انصحونا حنا البنات يالدراري

الحالة
مغلق ولا يسمح بالمزيد من الردود.

samonta

:: عضو مُشارك ::
إنضم
14 جانفي 2009
المشاركات
288
نقاط التفاعل
0
النقاط
6
salut الخاوة نتمنى تكونو بخير هاني حابة نهدركم على ظاهرة ولات منتشرة بزاف في المجتمع ديالنا وهي نقص الثقة بين الناس و surtout عند les jeunes بين الدراري و البنات و la preuve de ça كي تصيب واحد و تقولو علاش ماتزوجتش يقولك ماصبتش لي نوثق فيها
فهموني برك علاش مديين هاد النظرة على البنات ؟ و الحاجة الثانية نتمنى من الخاوة لي في المنتدى ينصحونا حنا البنات واش لازم نديرو باش نكونو عند حسن ظنهم ؟
الخط ليكم
 
وي رانا نسناو في نصائحكم
شكرا حنونا على
الفكرة الرائعة

ارجوا المشاركة
 
يا اختي كيما الدكورة ماش كيفكيف لبنات تاني و المسالة ماش مسالة ثقة الزواج راهو مسؤولية و 90%من الشباب يتهرب منها واما بالنسبة لنقص الثقة انا شخصيا في عمري 21 سنة تعرضت للخيانة 2 مرات من البنات الاولى مع اعز صحابي والتانية مناه بعيدة علي تخدم في خدمتها حتى نهار حكمتها مي يبقاو البنات ماش كيفكيف كامل وقادر تلقا الي تفرحك
ارجو ان اكون قد اسهمت في الرد عن انشغالك و صح فطورك
 
انا شخصيا معدتش عندي ثقة فالبنات دوك في وقتنا باش تلقى طفلة متدينة ودات اخلاق ومعندهاش علاقات قبلية مستحيل دوك تلقلها عمرها 13 سنة تخرج مع جان العام لي وراه تزيد واحد وهكدا عليها احنا فقدنا ثقة.
نهار نجي نحوس على شريكة العمر نطلع للجبال بلاك نلقى وحدة مزالها نقية.
شكرا على الموضوع
 
°~~السلام عليكم~~°
°~~الأمر يا أختي واضح ومايحتاجش تفسير من الشباب~~°
°~~البنت الي تصون نفسها وعرضها ودينها~~°
°~~وتتمسك بأخلاقها~~°
°~~وتربيتها ~~°
°~~وتمشي في هاد الدنيا بنيتها الصافية~~°
°~~ربي يسترها ويكون معاها ويحفظها~~°
°~~ويسخرلها ولد الحلال اللي يصونها~~°
°~~والطيبون للطيبات~~°
°~~شكـــرا
smile35.gif
~~°
 
ايه دركة الثقة راحت لانو كثرت الصوالح هاديك اللي كنا نسمعو بيها برك
 
البنات فسدوا يا أختي ، وش من ثقة رايحين يديروها فيهم الذراري
وبالمقابل تاني الدكورا فسدوا والبنات ما يديروش فيهم ثقة
والمليح يروح في جرة الحاير
وهي رايحة
واللي يديو بعضاهم غير اللي يحبو بعضاهم وصحاب النية الصافية
والنصيحة اللي تحوسي عليها هي ما تديريش علاقات مع الجنس الآخر
لازم شكون عندك هو الاول والأخير
هذا وما نعرف يدير فيك ثقة ولا لالا
والمشكل تاع الشباب تاعنا هو انو يشوفوا وحدة فيها وفيها ........ يحسبوا البنات كل كيفها
يعني صنف واحد وانا نقوللهم "مش الحشيش كل سلاطة"
 
كل واحد تبان فيه من أخلاقو و من وجهو تقدر تثيق فيه و لا والو , بواش نصحوكم تصفيوا قلوبكم و نيتكم خطراش مول النية جامي يضيع و هاكا لي يشوفكم يثيق فيكم سور مرسي على الطرح .
 
الحمد لله مازالت الثقة في الاصدقاء

شكرا على الموضوع
 
شوفي الشباب ماهمش مش واثقين فالبنات.... برك مالقاوش باش يديرو التاويل ويتزوجو وماعندهمش روح المسؤولية هذا ماكان ولو لقاو باش يتزوجو راهم يطيرو بالبنات وعوض يديرو وحدة يديرو زوج فهمتيني؟ما تخميش كامل... الله لا دارو الثيقة فينا ....النهار الي يجي مكتوبك واحد ماينحيهلك.....أختك سماح .
 
انا نقولك الحل لعودة الثقة هو ان تتخلوا عن ما تسمونه الحضارة او لمود
راهي نسات البنات في مبادئهم
 
شكرااا

نعطيك نصيحة أختي

لي تخرج معاي سي نورمال تكون خرجت مع واحد من قبلي

:thumbdown::001_huh:
 
يا ليجان لكان خممتو في العقلية هاديك خرجت مع واحد قبلي ولا درات علاقات بزاف عمركم ما تتزوجو خاطركاين لبنات الي ما يعرفوش صلاحم ودرك يعني تمشي مع وحدة ومبعد ما تديهاش تقول بلي راهي مشاة معايا قادرة تكون مشات قبلي ياك هك غيرلكم ما تخموش في العقلية هادي طفلة الي راكم تحوسو عليها قليل وين تلقاوها وتلقاوها في البونيس
 
شكرااا

عادي

راني لاقي وحدة طرونكيل

عقلية إيطليانو :angel_not:

بصح دوركا رانا غير نفوتو في الوقت مع البنات الكافية نتاع الثانوية :001_huh:
 
شكرااا

والله غر مضيعة للوقت يابنات

جامي سمعت واحد ..... غير مانقولش
 
سلام موضوع فى القمة اختى العزيزة
بنسبة لثقة فى البنات مبقاتش 100%
ديرى فى بالك بلى زواج راه صعيب راك رايح تكمل معها حياتك ومش لبنات كامل كيف كيف
وباه تلقى وحدة بنت فميلة صعيبة بزاف فى وقتنا قوليلى الله يرحم باباك مكاتش دوكا طفلة ممشاتش و مبدلتش الا من رحم ربي
الحاجة الاولى لتقولهالك عندى حبيبي وعندى باسى متقدرش تحسبنى عليه ههههههههههه
وخلى وخلى واش نقول واش نخلى
ربي يسترنا انشاء الله ونطيحو فى بنت حلال يا رب
اخواتى نوسيكم حاجة كونو فوحل مع رواحكم ومتغركمش هذه الدنيا
الشرف يبقى تاااااااااااح فوق رؤوس البنات حفضو عليه قدما تقدرو
سلام خوكم حمزة
 
عندك الحق في هادي
مي البنات تانا مايديروش في الدراري تيقة
خاطر معظمهم خداعين
يجيها بالكلمة الحنينة ومنبعد يقولها
كيما خرجتي معايا تخرجي مع غيري ويخليها
وينسى هدرتو ووعودو وفضت على هك
 
لازمها شويا حشمة
مش خلاص راكي تمشي مع حبيبك انك ترندvي معاه حتى قودام الغاشي ؟
شويا احترام pورطون مش نشوف فيه

هكا تندار الثيقة
 
السلام عليكم ورحمة الله وبركاته ،،
يا اختي واش رانا نشوفوا في المجتمع لي خلق هده الوسوة
الحمد لله كاينين بنات الحلال لي يحتاج ليهم المجتمع ..
واش تديري هي الطفلة تعود ملتزمة وبدينها ومترمة في لباسها وحديثها واخلاقها اكيد راح تلقى الاعجاب
 
شوفي الشباب ماهمش مش واثقين فالبنات.... برك مالقاوش باش يديرو التاويل ويتزوجو وماعندهمش روح المسؤولية هذا ماكان ولو لقاو باش يتزوجو راهم يطيرو بالبنات وعوض يديرو وحدة يديرو زوج فهمتيني؟ما تخميش كامل... الله لا دارو الثيقة فينا ....النهار الي يجي مكتوبك واحد ماينحيهلك.....أختك سماح .
****اختي علاه راكي تهدري هكا؟؟؟
كاين لي عندهم تاويل و متزوجوش
انا كي نجيب مرا منيش نجيبها هكاك
راح تكون أم وراح تحمل اسمي
ميش نجيب واحد مشات مع 20 واحد قبلي و مبعد تكمل معايا حياتها
و الله المرا الصالحة والشريفة نديها حتى لوكان بدهب الدنيا
ونزيد الهدرة نتاع لي قلتيها على يتزوج ويزيد يعاود عليك
ادا كان ربي حللها انتي راح تحرميها ولا كيفاه
فهميني؟؟؟؟؟؟؟؟؟؟
تقبلي رأيي بكل روح رياضية****
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top