لكل ربة بيت تدخل و تقول واش حطيب اليوم في رمضان ههههه

الحالة
مغلق ولا يسمح بالمزيد من الردود.

da3boulla

:: عضو مُتميز ::
إنضم
19 جانفي 2009
المشاركات
634
نقاط التفاعل
0
النقاط
16
العمر
30
السلام عليكم
كيفكم يا حراير اللمة
كيفكم مع رمضان
نشالله ça va
انا والله ديجا جعت ههههههههههههه

ايا كل وحدة فيكم تقولنا واش حطيب اليوم

لا تحروموني من الردودي

 
و الله مازال ما بديتش بصح قررت ندير شربة اكيد مع طاجين الزيتون و معهم المعقودة و بلا ما ننسى لحم حلو و هذا مكان مشكورة اخت و صح فطورك و انت ماقلتيناش واش رايح تطيبي
 
سلام عليكم وصحا رمضانكم خاوتي رح نطيب حريرة طبعا سيدة المائدة وبوراكة طاجين جلبان ولحم الحلو كراتان وسلايط هههه تفطرو بالصحة
 
انا مازال ما طيبتش بصح رايحة ندير ان شاء الله الشباح الصفرا و الشربة اكييييييييييد و البوراك و السلاطة طبعا.
 
السلام عليكم اختي صح رمضانكم وكل عام وانتوما بخير بالنسبة ليا انا نطيب اليوم حريرة وطاجين شطيطحة تاع اللحم بالحمص وبطاطا مقلية مع سلاطة تاع فلفلة وخس بلا ما ننسى البوراك وشهية طيبة
صح فطوركم
 
سلام صح رمضانكم و كل عام و انتم بخير لفطور ليوم شربة فريك و بوراك طاجين لحلو كبدة مشرملة و سلاطة و صح فطوركم
 
سلام انا اليوم نطيب شوربة و طاجين زيتون و كبدة مشرملة و السلاطة و قلب اللوز
 
السلام عليكم و رحمة الله و بركاته
انا اليوم طيبت شربة الفريك و مرقة حلوة و سلاطة و بوراك و فلان و كسرة و تقبل الله صيامنا ان شاء الله
 
السلام عليكم و صح رمضانكم
انا اليوم نطيب شرية فريك بيان سور و نزيد طاجين الزيتون بالدجاج و مع البوراك مع ليسالاد
ههههههههههههه بصح ماشي وحدي نعاون ماما
صح فطوركم
 
سلام صح رمضانكم انا اليوم طيبت شوربة الفريك واللحم حلو وخبيزات ساردين وبوراك والفلو وخبز الدار والسلطةوكل عام وانتم بخير
 
السلام عليكم و صح فطوركم انا اليوم بما انه اول صيام لبنتي الوحيدة ديانا طيبت شربة فريك و بوراك و شوسون بالسلق و الجبن و الحم المرحي بالبات فيتي و زدت على خطرة واحدة لكيش بنفس الحشوة و زدتلها البيض و الكريم فراش و درتا في لمول اتاع تعتولات و درت كذلك طاجين لحلو و درت لمثوم بالدجاج و الكفتة و شنبنيو و درت سلاطة فريي و درت فلان و كل عام وانتم بالف خير.
 
اليوم طيبنا الشربة مفروغ منها و لسان الطير بالدجاج في الكوشة و السلطة و خبز الدار و المشروبات و قلب اللوز و الشاي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top