السلام عليكم....
حب المظاهر و الاهتمام بها ظاهرة انتشرت بشكل كبير في مجتمعنا الاونة الاخيرة .و بغض النظر عن اختلاف المستوى المعيشي للعائلات , فالاهتمام بالمظاهر اصبح مشكلة تعني كل طبقات المجتمع .
فتجد البعض يسعى جاهدا لتقليد من هم فوق مستواه المادي يعني ( يدير المستحيل باه يبان عندو ...) , يلجا حتى للاقتراض باه يشري سيارة زي تع جارو و لا يدير عرس كبير يتكلموا عليه الناس ....
الجانب الثاني من المشكلة كاين ناس في مجتمعنا مظهرهم يخفي حقيقتهم بالمعنى الحطة كاينة و العقلية 0 ...و هو حال اغلب الشباب تاعنا الان تلقاه الحطة الله الله تهدر معاه 2 كلمات تهرب ...
يعني يهتم بالمظهر تاعو و باه يعدل عقليتو لا . كاين مثل عربي يعجبني يقول : لا تجعل ملابسك اغلى ما فيك حتى لا ياتي يوم تكتشف فيه انك ارخص مما ترتديه ...
انا نظن بلي الناس اللي يحبو يقلدو الغير و يكونو كيفهم ناس عندهم عقدة نقص ماهمش راضيين بواش عطاهم ربي و ما راهمش قانعين برواحهم ...صح حاجة مليحة تكون طموح بصح على قدك .
برأيكم هل السعي وراء المظاهر ضروره ملحه و على سائر أفرد المجتمع مجاراتها ؟
ما هي سلبيات المظاهر ؟ و هل تعتقد بوجود إيجابيات لها ؟
هل أنت ممن تهتم بالمظاهر ؟ و كم هي نسبة تأثيرها على حياتك ؟
و هل تضطر أحيانا لمسايرة البعض بالمظاهر لأسباب معينه ؟
لو كنت ممن يهتمون للمظاهر فماذا تفعل لو أنك لم تقدر على مجاراتها بوقت ما عصيب ؟
ما هي وجهة نظرك بمن يسعون وراء المظاهر و ما هو دورك تجاههم ؟
