تاركان .... اشهر شخصية في اللمة

[Moha le sage]

تاركان هاذا .......

انسان ساكت ....... حتى قالو عقون

انسان حساس .... حتى قالو فراجيل

انسان حنين ....... حتى قالو طفل صغير

نهدر ..... يقولو تاع مشا كل

نسكت ...... يزيد يعفسوني كثر

واش تعرفو على الحب ...... خليت فيه ضروس لعقل

واش تعرفو على الصحبة ...... راحت مع عوام الثمانينات

واش نقول في المجتمع .... هلكو البرابول ...

واش نقول في الذراري ... خالطنا رجال ولقيناهم ذر

وخالطنا ذر ... ولقيناهم رجالة

وش نقول في النسا ..... خالطت لي يقولو متربيات .... شفت منهم العجب

وخالطت لي قالو ميسواوش ....... هزونا كي هربت الناس لخرين

منيش من جماعة اللي تهدر معاه طفلة ... يقول صاي عجبتها ...

ومنيش من جماعة اللي يبدلو الرجال...... بالنسا

واللي يلقاني برا هو يعرف بالي راني نقول في الصح ... ومهوش كلام مزرقط تاع منتديات

وش نقول في اللمة ....... نعرفكم كل واحد باسمو .... شكون لي راهو يكونيكتي

نعرف جماعة الفوتوكوبي ... نعرف جماعة الي مايجملش كلمتين على بعضاهم

ونعرف اللي كي يقلك بكلامو نبكيك ... يبكيك

نتوما كي تكونو تكتبو .. انا نشوف في الناس وش كتبت ولمن كتبت

نعرف ثاني حاجة .... كي نكون برا ... لازم ندخل لسيبار ... وكي نكونيكتي لازم ندخل اللمة

كاين فيكم اللي راهو يعقب في الوقت ويروح .... كاين الي ملقاش وين يروح وقت لغدا دخل

كاين لي عندو مشاكل ... حاب ينحي على قلبو ... وكاين الجماعة اللي عندها في الراس وراهي تحاول

تفيد اللمة كيما في اقسام الصيانة ... واقسام الابداع.... ناس تتعب تبات نايضة باه تخدم حاجة

تشوفوها .... وتنتظر غيركلمت شكر طلع بيها لمورال ... باه يزيدو يسهرو نهار وخر

كاينا جماعة لي مدايرة نجوم ...غير من كلمت مشكور و فوتو تتحرك تاع موضوع رائع...

كاين لي راه يكتب و يتعب ... بصح مش معناها كي تنقل موضوع حرام... اذا كان يفيدنا ومش معاود

و النقل لازم نكتبو امامو منقول..... تقدر تنقل موضوع متميز يفيدنا خير من موضوع مكتوب ... بصح

الظاهرة هاذي بدات تنقص....

رني حاس بيكم ونشوف فيكم .... من ورى ليكرون تاعي ... فيكم اللي راهو يتبسم وفيكم اللي

راهو يتنهد .... ونا نقول ربي يكون لخير ...

والفت ناس هنا ماوالفتهاش برا ....... واحيانا نفضل نهدر مع خرين هنا ونبقى في لدار على اني نخرج

نضيع وقتي

نتوجه بكلمت شكر لكل من راه قايم بهاذ المنتدى ادارة ومراقبين ... وحتى ونختلف معاهم في امور...

منحسوش باللمة الااذا راحت....

ان شاء الله تكون لمة خير ونستفادو فيها من بعضانا

يقولك انا نعرف حاجة ... ونتا تعرف حاجة.... كي نتلاقاة نعودو نعرفو زوج زوج حوايج

واللي ماهام ما عام ... ما يعرف شحال من ليلة في العام

خوكم محمد

على ردودكم مسبقا

*************

 

[المشتاقة للجنان]

ليا عام مدخلتش للمنتدى العام و قريت موضوع هام
و الله يعطيك الصحة هادي الاصناف كلها موجودة و الناس اصناف و صح تهدر مع واحد و الا وحدة هنا متعرفهاش خير من واحد برى تعرفه تفش قلبك هنا كاين ليسمع مي البرى الله غالب ليخزرك يقول ارهابي و لتخزره تشك فيه و بالفعل تخزر طفلة متربية و انت تخالطها تنشع و طفلة مش متربية تخاف لتخالطها مي كتخالطها تفرح
موضوع روعة بارك الله فيك.

 

[رنيم الصمت]

ما شاء الله خويا محمد موضوعك :thumbup1:
يعطيك الصحة و بارك الله فيك

 

[SaMi_o7]

السلام عليكم و رحمة الله تعالى و بركاته
موضوع قمة لعضو قمة
و كل ماقلتو يا خويا محمد كاين منو
بصح الله غالب
ما باليد حيلة

بارك الله فيك اخي محمد

و ان شاء الله تتريقل الأحوال
و كل واحد يعرف وين يحط رجلوا

تقبل تحياتي
و في ميزان حسناتك بإذن الله​

 

[Moha le sage]

موضوع رائع اخي بارك الله فيك

نتوجه بكلمت شكر لكل من راه قايم بهاذ المنتدى ادارة ومراقبين ... وحتى ونختلف معاهم في امور...

ربي ايعينهم و يعطيهم الصحة

​

تعيش خويا لطفي بارك الله فيك

 

[الساجدة لله وحده]

السلاااام عليكم...
..مش غريب علينا مواضيع كيما هااك...بياان سير من تحت يدين الاخ الفاضل محمد..
..ربي يكثر من مثالك بارسكو النااس للي تخمم في تميز اللمة والافادة فيها رجعو قلاال بزااااف
..عدنا نشوفو صفحاات اي قسم من المنتدى سيرتو للي مخصصينهم للهدرة(وشعبنا ماهوش هداار )..
..تقول فوطوكوبي..موضوع يجوز عليك ليوم تلقااه غدوة معلق قداام عينيك...!!!
بربي ان شااء الله تتعدل لحواال..
..مارسي خونا .....ربي يباارك في كلااااامك.....​

 

[العلمية12]

يااااااالله قداه عندي مقريتش موضوووع كيما هذااااااااااا لاول مرة نعرفك انسان هايل وكل يوم تبرهنلنا والله ماشاء الله انسان 10/10 يعطيك الصحة وكمل علاهذا المنواااااال

 

[Moha le sage]

يااااااالله قداه عندي مقريتش موضوووع كيما هذااااااااااا لاول مرة نعرفك انسان هايل وكل يوم تبرهنلنا والله ماشاء الله انسان 10/10 يعطيك الصحة وكمل علاهذا المنواااااال

وكلامك ثاني هايل يا العلمية يعطيك لصحة

 

[aMiNa-K]

السلام عليكم

موضع شباب .. باين عليك حافظ اللمة مليح ..راك حافظها عبد بعبد.. cartier par cartier .. حشيشة بحشيشة و حجرة بحجرة ههههه

مانقدر نحكم عليك والو .. راني جديدة هنا و مانعرفكش

رايحة نقرعج في ملفك الشخصي ..:angel_not:​

 

[aMiNa-K]

السلام عليكم

موضوع شباب .. باين عليك حافظ اللمة مليح ..راك حافظها عبد بعبد.. cartier par cartier .. حشيشة بحشيشة و حجرة بحجرة ههههه

مانقدر نحكم عليك والو .. راني جديدة هنا و مانعرفكش

رايحة نقرعج في ملفك الشخصي ..:angel_not:​

 

[Moha le sage]

السلام عليكم

موضوع شباب .. باين عليك حافظ اللمة مليح ..راك حافظها عبد بعبد.. Cartier par cartier .. حشيشة بحشيشة و حجرة بحجرة ههههه

مانقدر نحكم عليك والو .. راني جديدة هنا و مانعرفكش

رايحة نقرعج في ملفك الشخصي ..:angel_not:​

قرعجي على روحك ....

وباه تلقاي الذهب لازم تحفري تحت الطين مليح

 

[iméne09]

يعطيك الصحة محمد وانت فعلا انسان ولا اروع كلامك ديما في القمة وهايل تاع الصح بارك الله فيك ع الموضوع ​

 

[Moha le sage]

ما شاء الله خويا محمد موضوعك :thumbup1:
يعطيك الصحة و بارك الله فيك

تعيشي ... مطولناش ذيك النهار لهدرة... مازالو يامات ربي كاينين

 

[Moha le sage]

يعطيك الصحة محمد وانت فعلا انسان ولا اروع كلامك ديما في القمة وهايل تاع الصح بارك الله فيك ع الموضوع ​

تعيشي ختي ايمان ... ربي يحفظك ان شاء الله

 

[salah.f]

موضوع رائع شكرا اخي ننتطر منك الجديد

 

[iam-The-Darkness]

والله لم يتركوا كلمة لاقولها فانت عضو متميز و موضوعك متميز
وشكون لي ميعرفكش :blink:
شكرا

 

[Moha le sage]

السلاااام عليكم...
..مش غريب علينا مواضيع كيما هااك...بياان سير من تحت يدين الاخ الفاضل محمد..
..ربي يكثر من مثالك بارسكو النااس للي تخمم في تميز اللمة والافادة فيها رجعو قلاال بزااااف
..عدنا نشوفو صفحاات اي قسم من المنتدى سيرتو للي مخصصينهم للهدرة(وشعبنا ماهوش هداار )..
..تقول فوطوكوبي..موضوع يجوز عليك ليوم تلقااه غدوة معلق قداام عينيك...!!!
بربي ان شااء الله تتعدل لحواال..
..مارسي خونا .....ربي يباارك في كلااااامك.....​

ربي يحفظك ختي وحالي من حالك ... لقديم ومسيرج... بصح انا يغيضوني الناس كثر من المواضيع

بارك الله فيك على كلماتك المعبرة

 

[Moha le sage]

موضوع رائع شكرا اخي ننتطر منك الجديد

بارك الله فيك خويا وجديدي راهو في مواضيعي اللي عطيتكم الرابط تاعها .... تلقى فيها لكثير

 

[Moha le sage]

والله لم يتركوا كلمة لاقولها فانت عضو متميز و موضوعك متميز
وشكون لي ميعرفكش :blink:
شكرا

ربي يحفظك بصح مليح كي يعرفوك دخلاني مش معرفة تصاور

 

[Iman89]

دمت يا محمد نجما لامعا تضيء بنور مواضيعك الرائعة وأحاسيسك المفعمة دروب لمتنا
حفظك الله للمة ...بوركت