الهدرة من وراء الميكرو ساهلة بزاف ** فريق أمل اللمة **

[زوالية و فحلة]

يعطيك الصحة

 

[** غزال الصحراء **]

بارك الله فيك غزال الصحراء موضوع في القمة وعندو معنى كبير
هايل صح حنا واش نقولو غير ربي يهدي ماخلق

و فيك بركة , اهيه هاذي غيبة أمال عاش من شافك

مرحبا بيك من جديد //

 

[** غزال الصحراء **]

يعطيك الصحة

الله يجازيك شكرا على المرور .

 

[** غزال الصحراء **]

ههههههههههه يوووووووووو مسكين عمو غزال سبوه فالسكايب ايووووووووووو:crying::crying:
و انت واش داك تحل السكايب ؟؟hmy: هاداك راهو دخاصة rapide و زيد وعلاه ف msn
tu acceptes الناس لي ما تعرفهمش ؟؟؟؟؟
انا الحمد لله واحد ما سبني بصح هادو الي راهم يسبو يا مصريين يا مصريين و احد من الزوج:laugh::w00t:
موضوع زينووووووون ​

ههههه , جاية تتشفي فيا , لا لا ماشي سبوني , راني نحكي بصفة عامة

هاذو هوما ناس اليوم جايين يشرو في لبلى ببلاش , سمحيلي عندي بزف حاب نقولهولك

على ردك هاذا مي الماتش راه يبدى و مبعد Peace .

 

[** غزال الصحراء **]

باركــ الله فيكــ

و فيك بركة شكرا جزيلا على المرور .

 

[** غزال الصحراء **]

الحكاية هادي هدرنا فيا البارح بعد ماصرات كارثة بعد غياب كل المشرفين ​

وي مي أنا كنت هنا ! و هاذو ناس بزوج عضويات 100/100 و الكلام لي طيحو تاع البارح

تاع واحد حاقد ماشي تاع عضو جديد ... و أصلا الموضوع مكتووب من زمان , و كتبتو على في وقت

واحد الحادثة تتشبه لهاذي لي صرات .

 

[معاك يا الخضراء]

ههههه , جاية تتشفي فيا , لا لا ماشي سبوني , راني نحكي بصفة عامة

هاذو هوما ناس اليوم جايين يشرو في لبلى ببلاش , سمحيلي عندي بزف حاب نقولهولك

على ردك هاذا مي الماتش راه يبدى و مبعد Peace .

ياخااااااااااااااااه على نتشفى فيك راك في عوض بابا :crying:ههههه:angel_not:
هيا الماتش او خلص و مبروك علينا واش حتقولي ؟؟؟؟​

 

[ايمان 02]

عندك الحق خوياااااااااا هشام الله يهدينا

 

[** غزال الصحراء **]

عندك الحق خوياااااااااا هشام الله يهدينا

امين //

شكرا على المرور إيمان منورة الموضوع

تحياتي .

 

[** غزال الصحراء **]

ياخااااااااااااااااه على نتشفى فيك راك في عوض بابا :crying:ههههه:angel_not:
هيا الماتش او خلص و مبروك علينا واش حتقولي ؟؟؟؟​

وي علابالي يا بنتي , مي التشفية لحقتنا حتى حنا في بلاد ميكي

مبروك علينا , نسيت وش كنت راح نقولك //

 

[معاك يا الخضراء]

وي علابالي يا بنتي , مي التشفية لحقتنا حتى حنا في بلاد ميكي

مبروك علينا , نسيت وش كنت راح نقولك //

عمو قداش فعمرك ؟؟؟؟؟
ضرك يقولي اي بدات الدخاصةhmy:
هههههه معليش
مقبولة منك :crying::crying:

 

[** غزال الصحراء **]

هاي بدات الدخاصة ههه ياخي ( قالك العربي تعطيه يدك يشدك من الذراع )

أنا عندي 18 و داخل في ال19 ^^ بنتي .

 

[معاك يا الخضراء]

هاي بدات الدخاصة ههه ياخي ( قالك العربي تعطيه يدك يشدك من الذراع )

أنا عندي 18 و داخل في ال19 ^^ بنتي .

هههههههه ياخي قتلك اي بدات الدخاصة قبل ما تقولي شفت كيفاه انا فايقة :angel_not:
ياو مالا نت لي تعود قولي طاطا ريمة متفاهمين:confused1:...هههههه
ايا ضرك نحبس الدخاصة:crying:​

 

[نسمات]

بارك الله فيك على الموضوع القيم
عندك الحق بزاف لي يحسب روحو راه يملك فضائية اباحية و تاع الشتم مشي ميكرو الواحد يثقف منو
الله يهديهم
سيرتو في سكيب المتطفلين بزاف وتنقصهم التربية
محيتو من البرنامج نهائيا


​

 

[** غزال الصحراء **]

هههههههه ياخي قتلك اي بدات الدخاصة قبل ما تقولي شفت كيفاه انا فايقة :angel_not:
ياو مالا نت لي تعود قولي طاطا ريمة متفاهمين:confused1:...هههههه
ايا ضرك نحبس الدخاصة:crying:​

طاطا ريمة , راهي قاتلك ماما أعطيها شوية زيت في الكاس هاذا :thumbdown:

كون جات الدنيا دنيا راني كنت ( بابا هشام ) مي الله غالب //

مرسي عليك و على دمك الخفيف .

 

[** غزال الصحراء **]

بارك الله فيك على الموضوع القيم
عندك الحق بزاف لي يحسب روحو راه يملك فضائية اباحية و تاع الشتم مشي ميكرو الواحد يثقف منو
الله يهديهم
سيرتو في سكيب المتطفلين بزاف وتنقصهم التربية
محيتو من البرنامج نهائيا


​

و الله هاذي هي exact , غير هنا هنا وين كثرت العادة هاذي

و الأكثرية تاعهم عارفين النت في 2009 , ماهمش مأمنين بلي يقدرو يسبو بلا ما يتقبضو !!

و ديما الناس اللي لاباس بيها تروح ضحية الجايحة تاعهم ..

و السكايب هاذاك و لا مقبرة ضعاف الشخصية

شكرا على المرور الكريم .

 

[معاك يا الخضراء]

طاطا ريمة , راهي قاتلك ماما أعطيها شوية زيت في الكاس هاذا :thumbdown:

كون جات الدنيا دنيا راني كنت ( بابا هشام ) مي الله غالب //

مرسي عليك و على دمك الخفيف .

راهم عادو يقولو قاتلك ماما اعطيني بيدون زيت الكاس او périmiههههههههه
وش من بابا وانت 18 سنة :angel_not: الله يوصلك و تعود بابا
​

 

[** غزال الصحراء **]

راهم عادو يقولو قاتلك ماما اعطيني بيدون زيت الكاس او périmiههههههههه
وش من بابا وانت 18 سنة :angel_not: الله يوصلك و تعود بابا
​

لا علابالي هوما من بكري يدومندو بالبيدون ماشي من اليوم , مي أنا ماما عاقلة هاذا ماكان :angel_not:

علاش جامي شفتني واحد عندو 18 سنة بولادو ؟

 

[HWK4ALGERIA]

السلام عليكم خوتي و حبابي , أنا ليوم جيت نحكي على وحد الحاجة مقلقتني بزاف و لا ​

نقولو فئة تاع ناس مقلقيني و هوما لي يدخلو لنت باش يربحو لعيب يعني واحد مكوناكتي ​

يشارشي على لبلى و أنا واحد تقست منها بزاف و سيرتو في الشات ( ام اس ان و​

سكايب مثلا ) و الله إنسان ياجوتيك ما يقولكش حتى السلام ديراكت يسبك و لا يديرلك​

حاجة و المشكل أنو ما صيرو بكل سهولة هو ( بلوك ) ما ربح والو مام الكلمة ما ​

نردهالوش و جامي درتها .... برك بغيت نفهم هاذا لي داخل يدير في العيب بوحد الحاجة​

تبع معايا و أقرى بعقلك و خدمها في راصك :​

1)- الإنسان لي تلقاه في حياتو اليومية يعني برا خارج النت قافز و واعر عندو هيبة​

تلقاه في النت : ​

** داخل يديفولي و يريح في راصو و لا كاش ما يشوف أخبار .​

** داخل يحوس على بحث و لا حاجة تاع قرايا ​

** داخل يتيليشارجي في الغناء ​

و كي يلحق لكاش واحد يشريلو في العيب ما يردلوش قاع خطراش علابالو بلي ما راح ​

يقدر يضرب لا يتضرب في النت يعني ( جياحة ) ​

​

2)- الإنسان لي تلقاه في حياتو اليومية جايح و مذليل حاقرينو.. و ما يحك ما يصك تلقاه ​

في النت :​

​

​

​

** الإنسان يروح للمنتديات باش يبين روحو واعر و يبدا بالسب و الشتم و خاصة في ​

منتدى كورة هاذاك تلقى فيه هاذو الأشكال ​

**يروح لشات يدابز يعني يكاموفلي في شخصيتو الضعفية و شي لي ما قدرش يديرو برا​

في الشارع

جاي يحقق فيه في ال virtuel و عارف روحو في النت ما يضرب ما

يتضرب ​

** يروح يدير الفتنة تاع نتا ماروكي و انا دزيري و يخلطها بين الناس و يبقى يبين ​

في روحو زعمة حار و ما يوليش للور ( يا ولدي واش راك الدير راك مريح في كرسي ​

في داركم !!!!! ) ​

و في لخر بغيت نخرج بنتيجة و هي ( لي مليح في حياتو راه مليح في النت و لي حاس ​

بنقص و الضعف راه لاعبها واعر و الواعر مربوط في غابة ) ​

من قلم خوكم هشام ايا تهلاو .​

ملاحظة : الموضوع تعبت فيه بزاف ما تنسوش التقييم .​

​

يعطيك الصحة.
​

 

[DARINE05]

ايه والله غير كل هدرتك صحيحة وكثرت مي للي يدير هكا غير لي الله غالب عليه عندو مرض نفسي


هدا الرد برعاية

كار عيشوش للساحة والسفر