واش رايكم في هدرة الناس ؟؟؟

[chemssou007]

بسـم الله الرحمن الرحيمــ​

هل كلام الناس يؤثر في حيـــاة الفرد؟؟ نعم بكـل تأكيد و لكن هل أنا أهتم أقوالهم ؟؟ طبعا لا أنا راني نبني في حياتي طوبة طوبة و هوما راح يهدو هو يعياو يسكتو و انا كي نعيا من البنيان نلقا روحي بنيت حياتي.​

~~~Change We Need~~~​

 

[SO GooD]

خلي يهدرو خلي يقولو شي مايديرو

مشكووووووورة اختي على الطرح المميز
​

 

[lyrics]

كلام الناس لا بيقدم ولا يأخر
​

 

[كرستين]

salut
هدرة الناس صعيبة سورتوا الا حنا هتمينا بيها
واو اكيد نهبلوا
مارانيش نخاف منها كي نكون واثقة ملبروجي نتاعي نديروا وخلي هدرت الناس تحبسوا الا قدرت
ياك كل واحد عندوا هموا
علاه مايلهاوش في رواحهم

 

[سماح4]

ساعات هدرت الناس تدمر للواحد حياتو ، الي يدير على هدرت الناس يهبل ويفقد حتى شخصيتو الحقيقية....الناس ما يرضيهم والوا المهم يرضى عليا رب العالمين ونكون مقتنعة بواش ندير...​

 

[سراب الروح]

السلام عليكم:
شكرا لمروركم اعزائي الكرام
دمتم ودامت اللمة بتواجدكم الطيب
تقبلوا تحيات سراب الروح​

 

[ASMA17]

هدرة الناس ماتدي ماتجيب مي ماشي معناها مانديرولهاش حساب ياك حنا رانا عاشين بين هاد الناس
بصح كاين درجات . . . تلقى ناس عندهم هاد الشي كي لمرض كل حاجة يقولك نخاف من هدرة الناس
و ديجا لي يكون حاصي بلي ماراه يدير في حتا حاجة ماشيمليحة
خلاص ماعنده علاه يخاف من الهدرة

 

[نور الزمان]

انا ما تهمنيش هدرة الناس و رأيهم فيا لأني عندي ثقة في نفسي و في تصرفاتي


وهدرة الناس هي آخر حاجة نهتم بيها

 

[حكاية انثى]

هو في حقيقة صعيب بزاف خصوصا على بنات ولكن ليس في امكاني ان ادق على جيمع سكان المغرب كي اقول لهم ان كلامكم غير صحيح هههههههههههه
يعني ناس هما ناس وكلام ناس لايقدم ولا ياخر

 

[بنت ناس وما تنداس]

يعطيك الصحه على الموضوع هايل
من ناحيتي كلام الناس يدخل من وذن ويخرج من الاخرى هذا لادخل
ديما رايي في راسي وندير وش نحب الناس مايهمونيش لان اللي يرضي الناس صعيب
بالصح ماشي غير على روحي
مانحب جلسات النساء ما نشاركهم في الهدره على الغاشي يوجعووووووووووووووا القلب
لاطلعت بواحد يسبوووه هذا مايستاهلش هذا الخير مايخدم ماما ما وووووووو ولا هبطت بيه يقولوا عليه مسيكين مايستاهلش واش صرالوا وهذا فحل ياوووو شفت العجب مع النساء في الهدره
انا يهدرو والا يقعدوا والله ندير وش نحب وماعلياش منهم احياناا خدايم مانحبهاش وهم مايحبوهاش بصح سكارا في الغاشي والهدره نديرها
ونقوللهم لدخلت ولقيت كاين ينمشروا فيا نقعد معاهم ونألف معاهم كتب عليا
واش وين رايحين يوصلوا بهدرتهم
المهم كل واحد يلتا بعيبه مايشوفش عيوب الناس
والشئ اللي مانحبوهش على ارواحنا مانحبوهش على الغاشي
عامل الناس كما تحب ان يعاملوك
وانتم ثاني لا شفتوا الهدره في الغاشي امنعهم بطريقه مليحه ماتدخلوش معاهم في الهدره
واللي يهدر على الناس راه يحاول يبعد الناس على عيبه ومعمر عيوب

 

[bessad]

البيت لي كتبت راه كافي. لي يتبع لهداري يضيييييييييييييييييييييع

 

[zinnoo walido]

ياختي هدرت الناس محلا فراقها علا العام هذا واش نقلكم


مارسي على الطرح

 

[ايمان 02]

الناس اذا درت عليهم تروح للهاوية ويدنرووووك الانسان لازم يخاف من ربي

 

[نبيل ريال]

كلام الناس يخلي الانسان يعرف قيمة الحياة
كما قيل عوى الاسد من كثرة الحسد
كلام الناس غيرة و حسد
اللي يدير على الناس يكره الدنايا و ما فيها​

 

[larissa]

هدرة الناس دايماااااااااااا تكون ادا كنت مليح ولا لا ويهدرووووووو كيمااا يحبو كل واحد عارف نفسه

 

[سراب الروح]

السلام عليكم:
شكرا لمروركم الكريم
دمتم ودام تواجدكم​

 

[بحر الرمال]

الناس ميبطلوش الهدرة و مايعجبهم العجب مالا انا منقلقش روحي بكلامهم ما عندو ما يدير في لخر ربي باش يحاسبني على افعالي و قوالي و واحد محينفعني
​

 

[bessmounette]

لى يدير حساب لهدرة الناس يهبل لاخاطر هذه هى خدمتهم كيما يقولو إرضاء الناس غاية لاتدرك
لى قعد يتبع و يتقلق لاهدرو فيه راه يدخل سبيطار لمهابل
شكرااا على الطرح
​

 

[samra106]

نحنا اكيد مش عايشين في الدنيا وحدنا نحنا عايشين مع ناس اكيد رايحين نتاثروا بيهم وتقريبا الشخصية تبنى من المجتمع بصح مش اي حاج يديروها الناس هي الصح مالازمش نبنيو حياتنا على هدرة الناس نحنا نتعلمو من الصح ونرميو الهدرة الفارغة والاراء التافهة.

 

[Voyage dans un rêve]

ارضاء الناس غاية لا تدرك دي فوا نقول مانديرش على هدرة الناس امبعد تلقاي روحك عايشة مع الناس ماشي وحدك المهم ديري واش يرضي ربي بالاك يرضيهم هوما تاني و يبقى شعاري الصح في ربي .شكرا.