معليش تدخلو نسق رايكم

[امووووونة]

بسم الله الرحمن الرحيم


هاي وشراكم ملاح؟؟؟ نسحق رايكم

راني حابة نحكيلكم حاجة و قولولي رايكم

انا عرفت واحد في النت من سوريا عجبني بزاف و حبيتو و هو حبني و دوكا راني حابة نعرف ويلا يجي يخطبني مي كرامتي ماتخلينيش نقولو ارواح اخطبني هو صح هدر على الخطبة بزاف مي ماقالش بلي راهو جاي قولولي كيفاش نقولو:crying:؟؟؟؟

 

[winrar]

اولا لازم تهدري معاه بالهاتف وتعرفي نيتو وتعرفي عمرو الخ من بعد قوليلي ارواح اخطبني من اهلي مفيهاش عيب وكرامتك تهان اذا مقلتيلوش كلمة ارواح اخطبني اي طفلة تقولها اذا قالك خاضر راه نيتو سليمة اذا بقى يتلعون راه خبيث وانت قاع ذزيريين معجبوكش رايحة سوري امزح معك

 

[N@riM@N]

ولله يازينه........ ممممم نقلكـ علاه متهدريش معاه كام ولا بتلفون ومباعد تقـــــولي لداركــم ؟

 

[programmeur]

خبز الدار ياكلو البراني
الله يوفقك في حياتك يا اختي

 

[السوفي حمة]

واش عرفتي عليه من غير اللهجة السورية وكلامهم المعسول
شفتي وجهه كيفاش مداير عرفتي السيرة نتاعه
واش نقلك راكي تشري الحوت في البحر
وصدق الطلياني
خبز الدار ياكلو البراني
​

 

[امووووونة]

winrar هدرت معاه بالتليفون من قبل عندي بزاف ملي نعرفو

مشكلجية انا ختو هدرنا بيان سور كام و مايك و تلفون

programmeur هههههههههههههههههه عندك الحق فيها مي واش ندير زهري ما حبيتش قاع كي حبيت حبيت من سوريا

مرسي خاوتي كي جاوبتو

مي شكون يقولي كيفاش نبدا الموضوع و كيفاش جي الهدرة و المشكلة اني نحس بالذل دايما لازم تكون كرامتي فوق كل شيء فهمتو؟

 

[امووووونة]

atiamed خو عرفت حياتو كامل حتى لافامي تاعو

 

[N@riM@N]

مشكلجية انا ختو هدرنا بيان سور كام و مايك و تلفون [/size]

كــــــيفاش هاذي؟انتــــــي ختو والله مافهمت حاجه؟

 

[امووووونة]

مشكلجية انا ختو هدرنا بيان سور كام و مايك و تلفون [/size]

كــــــيفاش هاذي؟انتــــــي ختو والله مافهمت حاجه؟

هههههههههههههههههههههههههههههههههههههههههههههههههههههههههههههه

دوك نفهمك

مشكلجية انا ختو ...........................


كتبت مشكلجية انا هذا اسمك صح؟ و مبعد كتبت ختو يعني يا اختي

يعني ماشي كيما فهمتي انت

ان شاء الله تكوني فهمتي

 

[السوفي حمة]

أخرجيها تاي تاي
كيما راكم تديرو كامل قوليلو راهم جاوني خطابة
لازم تتحرك ليدوني منك
إذا تحرك خلاص
و إذا بدا يتلوى راكي كشفتيه وعرفتي راسك من رجليك
أما معرفة حياتو واش نقلك أختي جاركم ومتعرفيش عليه كلش
كيفاش واحد سوري
المهم ربي يكملك واش تتمني
​

 

[أبو عاتكة]

الدنيا تجارب

واصعب تجربة هي الزواج

حسب كلامك مازلتي في طور التردد مما يعني انك خائفة ومترددة والزواج بهذه الطريقة نهايته غير معروفة

وحسب ما فهمت انتي متسرعة في طلب الخطبة حتى انكي لا تتجرئين على طلب ذلك لانكم لم تتعرضو لجميع

القضايا بصراحة.

انصحط بالتريث وزواج الانترنت لا اشاطره لانه مبني على تخيلات وتكهنات وفرضيات

والحقيقة ليست كالافتراظ .

كوني ثقيلة معاه واعرفي نيتو الحقيقية عشب اليل كامل اخظر.

بن حومة وحدة ونسقسو عليه ونثقلو عليه في الجواب

فما بالك بواحد براني
​

 

[امووووونة]

ههههههههههههههه مرسي خو نسييها و نشوف

 

[امووووونة]

@mini -farid@ مرسي للنصحية

 

[البسكرية1990]

انا ضد الفكرة لكن ممكن تنجح بنسبة 1 من 1000 واستخيري ربك هدا انجع طريق

 

[شهنوزة]

سلام امونة بصح وعلاش ماكتبتيش اسمك راني عرفتك
برانساس القديمة

 

[حورية الجزائر]

ربي يسهل ويجيب لي فيه الخيييييييييير

 

[AMEL2BS]

امونة انتي واشحال في عمرك

 

[امووووونة]

nono1990 ان شاء الله تمشي معايا يا ربي

شهنوزة اختي انا ماشي لي تقولي عليها

حورية الجزائر ان شاء الله اختي

AMEL2BS اختي انا 18 سنة

 

[AMEL2BS]

حنونة مزالك اصغيرة غير مكلاه تتشوكاي في هاد لاج مزالك اتشوفي وتعرفي...خمي بعقلك واستخيري الله واللي فيه الخير يجيبو ربي

 

[TOUTA32]

مازلتي صغيرة يا اختي هاذو غير مشاعر نتاع مراهقة وفتنا عليهم كامل بالاك تغلطي كي تكملي قرايتك وخمي فالزواج راه مسؤولية كبيرة وترجعي مسؤولة على عايلة وانتي لي حبيتيه سوري يعني ماكان لا امك لا باباك لا ريحة نتاع عايلتك تبقاي وحدك فرات انا ننصحك اخطيك من الموضوع هاذا يامات وتنسايه وتتهناي​