الكرسي راه محجوز....ضرك يجي مولاه ..ظاهرة منتشرة في المجتمع الجامعي بكثرة

[*amina*]

و الله غير عندك الحق .. .. ​

نعطيك حل ؟؟ إذا كان ولد عطيه بغمزةيطيح مور هههههههههههههههه​

مرسي على الموضوع و تقبلي مروري ​

لالا خويا مكان ني غمزة ني همزة راهي ليه البلاصة و يبخر بيها و يشرب ماها والا كان عيني في القباحة نجيب حقي بسيف عليه برضاه ولا من غير رضاها رانا كيف كيف مخلصين 13.5 للدولة و لا لا؟​

 

[*amina*]

يا ماشي غير في الحافلات حتى ترياح في الطريطوار بين جماعة و لا بدوموند مي ساهلة لواحد يطلس وجهو بزبلة حاشاكم .. كي يقولك ما تريحش ريح وقولو أرواح نوضني واش راح يدير ؟ و الله الصامبط يغلب القبيح يا خي عباد bad .​

شكرا لك اخي غزال الصحراء والله غير هذي الظاهرة خلاتنا متخلفين بزاف علابيها تفرجت وحد الروبورتاج على دزاير غير التطباع​

 

[abidou 20081]

شكرا لك اخي عبيدو على مرورك الكريم و ابداعك في الرد
فعلا غزت هذه الظاهرة المشينة كل اماكن المجتع حتى المقابر ولات ريزرفي سبحان الله ياك يقولو ارض ربي قاع ترحم
ولينا نتفاتنو على اتفه حاجة ربي يستر وخلاص

نعم أختي العزيزة ونعم الرد وحقا كما قلتي إنها أرض الله لكن إستولى عليه العباد وهذا الفرق لي خلى الأمة تعاني ربي نهار لي خلق الأرض وحظ فيها الناس مادارلهمش الحدود بيناتهم وداروها ونهار لي خلق الماء مادالهمش كونتورات والعبد دارها ونهار خلق الخيرات ماكتبها على أسم حتى واحد لكن كاين بعض الناس داوها وألأمثلة كثيرة لكن مازال كاين الرجوع لعندو ولتم كي يتحط هذا السؤال يشوفو الأجوبة واش تكون
ربي يحفظك وربي يخليك وربي يعطيك ماتتمني دمتي​

 

[aMiNa-K]

صح كاينة.. الضاهرة هدي منتشرة بزاف فلي كوس.. الواحد يطلع لاباس عليه في الكوس نجي نقعد يقولي البلاصة محكومة.. واحد الوقت كنت نقول معليش نقادر شوية الغاشي.. بصح ماخرجتش عليا الطريق مغلوقة نضرب كثرمن ساعة و انا واقفة في الكوس..نلحق ميتة للدرا.. حتى حلفت نطلع نصيب بلاصة فارغة نرفد الصاك و نقعد.. و اللي جابتها او جابتو يماه يهدر معايا.. ولاو يجو يدو صيكانهم و يروحو و اللي تحب تداوس وليت نرميها في الثقيل نشعل المبي4 و نخليها تغلي مع روحها.. و لي جان نورمال يجي يدي الكاطاب تاعو و يروح

​

 

[said prince of p]

راهي كاينا منها اختي عندك الحق بصح كيفاه ادير تهدر معاهم تحصل اخخخخخخخخخ

 

[من الماضي]

عندك الحق الظاهرة راهي ولات توصل حتى وين يضاربوا على جال بلاصة و كاين ناس ربي يهديهم يحكموا لبلاصة لصاحبهم و كي تجي تريح يقولك تاع صاحبي تقعد تستنى في صاحبو يجي و السيد ما علابالوش قاع بيك حتى نوصلوا و البلاصة فارغة و عادي في بلادي

 

[*amina*]

نعم أختي العزيزة ونعم الرد وحقا كما قلتي إنها أرض الله لكن إستولى عليه العباد وهذا الفرق لي خلى الأمة تعاني ربي نهار لي خلق الأرض وحظ فيها الناس مادارلهمش الحدود بيناتهم وداروها ونهار لي خلق الماء مادالهمش كونتورات والعبد دارها ونهار خلق الخيرات ماكتبها على أسم حتى واحد لكن كاين بعض الناس داوها وألأمثلة كثيرة لكن مازال كاين الرجوع لعندو ولتم كي يتحط هذا السؤال يشوفو الأجوبة واش تكون ​

ربي يحفظك وربي يخليك وربي يعطيك ماتتمني دمتي

​

هذي هي الدنيا خويا عبدو الطمع ملوش حدود وصل بينا الحد حتى وين يتفاتنو على جال بلاصة في المقبرة فكرتني بوحد العبد نهار قال ياك الروح تطلع عند ربي امالا كي راهي الناس متفاتنة على جال المقابر انا قيوني للكلاب حساكم ياكلوني جاوبتو ب....أكرام الميت دفنه يا سي فلان
شكرا لك عبدو مهما كتبت لن اكفي و اوفي مدى سروري عند رؤية مشاركتك في موضوعي​

صح كاينة.. الضاهرة هدي منتشرة بزاف فلي كوس.. الواحد يطلع لاباس عليه في الكوس نجي نقعد يقولي البلاصة محكومة.. واحد الوقت كنت نقول معليش نقادر شوية الغاشي.. بصح ماخرجتش عليا الطريق مغلوقة نضرب كثرمن ساعة و انا واقفة في الكوس..نلحق ميتة للدرا.. حتى حلفت نطلع نصيب بلاصة فارغة نرفد الصاك و نقعد.. و اللي جابتها او جابتو يماه يهدر معايا.. ولاو يجو يدو صيكانهم و يروحو و اللي تحب تداوس وليت نرميها في الثقيل نشعل المبي4 و نخليها تغلي مع روحها.. و لي جان نورمال يجي يدي الكاطاب تاعو و يروح


​

والله عندك الحق امينة ساعات نحشمو ونهار نتنارفو كون تلقاي الكوس تقلبيه على راسو ولي تغيضنيهي انو خطرات ميكونش نخلص دراهم النقل و تلقايه يتفرعن عليك و يقلك حقي وحقي واش من حق يرحم بوك خلاص اركبت انت خلي بلاصة للاولوية لكن لا حياة لمن تنادي معامن تهدري.
ميري عليك امينة نورتي الموضوع

راهي كاينا منها اختي عندك الحق بصح كيفاه ادير تهدر معاهم تحصل اخخخخخخخخخ

ايه تحصل خاطرش كي ينوض يبلعط فيك تحسب روحك انت الغالط وخطرات كي تجي تعاند جاهل يجهلك مالا غير تسكت خير تربح روحك و تربح الناس ميرسي سعيد بارك الله فيك على المرور

عندك الحق الظاهرة راهي ولات توصل حتى وين يضاربوا على جال بلاصة و كاين ناس ربي يهديهم يحكموا لبلاصة لصاحبهم و كي تجي تريح يقولك تاع صاحبي تقعد تستنى في صاحبو يجي و السيد ما علابالوش قاع بيك حتى نوصلوا و البلاصة فارغة و عادي في بلادي

هههههه ايه كلشي ولا عادي يا من الماضي والله ماياكلو قلبو و يقلك السيد راه عيان و عيب عليا هدي مهيش رجلة و مهيش سجاوة عيب كي يكون انسان واقف وانت حاكم زوج بلاصات و تستنى في صاحبك اهيا واش نديرو هدي هيا البلاد كي صرالها نندب عليها صباح و حشية دجا غير وحد اليوم لقيت في لقطة الخبر بنت تركب من الكارو تاع الكوس انخلعت
الله يهدينا
شكرا ليك اخي رمضان كريم
​

 

[best-arch]

تلـــقاي الكراسي كل محكومين هذا اذا قدرت تطلعي قبل ما يــكــرازيـــــوك عند الباب.......لكن الله غالب الحافلات ما عادتش تكفي الطلبة و المسؤولين ماحابينش يقدرو....

​

لكن ماعندنا ما نديرو.......راكي فتحتي جرح عميق في حياة الطالب الجزائري

مشكووووووورة على الطرح أختاه و تقبلي مروري
​

 

[abidou 20081]

هذي هي الدنيا خويا عبدو الطمع ملوش حدود وصل بينا الحد حتى وين يتفاتنو على جال بلاصة في المقبرة فكرتني بوحد العبد نهار قال ياك الروح تطلع عند ربي امالا كي راهي الناس متفاتنة على جال المقابر انا قيوني للكلاب حساكم ياكلوني جاوبتو ب....أكرام الميت دفنه يا سي فلان
شكرا لك عبدو مهما كتبت لن اكفي و اوفي مدى سروري عند رؤية مشاركتك في موضوعي

وكيما قلتي هذه العباد ماشي الدنيا والدنيا مازالها كيما خلقها ربي بر و بحر لكن المشكلة فالعباد تاعها والعقليات لي رانا نشوفو فيها متفاتنين على كلش ومنين وصلنا لحد لبلايص رانا ماشيين ونتوخرو بلاصتي بلاصتك وكامل هذ الطبايع خلقت من المسؤولين تاع لبلاد وقلة الشيء لو كان جا متوفر الشيء مانوصلوش نشوفو هذ لحوايج كامل وخلي من التصرفات اللا أخلاقية لي نسمعوها ونشوفوها بعينينا .......وغير في وقت فات كانت هذ ألأمور ماكانش نعقل منين كان الواحد يطلع في حافلة ولا أي وسيلة ويلقى مثلا طفلة ولا عجوز ولا شيخ كبير يحشم يكون مريح ينوض ويوقف ويخليلهم بلاصتو مالقري طلع من اللول وكان مريح آليز بصح من الشي لي راه يصير تبدل كلش ولا الواحد مايدير لقدر لواحد عندهم كامل كيف كيف كي لكبير كي صغير وربي يلطف بنا برك
ربي ينورك وربي يحفظك وربي يعطيك ماتتمني وشرف لي المشاركة في مواضيعك القيمة دمتي فخرا للمة
​

 

[brahimalg]

لالا خويا مكان ني غمزة ني همزة راهي ليه البلاصة و يبخر بيها و يشرب ماها والا كان عيني في القباحة نجيب حقي بسيف عليه برضاه ولا من غير رضاها رانا كيف كيف مخلصين 13.5 للدولة و لا لا؟​

هههههههههههههههه ... اوكي على راحتك .. المهم هذا راهو حل للجال نتاع درك ... و كي تحصلي روحيلو ههههههههههههه ..

و مرسي على الموضوع مرة اخرى

 

[سماح4]

هذي ظاهرة انا عانيت منها في الجامعة تكون في المدن الكبيرة بصح هاك ومعناها راح الحيا وراحت الحشمة تلقاي ممكن مرا كبيرة ولا شايب ومكانش لي ينودلو من لبلاسة وكاين ظواهر بزاف تخلينا لازم نعاودو حساباتنا كمسلمين..........

 

[حورية الجزائر]

شحال نكرها هاد الضربة بصح انا يلا كانت بنت نديه غصب عليها واذا محبتش نرجعو الحفلة مدابزة

هههههههههه
نضحك معاكم برك


نروح ندبر ولا نستنى كاش وحدة تنوض ونزرب ندييييه ههههههه

 

[طارق القبطان]

يعطيك الصحة فعلا هذه الظاهرة منتشرة
بصح ماشي غير في الحامعات وباصاتها
في كل بلاصة حتى في المقاهي
سورتو كيك يكون كاين ماتش
وين تروح المكان محجوز​

 

[*amina*]

تلـــقاي الكراسي كل محكومين هذا اذا قدرت تطلعي قبل ما يــكــرازيـــــوك عند الباب.......لكن الله غالب الحافلات ما عادتش تكفي الطلبة و المسؤولين ماحابينش يقدرو....​

​

لكن ماعندنا ما نديرو.......راكي فتحتي جرح عميق في حياة الطالب الجزائري​

مشكووووووورة على الطرح أختاه و تقبلي مروري
​

الله يعينا و يصبرنا ميرسي اخي على المرور و شكرا لك على الصورة رمضان كريم​

وكيما قلتي هذه العباد ماشي الدنيا والدنيا مازالها كيما خلقها ربي بر و بحر لكن المشكلة فالعباد تاعها والعقليات لي رانا نشوفو فيها متفاتنين على كلش ومنين وصلنا لحد لبلايص رانا ماشيين ونتوخرو بلاصتي بلاصتك وكامل هذ الطبايع خلقت من المسؤولين تاع لبلاد وقلة الشيء لو كان جا متوفر الشيء مانوصلوش نشوفو هذ لحوايج كامل وخلي من التصرفات اللا أخلاقية لي نسمعوها ونشوفوها بعينينا .......وغير في وقت فات كانت هذ ألأمور ماكانش نعقل منين كان الواحد يطلع في حافلة ولا أي وسيلة ويلقى مثلا طفلة ولا عجوز ولا شيخ كبير يحشم يكون مريح ينوض ويوقف ويخليلهم بلاصتو مالقري طلع من اللول وكان مريح آليز بصح من الشي لي راه يصير تبدل كلش ولا الواحد مايدير لقدر لواحد عندهم كامل كيف كيف كي لكبير كي صغير وربي يلطف بنا برك

ربي ينورك وربي يحفظك وربي يعطيك ماتتمني وشرف لي المشاركة في مواضيعك القيمة دمتي فخرا للمة ​

والله يا خويا عبدو مزال عباد كيما لي قلت عليهم و لي في قلبهم بذرة خير نتمناو يكونو الناس او يرجعو كيما هوما هي في الحقيقة كل اناء فيه جانب خيري لكن الطبايع خلاوهم ينساو هذاك الجانب
بارك الله فيك اخي الكريم​

هههههههههههههههه ... اوكي على راحتك .. المهم هذا راهو حل للجال نتاع درك ... و كي تحصلي روحيلو ههههههههههههه ..

و مرسي على الموضوع مرة اخرى

لالا كون متأكد خويا لانو كاين حلول امثل من هذا بعفتي راح نجيب حقي
و بارك الله فيك اونبليس بلاصة مدات مجابت خليه يريح نورمال​

هذي ظاهرة انا عانيت منها في الجامعة تكون في المدن الكبيرة بصح هاك ومعناها راح الحيا وراحت الحشمة تلقاي ممكن مرا كبيرة ولا شايب ومكانش لي ينودلو من لبلاسة وكاين ظواهر بزاف تخلينا لازم نعاودو حساباتنا كمسلمين..........

ربي يستر من هذا النورع والله غير عندك الحق خطرات انا نحشم كي نلقا مرا عجوز واحد ميحبش ينوضلها شكرا لك على المرور​

شحال نكرها هاد الضربة بصح انا يلا كانت بنت نديه غصب عليها واذا محبتش نرجعو الحفلة مدابزة

هههههههههه
نضحك معاكم برك


نروح ندبر ولا نستنى كاش وحدة تنوض ونزرب ندييييه ههههههه

اواه ختي حورية سواء بنت و لا ولد الا كان عيني في البلاصة وكنت عيانة والله منفرز حتى واحد ديركت نقعد ونخليه يهدر على روحو يعيا و يسكت
شكرا ليك حورية​

يعطيك الصحة فعلا هذه الظاهرة منتشرة

بصح ماشي غير في الحامعات وباصاتها
في كل بلاصة حتى في المقاهي
سورتو كيك يكون كاين ماتش

وين تروح المكان محجوز​

صعطيك الصحة اخي طارق ايه هذي الظاهرة راهي منتاشرة في كامل البلايص الله يعافينا و يستر برك راه جاي وحد الوقت لا اله الا الله محمد رسول الله منو​

 

[Adel Adel1]

هادي مشهورة فالكراسي تاع الطرام و تاع القهوة و تاع المدرسة
أي بلاصة يجلسو عليها فيها المشكل هادا
مشكور على الموضوع

 

[*amina*]

شكرا لك عادل صح هذي المشكلة راه بار تو في كل بلاصة
الله يعافينا

 

[sleepingbeauty]

هادي ولات نورمال اللي يحكم بلاصة لصاحبو انا نحير فلي يحكم 5 و لا 6 بلايص للجماعة تاعو لاكان يحكم الحافلة كامل ماشي خير عيش تشوف في هاد البلاد
شكرا لك اختي
​

 

[*amina*]

شكرا لك اختي الجميلة النائمة والله صح يطلع يحكم خمسة ولا ستة كي تقلو علاش ينوض يبلعط معاك تحير واش تجاوبو​

 

[بنت لبلاد]

انا نقولك حاجة فالبوس تع الجاميعة يدزوك يقتلوك ما تج تدخل بسيف و واحد من الور قاعد يتفرج و يضحك و من بعد كي توصل للكرسي تلقاه فارغ مي فوقو بابي موشوار(مناديل ورقية) و تلقى صوت يقولك الكرسي راهو محكوم يا ختي واش هادا تزيد توصل لونفي ميت بالتعب تحب تقعد فالاول باش تسمع الشيخ تلقى الساك محطوط فوق الكرسي و تقولك راهو محكوم.....
قولولي كاينة ضروف خير من هادي تخليك تقرا
و الله نقولك الصح انا وليت زيهم باش نعيش في وسطهم

 

[*amina*]

انا نقولك حاجة فالبوس تع الجاميعة يدزوك يقتلوك ما تج تدخل بسيف و واحد من الور قاعد يتفرج و يضحك و من بعد كي توصل للكرسي تلقاه فارغ مي فوقو بابي موشوار(مناديل ورقية) و تلقى صوت يقولك الكرسي راهو محكوم يا ختي واش هادا تزيد توصل لونفي ميت بالتعب تحب تقعد فالاول باش تسمع الشيخ تلقى الساك محطوط فوق الكرسي و تقولك راهو محكوم.....
قولولي كاينة ضروف خير من هادي تخليك تقرا
و الله نقولك الصح انا وليت زيهم باش نعيش في وسطهم

والله يا بنت لبلاد نتاع لونفي خليها على جيهة تلقاي واحد حاكم البلاصة الاولى ونهار الافيشاج ميجيبش عامو
اللله غالب يدابزو على كلش لي حب يكون الاول يكون الاول في العقل ماشي في البلاصة​