ههههههههههه

الحالة
مغلق ولا يسمح بالمزيد من الردود.

هجورة البرايجية

:: عضو مُشارك ::
إنضم
18 أوت 2009
المشاركات
121
النقاط
7
العمر
28
. واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال : عندك قهوة باردة؟ قالو: نعم, قال: سخّنها وجيبهالي



. واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما ندري, وزادو فاتو على مرأب للسيارات قال الطفل: وشي هذا يا بابا رد الأب: والله ما ندري وزادو فاتو على مسبح قال الإبن : وشي هذا يا بابا قال الأب: والله ما ندري. نطقت الأم وقالت: اسكت يا بني راك قلقت باباك. قال الأب : لا اتركي ابنك يسقسي باه يتعلم




. مرة واحد كسول ألف في الساعة شاف قدامو قشرة وهو يمشي. قال: ربي يعيني على هاذ الزلقة



. وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة



. هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا , وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟؟



. هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه... قلتلها نوضيني نوضت خويا




. وجد احد الهاربين مطعما في وسط الجبال وعند دخوله جاءه النادل بقائمة الماكولات قائلا يوجد كتف ضابط ب 250 دينار , وفخذ جندي ب 200 دينار فقال له الزبون عندي 100 دينار فضحك النادل قائلا هذي تجيبلك نصف ترمة شامبيط ( حارس بلدي)

. واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة طيران



. جل قروي لم يظهر لمدة اسبوع فلما تدخلت مصالح الأمن وجدوه ميتا في بيته لكن لم يعرفوا سبب موته وبعد دلك وجدوا بوسط كسيت عند راسه فلما شغلوا البوسط كشيت وجدوا اغنية كاظم الساهر لا تتنهد فبها عرفوا ان هدا الرجل اتبع كلم كاظم الساهر حيث قطع التنهد او التنفس



. ذهب مرة واحد إلى مدينة وهران فوجد الناس كلهم بالهاتف المحمول فرجع إلى معسكرة خائفا وقال لهم "أن مدينة وهران محاطة ومطوقة بالشرطة


. كاين قرد يجري ورا نمالة وعلاش علا خاطر اسمها بنانة



. مشحاح كتب على باب داره: "ما تخبطوش الباب راني نحله كل خمس دقايق"



.واحد كريم جابت عياله توام، قسم على الطبيب يهز واحد منهم



.مستك راح للمدينة و كانت هذيكا أول مرة يشوف الجسور. قال: "ربنا يخلي الحكومة رفعت الطرق على الذراري"



. مشحاح طاحت دراهمه من التاقة. كي نزل ما لقاهاش. ليش؟؟؟؟ لأنه وصل قبلها.


. زاطل في ليلة عرسه. بعد ما راحو المعروضين دخل لداره و لقا العروسة ثم. قال : "كنت عارف انه بعد الزردة هاذي بش ينسوا واحد"



. معلم سأل طالب: السروال مفرد و لا مثني يا طفل. رد الطالب: "مفرد من فوق و مثني من تحت"

. وحد مستك راح لحنوت و حب يشري حليب. قال للبياع "أعطيني عصير بقر يا خو"



. قالك واحد تقلق مدولو سيارة زاد تقلق مدولو دار وبعدها قال لو أتقلق مرة أخرى فسوف يعطونني شيء آخر فتقلق فانتزعوا منه كل شيء




. كان فيه وحد العجوزة دخلت للقهوة. قاتلو يا وليدي شحال كاس قهوة. قالها 10د
قاتلو وشحال تحسبو السكر...قاللها ياالحاجة السكر باطل. قاتلو امالا أرى 2 كيلو



. وحد العجوزة دخلوها تقرا في محو الأمية
المعلمة كانت تقري فيهم. ...دخل عمر الى القسم
و خرج عمر من القسم
لعشيا سقساها وليدها: يما واش قريتو اليوم
قاتلو يا وليدي عمر هذاك خلانا نقراو
نهار كامل وهو داخل خارج



. وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر



. واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا



. وحدة سمينة بزاف...راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني مر البالي (المكنسة)


. قالك واحد زاد عندو ولد فيه شعرة واحدة في رأسه سماه محيرقة


. قالك واحد لمعسكري راح للعسكر قالك في الليل قالوا شكون يطفي الضو و بداو يضربوا قالهم لمعسكري انا نطفي الضو وبدا يدير كرسي فوق كرسي حتى وصل لمبولا وبدا ينسف باش تطفى



. مرة أستاد قال للتلميد: اعطيلي 3 حيوانات زاحفة قالو: حنش ، حلزون ، خويا الصغير



. واحد حاب يتوب دار الحجاب


. واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi ( اسمه بو جمعة )




. قالك وحدك النهار واحد كان رافد شكارة تاع فرينة فوق ظهرو وطالع في عقبة مين مانجمش ولا يقول " يا سيدي بومدين- يال سيدي لخضر - يااا....."ومين جا فتهويدة ولا يجري بزاف شتقالهم يا غي بالواحد مشي قاع في ضربة .



. قالك خطرة الرئيس مريكاني والفرنسي والجزائري كانوا في طائرة الرئيس المريكاني قالهم انا نعرف ورانا من خلال ناطحات السحاب - الفرنسي قال انا من خلال برج ايفل - الجزائري كان داير ساعة في يدوا خرجها من التاقة مين ردها ماصابهاج قالهم راني في الجزائر ( خونولو الساعة )



. قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول



. قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي



. مرة معسكري مع يماه. قالتلو نروحو لوهران. قالها بصح ناس وهران مايحبوناش و يتمسخروا بينا. قالتلو معليش النهار الاول يتمسخرو. و النهار الثاني ينساو شوية. و النهار الثالث ينساو قع. قالها امالا نروحو النهار الثالث.



. قالك شاذلي كره من كثرة النكت اللي خرجت عليه. لم قع النكت و دارهم في كتاب و رماه في البحر. زاد شوية خرج حوت ميت بالضحك



. قالك مرة وحد الراجل متزوج زوج نسا وحدة من وهران وحدة معسكرية وهوما ماشيين طريق طاحتلو السيارة اونبان . نزلت الوهرانية وقالتلو شوف بالاك لابوجي بالاك الموتور بلاك...بالاك..بالاك...قالت المعسكرية كيفاه الوهرانية خيرمني زعما تفهم في كلش راحت للراجل وقالتو ..يا راجل شوف بالاك نسيت البرمي علابيها طاحة اومبان
 

نجيب القناص

:: عضو مُتميز ::
إنضم
27 جويلية 2008
المشاركات
507
النقاط
16
العمر
42
ربي يهديك وشكون قادر يقرا كل هذه القصص والواحد راه صايم ونعسان واخمم غير في لفطور المهم مبادرة .شربة حسنة .اسمحيلي خطئ في التعبير
هههههههههههههههههههههههههههههه
 

favie

:: عضو منتسِب ::
إنضم
21 مارس 2009
المشاركات
41
النقاط
2
هههههههههههههههههههههههههههههههه
 

lounaa

:: عضو مُشارك ::
إنضم
29 أوت 2009
المشاركات
342
النقاط
16
العمر
30
هههههههههههههههه
والله غير فور
يعطيك الصحة
 

Dalida1993

:: عضو فعّال ::
إنضم
9 جانفي 2008
المشاركات
2,320
النقاط
77
العمر
32
هههههههههههههههههههههههههههههههههه
هااااااااااااااااااااااااااااااااااايلين
يعطيك الصحة ......................
رمضان كريم
 

الـساحر

:: عضو مُتميز ::
إنضم
9 أفريل 2008
المشاركات
821
النقاط
17
و عليكم السلام أختي في الله ..
...
ان شاء الله تمــام الصحــة و العافية ..

اللهم أعفينا .. شكرا اختي

تحية معطرة بالورد

images
 

best-arch

:: عضو مُتميز ::
إنضم
13 جوان 2008
المشاركات
967
النقاط
36
ههههههههههههههههههههههه





مشكوووووووووووورة أخــــــــتــــــــــي...................بـــــــــوركــــــــــــــــت



 
الحالة
مغلق ولا يسمح بالمزيد من الردود.
Top