طلــــــــــــــــــــــــــــب زواج .. شاب27 سنة .. متخلق ..مثقف

[لينة]

بالنسبة لمحمد
هذيك يديرها غير راجل فنيان ميحشمش و...و...وو...و..و..و.و
لهدرنا منفضوش

 

[Moha le sage]

لي عودة من بعد على 2:00

 

[beautiful -soul]

لي عودة من بعد على 2:00

3la 2 ana nkoun nbi3 fi batata
hhhhhhhhhhhhhhhhh
tesboh 3la khir mouh demain nchalah nahkiw​

 

[Moha le sage]

عدنا .....................

 

[FifAnA]

اخخخخخخ موضوعك مليح يفطن الرجال لى راهم قاعدين فى البيت يسناو في الزورجة لالا يسناو فيla paie ومايهمش مين جات
مع العقلية كيما جات جات اخخخخخخخ
انا وحدة من الناس نهار اخر نخدم باه نكسي روحي وهو لازم يخدم باه البرمة تتغالى اخخخخخخخخخ وزيد نقلك خويا محمد مشي عيب الزرجة تخدم لازم يتعاونو بيسك رانا في وقت صعيب وكلش با الدراهم
عندك تاكل معندكش تكالي الحيط
وحط حاجة فى بالك اليد وحدة ما تصرفقش ولكان على البرمة السخونة معليه اليوم فى الدار وغدو
البرى وهى ماشية هكدا انا رانى نشوف ياك الموضوع تع نيقاش اخخخخخخ انا راني عطيت رايي فى الموضوع وصحا اخخخخخخخخخخ

 

[*amina*]

نسيت حاجة خويا محمد هي "حبذا لو يكون لديها سكنها الخاص و قمة في الجمال"............ هذي نتاع السكن الخاص قالتلهم ارقدو ونغطيكم واعرة بزاف
انا نظن بلي الدنيا دارت

 

[beba.jenti]

الراجل راجل مهما يكون ولي قاعد في الدار ومرتو تخدم عليه وشمن راجل فيه انا نعرف الراجل يدير المستحيل باه يجيب الخبزة نتاعو بعرق جبينو هو ميدزش مرتو في لقوايل تخدم وهو راقد مهما يكون حتى ويعودو خدامين في زوج حاجة مليحة

 

[حفيد هواري بومدين]

كون ماتكونش تخدم مانديهاش
وكون ماتكونش قارية مانديهاش
وكون ماتكونش تفهمني وتعاوني مانديهاش
و
راكم فهمتوني
علابالي علابالي

​

 

[sleepingbeauty]

انا نحير كيفاه يرضاها لروحو هو قاعد في الدار يعس في الاولاد و مرتو تخدم عليه وين راحت الرجولة نورمالمون يروح يدمر في الشانتي و ما يخليهاش هي اللي تصرف عليه ياخي الرجال قوامون على النساء
كي نشوف راجل خدام يحوس يدي وحدة تخدم نقولوا نورمال باه يعاونوا بعضاهم على المصاريف لان المعيشة ولات غالية بصح هو يربع في الدار و هي تخدم عليه هادي ما تدخلش في العقل و تلقا بعض النساء يقبولون بهذه الوضعية لانهم يحوسوا على راجل و خلاص كيما يقولوا ظل راجل و لا ظل حيطة
شكرا على الموضوع اخي محمد ربي يحفظك ان شاء الله
​

 

[Moha le sage]

اهلا محمد عندي بزاف ما حكيت معاك نشالله تكون غايا
محمد اسمحلي لانو ما غادي ناقشك في هذا الموضوع لانو
ان ناقشتك ولربما نبان اني نظلم في صنف و نترك الاخر
اتعلم لو انا نرجعو للاصل المرأة بلاصتها الدار ورعاية اولادها
ووين ولات تخدم ولينا نشوفو في البطالة
ولو كان غير جات نيvو والله ما تغيضك راك تعرف الاساليب
لي يدخلو بيهم من ........و............و...........و..............و...
مع اني ما نعممش لانو كاين نسا والله يستاهلو مناصب عليا في البلاد
والذكر يستهل يقعد حاكم الحيط ويحكم الحيط لانو المستقبل تاعو بونداني
ونعطيك اخي مثال بسيط وبسيط جدا غير في التبلاع تاع العام في الجامعة
وهذا كل ما استطيع قوله لك
تقبل مرور اخيك مختار

السلام عليكم خويا المختار
يعطيك الصحة اللي في طرحك ربطت قضايا مهمة لها صلة بخروج المراة للخدمة ..

انا نتفق معاك في الطرح اللي يقول ان المرا بلاصتها الدار وتربية الاولاد و القيام براجلها .. يعني العناية باسرتها بكل ما تحمل الكلمة من معنى .. انا مش ضد خروج المرا للخدمة بصح اذا كان راتجلها مكفي ماديا وعلاش يخدم بنت الناس ومن الافضل تريح في الدار خير بصح مش معناها يسجنها بين 4 حيطان باش نتفاهمو مليح .. راهي كيفو و عندها حقوق بزاف .. والراجل ما يزير ما يرخف لازم يكون وسطي مع مرتو

قضية البطالة لي حاكمة الشباب و قضية الخدمة اللي ما يعطوهاش غير لوحدة تكون طالقة شعرها و تتحرك بزاف والتحرش في بلايص تاع العمل وزيدلها حوايج بزاف راهي توجع قلب اي راجل يغير وعندو النيف ..

الجامعة منحكيلكش عليها خطراش نهرب بزاف على الموضوع هذا .. و نا ما نقلك ونتا ما يخفا عليك

كلش مبني على التفاهم ومش عيب كي تخدم المرا ويخدم راجلها .. لكن العيب كي هي يخدمها وهو يحكم الدار ..وشمن راجل هذا ؟ ولاا يخدمها و ينحيلها la paie ..

ذيك نهار قاعد نحكي مع صحابي قلتلهم الواحد راح قريب يتزوج ومزال معلابلوش وين يطيحو ربي .. علابالك كامل قالولي جيب المرا لي تخدم .. واحد قالي دراهمها ديرهم طوموبيل و لاخر قالي تدير بيهم مشروع .. المهم كامل يشوفو في دراهم نساهم .. ومش يشوفو في التعب تاع برا الدار و زيد برا الدار

كاينا قضية اخرى .. المرا كي تكون خدامة مثلا في قطاع تاع تعليم ( والتلعيم من امظف المهن لانها تتعامل مع اولاد وفي مؤسسة عامة ) ومن بعد تتزوج .. كاين بزاف لي ميقدروش يخلو المهنة تاعهم بسهولة و الولف تاع الذراري .. هنا لازم يكون القرار بين الزوجين ... وكل واحد واش يرضى

يعطيك الصحة مخطار وتحياتي ليك

 

[Moha le sage]

والحاجة لي تحيرني
علاش المرأة تتزوج مع واحد كيما هدا

ديفوا النسا تلقاهم مجبورين باش يتزوجو وخلاص خاصة مع هاذ الوقت .. الضروف تاعهم ديفوا متخليهمش يخيرو .. والوقت هذا معندك متخير فيه اعفس على قلبك وروح هذي هي العقلية

مرسي عليك ولد خالتي

 

[Moha le sage]

أي صح هدي الظاهرة انتشرت بزاف و فيهم بزاف الي حاكمهم الطمع في دراهمها و دركا ولاو يصقصيو على خدمت باباها إدا عندوا الدراهم ...البروبلام دركا علابالهم بلي هدا لي جا يخطبك طماع في دراهمك و يقبلو نورمال كل شي عادي...
السبب الي خلاهم هكدا الطمع و التفنيين........ لقاوها حاكمة
تقبل مروري أخي محمد...و يعطيك الصحة على هدا الموضوع الرائع.....

كيما قلتي ولا الطمع في دراهمها ودراهم باباها وكاينين حتى لي يصقصو اذا مخبية دراهم في الكونت .. يعني يحوسو يربحو المرا و زيديها الدراهم .. و يريحو هوما ما يتعبوش

والله مظاهر بزاف راها توجع القلب ..

مرسي عليك كي زرتيني ايمان نورتيلي الموضوع

 

[Moha le sage]

شكرااااااااااااااااااااااااا

العفو ولد بلادي

 

[Moha le sage]

هههههههههههههههههههه تضحك ............بصح رانا نضحكو على الواقع

شر البلية ما يضحك يا ايمان .. ربي يستر برك

 

[Moha le sage]

لو كان نبدى نحكي معاتش تفرى بابا :angry:
مي كلمة راجل معناها كبير ماطيحش بيها وتقلها لاي واحد يلبس سروال .......:thumbdown:..................
وزيد عيطلو رجيل عيطلو ديوث (وما أكثرهم هده الايام لعنة الله عليهم )hmy:
راني منحكيش عليهم كل على خاطر كاين لعندهم ظروف .....................................
قلوا راجل قلوا علاه رخست الرجال :glare:​

اهلا

يقلك كون جات الرجولة بالموسطاش ... يقول القط انا سيد الرجال
الراجل يا صريحة ماهو بسروال ماهو بموسطاش ماهو بعمامة .. الراجل بوقفتو وتخمامو وقراراتو ..

الطحين لي راه معيشينهملنا اشباه ارجال اللي خصهم غير يلبسو روب .. تلقا مرتو تصوق فيه من الوذنين وهو لا غيرة ولا قلب .. تلقايه يعوم مع مرتو و خواتاتو في البحر بلبسة الواحد في شمبرتو ووحدو يحشم يلبسها ... تلقايه واحد يطبطب الباب تاع الدار يبعث مرتو تشوف شكون

ياو الرجلة راحت عند خرين بزاف بزاف وراه ربي يستر .. ولينا في بلاصتها نشوفو السترجيل تاع النسا ..هوما زعما هذاك الجنس اللطيف ..ذرك ولا الجنس الاطيف .. تلقايها من لي تصبح الدوران والخرجات والعرضات و مكاش لي يحكممن خاوتها واذا في دار راجلها تلقايه تقولي هي لي متزوجاتو

كل واحد في بلاصتو اذا لعب اي طرف دور طرف اخر .. المجتمع تاعنا قوليلو اديو عليك يا بابا

merci على le passage تاعك

 

[Moha le sage]

هدا تتزوج بيه وحدة جايحه ههههههه
صح والله غير كترت الظاهرة
ولينا نشوفو المرا تخدم و الراجل يتفرج خخخخخخخ
كون جا راجلي نجيفوووو ههههه
الراجل راجل مالازمش يتكل على مرتووووووو
مرسي على الموضوع تركان ​

[/quote]


ياو ماشي جايحة ولكن المكتوب لي يرميها على واحد ديوث وطماع .. وزيد بزيادة هي من ورا الزواج لي تبدا تبانلها عقلية راجلها البيريمي

وواشمن رجلية فيه لي يتكل كيما قلتي على مرتو تجيبلو هي القفة و كاين حتى لي يوصي مرتو تشريلو الدخان من الطوابل

العفو فريدة و مرسي على الزيارة تاعك

 

[Moha le sage]

ضحكتنى متقف ههههه ا........ييه لقيتنى حايرة فى هاد النقطة هههه ..يتما علاش سلك التعليم خصوصا ...و يقولك تكون واش تكون مهم تكون تخدم فى سلك التعليم ....منكدبش عليك مالقيتلها حتى سبب يتما لوكان نقولو الخدمة الى مكاش و ....الخ و هادا يقبلها لروحو يعيش زيادة ...يعطيك الصحة موضوع شباب لوكان نبدا نهدر اليوم نديرو حصة تاع علم الاجتماع خخخخخ

اهلا تسنيم .. اه وش تقلقيني بالخط تاع 7 بصح راني نقصتلو في الرد ههههههههه

ذرك نفهمك في تاع التعليم .. اطهر بلاصة في رايي وراي بزاف من الناس هي التعليم ..لانها مش قي بيرو مغلوق مع المدير و زديها في قطاع محترم و حكومي .. الخدمة تاع الوزين للمرا مشبوهة ونا شخصيا منتزوجش بوحدة خدامة خلاف هاذ المجال وكون تعود معرف شكون ..

هو راه زيادة ومرتو تدير كلش ..كيفاش نقدرو نقولو عليه راجل

مالا راكي تفهمي في علم الاجتماع .. :confused1: مليح الخطرة الجاية نديرلك موضوع على جالك ونريزارفيلك عشر صفحات نشوفو la sociologue تاعنا واش تعرف

المرسي عليك

 

[Moha le sage]

ههههههههههههههههه والله ياخويا محمد غير تعرف واش تجيب من المواضيع ربي يحفظك عندك الحق واش راك تقول النيف والكرامة نقصو بزاف وتلقى بزاف لي يقولك أنا نجيبها خدامة وما نيش عارف واش وكل واحد واش يخرجلك من سبة واحد يقولك الوقت صعاب كي تهني غير من روحها راهي هنتني واحد يقولك هكذا نقدرو نعيشو بيان آليز وكل واحد كيفاش يفكر بصح فالصح كامل مشتركين على نقطة لي هي الشهرية تاعها والزواج من هذا النوع عمرو لا عمر دار ورانا نشوفو فيها وقالمشاكل لي راهي تصرى كل يوم هذي من جهة ومن جهة أخرى السياسة لي راهم يتبعو فيها بني كلبون أشباه المسؤولين لعنة الله عليهم دنيا وأخرة حشا لي ما يستاهلهاش هي تجيب ملف تاعك وتجيب الملف تاعها هي مقبولة وانت تروح تشد لحيط تدخل لأي إدارة تلقاها معمرة غير طفيلات في وسطهم واحد يضحك ويقسر والخدمة ربي يجيب تزيد تتعمق شوية لداخل تلقى الله يحفظ ويستر واش راه صاري وهذي هي السياسة لي راهم يتبعو فيها وحتى الطفلة فالخدمة ماعندها حتى إحترام التحرش الجنسي داير حالة لي عاقلة يخرجوها من عقلها ولا تطير من بلاصتها ولي تحلقف وتشيت هذيك ترجع هي صاحبة الأمر والنهي وكي تحب تفري لافير شوف معاها وما تشوفش مع الديوث تاع المدير تاعها أشباه رجال ياخويا محمد والله غير الرخس لأقصى درجة وتلقى مسابقة يربحو فيها لولاد سبحان الله بقدرة قادر ترجع كامل طفيلات ناجحين راهم يقولو روحو يالرجال أحكمو الديار وجيبولنا بناتكم يخدمو في بلاصتكم وأسمحولي إذا قلت هذا الكلمة وعلى بالي بلي كبيرة بصح هذا هو الواقع والله والله إذا مانفضنا الغبرة على ظهرنا غير يلبسونا الطابليات ويحكمونا الكوزينة ومع أشباه الرجال هذي والرخاس لي راهي شادة لبلايص الشباب تاعنا غير يروح يموت ويكمل يدير الجال في شعرو ويشد الحيط وشوفها حتى فابيروات منين يدخل الراجل يستقبلوه بكلمة واش تستحق ومنين تجيهم واحدة يستقبلوها تفضلي ختي كاش ما ستحقيتي راني هنا وفرق بيناتهم لعنة الله عليهم إلا من تاب واصلح و مارانيش من كلامي ضد عمل المرأة بصح كاين لازم عدالة وكاين بلايص ماشي وين جات خلو شوية إحترام للمرأة في روحها مرا بوليسية مرا جدارمي هذي لي تروح تحكم المجرمين خلونا من تمسخير ولا دمير يعطوه للراجل وهي علاش جابوها لتم مولاها يخمم الغنية تاع المساواة لي راهم يهدرو عليها ماقالها لا ربي لا الرسول عليه أفضل الصلاة والسلام وراهم كامل يشاركو في لفساد وعند ربي باش يقابلو الموت كاينة *وتكون وأنا نطلب من الشباب كامل يقول والله ماراني مسامح هذا المفسدين دنيا وأخرة هكذا ربي يسلط عليهم السخط وهكذا نربحو على ظهرهم الحسنات في الأخرة ربي يخليك خويا محمد وربي يحفظك دايما مواضيعك مميزة ودمت ودامت مواضيعك القيمة ​

جاري تعديل الرد .............

 

[صريحة]

:001_rolleyes::thumbup1::music_whistling:​

 

[mimilove1]

القيامة راهي قريب ......يعني رجال ونسا اخر زمن
​