طلــــــــــــــــــــــــــــب زواج .. شاب27 سنة .. متخلق ..مثقف

[Moha le sage]

والله انا نظن بلي هذه الظاهرة راهي في كل مكان ولو كان نحكوا عليها ما نكملوش
بصح انا نظن بلي الرجال نتاع هذا الوقت يحوسوا يعيشوا بلا ما يتعبوا مانيش عارف كيفاه
هذيك هي يختار مرأة خدامة تخدم عليه وهو يرقد في الدار

صح الظاهرة هاذي انتشرت بزاف و طغات في مجتمعنا و زادت ولات une mode تاع الراجل لازم يديها خدامة و يديلها دراهمها ..

مرسي ختي سميرة على زيارتك لموضوعي

 

[Moha le sage]

salame alaycome
شاب 27 سنة .متخلق..مثقف ... مقبول الشكل و المظهر ..ماكث بالبيت
زيد
رب بيت ممتاز

.. يبحث عن نص دينه

هما حبو مساوات = = = = = =

ههههههههههههه

نتا رحت لنقطة المساواة اللي هي تعتبر جزء من القضية هاذي .. المساواة اللي خص غير يلبسولنا روب وطابليات . المساواة اللي دخلت المرا للابوليس و الجدارمية .. المساوات اللي خلات الشباب متكي على الحيوط والنسا يخدمو .. المساوات اللي طحنت بزاف رجال في هاذ الوقت .. المساواة اللي دارها سيدي الرائس و اللي معرف وين راها ماديتنا .. ربي يلطف خويا زاقان

 

[Moha le sage]

هذي يديرها غير واحد ما يحشمش ديوث هو راقد ومرتو تخدم برا وفي الدار مع احترامي لكل شباب لمتنا...

والله احسن صفة تتقال عليه هو ديوث وميغيرش على مرتو وزيديها البروفيطاج في صواردها


كاينين رجال غير بالاسم .. وبلاك النسا خير منهم

مشكورة ختي على ردك

 

[Moha le sage]

بالنسبة لمحمد
هذيك يديرها غير راجل فنيان ميحشمش و...و...وو...و..و..و.و
لهدرنا منفضوش

كيما قلتي لا هدرنا يخلاصو الصفحات وصفاتو ما يخلاصوش

مشكورة على المرور تاعك

 

[Moha le sage]

3la 2 ana nkoun nbi3 fi batata
hhhhhhhhhhhhhhhhh
tesboh 3la khir mouh demain nchalah nahkiw​

3la 2 ana nbi3 el khorchef besah wa9il en est pas ds le mame souk

hhhhhhhhhhhhhhh

rdv un aut jour imane
​

 

[Moha le sage]

اخخخخخخ موضوعك مليح يفطن الرجال لى راهم قاعدين فى البيت يسناو في الزورجة لالا يسناو فيla paie ومايهمش مين جات
مع العقلية كيما جات جات اخخخخخخخ
انا وحدة من الناس نهار اخر نخدم باه نكسي روحي وهو لازم يخدم باه البرمة تتغالى اخخخخخخخخخ وزيد نقلك خويا محمد مشي عيب الزرجة تخدم لازم يتعاونو بيسك رانا في وقت صعيب وكلش با الدراهم
عندك تاكل معندكش تكالي الحيط
وحط حاجة فى بالك اليد وحدة ما تصرفقش ولكان على البرمة السخونة معليه اليوم فى الدار وغدو
البرى وهى ماشية هكدا انا رانى نشوف ياك الموضوع تع نيقاش اخخخخخخ انا راني عطيت رايي فى الموضوع وصحا اخخخخخخخخخخ

كلامك هايل كون نحيتيلو برك غير ( اخخخخخخخخ ) هاذي تاعك

ومليحة تاع نتي تخدمي على اللبسة وهو يخدم على البرمة

المهم يعطيك الصحة و مرسي عليك على رايك الصريح

 

[Moha le sage]

نسيت حاجة خويا محمد هي "حبذا لو يكون لديها سكنها الخاص و قمة في الجمال"............ هذي نتاع السكن الخاص قالتلهم ارقدو ونغطيكم واعرة بزاف
انا نظن بلي الدنيا دارت

ايه كيما قلتي ..لديها سكن وحد الوقت دارت حالة .ذرك راها بدات تنقص هاذا الظاهرة .. و بالموازاة بدات تكبر ظاهرة الزوجة لي لازم تخدم ........

الدنيا دارت .. وكيما يقولو : الواد كي يحمل من ذيلو ..........

يعطيك الصحة و مشكورة عى رايك القيم

 

[Moha le sage]

الراجل راجل مهما يكون ولي قاعد في الدار ومرتو تخدم عليه وشمن راجل فيه انا نعرف الراجل يدير المستحيل باه يجيب الخبزة نتاعو بعرق جبينو هو ميدزش مرتو في لقوايل تخدم وهو راقد مهما يكون حتى ويعودو خدامين في زوج حاجة مليحة

كيما قلتي دز في مرتو في القوايل ويدزها تخدم مع الرجالة وهو يتفنين في الدار و مكفي روحو وطامع في دراهمها ... يخي رجالة يخي ....

مشكورة على كلامك اللي في محلو

 

[Moha le sage]

كون ماتكونش تخدم مانديهاش
وكون ماتكونش قارية مانديهاش
وكون ماتكونش تفهمني وتعاوني مانديهاش
و
راكم فهمتوني
علابالي علابالي

​

يعطيك الصحة عبدو ........ هي تخدم ونت تخدم وتديري اليد في اليد و تعيشو عمر جديد

كل واحد وواش مداير في راسو .. انا تاعالخدمة ولا القعاد راني مخليها هي لخرة من ورا المرا

تلقى مثلا مرى مش جامعية ومش خدامة بصح تحفة في عقليتها وتهزك على راسها و ديرلك الجنة في طبسي .. .. و تقدر تلقى وحدة قارية وخدامة وتلقاها اللسان الطويل ومالفة الخرجات

ربي يعطينا كل واحد على قد نيتو .. الفايدة راك معروض في عرس خوك من ذرك .. ندعو ربي يطيحنا في بنت الفاميلا لي تنحي علينا التعب تاع السنين

مرسي عليك عبدو

 

[Moha le sage]

انا نحير كيفاه يرضاها لروحو هو قاعد في الدار يعس في الاولاد و مرتو تخدم عليه وين راحت الرجولة نورمالمون يروح يدمر في الشانتي و ما يخليهاش هي اللي تصرف عليه ياخي الرجال قوامون على النساء
كي نشوف راجل خدام يحوس يدي وحدة تخدم نقولوا نورمال باه يعاونوا بعضاهم على المصاريف لان المعيشة ولات غالية بصح هو يربع في الدار و هي تخدم عليه هادي ما تدخلش في العقل و تلقا بعض النساء يقبولون بهذه الوضعية لانهم يحوسوا على راجل و خلاص كيما يقولوا ظل راجل و لا ظل حيطة
شكرا على الموضوع اخي محمد ربي يحفظك ان شاء الله
​

هي مش عيب كي يتعاونو ولكن الطمع هو لي عيب ةزيديها التفنيين وزيديها الطحين تاع يخدم مرتو في بلاصة مش صافية ولا مشبوهة ........ والنسا وش راح يديرو خريتن مساكن تلقايها هات تتزوج وخلاص .. لخرين يرمو روحهم .. واخرين بزاف متبانلهمش العقلية تاع راجلهم غير من ورا الزواج ..كي تتطفر

ربي يسترك ويحفظك و مشكورة على هدرتك اللي ديما صواب

 

[NAOMA]

انا كون يخطبني واحد و يقلي لازمك تخدمي ندفل في وجهو ..............ربي يبارك هذا لي يخصني نشدلو الدار و ديما نخدم كالحمارة " حاشاكم " و يزيد يقلي اخدمي ...........لالا ما نيش مهبولة ............بصح اذا كان هو خدمتو ما تجيبش بزاف نساعدو و نخدم نورمال ......................تقبل مروري و شكرا على الموضوع

 

[Moha le sage]

القيامة راهي قريب ......يعني رجال ونسا اخر زمن
​

صح كلش راه يتبدل .. وأشراط الساعة الصغرى رانا نشوفو فيها ................

 

[Moha le sage]

شكرا اخي على الموضوع
اي نعم الظاهرة راهي كاينة بزاف بصح الاصل تاعها هيى انو الراجل من بكري متعود التفنيين حتى كي سير بيه الحال الى الزواج يتحمل الرضا و يخلي مرتو تخدم و تجيبله الخلصة تاعها و ما يهمهش الهدرة تاع الناس ــــــــــــــــــــــــــــــــــــ بصح نقولك خويا هذه الغلطة تاع اهل الزوجة.......
شكرااا

الراجل الفنيان تقدر مرتو تعدلو اذا كانت قافزة ... بصح وش دخل اهل الزوجة في النص ؟

من لي تزوجت ولات المرا في رقبة راجلها و خطات دارهم .. يعني راجلها هو المسؤول الوحيد يخدمها ولا تريح ...

مشكور على الرد تاعك خويا

 

[Moha le sage]

راك تشوف خويا محمد الطحين لي رانا فيه
والله غير عيب
عادوالنساء هو لي يخدمو على رجالهم

زيد ضرك مرا كون تروح تشري ليزيقوي ولا لي كروشي يسألأها صاحب المحل pour homme wala pour femme


وضرك مع القرار الجديد تع على تونسي المدير العام للامن الوطني
الي راح ايدخل غير النساء لبوليس
راح تخرج لامود تع الزواج من البوليسيات

ربي ليطف برك
شكرا موح على الموضوع​

والله ربي يلطف صح .. وعندك الحق ذرك ليزيقوي تاع نسا ... وليزيقوي تاع رجال

كلش تبدل ودنيتنا دارت ودورت علينا المفاهيم ...... وطحنو الرجال .. واسترجلو النسا

ودخلو للامن والدرك والحماية المدنية و الرجال حاكمين الحيوط والديار ........

تعيش حبيبي سفيان .. رانا صابرين لربي مع هاذ الوقت

 

[Moha le sage]

الإدارة راهم قع شادينها النسا وتقريبا كلش شي

درك كي نتخرج انا واش نروح نخدم نلقاها تقري في المدرسة


وشادة الادرة وكلش كلش خاصهم كي البناء ما شدوهم واسمحولنا على التدخل ضد النسا


ومش معنتها راهم الرجال غي حابين يخدمو ومتفانين في العمل
​

والله عندك الحق ..كيما قال خويا عبيدو تلقى بزاف بنات في نصهم راجل ودايرينها للعب والتمسخير ......... والذراري برا بالديبلومات تاعها وقاعدة متكية ولا تدور بلا امل تاع خدمة

هاذي راها سياسة المساواة اللي خلاتنا روطار ... ومزالنا نشوفو مع امراة رئيسة

مشكور خويا هشام على صراحتك

 

[Moha le sage]

نقولك حاجة خويا و بكل بساطة لانه الرجالة خلصو هذي الكلمة راهي راحت خلاص

لالا مش الرجالة لي خلاصو .. . ولكن السياسة تاع الدولة هي لي خلات اشباه الرجال يديرو رايهم

واللي ولاو بزاف في هاذ الوقت .....

 

[Moha le sage]

هو استغلال للمرأة من طرف اشباه الرجال الديايتة الي يحوسوا على الشهرية بأي شروط حتى لو ......؟
مستغلين غلاء المعيشة والعنوسة المنتشرة من جراء العشرية الحمراء والظروف القاهرة
التي مرت بها البلاد .
لعنة الله على اشباه الرجال والديوت الموت قليل فيه


شكرا جزيلا اخي طارق على الموضوع الجد هاذف

تقبل تحياتي

كيما قلت الاخ جمال .. اشباه الرجال اللي يخلو نساهم يخدمو على جال الشهرية باي شروط ......

واش تدير .. اذا كان هو ديوث ماتستناش يغير على مرتو ....

ربي يستر برك مع الوقت هذا

 

[Moha le sage]

ياخويا وائل قلنا نحي علينا الصورة واكتبلنا ولو زوج كلمات .. ومشكور على كل حال

 

[Moha le sage]

كترت الظاهرة هادي بزاف واللي يدير كيمكا مشو راجل
الرجولة في الشرق وهو في الغرب كبفاه يقبل مرتو تصرف عليه
المهم يقلك اريدها عاملة وتملك مسكن واعدها بالوفاء تقديس الحياة الزوجية اي من عندي انا نقولوا احكموا ليك الوفاء نتاعك:thumbdown:
مشكور على الوضوع

ههههههههههه

والله غير عندك الحق وشمن وفاء مع راجل تصرفي عليه ؟؟ هو حاكم التلكوموند تاع الديمو طالع هابط مع ليشان .. ومرتو حاكمة الطريق في القوايل و تخدم

منحكوش على الانسان البسيط اللي متفاهم هو ومرتو باه يتعاونو في هاذ الحياة

مشكورة على تواجدك معي

 

[x123]

عيب و عار
تخدم عليه و هو راقد

هي ادا كان لاباس عليه
من الافضل زوجته تحكم البيت
و ادا كان الله غالب يتعاونو ماكانش مشكل

و شكرا اخي
دمت متميزا
​