الخيانة المزدوجة............؟؟؟؟؟

[Happy Girl]

يا خاوتي و خواتاتي ... واش رايكم في واحدة شابة يعني جينفي و مخطوبة عندها علاقة مع مدير العمل أتاعها اللي هو متزوج و عندو عائلة ... و هنا راني نشوف بلي كاين خيانة المدير للزوجة تاعو و الطفلة للخطيب أتاعها.. و هذا يحصل في مكان العمل اللي أنا نخدم فيه...​

قولولي برك واش رايكم في هدي القصة ؟
واش هو الحل الي ممكن نعملو ؟​

تقبلوا مروري ....و أرجو منكم الرد السريع .....لا تبخلو بأرائكم وشكراا​

 

[ميسومة الدلوعة]

القصة صح فيها خيانة لكان راكي متاكدة من الخيانة هادي ديري مجهودك وانصحي الطفلة هادي وادا ما حبتش تسمع بالنصيحة انتي اوبليجي عليك تخبري خطيبها با يتوله واش يصرى وهو غافل عليه وادا ما راكيش متاكدة ما كالاه دخلي روحك ومبعد تحصلي هيا بسلامة اختي لعزيزة و تقبلي مروري

 

[** غزال الصحراء **]

السلام صحا عيدك و مرحبا بيك في اللمة ندخلو في السوجي

قوليلي العلاقة لي بيناتهم كي دايرة ؟ لاكان غير تاع عمل في بالي ما كانش مشكل .. مي لاكان

حاجة أخرى راهي تولي grave خاصة على لي مزوج هاذا .. و نتي ما عندك ما ديري يا

خي قالك لا تتدخل في ما لا يعنيك حتى لا تسمع ما لا يرضيك بإستثناء لاكانك مصاحبة هاذي

الطفلة تقدري تنصحيها نصيحة تاع صديقة لا أكثر ... ينقل لقسم الحوار و النقاش .
​

 

[لحظة أمل]

شكرا على الموضوع
وعلى القصة هادي راهي تصرا بزاف
وكون تقدري تنصحيها يكون خير والا تنبهي خطيبها
لأنه ابشع شي في الدنيا هي الخيانة ويعرف درك
خير مايفوق الوفوت والساكت عن الحق شيطان اخرس
​

 

[وليد الحضنة]

واش راه يصرى العجب العجاب في مجتمعنا وللاسف الشديد
وهنا شيئ اسمه عدم الاقتناع بالطرف الاخر سواء الجونفي مع خطيبها و الزوج وزوجته
وفقدان الثقة ببعض مما تولد عليه مثل هذه التصرفات المشينة حقيقة ولاتمت صلة لمعنى المخطوب بخطيبته او الزوج وزجته​

 

[NAZIHA DZ]

السلام عليكم
الموضوع شباب و واقعي يعطيك الصحة
هادي لازمها ترجع لعقلها ولازملها النصح ماهيش عارفة بلي راها تهدم عائلة والنتيجة راح تكون ضياع حياة الاطفال لي معندهم حتى ذنب وتاني حرام عليها تخون خطيبها لي اختارها انها تكون شريكة حياتو المستقبلية قولها حطي روحكفي بلاصة الزوجة تقبلي زوجك يخونك مع وحدة وادا مهداهاش ربي نقولها كيما راكي ديري يديرولك.
وشكرا تقبلي مني المرور

 

[Happy Girl]

Merci pour tout le monde oanzid ankhabarkom edawa wlat grave rabi li yahfedh o yaster ala jami3 elmomnin anchalah

​