دقيقة نشوف أسنانها

[sanaya]

سلااام
وشراكم مهابل
لاباس الحمد لله
كالعادة أتيت لقصف كوكبكم الجميل. ياأيها الرجال
فلتستعدوا
أنطلااااااااااااااااااق


راح نحكيلكم حكاية واقعية صراحة منعرفش نضحك منها ولا نبكي
يعني صح كاين رجال
منعرفش واش حاسبين رواحهم
جابلي ربي شايفين زين تاعهم هو زين تاع سيدنا يوسف عليه السلام
المهم خترة خالتي عندها صحبتها حابة تخطب لوليدها
أيا وليدها ديما ففرنسا وكل ما يجي فاكونس تبدا يماه تخيرلو لبنات كاش وحدة تعجبوا ويخطبها
خترة راحت خالتي لعرس مع هذيك لمرا اللي حابة تخطب لوليدها
ومبعد شافت خالتي طفلة
شابة وفاميلتها ناس ملاح وعموما كلشي فور
أيا قالت لصحبتها أرواحي راني شفت طفلة شابة وبنت فاميليا وووووووو
وشافت هاذ لمرا هاذ الطفلة وقالت لخالتي :
تبارك الله شابة بزاف ولافامي ملاح
يالا نروحو لها
خالتي قالتلها :
علاه حابة تهدري معاها
جاوبتها لمرا:
لا حبيت نقرب منها نشوف بالاك عندها كاش سن مسوس


عمتي تعجبت وبدات تخزر مع لمرا وقاتلها :
قوليلي وليدك هادا اللي يوصل يشرط حتى السن ميكونش مسوس هو كداير؟؟
ياجدك تشوف السن بلاك مسوس
معليش نزيد حكاية:
طفلة خطبها واحد ومدة ثلاث أعوام مخطوبة
خطرة يمات الراجل راحت لدارهم
وجاوبتها هاذ الطفلة وكانت تقرا ولابسة نواضر
أيا بعد يومين فسخوا الخطوبة بويسك الراجل قال نو أنا كخطبتها مقلتوليش تلبس نواضر
معليش خلينا
راح نقولكم أغرب شروط دارهم واحد ونعرفوا هذا لزوجته المستقبلية :
متكون ني قصيرة ني طويلة
ني سمينة ني رقيقة
وبيضا مش سمرا
وشعر
أشقر
طوووويل
وقوي
وناعم
ومن دون تموجات
يعني مسشواري من عند ربي
والعين متكونش كحلا
زعما زرقاء ولا خضرا ولا عسلي
ولا حمرا هههه

هذا قاتلو يماه نهار تلقا الشروط هاذو كامل قولي نروح نخطبلك


معليش السؤوال دوكا :
نتا اللي حاب تجيبها مثلا رقيقة ولتاي فين
زعما مراح تسمان خصوصا كتكون بالكرش
سبحان الله لمرا أكيد فبعض المراحل تتبدل و لازم تقبل بهاذ الشي
لاعلينا
علابالي هذا حقكم
وي تقولوا حقنا كل واحد يشرط واش يحب ياخي زوجة فالحلال
معليش
مي السؤوال اللي كلما نطرحوا نزعف :
علاه كامل الشروط هاذو والمرأة أبدا متشرطش
متشرطش والو
ببساطة لأنو المرأة
تشوف العقلية
والراجل يشوف الزين :p
أي
المرأة تشوف اللب
والرجل يشوف القشور
ههه
قصف رائع :p
سلام

 

[أم أُنٌَيسة]

السلام عليكم و رحمة الله تعالى و بركاته
ههههههههههههههههههههه
الله يحفظك يارب
كاين بنات تان يتشرطو خلي برك
لي عودة باذن الله
​

 

[sanaya]

السلام عليكم و رحمة الله تعالى و بركاته
ههههههههههههههههههههه
الله يحفظك يارب
كاين بنات تان يتشرطو خلي برك
لي عودة باذن الله
​

املا حتى تولي نتناقشوا
مشكورة

 

[الامين محمد]

سؤال
اذا تزوجها و منبعد سوست سنانها واش يعمل
غريييييبة من جيل غريب
شكرا سيدتي

 

[ضآحكة مستبشرة]

السلام عليكم

ههههه شروط غريبة يا اختي لي يتشرط بزاف هو لي يطيح على راسو
و زيد مكاش منها هذي كامل الشروط و المواصفات خاطرش كلشي بالمكتوب يبقى مجرد كلام فقط
و اسكتي برك يا اختي قلتي لبنات ميتشرطوش ههههه رآهم غطاو الشمس بالغربال ههههه

عموما شكرا على الموضوع غاليتي​

 

[sanaya]

سؤال
اذا تزوجها و منبعد سوست سنانها واش يعمل
غريييييبة من جيل غريب
شكرا سيدتي

هههه
راك تشوف
ياخي تخمام ياخي
ربي يهديهم
مشكور على المرور

 

[sanaya]

السلام عليكم

ههههه شروط غريبة يا اختي لي يتشرط بزاف هو لي يطيح على راسو
و زيد مكاش منها هذي كامل الشروط و المواصفات خاطرش كلشي بالمكتوب يبقى مجرد كلام فقط
و اسكتي برك يا اختي قلتي لبنات ميتشرطوش ههههه رآهم غطاو الشمس بالغربال ههههه

عموما شكرا على الموضوع غاليتي​

صراحة مزال ماشفت طفلة تشرط ڨاع هاك
و بزيادة هادو اللي ديرو هاك تفوتي عليهم عام بعد الزواج تدخلي للدار تلقايهم يداوسوا بلماعن هههه
مي هذا يعكس مستوى الفكر عندنا
عكل حال مشكورة على المرور

 

[هواري بومدين.]

لك جزيل شكر سيدتي ...

 

[sanaya]

لك جزيل شكر سيدتي ...

العفو أخي
مشكور علا المرور

 

[محمد التبسي]

الحمد لله ما نشرطوش دار وسيارة
اشتراط الجمال معقول
لكن
اشتراط المال منكن غير معقول.​

 

[ليليا مرام]

السلام عليكم
اييه وعلاه مخلوعة راني نقولك ليجون نتاعنا ماكانش كيما هوما انتي ما تتشرطيش
انا نتشرط يا اختي
طويل ووقت نحب حاجة فالارض يولي قصير
لازم يكون رياضي واذا شوي عندو سوفل معليناش لازم كل يوم يجري يولي التنفس نتاعو عادي
زيدي سنانو اول شي نشوفهم انتقام للخوتات
شواربو ما نببغيش التشققات يفكروني فالزنزلة وانا نخافها يتسمى نولي دايما خايفة منو نونونو ما تخرجش عليا
بوانتور نتاع الصباط ماشي يلبيسلي 57 راح ندي هاجوج وماجوج لالا لازم 42
وشعرو ما يكونش هابط يفكرني بفريد الاطرش وانا ما نوليش للماضي وقت نواريبلو لازم الجيل دايما نحسو جون مالغري نكبرو
امممم استنى نخمم واش لازم ثاني ااااااااا وييييي تفكرت نقلب ضفارو اذا مربيهم كيما هواري منار نونو هو ويماه يخرجو من دارنا بالعصا نقولها ديه لعبدو ماشي جبتيه عندي
اممم كي نزيد نخمم نقولك
لوكان ماشي من التافهة كيفاه توصل للسنان والشعر زعمى هو واش منزول من زحل هذا وليدها تحوسي عليه تلقاي سنانو صفر تقولي يغسل بالزعفران وووووووعه يا قلبي يا انا تروح تنقي وليدها قبل
وهذاك اللي قالها ما طويلىة ما قصيرة ما سمينة ما رقيقة هذاك بالشفا عليه يحوسها ثلاثية الابعاد جابلي ربي اجينيور القرايا هبلاتو هههه
مرضى الله غالب الناس تقول الدين والاصل والتربية وكي ولينا تافهين لدرجة نشوفو الامور السطحية رجعنا للسنان والشعر ولاطاي الله يهديهم والا يديهم المهم حل ليهم ههه
شكرا

 

[حلم كبير]

السلام عليكم و رحمه الله تعالى وبركاته

ختي سنايا مواضيعك جميلة وهادفة ما شاء الله كاين مواضيع في كل الاقسام ،ما لحقناش نقراوهم كامل.

كانو ناس زمان كي يروحو يخطبو يجي الشيخ وعجوزتو برك ،وكي يجي يشوف مرت بنو المستقبلية يحطلها فردة سباطو في الباب يعني في طريقها لا هزاتو وهي داخلة يعرفوها مرة ونص ،يعني موالفة تهبش وتخدم فالدار ،ولا تخطاتو ما يدوهاش .
كانو يحوسو على الفحلة والحرة ومولات الحسنة.


وضرك تبدلت المطالب يديها ملكة جمال ولو حتى تطينلو عيشتو ،وما تخدمش ماعليهش تتعلم بالشويه .
يا ولدي قبيحة وشرانية ..... بصح باهية ما يهمنيش .
بعد عشرة زواج يكتشف هاذ المخلوق انو ارتكب غلطة عمرو كي شرط القشور بلا اللب .
الله يهدي وينور عقول الشبيبة .

تقبلي مروري مع فائق الاحترام والتقدير
حلم كبير​

 

[ليليا مرام]

السلام عليكم و رحمه الله تعالى وبركاته

ختي سنايا مواضيعك جميلة وهادفة ما شاء الله كاين مواضيع في كل الاقسام ،ما لحقناش نقراوهم كامل.

كانو ناس زمان كي يروحو يخطبو يجي الشيخ وعجوزتو برك ،وكي يجي يشوف مرت بنو المستقبلية يحطلها فردة سباطو في الباب يعني في طريقها لا هزاتو وهي داخلة يعرفوها مرة ونص ،يعني موالفة تهبش وتخدم فالدار ،ولا تخطاتو ما يدوهاش .
كانو يحوسو على الفحلة والحرة ومولات الحسنة.


وضرك تبدلت المطالب يديها ملكة جمال ولو حتى تطينلو عيشتو ،وما تخدمش ماعليهش تتعلم بالشويه .
يا ولدي قبيحة وشرانية ..... بصح باهية ما يهمنيش .
بعد عشرة زواج يكتشف هاذ المخلوق انو ارتكب غلطة عمرو كي شرط القشور بلا اللب .
الله يهدي وينور عقول الشبيبة .

تقبلي مروري مع فائق الاحترام والتقدير
حلم كبير​

خويا حلم اسمع قولي وين ولايتك كيفاه هذي نرفدلو صباطو وفرضا ما نحاش تقاشرو عندو عام نطيح نتغاشى والشيخ جاب عجوزتو معاه وعلاه هي ما ترفدش صباط راجلها مليحة هذي يخلوني نكون عندهم على راسي وعينيا نرفدو هو اذا قدرت حسب الميزان اما نرفد صباطو من اول يوم اواه هذا جاي يسبني في دارنا معناها دايك ترفدي الصبابط املا يجيب وليدو يرفد صباط يمى ااااااوي لازم التعادل
الحمد لله الدنيا تبدلت
مي انت دخلت تحرش خوتاتك فالبلاد 18 مليون دون زواج يا راجل كون محضر خير هههه

 

[Hakan]

الحمد لله ما نشرطوش دار وسيارة
اشتراط الجمال معقول
لكن
اشتراط المال منكن غير معقول.​

خخخخ
قصف ثلاثي الابعاد هههه

يااختي البنات بزااف واحتمال انو تصيب طفلة فيها كل المواصفات اللي راك تحوس عليها هو 90/100 اذن تشرط تشرط
مادام الجينات نتاع هذا الوقت راهي تجيب غير في النساء
راهم بزاف يااختي وبيناتنا الاسنان وغيرها مابقاتش حاجة كبيرة سبحان الله طفلة تصيبها تشري في الذهب والاسنان نتاعها ما تعرفش
تروح للطبيب تنقيهم ب 3000 دج عيب
يعني انا من بين الاشياء اللي تجذبني في الطفلة هوما اسنانها ههه الله غالب يعني ماشي غير في الطفلة مام الراجل كي كيونو سنانو ملاح يبان وسيم
اما غيرها كل واحد واش يفضل لكن اكيد الجانب الروحي ارقى من كل شيء ...شكرا ختي رانا غي نتمسخرو برك
​

 

[حلم كبير]

خويا حلم اسمع قولي وين ولايتك كيفاه هذي نرفدلو صباطو وفرضا ما نحاش تقاشرو عندو عام نطيح نتغاشى والشيخ جاب عجوزتو معاه وعلاه هي ما ترفدش صباط راجلها مليحة هذي يخلوني نكون عندهم على راسي وعينيا نرفدو هو اذا قدرت حسب الميزان اما نرفد صباطو من اول يوم اواه هذا جاي يسبني في دارنا معناها دايك ترفدي الصبابط املا يجيب وليدو يرفد صباط يمى ااااااوي لازم التعادل
الحمد لله الدنيا تبدلت
مي انت دخلت تحرش خوتاتك فالبلاد 18 مليون دون زواج يا راجل كون محضر خير هههه

هههه عجبتني هاذي عندو شهر ما نحاش الجوارب .
يعطيك الصحة
لا لا ختي هاذي بكري كانت تصرا وضرك الحال تبدل .
والله لا نحرش ولا والو بنات بلادي اكل باهيين همة وزين واش نقول فيهم .
عندك هاذاك اللي يحوس على الزين نقولو وهاذيك مسكينة اللي جمالها عادي وعندها يدين من ذهب ما تديش فرصتها في الحياة بالاك تدير شؤون الدار والحياة خير من الاخرى
إن شاء الله يتبدل الحال هذا يارب

 

[sanaya]

الحمد لله ما نشرطوش دار وسيارة
اشتراط الجمال معقول
لكن
اشتراط المال منكن غير معقول.​

هههه إتسما جيت نقصفكم
وليت تقصف فينا
وي اشتراط الجمال معقول وممكن لازم
مي مش لدرجة حتى السن ميكونش مسوس هههه
ومن جهة لبنات يتبعوا الدراهم وي
مي مش كامل
مشكور أخي على مرورك

 

[sanaya]

السلام عليكم
اييه وعلاه مخلوعة راني نقولك ليجون نتاعنا ماكانش كيما هوما انتي ما تتشرطيش
انا نتشرط يا اختي
طويل ووقت نحب حاجة فالارض يولي قصير
لازم يكون رياضي واذا شوي عندو سوفل معليناش لازم كل يوم يجري يولي التنفس نتاعو عادي
زيدي سنانو اول شي نشوفهم انتقام للخوتات
شواربو ما نببغيش التشققات يفكروني فالزنزلة وانا نخافها يتسمى نولي دايما خايفة منو نونونو ما تخرجش عليا
بوانتور نتاع الصباط ماشي يلبيسلي 57 راح ندي هاجوج وماجوج لالا لازم 42
وشعرو ما يكونش هابط يفكرني بفريد الاطرش وانا ما نوليش للماضي وقت نواريبلو لازم الجيل دايما نحسو جون مالغري نكبرو
امممم استنى نخمم واش لازم ثاني ااااااااا وييييي تفكرت نقلب ضفارو اذا مربيهم كيما هواري منار نونو هو ويماه يخرجو من دارنا بالعصا نقولها ديه لعبدو ماشي جبتيه عندي
اممم كي نزيد نخمم نقولك
لوكان ماشي من التافهة كيفاه توصل للسنان والشعر زعمى هو واش منزول من زحل هذا وليدها تحوسي عليه تلقاي سنانو صفر تقولي يغسل بالزعفران وووووووعه يا قلبي يا انا تروح تنقي وليدها قبل
وهذاك اللي قالها ما طويلىة ما قصيرة ما سمينة ما رقيقة هذاك بالشفا عليه يحوسها ثلاثية الابعاد جابلي ربي اجينيور القرايا هبلاتو هههه
مرضى الله غالب الناس تقول الدين والاصل والتربية وكي ولينا تافهين لدرجة نشوفو الامور السطحية رجعنا للسنان والشعر ولاطاي الله يهديهم والا يديهم المهم حل ليهم ههه
شكرا

هههههه أملا نتي تاني تشرطي
أيا متبهدلينيش انا قلت لبنات ميشرطوش ونتي تشرطي نونونو
هههه
راكي شايفة جابلي ربي وليدها توأم يوسف
وكما قالك الأخ محمد الأمين
ولوكان تزوجت و تسوسو سنانها
ههههه
راح يبدلها ولا واش يدير
ياخي حالة
ربي يهديهم
وهادو تجوزي عليهم شهر بعد الزواج
تلقاي كل واحد حاكم بلاصتو
مايشوفو ميهدر معاه
يشرطو الزين معقول
مي ياجدك حتى السن ميتسوس
غريبة والله
مشكورة على المرور
مي خترة الجاية متبهدلينيش ههههههه
قلت لبنات ميشرطوس
متشرطيش نتي تاني هههه
سلام

 

[sanaya]

السلام عليكم
اييه وعلاه مخلوعة راني نقولك ليجون نتاعنا ماكانش كيما هوما انتي ما تتشرطيش
انا نتشرط يا اختي
طويل ووقت نحب حاجة فالارض يولي قصير
لازم يكون رياضي واذا شوي عندو سوفل معليناش لازم كل يوم يجري يولي التنفس نتاعو عادي
زيدي سنانو اول شي نشوفهم انتقام للخوتات
شواربو ما نببغيش التشققات يفكروني فالزنزلة وانا نخافها يتسمى نولي دايما خايفة منو نونونو ما تخرجش عليا
بوانتور نتاع الصباط ماشي يلبيسلي 57 راح ندي هاجوج وماجوج لالا لازم 42
وشعرو ما يكونش هابط يفكرني بفريد الاطرش وانا ما نوليش للماضي وقت نواريبلو لازم الجيل دايما نحسو جون مالغري نكبرو
امممم استنى نخمم واش لازم ثاني ااااااااا وييييي تفكرت نقلب ضفارو اذا مربيهم كيما هواري منار نونو هو ويماه يخرجو من دارنا بالعصا نقولها ديه لعبدو ماشي جبتيه عندي
اممم كي نزيد نخمم نقولك
لوكان ماشي من التافهة كيفاه توصل للسنان والشعر زعمى هو واش منزول من زحل هذا وليدها تحوسي عليه تلقاي سنانو صفر تقولي يغسل بالزعفران وووووووعه يا قلبي يا انا تروح تنقي وليدها قبل
وهذاك اللي قالها ما طويلىة ما قصيرة ما سمينة ما رقيقة هذاك بالشفا عليه يحوسها ثلاثية الابعاد جابلي ربي اجينيور القرايا هبلاتو هههه
مرضى الله غالب الناس تقول الدين والاصل والتربية وكي ولينا تافهين لدرجة نشوفو الامور السطحية رجعنا للسنان والشعر ولاطاي الله يهديهم والا يديهم المهم حل ليهم ههه
شكرا

هههههه أملا نتي تاني تشرطي
أيا متبهدلينيش انا قلت لبنات ميشرطوش ونتي تشرطي نونونو
هههه
راكي شايفة جابلي ربي وليدها توأم يوسف
وكما قالك الأخ محمد الأمين
ولوكان تزوجت و تسوسو سنانها
ههههه
راح يبدلها ولا واش يدير
ياخي حالة
ربي يهديهم
وهادو تجوزي عليهم شهر بعد الزواج
تلقاي كل واحد حاكم بلاصتو
مايشوفو ميهدر معاه
يشرطو الزين معقول
مي ياجدك حتى السن ميتسوس
غريبة والله
مشكورة على المرور
مي خترة الجاية متبهدلينيش ههههههه
قلت لبنات ميشرطوس
متشرطيش نتي تاني هههه
سلام

السلام عليكم و رحمه الله تعالى وبركاته

ختي سنايا مواضيعك جميلة وهادفة ما شاء الله كاين مواضيع في كل الاقسام ،ما لحقناش نقراوهم كامل.

كانو ناس زمان كي يروحو يخطبو يجي الشيخ وعجوزتو برك ،وكي يجي يشوف مرت بنو المستقبلية يحطلها فردة سباطو في الباب يعني في طريقها لا هزاتو وهي داخلة يعرفوها مرة ونص ،يعني موالفة تهبش وتخدم فالدار ،ولا تخطاتو ما يدوهاش .
كانو يحوسو على الفحلة والحرة ومولات الحسنة.


وضرك تبدلت المطالب يديها ملكة جمال ولو حتى تطينلو عيشتو ،وما تخدمش ماعليهش تتعلم بالشويه .
يا ولدي قبيحة وشرانية ..... بصح باهية ما يهمنيش .
بعد عشرة زواج يكتشف هاذ المخلوق انو ارتكب غلطة عمرو كي شرط القشور بلا اللب .
الله يهدي وينور عقول الشبيبة .

تقبلي مروري مع فائق الاحترام والتقدير
حلم كبير​

هاراك تشوف بكري يخيروا الفحلة
واليوم حتى لوكان متعرف والو معليه
عرفت وحدة طلقها راجلها وحد الزين يخلع أيا تزوجت و مادير والو فالدار
هما ساكنين فدار العايلة الكبيرة
ينوضوا كامل صباح يشدو صوالحهم
كل وحدة واش دير
وهي كلالاهم تماكيي و تضرب فيها حطة وتريح
وبقات هاك حتى نهار طلقت
مي كاين بنات مولات زين و صنعة
مي باه يوصل واحد يشرط فالأسنان
هادي منتخيلهاش
ولكن هذا يعكس فراغ العقول الذي استفحل في شبابنا
نشكور أخي على إطرائك
وعلى مرورك المميز
سلام

 

[sanaya]

خخخخ
قصف ثلاثي الابعاد هههه

يااختي البنات بزااف واحتمال انو تصيب طفلة فيها كل المواصفات اللي راك تحوس عليها هو 90/100 اذن تشرط تشرط
مادام الجينات نتاع هذا الوقت راهي تجيب غير في النساء
راهم بزاف يااختي وبيناتنا الاسنان وغيرها مابقاتش حاجة كبيرة سبحان الله طفلة تصيبها تشري في الذهب والاسنان نتاعها ما تعرفش
تروح للطبيب تنقيهم ب 3000 دج عيب
يعني انا من بين الاشياء اللي تجذبني في الطفلة هوما اسنانها ههه الله غالب يعني ماشي غير في الطفلة مام الراجل كي كيونو سنانو ملاح يبان وسيم
اما غيرها كل واحد واش يفضل لكن اكيد الجانب الروحي ارقى من كل شيء ...شكرا ختي رانا غي نتمسخرو برك
​

ههههههههههههههههه
ضحكتني
راني معاك في جمال الأسنان معليه
مي
تروح تخطب و تشوف طفلة ماشاء الله و كتتبسم متشوف حتى سن مسوس ولا طايح
أيا تروح دير روحك تهدر معاها باش تشوف بالاك كاش سن مسوس ومخبي ههه
هادي جاتلي غريبة
ولا كما اللي فسخ الخطبة بسباب النواظر
والطفلة الحنونة تقبل بكلشي
أسنان مسوسة
ورأس أصلع
و ووووووووووووووو
ههههه
لازم نكونوا عادلين
قانون المساواة ههه
مشكور أخي على مرورك

 

[أم أُنٌَيسة]

املا حتى تولي نتناقشوا
مشكورة

السلام عليكم و رحمة الله تعالى و بركاته
عدنا و العود احمد باذن الله ، لا شكر على واجب اختي الكريمة بل كل الشكر لكم ولمواضيعكم المميزة
اما عن موضوعكي
مارايكي في التي تقول له كل شيء معيب بها كي يعرف ولا يقول خدعتني
حتى عن المرض و تكون وفية له و بعد ان يظهر هو كاذب يجعل منها هي الكاذبة وهي التي كذبت عليه بشان عيوبها ؟
صحيح يجب انو يشترط لكن ليس امور خيالية و ايضا اساس اي زواج يجب ان يكون صلاة استخارة و القناعة
و الدي يبحث عن الجمال سيفنى الجمال و لما يفنى تبدا المشكلات
و غيرها من امور
اما عن البنات يا لهوووي
يا اختي اقف مذهولة امام من تقبل بعريس على قد حالو لكن بعدها تجلده بطلبات جنونية لتدعه في الزاوية هدا ان كان معها رجلا حقيقيا ولم يكن يستحق دلك و اقول هدا عن تجربة
و ايضا الفتاة التي تبحث عن الجمال فهو زائل كدلك فمادا تفعل حينها ؟
و تبحث عن ذوي النال و النفوذ و هما ايضا زائلان فمادا ستفعل بعدها ؟
اناس اليوم الا من رحم ربي يبحثن عن حلاوة زائلة فحسب و لا يبحثن عن الحلاوة الدائمة باذن الله
فكلا الجنسين اصبحت ابصارهما مغشية و دلك اولا ودائما بسبب البعد عن الدين و بسبب التقليد الاعمى
مع انه يمكن استعمال المسلسلات تلك لتعلم عدم الوقوع في الخطا اجتناب دلك لكن هم يفعلون تلك الاخطاء بحذ ذاتها
فلا شيء يضاهي جمال القلب و الروح فبهما ينير و يشرق وجه العبد باذن الله
نسال الله ان لا نكون منهم وان كنا منهم دون قصد فنسال الله الهداية و الثبات لنا و لهم ان شاء الله يارب
ارجو تقبل مروري اختي الغالية
تحياتي احترامي و تقديري​