن أزورها يوما ماتحية إلى كل الوهارنة وناس الغرب

 

[fati-oran]

صحا اختي ليلى ربي يحفظك راني متوحشتكم a fond
والله غير بعدنا على بعضنا وين راكم والفناكم روحتوا و خليتونا.................................
واش خويا احمد صايي نكرتنا ...................
انا كنت لاتية بشغالات بزاف من بعد نحكيلكم على les nouvelles
واش ليلى ختي و خويا احمد راكم غايا
غير ارواحوا نجيبلكم القاطو قاع نتاع وهران
انا حتى اليوم الحقت اسمحولي
نقول لخويا ess انشاء الله تزورنا في يوم من الايام مارحبا بيك ..................

وين راكم رانا متوحشينكم ولا مين فتحتوا اللمة 2 حبيتوا تسمحوا في هذا و هذا هو الاول اللي جمعنا......

ابن الجزائر _ كريمة _سوسو الجزائرية_bouzanzan_mk
oranian_
وماننساش ختي ليلى وخويا احمد

bayyyyyyyyyyyyyyyyyyyyyyyyyyyyyyyyyyyy

 

[4algeria]

السلام عليكم
وهران جميلة واهلها اجمل وانا اعرف انهم اهل كرم وطيبة وسبق وان زرتها مرتين وانشاء الله مرة ثالثة وصراحة اى شخص مازارش وهران تبقى رحلته ناقصة الى الجزائر لانها بلد طبيعة وكرم وجمال وشكرا على الرسالة